శ్రీ హనుమాన్ చాలీసా*

 *బుధవారం 10 జూన్ 2026*

**🙏🌹*శ్రీ హనుమాన్ చాలీసా* 

*జ్ఞాన యజ్ఞం - 37వ రోజు **🙏🌹

మన **హనుమాన్ చాలీసా జ్ఞాన యజ్ఞం**లో భాగంగా ఈరోజు అనన్య భక్తిని బోధించే అత్యంత కీలకమైన **35వ చౌపాయి** విశేషాలను తెలుసుకుందాం. 

నిన్నటి చౌపాయిలో మరణానంతరం భక్తుడికి లభించే రామధామ నివాసం గురించి తెలుసుకున్నాం. 

ఈరోజు'ఏకనిష్ఠ భక్తి' గురించి తెలుసుకోబోతున్నాం.

 **35వ చౌపాయి**

 **ఔర దేవతా చిత్త న ధరయీ |**

 **హనుమత సేయి సర్వ సుఖ కరయీ ||**

**ప్రతిపదార్థం:**

* **ఔర దేవతా:** ఇతర దేవతలను (వేరే శక్తులను)

* **చిత్త న ధరయీ:** మనస్సులో ఉంచుకోకపోయినా (చింతించకపోయినా)

* **హనుమత సేయి:** హనుమంతుని మాత్రమే సేవించడం వల్ల

* **సర్వ సుఖ:** సమస్త సుఖాలను

* **కరయీ:** పొందుతారు (చేకూరుతాయి).

**విస్తృత ఆధ్యాత్మిక వివరణ:**

**1. ఏకనిష్ఠ భక్తి (The Power of Single-Minded Focus):**

ఈ చౌపాయి ఇతర దేవతలను తక్కువ చేసి చెప్పడం లేదు. కానీ, మనస్సు పది దిక్కులా చెదరనివ్వకుండా, ఒక్క హనుమంతునిపైనే పూర్తి విశ్వాసం ఉంచితే, ఆయనే సకల దేవతల శక్తిని మనకు ప్రసాదిస్తారని దీని భావం. 

హనుమంతుడు సకల దేవతా స్వరూపుడు, సర్వశక్తివంతుడు. ఒక్క హనుమ ను పూజిస్తే అందరూ దేవతలను పూజించిన ఫలితం వస్తుంది అని పరాశర సంహిత చెప్పింది.

ఒక దేవతను ఉపాసన చేసేటప్పుడు అది సిద్ధింపజేసుకునే ప్రయత్నం ముందు చేస్తూ దానిపైనే ప్రధానమైన దృష్టి ఉంచాలి. మిగిలిన దేవతలను నిందించరాదు. అవి ఆ దేవతా స్వరూపములే.

ఏకాగ్రంగా ఉపాస్య దేవతను పండించుకుని తరువాత ఇంకేదైనా సాధన చేసుకోవాలి. నుయ్యి తవ్వుదామని మొదలుపెట్టాక ఆ నుయ్యి సంపూర్ణంగా తవ్వి నీళ్ళను తీసుకోవాలి కానీ కొంత తవ్వి, అక్కడ నీళ్ళు రాలేదని మరొకచోట తవ్వి, అలా చేస్తే గోతులు వస్తాయి తప్ప నీరు రాదు. అందుకు ఏకాగ్రంగా నుయ్యి తవ్వాలి.

చాలా మంది ఇతర దేవతలను నిందించడమే పని పెట్టుకుంటారు. వారి దైవం గురించి అసలు ఏకాగ్రత ఉండదు, కనుక ఇతర దేవతా నింద అనే పాపం వస్తుంది. వారి దైవం అనుగ్రహం ఎప్పుడూ రాదు.

**2. సర్వ సుఖాల నిలయం (సర్వ సుఖ కరయీ):**

ఒకప్పుడు క్షేమ్ గోసాయీ అనే హనుమద్భక్తుడు కాశీలో ఉండేవారు. ఆయన దగ్గరకు ఒక సాధువు వచ్చి "నీకు గొప్ప సంపద వచ్చే మార్గం చూపిస్తానని బంగారు భైరవుని విగ్రహం ఇచ్చి దాని నుండి రోజుకో అవయవం త్రుంచి అమ్ముకో... డబ్బు వస్తుంది. మళ్ళీ ఈ విగ్రహానికి ఆ అవయవం మొలుస్తుంది. నీకు జీవితంలో లోటుఉండదు" అంటే వెంటనే క్షేమ్ గోసాయి "నాకు ఏది ఇచ్చినా హనుమంతుడే ఇస్తాడు, ఆయన ఏది ఇస్తే అదే చాలు. ఆయన ఏమీ ఇవ్వకపోయినా ఫరవాలేదు. ఆయన్నే సేవిస్తాను తప్ప ఇతరులు ఇచ్చేది తీసుకోను" అనగానే ఆ వచ్చిన సాధువు హనుమద్రూపంలో దర్శనమిచ్చి సర్వాన్ని ఇచ్చి క్రమంగా కైవల్యాన్ని కూడా ప్రసాదించాడు. ఇదే 'ఔర దేవతా చిత్తన ధరఈ హనుమత సేఇ సర్భ సుఖ కరఈ ' ఇలాంటి వృత్తాంతాలు ఎన్నో ఉన్నాయి.

 **తులసీదాసు గారి సందేశం:**

తులసీదాసు గారు ఈ చౌపాయి ద్వారా **"నమ్మకం"** మరియు **"స్థిరత్వం"** గురించి సందేశమిచ్చారు. భక్తి మార్గంలో మనసు అటూ ఇటూ ఊగిసలాడకూడదు. "హనుమంతుడు నాకు చాలు" అనే దృఢ నిశ్చయం ఎవరికి ఉంటుందో, వారి బాధ్యతను హనుమంతుడు పూర్తిగా స్వీకరిస్తాడు. ఆడంబరమైన పూజల కంటే, నిశ్చలమైన మనసుతో చేసే హనుమత్ సేవ శ్రేష్టమని ఈ చౌపాయి సారాంశం.

**జై శ్రీరామ్! జై హనుమాన్!**

రేపటి చౌపాయిలో హనుమంతుని స్మరించడం వల్ల సంకటాలన్నీ ఎలా నశిస్తాయో మరియు సర్వ కష్టాలు ఎలా తొలగిపోతాయో తెలుసుకుందాం.🙏🌹🙏

         *🌷సేకరణ🌷*

      🌹🌷🍁🍁🌷🌹

        *న్యాయపతి వేంకట*

       *లక్ష్మీ నరసింహా రావు*

🙏🍁🙏🍁🙏🍁🙏🍁🙏