21, నవంబర్ 2022, సోమవారం

అభిజిత్ లగ్నం అంటే

 అభిజిత్ లగ్నం అంటే…

                 ➖➖➖✍️

 

అభిజిత్ అనేది కాంతిలేని నక్షత్రం. పురాణాల్లో దీని వెనుక ఓ ఆసక్తికర కథ కూడా ఉంది.

 

అందరూ టక్కున చెప్పే సమాధానం ఇరవై ఏడు అని. కానీ అభిజిత్ అనే ఓ నక్షత్రం ఉందనీ, దానికి కొంత ప్రత్యేకత ఉందని ఎంతమందికి తెలుసు? 

ఆ విశేషాలేమిటో మనం తెలుసుకుందాం….

 

అభిజిత్ అంటే కనిపించని చుక్క అని మనం అనుకోవచ్చు. అంటే కాంతిలేనిదన్నమాట. నిజానికి నక్షత్రం అనేది కూడా ఒక్కటి కాదు…. అనేక నక్షత్రాల సమూహం. 

 

వీటిని 27 మండలాలుగా విభజించి వాటికి అశ్వని, భరణి అంటూ పేర్లు నిర్ణయించారు. ఇక అభిజిత్ విషయానికి వస్తే ఉత్తరాషాఢ నక్షత్రం చివరి పాదం, శ్రవణా నక్షత్రంలోని మొదటి పాదంలో 15వ వంతు భాగాన్ని అభిజిత్ నక్షత్రం అంటారు. ఈ నక్షత్రం వెనుక ఓ పురాణ కథ ఉంది అదేంటో మనం తెలుసుకుందాం….

 

మనకున్న 27 నక్షత్రాలనూ దక్షప్రజాపతి కుమార్తెలుగా చెబుతారు. దక్షుడు వీరిని చంద్రుడికి ఇచ్చి పెళ్లి చేశాడు. 

 

అందరికన్నా రోహిణి మీదే చంద్రుడికి ప్రేమ ఎక్కువ. ఆమెతోనే ఎక్కువ కాలం గడిపేవాడు. మిగతా నక్షత్రాలు ఊరుకున్నా శ్రవణం మాత్రం ఊరుకోలేదు. తనలాగే ఉండే తన ఛాయను తీసి తన స్థానంలో ఉంచి చంద్రుడి వ్యవహారం తేల్చడానికి తండ్రి దగ్గరకు వెళ్లింది. 

 

శ్రవణా నక్షత్రం వదిలిన ఛాయ పేరే అభిజిత్తు. అది 28వ నక్షత్రంగా ఏర్పడింది. 

 

ఆ తర్వాత కాలంలో దీనికి ఒక పవిత్రమైన స్థానం కూడా ఏర్పడింది. సర్వ దోషాలనూ పోగొట్టే శక్తి ఈ నక్షత్రానికి వచ్చింది. 

 

ప్రతి రోజూ ఈ నక్షత్రానికి సంధించిన సమయం ఉంటుంది. దాన్నే అభిజిత్ ముహూర్తం అంటారు. ఆ వివరాలు చూద్దాం….

 

ఈ పదం ఒకప్పుడు పల్లెటూళ్లకు కొత్త కాదు. కాలంమారింది కాబట్టి ఇప్పుడది అంతగా వినపడటం లేదు. అభిజిత్ లగ్నాన్ని పల్లెటూళ్లలో అలా పిలిచేవారు. గడ్డపలుగును భూమిలో పాతిపెట్టి దాని నీడ మాయమయ్యే సమయాన్ని గడ్డ పలుగు ముహూర్తం అనేవారు. అంటే మిట్టమధ్యాహ్నం అన్నమాట. 

 

ఈ ముహూర్తంలో సూర్యుడు దశమ స్థానంలో ఉంటాడని, ఈ ముహూర్తం చాలా దోషాలను పోగొడుతుందని నమ్మకం. నిజానికి ఇది చాలా బలమైన ముహూర్తం. 

 

ప్రస్తుతం రామాలయ నిర్మాణం కోసం అయోధ్యలో జరుగుతున్న భూమిపూజను ఈ అభిజిత్ లగ్నంలోనే చేశారంటే దీనికున్న ప్రాధాన్యం                          ఏ పాటిదో ప్రత్యేకంగా చెప్పాల్సిన పనిలేదు. దీన్ని విజయ ముహూర్తం అని కూడా అంటారు. 

 

ఈ ముహూర్తం మధ్యాహ్నం 11-45 నుండి 12-30 వరకు ఉంటుంది. 

ఈ ముహూర్తం లోనే శివుడు త్రిపురాసుర వధ చేశాడు. 

ఇదే ముహూర్తం లో దేవతలు సముద్ర మధనం ప్రారంభించారు. 

ఈ శుభ ముహూర్తం లోనే ఇంద్రుడు దేవ సింహాసనాన్ని అధిరోహించాడు. శ్రీరాముడి జననం, సీతారాముల కల్యాణం, భీష్మ పితామహుడు ధ్యాన స్థితుడై ప్రాణాలను విడిచిపెట్టిన సమయం… ఇవన్నీ ఈ ముహూర్తంలోనే జరిగాయి. 

 

ఈ ముహూర్తంలో పెళ్ళి జరిగింది కాబట్టి ఇలా కష్టాలు వచ్చాయని అనుకోవడం కూడా తప్పే. అసలు ఆ లగ్నంలో ఏ శుభకార్యం చేపట్టినా, ఇక మిగతా విషయాలు ఏవీ ఆలోచించాల్సిన అవసరమే లేదు.

ఇంకా ఈ ముహూర్తానికి సంబంధించి మరికొన్ని విశేషాలు ఉన్నాయి. ఈ ముహూర్త సమయంలో దక్షిణ దిక్కుకు ప్రయాణం మంచిది కాదని నారద సంహిత పేర్కొంటోంది. 

దక్షిణం యమస్థానం కాబట్టి బుధవారం మాత్రం ఆ దిక్కుకు వెళ్లరాదని నారద సంహిత పేర్కొంది. 

అలాగే ఉపనయనానికి కూడా ఈ లగ్నం పనికిరాదని పేర్కొంది. దీనికి కొన్ని మినహాయింపులు కూడా ఉన్నాయి. 

ఆ నక్షత్రాధిపతుల సమయంలో ఈ అభిజిత్ ముహూర్తం వస్తే మాత్రం దక్షిణ దిక్కుకు నిరభ్యంతరంగా ప్రయాణం చేయవచ్చు. సూర్యుడు చీకటిని ఎలా పారదోలతాడో అలా సర్వదోషాలనూ ఈ ముహూర్తం హరించి వేస్తుందని వశిష్ఠ సంహిత పేర్కొంది. ముహూర్త వల్లరి అనే గ్రంథం మాత్రం అభిజిత్ ముహూర్తం కేవలం ప్రయాణాలకే తప్ప ఇతర కార్యాలకు పనికిరాదని అంటోంది. ఈ లగ్నంలో వివాహం చేస్తే నష్టమని బ్రహ్మ శపించినట్లు నారద సంహిత పేర్కొంది. ఎన్ని భిన్నాభిప్రాయాలు ఉన్నా అభిజిత్ లగ్నం సర్వశ్రేయోదాయకమని అనేక గ్రంథాలు పేర్కొన్నాయి.✍️

.          సర్వం శ్రీకృష్ణార్పణమస్తు

                       🌷🙏🌷

 

   🙏లోకా సమస్తా సుఖినోభవన్తు!🙏

ఆధ్యాత్మిక చక్రవర్తి

 నాదస్వర చక్రవర్తి - ఆధ్యాత్మిక చక్రవర్తి


అది 1950 ప్రారంభంలో పరమాచార్య స్వామివారు తమిళనాడులోని తంజావూరు జిల్లాలో పర్యటిస్తున్న సమయం. మాయవరం ప్రజలు మహాస్వామివారి పట్టణ ప్రవేశ ఉత్సవాన్ని పెద్ద ఎత్తున తలపెట్టారు. అటువంటి సమయంలో స్వామివారు పల్లకిలో ఏనుగులు, గుర్రాలు మొదలగు పీఠ లాంఛనాలతో పురప్రవేశం చేసేవారు.


మహాస్వామి వారి పల్లకి ధర్మాపురం మఠం సమీపానికి వస్తుండగా, పండర సన్నిధి స్వామివారిని తగు మర్యాదలతో ఆహ్వానించి శ్రీవారివెంటే వస్తున్నారు. మహాస్వామివారి ఊరేగింపుగా మాయవరం పట్టణంలోకి ప్రవేశిస్తోంది.


అప్పుడు నాదస్వర సామ్రాట్టుగా ఖ్యాతి గడించిన శ్రీ టి.యన్. రాజరత్నం పిళ్ళై దగ్గర్లో ఎదో కచేరి ముగించుకుని తిరువడుత్తరైలో ఉన్న తమ స్వగృహానికి వెళ్తున్నారు. ఆయన కేవలం పేరులోనే కాదు నిజజీవితంలో కూడా రారాజు లాగానే బ్రతికేవారు. వారి లెటర్ ప్యాడ్ లో కూడా “ప్రపంచ నాదస్వర సామ్రాట్ తిరువడుత్తరై రాజారత్నం పిళ్ళై” అని రాసుకున్నారు. వారు తమ పేరుప్రతిష్టలకు తగ్గట్టుగా పెద్ద పడవలాంటి స్టూడ్ బేకర్ కారులో ప్రయాణించేవారు.


కలైక్కుడి హోటల్ దగ్గర్లో ఉన్న గడియార స్థంభం వద్ద నుండి వెళ్తుండగా అక్కడున్న జనసమూహాన్ని చూసి “ఏమిటి ఈ కోలాహలం?” అని అడిగారు. కంచి పరమాచార్య స్వామివారు మాయవరం వచ్చారని పక్క వీధిలో ఉత్సవం సాగుతోందని చెప్పారు. ఈ విషయం విన్న వెంటనే కారు పక్కన ఆపమని చెప్పి, క్రిందకు దిగి చొక్కా విప్పి, అంగవస్త్రాన్ని నడుముకు చుట్టుకుని గడియార స్థంభం వద్ద నుంచొని నాదస్వరం వాయించడం మొదలుపెట్టారు.


శంకర! ఏమి ఆ అద్భుత సన్నివేశం. అటుగా వెళ్తున్న స్వామివారు నాదస్వరం వినబడగానే, “టి.యన్.ఆర్ నాదస్వరం వాయిస్తున్నట్టు ఉన్నాడు. పదండి అటు వెళ్దాం” అని అటు బయలుదేరారు. పట్టణ ప్రవేశ ఉత్సవం గడియార స్థంభం వద్దకు బయలుదేరింది. టి.యన్.ఆర్ కోరుకున్నది కూడా ఇదే!


అక్క్కడ నిలబడి టి.యన్.ఆర్ ఎంతో ఉత్సాహంతో, పారవశ్యంతో దాదాపు గంటన్నర పాటు నాదస్వరం వాయించారు. అది వినడానికి మొత్తం మాయవరం అక్కడకు చేరింది. మహాస్వామి వారు కూడా ఆ నాదస్వర విన్యాసానికి ముగ్ధులై పరవశించిపోయారు. టి.యన్.ఆర్ ను ఆశీర్వదించి కమలా పండును ప్రసాదంగా ఇచ్చారు స్వామివారు.


టి.యన్.ఆర్ వెంటనే నేలపై పడి సాష్టాంగం చేసి లేచి నిలబడి, “నా జన్మకు ప్రయోజనం కలిగింది” అని అన్నారు.


--- vandeguruparamparaam.wordpress.com


అపార కరుణాసింధుం జ్ఞానదం శాంతరూపిణం

శ్రీ చంద్రశేఖర గురుం ప్రణమామి ముదావహం ।।


#KanchiParamacharyaVaibhavam #కంచిపరమాచార్యవైభవం

Indian Army AGNIPATH Recruitment 2022

 

*Indian Army AGNIPATH Recruitment 2022*


*  Vacancy      : 46,000 Posts

*  Job Role     : Agniveer

*  Qualify        : 8th, 10th, 12th

*  Age             : 17 to  23

*  Salary         : Rs.30,000 - 40,000/-

*  Location     : All Over India

*  Selection    : Physical, Medical

*  Apply Mode: Online


Apply : https://bit.ly/3Om2fKQ


This message is very useful for the job seeker. Kindly share this information with at least one group, Benefits of *AGNIPATH*


1st Year: Rs.21000 × 12 = Rs. 2,52,000

2nd Year: Rs.23100 × 12 = Rs. 2,77,200

3rd Year: Ra.25580 × 12 = Rs. 3,06,960

4th Year: Rs.28000 × 12 = Rs. 3,36,000

*4 Years Total = Rs.11,72,160*


Retirement Time after 4th Year: Rs.*11,71,000* 


Grand Total after 4th Year = Rs. *23,43,160*


Plus:

1. Excellent Army Training,

2. Food, Clothes, Boarding & Lodging @ Army Regimental Life for 4 years.

3. Disciplined Lifestyle and

4. Matured Mindset.


*Job Offers* after 4 Years from:👇


1. Tri-Forces (Army, Navy, Airforce)

2.. CRPF

3. Railway Protection Force

3. GRP

5. CISF

6. BSF

7. Customs & Central Excise

8. Forest Departments

9. ONGC

10. IOCL

11. HPCL

12. Indian Railways

13. State Police

14. Banks

15. Airports

16. Seaports

17. Traffic Police Depts

18. Toll Plazas

19. ATMs

20. NMDC

21. SAIL

22. All Central PSUs

23. All State PSUs.

24. Task Force

25. Corporates like TATAs, Wipros, Mahindras.

26. Private Security Agencies

27. Logistics Companies

28. Cargo Companies

29. Warehousing Cos.

30. Road Transport Corps (RTCs)

31. Private Transport Cos.

32. Airliners (Indigo, SpiceJet, Tata Vistara etc etc)

33. Community Policing.

*and Many MORE...*


And, youth get excellent training to face rioters/looters/anti-social elements.


So, Dear YOUTH, please urgently learn that AGNIPATH is very important in your life and a Great Gift. No doubt in it.


And, *10% Quota for Agniveers in Coast Guard, Defence, Civilian Posts, and in nearly 100 Defence PSUs & Defence R&D Units* viz....

1. Hindustan Aeronautics Ltd (All 38 Divisions/Units of HAL and HAL JV Companies)

2. Bharat Electronics Ltd (all 10 Units)

3. Bharat Dynamics Ltd

4. BEML Ltd.

5. Mishra Dhatu Nigam Limited (MIDHANI)

6. Mazagon Dock Shipbuilders Limited (MDL)

7. Garden Reach Shipbuilders and Engineers Ltd (GRSE)

8. Goa Shipyard Limited (GSL)

9. Hindustan Shipyard Ltd

10. Advanced Weapons & Equipment India Limited

11. Gliders India Ltd

12. Troop Comforts Ltd

13. Armoured Vehicles Nigam Limited (AVNL)

14. Munitions India Limited (MIL)

15. Yantra India Limited (YIL)

16. India Optel Limited (IOL)

17. Defence Research and Development Organisation (DRDO) Labs/Units

18. Advanced Centre for Energetic Materials (ACEM)

19. Advanced Numerical Research & Analysis Group (ANURAG)

20. Advanced Systems Laboratory (ASL)

21. Aerial Delivery Research & Development Establishment (ADRDE)

22.Aeronautical Development Establishment (ADE)

23. Armament Research & Development Establishment (ARDE)

24. Centre for Air Borne System (CABS)

25. Centre for Artificial Intelligence & Robotics (CAIR)

26. Centre for Advanced Systems (CAS)

27. Integration of Strategic Systems

28. Centre for Military Airworthiness & Certification (CEMILAC)

29. Centre for Personnel Talent Management (CEPTAM)

30. Centre for Fire, Explosive & Environment Safety (CFEES)

31. Centre for High Energy Systems and Sciences (CHESS)

32. Centre for Millimeter Wave Semiconductor Devices & Systems (CMSDS)

33. Combat Vehicles Research & Development Establishment (CVRDE)

34. Defence Avionics Research Establishment (DARE)

35. Defence Bio-engineering & Electromedical Laboratory (DEBEL)

36. Defence Electronics Applications Laboratory (DEAL)

37. Defence Scientific Information & Documentation Centre

38. Defence Food Research Laboratory (DFRL)

39. Defence Institute of Bio-Energy Research (DIBER)

40. DRDO Integration Centre (DIC)

41. Integration of Strategic System

42. Defence Institute of High Altitude Research (DIHAR)

43. High Altitude Agro-animal Research

44. Defence Institute of Physiology & Allied Science (DIPAS)

45. Defence Institute of Psychological Research (DIPR)

46. Defence Laboratory (DL)

47. Defence Electronics Research Laboratory (DLRL)

48. Defence Materials & Stores R&D Establishment (DMSRDE)

49. Defence Metallurgical Research Laboratory (DMRL)

50. Defence Research & Development Establishment (DRDE)

51. Defence Research & Development Laboratory (DRDL)

52. Defence Research Laboratory (DRL)

53. Defence Terrain Research Laboratory (DTRL)

54. Gas Turbine Research Establishment (GTRE)

55. High Energy Materials Research Laboratory (HEMRL)

56. Institute of Nuclear Medicine & Allied Sciences (INMAS)

57. Institute of Systems Studies & Analyses (ISSA)

58. Institute of Technology Management (ITM)

59. Instruments Research & Development Establishment (IRDE)

60. Integrated Test Range (ITR)

61. Joint Cypher Bureau (JCB)

62. Laser Science & Technology Centre (LASTEC)

63. Electronics & Radar Development Establishment (LRDE)

64. Military Institute of Training (MILIT)

65. Mobile Systems Complex (MSC)

66. Microwave Tube Research & Development Centre (MTRDC)

67. Naval Materials Research Laboratory (NMRL)

68. Naval Physical & Oceanographic Laboratory (NPOL)

69. Naval Science & Technological Laboratory (NSTL)

70. Proof and Experimental Establishment (PXE)

71. Recruitment and Assessment Center (RAC)

72. Research Centre Imarat (RCI), HYD

73. Research & Development Establishment (Engrs)

74. DRDO Research & Innovation Centre (RIC)

75. Scientific Analysis Group (SAG)

76. Snow and Avalanche Study Establishment (SASE)

77. Snow and Avalanche Complex

78. Solid State Physics Laboratory (SSPL)

79. Terminal Ballistics Research Laboratory (TBRL)

80. Vehicle Research & Development Establishment (VRDE)


*and many more...!*

◻◻◻◻◻◻◻◻◻◻◻◻◻

20, నవంబర్ 2022, ఆదివారం

స్వామితో సంభాషణ

 స్వామితో సంభాషణ


వైకుంఠ ఏకాదశికి కంచి వెళ్లాలని నేను సంకల్పించుకున్నది కంచి వరదుని సేవించు కోవడం కొరకే. కామకోటి శంకరాచార్య దర్శనం తలవని తలంపుగా తటస్థించింది. అయినా దాని ప్రభావం నామీద చెరగని ముద్ర వేసింది.


ఆ స్వామి పూజావిధానం, ఆ పూజలో ఆయన తన్మయత్వం, తన్మయతలో సైతం ప్రతి చిన్న విషయంపై ఆయన చూపిన శ్రద్ధా, మెలకువా, శ్రీ చంద్రమౌళీశ్వరుని పూలతో పూజించేటప్పుడు, హారతులిచ్చేటప్పుడు, వింజామరలు వీచేప్పుడు, శ్రీ త్రిపురసుందరీ, చంద్రమౌళిశ్వరులను ఊయలలో ఊపేటప్పుడు, చేత దండం పుచ్చుకుని స్వామి ప్రదక్షిణ చేసేప్పుడు, చివరకు, తన తలపై నుంచి కిందికి జారుతున్న కాషాయాన్ని సవరించుకునేప్పడు సైతం, కళాశోభితమైన ఆ సౌకుమార్యం, అతిలోక సౌందర్యం, నన్ను పూర్తిగా లోగొన్నవి. రోజులు గడిచిన కొద్దీ వారి ప్రభావం పదింతలూ, నూరింతలూ అయింది.


మరోసారి కంచికి ప్రయాణం కట్టి, ఆచార్య స్వామిని చూచి రావాలనిపించింది. దూర దూరంనుంచి గాక, దగ్గరకు వెళ్లి స్వామిని చూడాలని, స్వామితో మాట్లాడాలనీ, స్వామి మాటలు ఆలకించాలనే అభిలాష రేకెత్తింది.


ఈ స్వామి అందరు పీఠాధిపతులవంటి స్వామికారనీ, అపురూపమైన అసాధారణమైన ఒక వ్యక్తిత్వం ఏదో ఈయనలో ఉన్నదనీ, అంతకు ముందు నాకు ఏర్పడిన అభిప్రాయం వైకుంఠ ఏకాదశి నాడు ఆయనను సందర్శించిన తరువాత మరింత దృఢపడింది. మహాపురుష సంశ్రయం కోసం మనస్సు ఉవ్విళూరింది.


అయినప్పటికీ, ఆధ్యాత్మికంగా ఒక గురువును అన్వేషిద్దామనో, ఆయన వల్ల ఉపదేశం పొందుదామనో అభిలాష మాత్రం అప్పటికి నాకు లేదు.

చెన్నపురి ఆంధ్రమహాసభలో నాతోపాటు గౌరవ కార్యనిర్వాహకుడుగా ఉంటున్న ఒక న్యాయవాది మిత్రుని తోడు చేసుకుని, ఇద్దరం కలిసి, ఒక ఆదివారం మధ్యాహ్నం కంచి చేరాము. స్వామి వారింకా విష్ణుకంచిలో ఉన్న మఠంలోనే ఉన్నారు. మా అదృష్టమేమో, మేమక్కడికి చేరినవేళకు స్వామి వెంట, వారి శిష్యులు తప్ప ఇతరులెవరూ లేరు. మా ఇరువురి పేరూ ఒక చీటిమీద వ్రాసి, స్వామి దర్శనానికి వచ్చినట్టు శిష్యులతో చెప్పాము.


"ఇప్పుడే భిక్ష ముగించారు. విశ్రాంతి తీసుకుంటున్నారు. కాసేపటికి వెలుపలికి వస్తారు. కూచోండి" అని శిష్యులు చెప్పారు.


వారి మాటలు విని మేము కూర్చున్నామో లేదో, మరొక శిష్యుడు వచ్చి, "స్వామి ఇప్పడే వస్తున్నారు" అంటూ, వారు కూచోడానికి ఒక పీట వేశారు.


ఇంతలో చేత్తో దండం పుచ్చుకుని స్వామి రానే వచ్చారు. మేమిద్దరం స్వామికి సాష్టాంగం చేశాము, మా మా ప్రవర, గోత్రనామాలూ చెప్పకుంటూ. స్వామి మమ్మల్ని తమకు అభిముఖంగా కూచోమన్నారు. ప్రశాంతగంభీరంగా ఉంది స్వామి వదనం. ప్రసన్నతను కుమ్మరిస్తువి ఆయన నేత్రాలు. శరీరకాంతి చెప్పశక్యం కాదు. అప్పటికి స్వామి వయస్సు అరవై డెభ్చయి ఏళ్ల మధ్యలో ఉండవచ్చు. వయస్సుచే కాకున్నా, నిరంతర జపతపాల వల్లా, ఉపవాసవ్ర తాల మూలంగానేమో శరీరం శుష్కించి, కాస్తముడతలు పడినట్టు కనిపిస్తున్నది. లోక సేవాచరణంలో ఎవని శరీరం శుష్కించుతుందో వాడే నిజంగా ధన్యాత్ముడంటాడు స్వామి వివేకానందుడు.


శరీరం ఒకింత సడలినా దేహకాంతి మాత్రం దర్శనీయంగా ఉంది. లావణ్యమంటే అదే కాబోలు!


ముక్తాఫలేషు చాయాయా:

తరలత్వమివాంతరా

ప్రతిభాతి యదంగేషు

లావణ్యం తదిహోచ్యతే.


ముత్తెపు గోళాల్లో లోలోన చలిస్తూన్న కాంతివలె దేహంపై ప్రకాశించే కాంతి "లావణ్య” మట.


ఇక ఆ స్వామి నయన సౌందర్యం, అహో! అది వర్ణనాతీతం. నేనేమిటి, దేశదేశాల ప్రముఖులెందరెందరో దివ్య సౌందర్యం వెలిగక్కే ఆ నేత్రకమలాలకు నీరాజనాలర్పించారు.


లోకంలో సాధారణ సౌందర్య ప్రమాణాల ప్రకారం, అంగప్రత్యంగసౌష్ఠవం దృష్ట్యా, స్వామి సౌందర్యవంతుడు కాకపోవచ్చు. కాని, అనిర్వచనీయమైన అఖిలజనానందకరమైన ఏదో ఒక తేజస్పూ, ఒక వర్చస్సూ, ఆయనలో ఉన్నవి. అదేనేమో బ్రహ్మతేజస్పు!

"గురుకృపాలహరి" అనే సంస్కృత పద్య కావ్యంలో సుప్రసిద్ధకవులు శ్రీ కల్లూరి వెంకట సుబ్రహ్మణ్య దీక్షితులు స్వామి సౌందర్యం ఇలా వర్ణించారు.


రక్తాంతస్పృహణీయ దీర్షనయనం

స్వాకుంచిత భ్రూలతం!

హాసస్మేరముదార పాలఫలకం

స్ఫూర్జత్కపోలారుణం!

శ్రీ కర్ణం సునయనం సుచారు రదనం

పూర్ణేందు బింబాసనం

వందే శ్రీగురుమూర్తి మిందుమకుటం

శ్రీ కామపీఠాధిపమ్"


(కొనలయందు ఎర్రని జీరలతో సాంపునింపు చారడేసి కన్నులు, కొంచెం వాలిన కను బొమలు, చిరునవ్వదులకించే వెడల్పయిన లలాటం, లేత ఎరుపురంగు చెక్కిళ్లు, శ్రీకారము లవంటి చెవులు, చక్కని ముక్కు, ఇంపైన పలువరస, పన్నమి చందురునికి సాటివచ్చే నెమ్మోమూ కలిగిన కామకోటి పీఠాధిపతి శ్రీచంద్రశేఖర గురుమూర్తికి నమస్కారం)

ఇంటి పేరుతో సహా నాపేరూ, ప్రవరా విని, మందహాసం చేసూ,

"మీరైతే బ్రాహ్మణులా? మీ ఇంటిపేరులోనూ, మీ ఋషుల పేర్లలోనూ క్షత్రియులా!" అని స్వామి చమత్కరించారు. (మా ఇంటి పేరు "నీలంరాజు". మా గోత్ర ఋషులు, "హరిత, అంబరీష, యవనాస్య")

స్వామి విసరిన చలోక్తివల్ల మా కొత్తదనం కొంత సడలింది. స్వామికి మేము మరింత సన్నిహితులమైనాము.


నేను నా విద్యార్థి దశలోనే మహాత్మగాంధి ప్రారంభించిన సహాయ నిరాకరణోద్యమంలో ప్రవేశించి రాజకీయాల్లో పాల్గొన్నాననీ, టంగుటూరు ప్రకాశంగారు స్థాపించిన ఆంగ్ల "స్వరాజ్య" పత్రికలో, కాశీనాథుని నాగేశ్వరరావు నడిపిన 'ఆంధ్రపత్రికలో’ పనిచేశాననీ, రాజకీయాల్లో గాంధి అనుయాయుణ్ణి అనీ స్వామికి విన్నవించాను.


ఆ తరువాత స్వామి నాలుగున్నర గంటలు సావకాశంగా, తెరిపి లేకుండా వివిధ విషయాలను గురించి సంభాషించారు. మన సంస్కతి, మన చరిత్ర, ఆనాటి మన రాజకీయాలూ, మన దేశనాయకుల వైఖరులూ, మన సంఘసంస్కర్తల నడవడులూ, ఒకటేమిటి - ప్రసక్తాను ప్రసక్తంగా సమస్త విషయాలూ చర్చనీయాంశాలు అయినాయి.


దేశవిభజన విషయంలో గాంధి - జిన్నాల మధ్య జరిగిన వాదప్రతివాదాలను, ఉత్తర ప్రత్యుత్తరాలను పూర్వాపరాలతో పూసగుచ్చినటు విశ్లేషించి చెప్పారు. కాంగ్రెసు నాయకులు జిన్నాసాహెబ్ వ్యూహంలో చిక్కుకున్న పరిస్తితులు ఎలా కల్పించబడ్డాయో, తత్ఫలితంగా అఖండభారత స్వరూపం ఏవిధంగా అంతరించిందో సహేతుకంగా నిరూపణ చేశారు. (ఈ సందర్భంలో ఇటీవల వెలుగు చూసిన మౌలానా అబుల్ కలాం అజాద్ వ్రాతలు స్వామి అభిప్రాయాలను బలపరుస్తున్నాయి.)


నాలుగున్నర గంటలు స్వామి ముచ్చటైన తెలుగులో, నేటి మన ఉపన్యాసకుల ధోరణిలో గాక, మన పూర్వీకులు మాట్లాడుకునే సరళమైన వాడుకభాషలో మాట్లాడారు. కాకపోతే, అరవదేశంలో స్థిరపడ్డ తెలుగు ప్రజల యాసమాత్రం అక్కడక్కడా కాస్త తొంగిచూసింది. పండితుల పదాడంబరం మాటవరసకైనా కానరాలేదు. పదంకోసం వెతుక్కోవడం లేదు. తరంగం లేని సముద్రంలో పడవ నడిచినటు ప్రసంగం యావత్తు ఆశుకవిత్వంలా సాగింది. యావద్భారతజాతిని కలవరపరచిన ప్రధాన సమస్యలను గురించి అంత తర్కసహంగా, యుక్తియుక్తంగా అనుద్వేగంగా ప్రసంగించడం అందరికీ సాధ్యం కాదు. అంతసేపు నేనూ, నా మిత్రుడూ శ్రోతలంగా చెవులప్పగించి స్వామి ప్రసంగం విన్నాము. ఆ స్వామి మాట్లాడిన వైఖరి చూస్తే "శ్రీ చంద్రశేఖరేంద్ర సరస్వతి స్వామి తెలుగువాడే, ఆయన మాతృభాష తెలుగేనన్న అభిప్రాయం కలిగింది. కాదు, కన్నడమన్నమాట అటు తరువాతనే.


కాగా, గాంధి - జిన్నాల మధ్య జరిగిన వాద ప్రతివాదాలను, పూర్వాపరసందర్భాలను ఇంచుమించు తేదీల క్రమంగా స్వామి వివరించిన తీరు చూస్తే, ఆయన ధారణాశక్తి ఎంతటి వారికైనా దుర్లభమని తోచింది. అసాధారణమైన ఉపాసనాబలమేదో ఆ శక్తికి కారణమై ఉండాలి. లేదా, ఆ మేధాసంపద జన్మసిద్ధమైనా కావాలి. ఆ విషయం అలా ఉంచి, మరో ముఖ్యాంశం గమనించుదాం. నాటి దేశపరిస్థితులను స్వామి చర్చించిన తీరునుబట్టి, దేశ రాజకీయ సమస్యల పట్ల స్వామికి గల అవగాహన గానీ, రాజ్యాంగ పరిజ్ఞానం గానీ కలవారు, అగ్రశ్రేణికి చెందిన రాజకీయ నాయకులలో సైతం ఎందరో ఉండరు.


1894 సంవత్సరం మే నెల 20వ తేది, దక్షిణదేశంలోని విళుపురంలో శ్రీ సుబ్రహ్మణ్య శాస్తి, శ్రీమతి మహాలక్ష్మి పుణ్యదంపతులకు జన్మించిన "స్వామినాథన్ అనే బాలుడు తన 13 ఏట సన్యాసదీక్ష పుచ్చుకుని, చంద్రశేఖరేంద్ర సరస్వతి పేరుతో కామకోటిపీఠం అధిష్టించకుండా, అందరితోపాటు ఆంగ్ల విద్యనభ్యసించి రాజకీయ రంగంలో ప్రవేశించినట్లయితే, గాంధి, నెహ్రూల సరసన ఏ మహానాయకుడుగానో, ఏ ప్రముఖ రాజ్యాంగవేత్తగానో, ప్రపంచ ఖ్యాతికాంచేవాడని చెప్పడానికి జ్యోతిశాస్త్రవేత్త కానక్కరలేదు. మత విషయాలకు మాత్రమే పరిమితమైన పీఠాధిపతులుగా ఉంటూ, అహర్నిశలు జపహోమతపాదులతో, పూజాపునస్కారాలతో, శాస్త్రపురాణ చర్చలతో, అనుదినం తమ్ము సందర్శించే అశేషభక్తజనుల సమస్యల పరిష్కారంలో నిమగ్నులైన కాషాయధారులకు వర్తమాన రాజకీయాలను గురించి అంతటి సదవగాహనం ఎలా సాధ్యమన్నది ఊహించడానికే వీలుకాని విషయం. ఒక్క రాజకీయమా? చారిత్రకమా? శాస్త్ర విషయమా? ధర్మవిషయమా? ఇంతటి వివిధ విషయాభిజ్ఞత ఎంతటి ప్రజ్ఞావంతుడైనా ఒకేఒక వ్యక్తిలో నిక్షిప్తం కావడం ఎలా సంభవం? అసదృశం ! అపూర్వం !


అయినా, ఇలా ఆశ్చర్యం చెందవలసిన పనిలేదట. వేదానికి భాష్యం రాయడమేగాక, విజయనగర మహాసామ్రాజ్య స్థాపనకు కారణభూతులైన శ్రీ విద్యారణ్యులు ఇలా అంటారు:


తదిత్థం తత్వవిజ్ఞానే సాధనాను సమర్దనాత్

జ్ఞానినా చరితుం శక్యం సమ్యక్ రాజ్యాది లౌకికమ్|

“తపస్సు వల్ల తత్వజ్ఞానాన్ని బడసి పరిణతులైన మహాజ్ఞానులు, రాజ్యపాలనా సమర్థులు కూడా కాగలరు”


అపార కరుణాసింధుం జ్ఞానదం శాంతరూపిణం

శ్రీ చంద్రశేఖర గురుం ప్రణమామి ముదావహం ।।


--- నీలంరాజు వెంకటశేషయ్య గారి "నడిచే దేవుడు" పుస్తకం నుండి


అపార కరుణాసింధుం జ్ఞానదం శాంతరూపిణం

శ్రీ చంద్రశేఖర గురుం ప్రణమామి ముదాన్వహం ।।


#KanchiParamacharyaVaibhavam #కంచిపరమాచార్యవైభవం

అవగాహనా స్థాయిలు (UNDERSTANDING LEVELS) 

 

అవగాహనా స్థాయిలు (UNDERSTANDING LEVELS) 

ఈ భూమి మీద వున్న జంతుకోటిలో ఒక్క మానవుడు మాత్రమే బుద్ది జీవి.  అట్లా అని అందరు మానవులు అన్ని విషయాలను తెలుసుకునే స్థాయిలో (LEVEL) ఉంటారని మనం అనలేము. ఒక్కొక్కరికి ఒక్కొక్క అవగాహనా స్థాయి  ఉంటుంది.  పూర్వం కొంతమంది ఒక్కసారి ఒక పాఠం చెపితే వెంటనే దానిని తెలుసుకొని కంటతహా పట్టేవారట అంటే వారు ఒక్కసారి ఒక్కవిషయాన్ని వింటే వెంటనే ఆదివారికి నోటికే వచ్చేది అన్నమాట.  ఒకసారి మన తెలుగు దేశంలోని ఒక పండితుడు ఇప్పుడు ఆగ్రాగా పిలవబడే పట్టణానికి వెళ్లి అక్కడి యమునా నదిలో స్నానం చేస్తుండగా ఒక స్త్రీని కొంతమంది దుండగలులు తీసుకొని వచ్చి హత్య చేశారట అక్కడ మన పండితుడు తప్ప ఆ దేశంవారు ఎవరు అక్కడ  లేరు. మన పండితునివారికి అక్కడి భాష రాదు.  మరునాడు రాజుగారు ఆ కేసును విచారించటానికి రాజభటులను పంపగా వారు మన పండితుఁలవారిని సాక్షిగా తీసుకొని వచ్చారట.  రాజుగారు అడిగిన ప్రశ్నలకు పండితులవారు ఇలా చెప్పారట.  నాకు అక్కడి దుండగులు మాట్లాడే భాష తెలియదు, కానీ వారు ఏమి మాట్లాడుకున్నారో చెప్పగలను అని విన్నది విన్నట్లు  చెప్పారట. ఆ పండితుడు చెప్పిన మాటలతో ఆ నేరస్తుల వివరాలు పూర్తిగా తెలుసుకొన్నారు  రాజుగారు. అప్పుడు రాజుగారు ఆశ్చర్యపోయి మీకు బాష రాదుగా మరి ఎలాచెప్పారని అడిగారట.  దానికి మన పండితులవారు రాజా నేను అవధానాలు  చేస్తుంటాను. మాకు అవధానప్రక్రియలో ఏకసంతాగ్రాహ్యం ప్రధాన విషయం అని చెప్పగా మన పండితులవారి తెలివి తేటలకు ముగ్దులైన ఆ రాజుగారు ఆయనను విశేషంగా సన్మానించారట. మన అవధానుల మేధస్సు అంత గొప్పది. పూర్వకాలంలో వేదాలు నోటికే చెప్పేవారు.  బహుశా అప్పుడు భాషలకు లిపికి అంత ప్రాధాన్యత ఇచ్చేవారుకాదేమో. అందుకే " ముఖే ముఖే సరస్వతి" అని అన్నారు కాబోలు.

నిజానికి మనం రోజు అనేక విషయాలను వింటుంటాము, చూస్తుంటాము కానీ అవి అన్ని మనకు గుర్తుండవచ్చు లేక గుర్తుండకపోవచ్చు. మనజీవితంలో జరిగిన కొన్ని విషయాలు మనకు ఎల్లప్పుడూ జ్ఞ్యాపకం ఉంటాయి అవి సహజంగా మనం పొందిన అత్యంత ఆనందము, దుఃఖము, బాధలు.  ఎవరో నిన్ను అవమానించారనుకో అది నీకు సదా జ్ఞ్యాపకం ఉంటుంది.  అదే నిన్ను అవమానించిన వానితో నీకు జరిగిన ఇతరవిషయాలు మాత్రం జ్ఞ్యాపకం  ఉండకపోవచ్చు. "అది నేనెట్లా మరుస్తాను జీవితాంతం గుర్తుంచుకుంటా.  అని అనటం" మనం సర్వ సాధారణంగా చూస్తూవుంటాం.  అంటే మనం మనసుకు పూర్తిగా హత్తుకునే విషయాలు అవి మంచివి కావచ్చు లేక చెడ్డవికావచు వాటిని మాత్రమే గుర్తు  పెట్టుకోగలుగుతాము. ఇది నిజం. 

కొన్ని సందర్భాలలో మన ముందు జరిగిన విషయాలు కూడా తెలియనట్లుగా ఉంటాము.  నీవు ఇక్కడే ఉన్నావా అని నీ స్నేహితుడు అడిగితె ఇక్కడే గంటనుంచి బస్సుకోసం ఎదురుచూస్తున్నాను అని అన్నావు.  రామారావు ఇటుగా వెళ్ళటం చూసావా అంటే మాత్రం ఏమోరా నేను చూడలేదు అని బదులు ఇస్తావు.  ఎందుకు అంటే నీవు రామారావు నీ ముందరిగా వెళ్ళటం నీ కళ్ళు చూశాయి కానీ నీమనస్సు గుర్తించలేదు అదీ సంగతి. 

ఒక విషయాన్ని చూడటం, చూసినదానిని గమనించి అవగాహన చేసుకోవటం, చేసుకున్నదానిని గుర్తుంచుకోవటం మొదలైన అన్నివిషయాలు కూడా ఒక మనిషి మేధాశక్తి మీద ఆధార పడతాయి.  ఒక రకంగా చెప్పాలంటే ఒక్కొక్కళ్ళ మేధాశక్తి ఒక్కొక్క విధంగా ఉంటుంది, ఏదిఏమైనప్పటికీ తానుచేసిన విషయం మీద మనస్సు లగ్నం కానిఅప్పుడు ఆ విషయాన్ని అవగాహన చేసుకోవటం కుదరదు అంతేకాదు గుర్తుకూడా ఉండదు. భౌతికమైన విషయాలమీదనే ఇన్నిరకాల సమస్యలు ఉంటే ఇక ఆద్యద్మికమైన విషయాల మీద ఇంకా ఎంతో శ్రర్ధ కావలసి వస్తుంది. 

భౌతికమైన విషయాలు మనకు పంచేంద్రియాలతో ముడిపడినవి.  ఎందుకంటె భౌతికజ్ఞ్యానం మనకు ఇంద్రియాలతోటే కలుగుతుంది. ఇంద్రియాలకు అతీతమైనది ఆత్మ జ్ఞ్యానం లేక బ్రహ్మ జ్ఞ్యానం కాబట్టి ఆ జ్ఞ్యానం పొందాలంటే మనుషులకు అవగాహనా స్థాయి చాలా ఎక్కువగా ఉండాలి.  ఎందుకంటె బౌతికంగా పొందే జ్ఞ్యానం తనకన్నా బిన్నంగా వున్నా విషయాల జ్ఞ్యానం అదే బ్రహ్మ జ్ఞ్యానం అనేది తన గూర్చి తాను తెలుసుకునే జ్ఞ్యానం.  కాబట్టి బ్రహ్మ జ్ఞ్యాన పిపాసికి అనగా జిగ్న్యాశువుకి అవగాహనా సామర్ధ్యం చాలా ఎక్కువగా ఉండాలి. అణువణువున ఎన్నో సందేహాలు  వస్తూవుంటాయి. వాటిని సరైన పూజ్యగురువు సేవనం చేస్తూ నివృత్తి చేసుకుంటూ ముందుకు సాగాలి. ఆధ్యాత్మిక జీవనం చాలా కఠినంగా కష్టభరితంగా, దుర్లభంగా ఉంటుంది. ఎందుకంటె సాధకుడు తనకు తానూ మోక్షాన్ని పొందాలి అని యోచిస్తాడు  కాబట్టి. ఈ భూమిమీద మానవుడు సాధించవలసిన అతిబృహత్ కార్యం ఏదయినా వున్నది అంటే అది మోక్షం మాత్రమే.  ఒక మనిషి బౌతికంగా చేయగల కార్యాలు అన్నీ కూడా ఏదో ఒక హద్దు కలిగి ఉంటుంది.  కానీ మోక్షం అనేది అట్లా కాదు.  ఇంకొక విషయం బౌతికంగా సాధించేది ప్రతిదీ పూర్తిగా కానీ లేక ఒక స్టాయిమటుకు అయినా తనకన్నా ముందు ఎవరో ఒకరు చేసి వుంటారు, ఆలా చేసినది ఉపలబ్ధం అవుతుంది అంటే దానికి సంబందించిన సమాచారం, ఆధారము, సాక్షం ఉంటుంది.  కానీ మోక్షం ఏమిటో ఎలావుంటుందో అనేది ఒక్కొక్క సాధకుడు తన సాధనా పటిమతో సిద్దించుకునేది మాత్రమే మోక్షార్ధికి గతంలో మోక్షం పొందిన వాని జాడ కుడా తెలియదు.  తెలుసుకునేటందుకు అవకాశం కూడా ఉండదు.  ఒక్క మాటలో చెప్పాలంటే మోక్షం అనేది తనకుతానుగా తెలుసుకుని సిద్దించుకునేది . అంటే స్వయంగా తెలుసుకునేది మాత్రమే. 

ఓం తత్సత్  

ఓం శాంతి శాంతి శాంతిః

ఇట్లు

మీ భార్గవ శర్మ

 

 



మధుకైటభులు

 మధుకైటభులు


శ్రీహరి యోగనిద్రా ముద్రితుడై ఉండగా, ఒకనాడు అతని రెండు చెవుల నుండి ఇద్దరు రాక్షసులు జన్మించారు. వారే మధుకైటభులు. వారిద్దరూ కొన్ని వేల సంవత్సరాలు తపస్సు చేసి పరమేశ్వరిని ప్రసన్నం చేసుకున్నారు. తమకు మరణం లేని జీవితాన్ని వరంగా ఇమ్మని దేవిని ప్రార్థించారు. 'పుట్టినవానికి మరణం తప్పద'ని, 'కనుక ఆ వరం ఇవ్వడం అసాధ్యమ'ని జగన్మాత చెప్పింది. "అలా అయితే, మేము ఎపుడు మరణించాలని కోరుకుంటామో, అపుడే మాకు మరణం వచ్చేట్లుగా వరమిమ్మ'ని వారు 'అమ్మ'ను ప్రార్థించారు. అమ్మ 'తథాస్తు' అని దీవించి అంతర్థానం అయింది.



'స్వచ్ఛంద మరణం' అనే వరం పొంది యుక్తితో విజయం సాధించామని, తమకు మరణం కావాలని తామే కోరుకోవడం అసంభవం కనుక, తాము మృత్యువును జయించినట్లే అని విఱ్ఱవీగి, మధుకైటభులు విజృంభించ సాగారు. అన్ని లోకాలపై దండయాత్రలు చేస్తూ, వీరవిహారం ప్రారంభించారు. సజ్జనులను బాధిస్తూ, లోకకంటకులై ప్రవర్తించారు.


ఒకనాడు మదుకైటభులు బ్రహ్మపై దండెత్తారు. ప్రళయకాలంలో అంతా జలమయం కాగా, మహావిష్ణువు నాభికమలం నుండి ఆవిర్భవించిన బ్రహ్మను సమీపించి, వరగర్వంతో మధుకైటభులు "బ్రహ్మదేవా! చేతనైతే మాతో యుద్ధం చేయ్యి, లేకపోతే, నీ ఓటమిని అంగీకరించి, మాకు లొంగిపో, ఈ పద్మాన్ని విడచి పారిపో" అని హెచ్చరించారు.


వారితో పోరాడలేని బ్రహ్మ, పద్మనాళంలో దూరి, ఐదువేల సంవత్సరాలు ప్రయాణం చేసి, విష్ణువును చేరుకున్నాడు. యోగనిద్రలో ఉన్న శ్రీమహవిష్ణువును చూచి. నిద్రాదేవిని పరిపరి విధాల ప్రార్థించాడు. విష్ణువునకు మెలకువ వచ్చింది. కన్నులు తెరచిన విష్ణువు సంగతి తెలుసుకునే లోగానే మధుకైటభులు బ్రహ్మను వెంబడిస్తూ అక్కడికి వచ్చారు.


"మీరిద్దరూ మాతో యుద్ధం చేయండి!" అని బ్రహ్మ, విష్ణువులను వత్తిడి చేయసాగారు.


విష్ణువు మధుకైటభులతో యుద్ధానికి తలపడ్డాడు. ఆ ఇద్దరూ ఒకరి తరువాత ఒకరు ఆలసట తీర్చుకుంటూ వంతులు వారీగా యుద్ధం చేయ సాగారు. ఎన్నాళ్ళు యుద్ధం జరిగినా, విష్ణువు ఆ రాక్షసులను జయించలేక పోయాడు. పైగా తానే అలసిపోవడం గమనించి, వారు సామాన్యులు కారని, తనతో ఇంతకాలం యుద్ధం చేసి చావకుండా బ్రతికినవారు వరప్రభాల గర్వితులని గ్రహించాడు. జగన్మాతను ప్రార్థించాడు. "తల్లీ! సృష్టిస్థితి లయకారిణీ !నీమహిమను గుర్తించలేక, ఈ రాక్షసులను నేనే సంహరింప గలనుకున్నాను. నీఅనుగ్రహం వల్లనే అది సాధ్యమని ఇపుడు తెలుసుకున్నాను. వారిని వధించే ఉపాయం చెప్పి, నన్ను అనుగ్రహించు" అని చేతులు జోడించాడు.


జగన్మాత ప్రత్యక్షమై, "మహావిష్ణువు!ఈ రాక్షసులు నా వల్ల స్వచ్చంద మరణాన్ని వరంగా పొందారు, తమంతట తాము మరణిచాలని వారు కోరుకుంటేగాని, వారికి మరణంరాదు. కనుక,నీవు వారిని యుధ్దానికి ఆహ్వానించు.


"మీ పరాక్రమానికి మెచ్చాను. మీ కొక వరం ఇస్తాను. కోరుకోండి" అని వారిని అడుగు. ఆ తరువాత కథ నేను నడిపిస్తాను" అని అభయ మిచ్చింది.


జగన్మాత ఆదేశాన్ని శిరసా వహించి, శ్రీమహావిష్ణువు మధుకైటభులను


పిలిచి, 'వరం కోరుకో" మన్నాడు. 'వరగర్వంతో ఆ రాక్షసులు విష్ణువును హేళన చేశారు. "మాచేతిలో ఓటమిని పొందిన నువ్వు మాకు వరమిచ్చే దేమిటి?మేమే నీకోరిక వరాన్ని అనుగ్రహిస్తాం. కోరుకో" అని ప్రగల్భంగా పలికారు. " అలా అయితే, నాచేతిలో మీరిద్దరూ మరణించేట్లుగా వరమివ్వండి "ని విష్ణువు అడిగాడు.


అప్పుడు మధుకైటభులు తమ తొందరపాటుకు చింతించినా, 'సరే' అనక


తప్పలేదు. "అలాగే నీ చేతిలో మరిణిస్తాం. వరమిస్తున్నాం కాని, ఈ సముద్ర జలంపై యుద్ధం ఎలా సాగుతుంది? ఎక్కడైనా భూమిని చూపించు. భూమిపై యుద్ధంచేసి మమ్ములను సంహరించు' ' అన్నారు. ఈ వంకతో తప్పించు కుందామని వాళ్ళ దురాలోచన.


అపుడు విష్ణువు తన తొడను పెంచి, సముద్రజలంపై విస్తరింప చేసి, తన ఊరువునే భూమిగా చూపి, మధుకైటభులతో యుద్ధం చేసి వారిని సంహరించాడు.


మధుకైటభుల శరీరాలలోని మేదస్సు ఆ ప్రదేశమంతా వ్యాపించడం వల్ల "మేదిని" అని, విష్ణువు ఊరుభాగం చేత పరివ్యాప్తమైనందువల్ల "ఉర్వి" అని భూమికి పేర్లు వచ్చాయి. రాక్షసుల రక్తమాంసాదులతో నిండినందువల్ల భూమికి ఆనాటి నుండి "అభక్ష్య" అనే పేరు కూడా వచ్చింది.


జగన్మాత అనుగ్రహంతో స్వచ్ఛంద మరణం వరంగా పొంది కూడా, సత్ర్పవర్తన లేక, వరబల గర్వితులై దురాగతాలు చేసి లోకకంటకులైన మధుకైటభులు అహంకారముతో విఱ్ఱవీగి, తమ మరణాన్ని తామే కోరితెచ్చుకున్న వారయ్యారు.


శ్రీమహావిష్ణువు కూడ మొదట- తానే ఆరాక్షసులను సంహరించ గలనని భావించి, విఫలుడై , తరువాత పరాశక్తి ప్రభావాన్ని గుర్తించి, ఆమె అనుగ్రహంతో కృతార్థుడు కాగలిగాడు.


సర్వజగద్రక్షుకుడైన విష్ణువునకు కూడా అలసట కలగడం, ఆ ఇద్దరు రాక్షసులనూ వధించ లేకపోవడం జగన్మాత మాయా విలాసం తప్ప వేఱు కాదని వివరిస్తూ, సూతుడుశౌనకాది మునులకు ఈ వృత్తాంతాన్ని వినిపించాడు.


మధుకైటభులను సంహరించినది మహావిష్ణువే అయినా సంహరింప చేసినది దేవియే కనుక, ఆ జగన్మాతకు "మధుకైటభమర్దని" అనే పేరు వచ్చింది.

ఏకముఖి రుద్రాక్ష

 ఏకముఖి రుద్రాక్ష గురించి సంపూర్ణ వివరణ  - 1


      దీనినే శివరుద్రాక్ష అంటారు. దీనిని శివుని ప్రతిరూపంగా భావిస్తారు . ఇది అసలైనది దొరుకుట మహాదుర్లభం. ఈ ఏకముఖి రుద్రాక్ష వృక్షజాతి రత్నం.  ఈ ఏకముఖి రుద్రాక్షని సూర్యుని స్వరూపముగా భావిస్తారు . దీనిని ధరించటం వలన సూర్యగ్రహ అనుగ్రహం లభించును. ఈ రుద్రాక్ష మాల ధరించటం వలన ఆధ్యాత్మిక శక్తులు వశం అగును. అత్యంత అరుదుగా లభించే ఈ అద్భుత రుద్రాక్ష జీడిపప్పు ఆకారంలో (అర్ధ చంద్రాకారంలో ) లభించును.  మంత్ర , తంత్ర ప్రయోగాలు తిప్పికొట్టబడును. 


                ఏకముఖి రుద్రాక్ష ధారణ వలన పని మీద ఆసక్తి పెరుగును . మనస్సులో భక్తి పెరుగును . ఆర్థికాభివృద్ధి జరుగును. జీవితంలో ఉన్నతస్థితి కలుగును. ఈ మాలను ధరించు సమయమున రుద్రాక్ష మంత్రమును 11 సార్లు జపించవలెను . దీని ధారణ వలన బ్రహ్మహత్యా దోషం నివారణ అగును. ఇంద్రియ నిగ్రహం కలుగును.  టీబీ మరియు ఆస్తమా వంటి మొండివ్యాధులను తగ్గించును . తలనొప్పి , కంటి సమస్య , లివర్ సమస్యలకు కూడా అద్భుతంగా పనిచేయును .  ఈ రుద్రాక్షను పూజామందిరంలో ఉంచుకుని పూజించుచున్న సంపదలు తరలివచ్చును . సుఖసంతోషాలు కలుగును.


           రాజకీయ నాయకులు ఈ రుద్రాక్ష ధారణకు ఎక్కువ ఆసక్తి చూపుతారు. రాజకీయ నాయకులలో శ్రీమతి ఇందిరాగాంధీ , n .t .రామారావు గారి వద్ద మాత్రమే ఈ ఏకముఖి రుద్రాక్ష ఉండేది. కాని ఇందిరా గాంధీ మరణానికి కొన్ని రోజుల ముందే ఈ రుద్రాక్ష ఆమె దగ్గర నుంచి మాయం అయ్యింది . అది ఇప్పటివరకు ఏమైందో ఎవ్వరికి తెలియదు. 


                         ఏకముఖి రుద్రాక్ష పరమతత్వాన్ని బోధిస్తుంది. అలాంటి ఆలోచన ఉన్నవారు మాత్రమే దీనిని ధరించవలెను . దీని దర్శనం కూడా దుర్లభమే .శివరాత్రి పర్వదినమున ఈ రుద్రాక్షను పూజించిన సాక్షాత్తు శివుడ్ని పూజించిన ఫలితం వచ్చును.  


     ఈ ఏకముఖి రుద్రాక్షలో 4 రకాలు కలవు. ఒక్కోరకం ధరించటం వలన ఒక్కో రకమైన ఫలితాలు వస్తాయి. వాటి గురించి వివరిస్తాను.


 1 -  శ్వేత వర్ణ ఏకముఖి  -


           వ్యాధుల నుండి విముక్తి.


 2 -  రక్తవర్ణ ఏకముఖి  -


           బ్రహ్మహత్యా పాతకం నుండి దూరం చేయును .


 3 -  పీతవర్ణ ఏకముఖి  -


         భోగము మరియు మోక్షమును ప్రసాదించును.


 4 -  శ్యామవర్ణ ఏకముఖి  -


         ఆరోగ్య లాభము , సాత్విక ప్రసన్నత కలిగించును. 


          పైన చెప్పినవిధముగా ఒక్కో రంగు ఏకముఖి రుద్రాక్ష ధరించటం వలన ఒక్కొ రకమైన ఫలితాన్ని పొందవచ్చు.


        ఇప్పుడు మీకు అసలు మరియు నకిలీ రుద్రాక్షల మధ్య బేధం ఎలా కనుగొనాలో మీకు వివరిస్తాను. 


 *  రెండు రాగిరేకుల మధ్య రుద్రాక్షని ఉంచినట్లయితే అది తనచుట్టూ తానే సవ్యదిశలో తిరుగును. అపసవ్య దిశలో తిరిగిన అశుభ ఫలితాలు కలుగును. కావున సవ్య దిశలో తిరగవలెను.


 *  ఒక చిన్నగిన్నెలో మంచినీరు పోసి దానిలో రుద్రాక్షని వేసినట్లు అయితే నకిలీది మునగకు తేలుతుంది. అంతేగాక రంగు వెలిసిపోయినట్లు ఉన్నచో అది నకిలీదిగా గుర్తించవలెను .


 *  ఆవుపాలలో అసలైన రుద్రాక్షని వేసి ఉంచిన ఆ పాలు 48 గంటల నుండి 72 గంటల వరకు చెడిపోకుండా విరగకుండా ఉంటాయి.


 *  ఒక చిన్న గ్లాసులో రుద్రాక్ష మునిగేంత ఎత్తుటి వరకు చల్లని నీరు నింపి రుద్రాక్షని ఉంచి ఒక అరగంట తరువాత ఆ నీటి ఉష్ణోగ్రతని ధర్మామీటరుతో  కొలిచినట్లైతే కనీసం రెండు డిగ్రీల ఉష్ణోగ్రత పెరిగి ఉండును.


 *  రుద్రాక్షలలో అర్ధనారీశ్వర రుద్రాక్షలు ఉంటాయి. వాటిని నకిలీలుగా తయారుచేయుటకు రెండు రుద్రాక్షలను శిలపైన  అరగదీసి అతికిస్తారు. కావున జాగ్రత్తగా గీతను గమనించవలెను .


 *  రెండు పాత్రల మధ్య రుద్రాక్షని ఉంచినప్పుడు రుద్రాక్ష తిరుగును.


 *  పురుగులు తిన్నవి , పగిలినవి ధరించరాదు .


 *  రుద్రాక్షని బాగా వేడిగా ఉన్న నీటిలో వేస్తే  మునిగిపోతే అది నిజమైనదిగా భావించాలి . కొంతమంది ఇరుగుడు చెట్టు కొయ్యతో రుద్రాక్షలు తయారుచేస్తారు. కావున జాగ్రత్తగా ఉండవలెను .


 *  రుద్రాక్షని ఒక వారంపాటు నూనెలో ముంచి ఉంచాలి. అవి ఏరంగు రుద్రాక్ష అయిన దాని రంగు ప్రభావితం అగును. ఆ తరువాత కాగితం లేక దూదితో శుభ్రపరచి బావినీటితో కడిగించాలి. అతరువాత ధరించినచో రంగు ప్రభావితం కానిచో అవి అసలైన రుద్రాక్షలు .


 *  రుద్రాక్షలు ఎక్కువుగా కాశి , హరిద్వార్ లలో లభ్యం అగును. అసలైన రుద్రాక్ష నీటిలో మునుగును. ఒక నిజమైన రుద్రాక్షను ధరించినచో మంచి ఆరోగ్యం మరియు ఉన్నతస్థితిని ఇచ్చును. రుద్రాక్షలో ప్రకృతి సిద్ధముగానే రంధ్రం ఉండును. చిన్న రుద్రాక్షమాల గొప్ప ఫలితాన్ని ఇచ్చును.  


    

               తరవాతి పోస్టులో రుద్రాక్ష గురించి మరిన్ని విషయాలు మీకు తెలియచేస్తాను .


   

      మరింత విలువైన సమాచారం మరియు  సులభ ఔషధ చికిత్సల కొరకు నేను రచించిన గ్రంథాలు చదవగలరు . 


     

19, నవంబర్ 2022, శనివారం

రాముడు రాక్షసంహారం

 రాముడు రాక్షసంహారం కోసం జన్మించినా , ఆయన అంతటి భార్యా వియోగాన్ని అనుభవించడానికి కారణం ఏమిటి  ?

- లక్ష్మీరమణ 


యోగ వాసిష్ఠం లో రాముడికి కలిగిన సందేహాలకు వసిష్ఠ మహర్షి చేసే తత్వబోధ ఉంటుంది. అందులో విష్ణుమూర్తి మానవుడిగా ఎలా అవతరించారు ?  మోయలేని  భార్యా వియోగం ఎలా కలిగింది, అందుకు కారణమైన 4 శాపాల వివరణ  వున్నాయి. అయితే, వాటిల్లో  3 శాపాలు భార్యా వియోగానికి కారణమైనవి. వాటిని గురించి తెలుసుకుంటే, ఆ నీలమేఘశ్యాముని కరుణాద్ర హృదయం యెంత విశాలమో అర్థమవుతుంది . 



1. దేవదానవ సంగ్రామం హోరాహోరీగా జరుగుతోంది.  ఆ యుద్ధంలో  విష్ణుమూర్తి దేవతల పక్షాన పోరాడుతూ, రాక్షసులను తరుముతున్నారు . ఆ అసురులు  భృగు మహర్షి భార్యని శరణువేడారు. ఆమె వారిని తన ఇంట్లో దాచి ఉంచింది .  శ్రీహరి ఇంట్లోకి పోవడానికి వీల్లేదని అడ్డగించింది.  రాక్షసులంతా ఒకేచోట దొరికారు, ఇప్పుడు వీరిని వదిలేస్తే లోకాలకు చాల ఉపద్రవం తెస్తారు. లోకాలన్నిటికీ ముప్పు కలిగించేకంటే, ఋషిపత్నిని అడ్డుతొలగించి , ఆ పాప ఫలాన్ని అనుభవించడం న్యాయం అనుకున్నారు శ్రీమహావిష్ణువు . అంతే , భృగుపతిని సంహరించి, అదే ఉదుటన ఆ రాక్షసులందరినీ మత్తు పెట్టాడు . భృగు మహర్షికి కోపం ఎక్కువ . తన పత్నిని మట్టుపెట్టాడన్న క్షణిక కోపాన్ని జయించలేక , దుఃఖంతో ఒళ్ళు తెలియక "శ్రీహరి! నీకు కూడా నాలాగే భార్యా వియోగం కలుగుగాక!" అని శపించాడు. ఇదీ మొదటి శాపం . 



2. ఆ తర్వాత బృంద అనే గోలోక కన్య శ్రీహరి పొందు కావాలని వరం కోరింది. భర్త కావాలని కోరలేదు, అది విని రాధాదేవి ఆగ్రహించింది.  రాక్షసకన్యవి కమ్మని శపించింది. ఆ జన్మలో కూడా ఆమె పేరు బృంద నే .  ఆమె జాలంధురుడు అనే రాక్షసుడికి ఇల్లాలయ్యింది . మహాపతివ్రతగా ఉండేది. జాలంధురుడు మహా దుర్మార్గుడై లోకాలను పీడిస్తూ ఉండేవాడు. కానీ బృందయొక్క పాతివ్రత్య మహిమ వాడికి చావు లేకుండా చేసింది .  వాడి పీడని లోకానికి వదిలించాలంటే, ముందు బృంద పాతివ్రత్యాన్ని భంగం చేయాల్సిన అవసరం రక్షకుడైన శ్రీహరికి కలిగింది . 



పూర్వ జన్మలో ధర్మభంగకరంగా ఆమె శ్రీహరి పొందు కోరింది కనుక, ఆమె కోరిక తీర్చేందుకు ఇప్పుడు జాలంధరుడి రూపం ధరించి బృందాదేవిని మోహింపచేసాడు శ్రీహరి . ఆమె పాతివ్రత్య భంగం జరగగానే జాలంధురుడు యుద్ధంలో మరణించాడు. అప్పుడు విష్ణుమూర్తి చేసిన మోసాన్ని గ్రహించిన బృందాదేవి దుఃఖావేశానికి లోనయ్యింది . అది తాను పూర్వజన్మలో చేసిన పొరపాటని గుర్తించలేకపోయింది . తప్పంతా శ్రీహరిదే అని భావించి, "నాకు భర్త్రువియోగం కలిగినట్లే, నీకూ భార్యావియోగం కలుగుగాక!" అని శపించింది. ఇదీ రెండవ శాపం . 



3. పూర్వం పయోష్ణీ నదీ తీరాన దేవదత్తుడు అనే గృహస్తు నరసింహోపాసన చేస్తూ ఉండేవాడు. ఒకరోజు ఆయన తపస్సుకి సంతోషించి నృసింహ స్వామి మంచి ఆర్భాటంగా సాక్షాత్కరించాడు. సామాన్యంగా దేవతల సాక్షాత్కారాలు ఎవరు తపస్సు చేసారో వారికి మాత్రమే కనిపిస్తాయి. కానీ ఈ నృసింహ సాక్షాత్కారం దేవదత్తుడి భార్యకి కూడా కనిపించింది. అసలే సింహ స్వరూపుడేమొ , మహా అట్టహాసంగా దర్శనమిచ్చేసరికి ఆ సున్నిత మనస్కురాలు తట్టుకోలేకపోయింది . స్వామి  భయంకర ఆకారాన్ని చూసి గుండె ఆగి మరణించింది. దేవదత్తుడు నృసింహ సాక్షాత్కార మహానందంలో మునిగి, కొంతసేపటికి ఇహలోకంలో వచ్చాడు. వస్తూనే ఈ సాక్షాత్కారం వల్ల తన భార్య మరణించింది అని గ్రహించి దుఃఖావేశంలో పడిపోయి, వివేకం కోల్పోయాడు .  "విష్ణుదేవా! నీకు కూడా నాకుమల్లే భార్యావియోగం సంభవించుగాక!" అని శపించాడు. ఇది మూడవ శాపం . 



ఈ 3 శాపాలు శ్రీ మహావిష్ణువికి భార్యావియోగాన్ని కలిగించేవి. ఈ ముగ్గురి మీదా ప్రేమవల్ల, వారి శాపాలని మన్నించాడే  తప్ప తిరిగి ప్రతిశాపమియ్యలేదు . వారి కోసం మానవుడై జన్మించి 3 సార్లు భార్యావియోగాన్ని అనుభవించాడు. 

 

రావణుడు సీతాపహరణం చేసినప్పుడు ఒకసారి భార్యావియోగం .  తర్వాత లోకుల అపవాదు వల్ల సీత గర్భవతిగా ఉండగా రెండోసారి భార్యని కానలకు  పంపి స్వయంగా ఆమెకి దూరమయ్యారు .  మళ్ళీ లవకుశుల జననానంతరం అశ్వమేధ యజ్ఞ సందర్భంలో  కలిసాక, ఈసారి సీతాదేవి భూప్రవేశం చేయడంతో శ్రీరాముడికి మూడోసారి భార్యావియోగం. ఇలా తన భక్తులు ఇచ్చిన 3 శాపాలు చెల్లించాడు మహానుభావు డైన శ్రీ హరి. 🙏

మొక్కలు మహాశక్తివంతం

 ప్రియమితృలకు నమస్కారం , 


     ఆయుర్వేదం నందు మూలికలు ప్రధాన ఔషదాలుగా ఉపయోగపడుతున్నాయి . కొన్ని రకాల మొక్కలకు కొన్ని ప్రత్యేక సమయాలలో మొక్కలు మహాశక్తివంతం గా ఉంటాయి . వాటిగురించి కొన్ని ఆయుర్వేద గ్రంథాలలో మరియు తాంత్రిక గ్రంథాలలో విపులంగా వివరించారు . 


                మీకు ఇంకా అర్ధమయ్యేలా చెప్పాలంటే "తెల్ల జిల్లేడు " దీనిని శ్వేతార్కం 

అంటారు . ఈ శ్వేతార్కం యొక్క వయస్సు 12 సంవత్సరాలు దాటిన తరువాత దీనియొక్క ప్రధాన వేరు వినాయకుడిగా రూపాంతరం చెందుతుంది. మామూలు సమయంలో ఈ చెట్టుకు ఎటువంటి ప్రత్యేక శక్తి ఉండదు. కాని ఆదివారం పుష్యమీ నక్షత్రం లేదా గురువారం పుష్యమీ నక్షత్రం ఈ రెండు ముహూర్త సమయాల్లో మాత్రమే ఈ చెట్టు యొక్క ప్రధాన వేరు గ్రహించాలి. శాస్త్రబద్ధంగా గ్రహించిన వేరు వినాయకుడి రూపంలో ఉంటుంది. లేనిచో దానిని చెక్కించి ఒక శుభముహూర్తాన బ్రాహ్మణుడితో ప్రాణప్రతిష్ట గావించి ఎర్రటి వస్త్రంలో ఉంచి పూజగదిలో ప్రత్యేక స్థానం నందు ఉంచి ప్రతిదినం బెల్లం ముక్క నైవేద్యం సమర్పించి శ్రద్ధతో ఆ విఘ్నేశ్వరుని కొలిచిన సాక్షాత్తు లక్ష్మి అమ్మవారు ఇంటియందు కొలువై ఉంటారు . దుష్టశక్తులు రాలేవు.   ఇటువంటి అద్బుత లక్షణాలు కొన్ని ప్రత్యేక మొక్కలకు కలవు . 


              నల్లవావిలి అని మరొక ప్రధాన మైన మొక్క కలదు. ఇది మహాశక్తివంతం అయిన మొక్క ఈ మొక్క చీకటి నలుపు కూడుకుని ఉంటుంది. దీనిని రసవాదంలో వాడతారు. ఈ చెట్టు పైన మిన్నాగులు ఉంటాయి . మిన్నాగులు అనగా కేవలం ఒక జానెడు మాత్రమే ఉంటాయి. ఇది కేవలం కనుబొమ్మల మధ్యనే కాటువేస్తుంది. ఔషదం తీసుకునే సమయం కూడా ఉండదు. మరణం తప్పదు. ఇది ఎగరగలదు.  


                 నల్లపసుపు , ఎర్రచిత్రమూలం వంటి మొక్కలు కూడా మహాశక్తివంతాలే . ఎర్రచితమూలం అమావాస్య రోజు మహాశక్తివంతంగా ఉంటుంది. దీనిని మాంత్రిక విద్యలు , రసవాదం నందు ఉపయోగిస్తారు.   


          వరంగల్ , కరీంనగర్ , ఆంధ్రాలో కొన్ని ప్రాంతాలలో కొన్నిసార్లు భూగర్భాలలో కుండల్లో మూడు రకాల పౌడర్లు ఒకే దగ్గర కుండలలో నింపి ఉంటాయి . ఆ పౌడర్లు నల్లవావిలి , ఎర్రచిత్రమూలం , తెల్ల మోదుగ మొదలగు చెట్ల నుంచి తయారు చేసినవి . వీటిని దాచిన ప్రదేశానికి సమీపంలో ఎక్కడో ఒకచోట ఒక శాసనం మరియు ఒక చిన్న పిడత ఉంటుంది . ఆ పిడత లొపలికి గాలి పోకుండా అత్యంత పటిష్టంగా బంకమన్నుతో సీల్ చేయబడి ఉంటుంది . ఆ శాసనం ఎక్కువుగా రాగి లేదా ఇత్తడి ప్లేట్ అయ్యి ఉండి దానిపైన ఈ పౌడర్లను ఎంత మోతాదులో కలుపుకోవాలి అన్నది వివరంగా రాసి ఉంటుంది. ఆ పసరు ఈ పౌడర్లలో ఎలా ఉపయోగించాలో కూడా వివరంగా ఉంటుంది.  ఆ యొక్క పసరును "పరుసవేది " అంటారు.  


             కొన్ని గ్రంథాలలో ఉడుగ చెట్టు శక్తి  గురించి రాసి ఉన్నది. ఉడుగ చెట్టు నుంచి రాలిపడిన విత్తనాలు మరలా చెట్టు వైపు పయనించి కాండంలో విలీనం అవుతాయి అని కూడా ఉంది . వర్షం పడ్డప్పుడు నీటి ప్రవాహంలో కొట్టుకు పోయిన విత్తనాల ద్వారా మాత్రమే ఆ వృక్షజాతి అభివృద్ధి అగును. 


                     ఉడుగ చెట్టు విత్తనాల నుంచి తైలం తీయుట మహా దుర్లభం . కేవలం ఆయుర్వేద గ్రంథాలలో చెప్పబడిన పాతాళ యంత్రం ద్వారా మాత్రమే తీయవచ్చు. మరోక పద్దతి చెప్పారు కాని అంత స్వచ్ఛత లేదు .

ఈ అంకోలా తైలంతో అద్భుతాలు సృష్టించవచ్చు. ఈ తైలాన్ని మహేంద్రజాల విద్యల్లో ఎక్కువ వాడతారు.  ఉదాహరణకి ఈ అంకోలా తైలంలో 11 దినములు మామిడి విత్తనాలను నానబెట్టి 12 వ దినము నందు పుట్టమట్టిలో ఆ విత్తనాలు నాటి నీళ్లు చల్లిన అప్పటికప్పుడే ఆ మొక్క వృక్షంలా మారి చిగుర్లు , పండ్లు , పుష్పాలతో కూడి ఉండును అని తెలియచేశారు.  


             ఈ విధంగా అద్భుతశక్తులు కొన్ని మొక్కలకు మాత్రమే ఉండును.ఈ మొక్కలు సాధారణ మనుష్యులు తిరిగే ప్రదేశాలలో ఉండవు. నరసంచారం లేని దట్టంగా అడవుల్లోనే ఉంటాయి. నరుడు నడిచే చోట గడ్డికూడా పుట్టదు. 


         అదే విధముగా భూచక్రగడ్డ         అని ఒక మహామాన్వితమైన గడ్డజాతి కలదు . ఈ గడ్డ భూమియందు బండిచక్రం వెడల్పుతో ఉండును . ఇది ఎక్కువుగా ఈతచెట్ల కింద ఏర్పడును . చెట్టుపైన తీగ పాకి ఉండును . పైన ఉన్న తీగకు భూమియందు ఉన్న గడ్డకు ఎటువంటి సంబంధం ఉండదు. వాటిమధ్య ఒక బలమైన అయస్కాంత శక్తి ఉండును. దీనిని సర్వరోగ నివారణిగా పిలిచెదరు . ఆయుర్వేదంలో కాయచికిత్స అనగా శరీరపు వయస్సు పెరగకుండా నిలుచుటకు వాడెదరు . దీనిని తవ్వితీయుట కూడ అత్యంత జాగ్రత్తగా తీయవలెను . తీయునప్పుడు భూమి అదిరిన దొరకదు అని చెప్పెదరు. రహదారుల పైన భూచక్రగడ్డ పేరుతో అమ్మేవి నిజానికి అది కాదు . ఇది దొరుకుట అత్యంత అదృష్టము .ఈ గడ్డ గురించి ఆయుర్వేద గ్రంథాల కంటే పురాతన తాంత్రిక గ్రంథాల యందు వివరణ ఉన్నది .        


  మొక్కల యొక్క శక్తి ఎలా ఉంటుందో మీకో వీడియో చూపిస్తాను . తప్పకుండా చూడండి.



      మరింత విలువైన సులభ ఔషధ చికిత్సల కొరకు నేను రచించిన గ్రంథాలు చదవగలరు . 

తలపులోకి కూడా రానీయకు

 *భార్యా భర్తలమధ్య అభిప్రాయ బేధాలు, పోట్లాటలు పొరపొచ్చాలు ఎందుకు వస్తాయి ? వస్తే  పరిష్కార మార్గాలేమిటి?*

 

గొప్ప గొప్ప  రచయితలను అడిగి  వారి సంసారాలలో వచ్చే బేధాభిప్రాయాలను  ఎలా పరిష్కరించుకున్నారో తెలుసుకుందామనే 

ప్రయత్నం……


*ఇంద్రగంటి హనుమశ్ఛాస్త్రి* …..

మీ సంసారంలో భేదాభిప్రాయాలు వస్తే ఏంచేస్తారు? అన్నాను.

“నా అభిప్రాయం చస్తే చెప్పను.” అన్నాడు.


*ముళ్ళపూడి …*

“మీరూ మీ ఆవిడా మాటామాటా అనుకుంటారుట కదా? 

“నేను అనుకుంటాను.. ఆవిడ అంటుందండి!”



*కాటూరి………*

లేదు పోట్లాడుకోం, అన్నాడు. 

అంటే, మీరు చెప్పినట్లు ఆవిడ వింటుందా? అన్నాను. 

నేను చెప్పినట్లు ఆవిడ వింటుందని చెప్పానా? కోపంతో అరిచినంత పని చేశాడు.


*మునిమాణిక్యం....*

అమ్మో.. ఆమె అశ్రుధారాస్త్రాలను చూడలేను ఎన్ని తిట్లు తిన్నా.. నవ్వుతూ ఉండడమే. అన్నాడు.


*వేదుల....*

వున్నాయి కానీ నా బాధ ఎవరికీ చెప్పను.

కనుల  రానీయను  బాధను . “  అన్నాడు.


*మొక్కపాటి….*

నేను మద్రాసులో, ఆవిడ వైజాగ్ లో

ఫోనులో  దెబ్బలాడుకోవటం కుదరదు. పైగా డబ్బు ఖర్చు దండుగ కూడానూ, అన్నాడు.


*గిడుగు...* 

ఆవిడ అరిచి చచ్చినా నాకు వినపడదు.

నేను మాట్లాడటమే లేదు. మాట్లాడినా….సవర భాషలో మాట్లాడతాను, అన్నాడు.

( సవర " దక్షిణ  ముండా భాష .  మనదేశంలో 

మొట్టమొదట  ముండా భాషను శాస్త్రీయంగా 

పరిశీలించి ఇంగ్లీషులో సవరభాషా వ్యాకరణాన్ని, 

సవర-ఇంగ్లీషు కోశాన్ని నిర్మించాడు 

గిడుగు రామమూర్తి)


*వేలూరి …..*

వినపడనంత దూరంగా వెడతాను.”


*బుచ్చిబాబు…*

ఆవిడ విజ్ఞానఖని, విజ్ఞాన సర్వస్వం,

విజ్ఞాన భాండాగారం, అని తెలిసి నోరు మూసుకున్నా. ఎందుకంటే….ఎప్పుడు నేను నోరు విప్పబోతున్నా, ఆవిడ మీకేమీ   తెలియదు వూరుకోండి. మీకీ మాత్రం కూడా తెలియదేమిటండీ? అంటూ 

వుంటుందిలెండి.


*నారాయణబాబు……* "పెళ్ళికూతురిని చూడండి. చేసుకున్న 

తరువాత ఎలా వుంటుందో చూసి 

చెబుతాను" అన్నాడు.

(ఆయన ఆజన్మ బ్రహ్మచారిగా జీవితం గడిపాడు)


*పండితరాజు …….* 

కావ్యానికే కాదు ధ్వని, అసలు ధ్వనితత్వం మా ఆవిడకి  తెలిసినట్లు 

ఆనందవర్ధనుడికి కూడా తెలియదేమో అన్నాడు.


*మధునాపంతుల……*

ఎన్ని అభిప్రాయబేధాలొచ్చినా

“ఆలి కుడిచేతి వేలికొసలు రాజుకొనువేళ 

రసఝరి వుప్పొంగు" అన్నాడు. 


*దేవులపల్లి....*

"పోట్లాట భరించలేను ఏడుపొస్తుంది.”

అన్నాడు.


*గరికపాటి...*

భార్యాభర్తలు రోజూ మనసు విప్పి కనీసం అరగంట  అయినా మాట్లాడు కోవాలి. అర్ధ గంటదాటితే మాత్రం మాట్లాడటం ఆపెయ్యాలి. లేకపోతే అనవసర విషయాలు ప్రస్తావనకు వస్తాయి. అరగంట దాటితే  పని వుందని 

చెప్పి లేచి వెళ్ళిపోవాలి. కావాలంటే  మరల రెండోsitting వెయ్యాలి. వీలైనంత వరకు శ్రోతగా వుండటమే .

 

*అభ్యుదయ కవి…*

"అభ్యుదయ మార్గాన నడిచి చాల ముందు కొచ్చేశాను. ఇప్పుడు మా మధ్య దూరం బాగా ఎక్కువైంది" అన్నాడు.


*స్వామీజీ!...*

పోట్లాటలు ఎందుకు వస్తాయి, స్వామీ! తప్పించుకునే మార్గం ఏది? అని అడిగాను. 

“ఇది అనాది నుంచీ వస్తున్న సదాచారం నాయనా!! అనుకూలవతి అంటే ఏమీ

మాట్లాడకుండా వుండటం కాదు. 

తప్పించుకోవాలంటే నువ్వు రెండు మార్గాలు అనుసరించాలి…

1— విధేయత

2–సన్యాస స్వీకరణ.

*చివరగా ఓ మంచి ముక్క….“కొంపలో ఎప్పుడూ నీమాటే చెల్లాలని ఎట్టి  పరిస్థితుల్లోనూ అస్సలు అనుకోకు. తలపులోకి కూడా రానీయకు..."* 😁

🙏💐🙏శుభోదయం 🙏💐🙏