5, సెప్టెంబర్ 2024, గురువారం

శుభప్రదం భాద్రపదం*

 *సర్వ శుభప్రదం భాద్రపదం*


మానవ జీవితంలోని ఒడిదుడుకులను తొలగించి సకల శుభాలను అందించే మాసంగా భాద్రపదమాసం శాస్త్ర ప్రసిద్ధికెక్కిన కారణాలను తెలుసుకుందాం.


సకల విఘ్న నివారకుడు, గౌరీ పుత్రుడు, విఘ్నేశ్వరుడు, ప్రతికల్పంలోనూ భాద్రపద శుద్ధ చతుర్థినాడు ఆవిర్భవిస్తాడు. ఒక కల్పంలో విష్ణువే గణపతిగా పార్వతికి పుత్రుడై వచ్చినట్లుగా బ్రహ్మ వైవర్త పురాణంలో ఉంది. ఈ కల్పంలో అనగా శ్వేత వరాహకల్పంలో మాత్రం పార్వతీదేవీ శరీర నుండి ఆవిర్భవించాడు.


పార్వతీ దేవీ శరీరం దివ్య శరీరం. అయినా ఆ తల్లి కావాలని పాంచభౌతిక శరీరానికి కలిగే లక్షణాలను తన శరీరానికి కల్పించుకోవడంతో, ఆమె శరీరం నుండి మట్టి పుట్టింది. అందులో నుండి గణపతి పుట్టాడు. ఎందుకో గాని కొందరు వ్యాఖ్యాతలు దానికి నలుగు పిండి నుండి పుట్టినట్లు వ్యాఖ్యానాలు వ్రాసారు. కానీ కంచి పరమాచార్యులు మాత్రం శరీరపు చెమట నుండి పుట్టిన మట్టి నుండి గణపతి జన్మించినట్లు వివరించారు. నిజానికిక్కడ పిండి ప్రసక్తి లేనేలేదు. అలా


పుట్టిన పార్వతీ పుత్రుని శిరస్సును శివుడు ఖండించి, గజముఖం ప్రసాదించడంతో శ్రీ గణేశుడు గజముఖుడు అయ్యాడు. సర్వ విఘ్న నివారకుని జన్మకు కారణమైన భాద్రపదం భద్ర పదమే. గణేశుని పూజించి జనులు సకల శుభాలనూ పొందగలరని నారదపురాణంలోని 113వ అధ్యాయంలో ఉన్నది. శుక్ల చతుర్థినాడు 21 పత్రాలతో గణపతిని పూజించి, వినాయక ప్రతిమను దక్షిణతో గురువులకు దానం చేసిన వాడు ఐహికము, ఆముష్మికమూ రెండు పొందుతాడు, అని నారదపురాణంలో స్పష్టంగా వ్యాసుడు వివరించాడు.


భాద్రపద పూర్ణిమా తిథిన మొట్టమొదటిసారి ఉమామహేశ్వరులు అర్థనారీశ్వరులయ్యారు. అందువల్ల ఈ తిథిన మునులు ఉమామహేశ్వర వ్రతం, చేసారు. అర్ధనారీశ్వర ప్రతిమను భక్తితో, షోడశోపచారాలతో, పూజించాలి. బిల్వపత్రాలతో శివపార్వతులను పూజించిన పుణ్యాత్ములు, ఆదర్శ దంపతులై సకల సుఖాలతో జీవిస్తారు. ఇటువంటి వ్రతం మరోకటి లేదనీ, ఇంతటి వ్రతాన్ని మనకందించిన భాద్రపదమాసం వంటి మాసం లేదనీ అగస్త్యుడు అన్నాడు.


భాద్రపదం అనగానే అందరికీ స్ఫురించే విషయం. మహాలయం. పద్మకల్పంలో రుద్రుడు భాద్రపద బహుళ పాడ్యమి నుండి పదిహేను రోజుల పాటు లోకాలను తనలో లయం చేసుకున్నాడనీ, అందుకే ఆ కాలానికి అనగా భాద్రపద కృష్ణ ప్రతిపత్ తిథి నుండి భాద్రపద అమావాస్య వరకు ఉండే కాలాన్ని మహాలయ పక్షములు అంటారని వ్యాసుడు వివరించాడు. ఈ కాలంలో పితృ శ్రాద్ధాలు చేయాలి. ఈ శ్రాద్ధాల వల్ల పితృదేవతలు సంతృప్తులౌతారు. వంశాభివృద్ధి అవుతుంది మరియు అకాల మరణాలు ఉండవు. ముఖ్యంగా భరణీ నక్షత్రం నాడు పితృదేవతలకు శ్రాద్ధం పెడితే కుటుంబం సుఖశాంతులతో వర్ధిల్లుతుంది.


*🚩 డైలీ విష్ 🚩*

ఆధ్యాత్మికం ఆనందం

గురువారం*🌷 🌹 *సెప్టెంబర్, 05, 2024*🌹

 *卐ॐ ఓం శ్రీ 🌹 గురుభ్యోనమః ॐ卐*

       🌷 *గురువారం*🌷

🌹 *సెప్టెంబర్, 05, 2024*🌹

      *దృగ్గణిత పంచాంగం*                


*స్వస్తి శ్రీ క్రోధినామ సంవత్సరం* 

*దక్షిణాయణం - వర్షఋతౌః* 

*భాద్రపద మాసం -  శుక్లపక్షం*


*తిథి   : విదియ* మ 12.21 వరకు ఉపరి *తదియ*

*వారం : గురువారం* ( బృహస్పతివాసరే)


*నక్షత్రం  : ఉత్తర* ఉ 06.14 వరకు ఉపరి *హస్త*

*యోగం  : శుభ* రా 09.08 వరకు ఉపరి *శుక్ల*

*కరణం  : కౌలువ మ 12.21 తైతుల* రా 01.41 ఉపరి *గరజి*


*సాధారణ శుభ సమయాలు* 

*ఉ 06.30 - 08.30 & 11.00 - 12.00*

అమృత కాలం:*రా 02.37- 04.26 తె*

అభిజిత్ కాలం  : *ప 11.41 - 12.31*


*వర్జ్యం     : మ 03.45 - 05.34*

*దుర్ముహూర్తం  : ఉ 10.02 - 10.52 మ 02.59 - 03.49*

*రాహు కాలం : మ 01.39 - 03.11*

గుళికకాళం      : *ఉ 09.00 - 10.33*

యమగండం    : *ఉ 05.55 - 07.27*

సూర్యరాశి : *సింహం*

చంద్రరాశి : *కన్య*

సూర్యోదయం :*ఉ 05.55*

సూర్యాస్తమయం :*సా 06.17*

*ప్రయాణశూల   : దక్షిణ దిక్కుకు పనికిరాదు*


*వైదిక విషయాలు*

ప్రాతః కాలం   :  *ఉ 05.54 - 08.23*

సంగవ కాలం  :*08.23 - 10.52*

మధ్యాహ్న కాలం :*10.52 - 01.20*

అపరాహ్న కాలం:*మ 01.20 - 03.49*

*ఆబ్ధికం తిధి:భాద్రపద శుద్ధ తదియ*

సాయంకాలం :  *సా 03.49 - 06.17*

ప్రదోష కాలం  :  *సా 06.17 - 08.37*

రాత్రి కాలం    :  *రా 08.37 - 11.43*

నిశీధి కాలం    :*రా 11.43 - 12.29*

బ్రాహ్మీ ముహూర్తం :*తె 04.22 - 05.08*

________________________________

           🌷 *ప్రతినిత్యం*🌷

         *_గోమాతను 🐄 పూజించండి_* 

          *_గోమాతను 🐄 సంరక్షించండి_*


*శ్రీ దత్తాత్రేయ అజపాజప స్తోత్రం...!!*


నిత్యానందం బ్రహ్మముకుందం భగవంతం |


బ్రహ్మజ్ఞానం సత్యమనంతం భవ రూపం |


బ్రహ్మా పర్ణం నందమయం తం గురుమూర్తిం |


దత్తాత్రేయం శ్రీగురుమూర్తిం ప్రణతోఽస్మి ||


🌹 *ఓం శ్రీ దత్తాయ నమః*🌹

    

🌹🪷🌹🛕🌹🌷🪷🌷🌹

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><><>


          🌷 *సేకరణ*🌷

      🌹🌷🌹🌹🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🌷🌷🌹🌷

🌹🍃🌿🪷🪷🌿🍃🌹

ప్రపంచ పేపర్ బోయ్స్ దినోత్సవం

 *🙏జై శ్రీమన్నారాయణ 🙏* 04.09.2024,బుధవారం



*నగరం నిద్రపోతున్న వేళ... తొలి కోడి కూతకు ముందే అతడు మేల్కొంటాడు.* రవి కిరణాలు ప్రసరించక మునుపే.. ఎముకలు కొరికే చలిలోనూ *ప్రపంచాన్ని గుప్పిట పట్టి* ఆ సంగతులన్నింటినీ ఇంటింటికీ చేరవేస్తాడు. *తానెవరో కూడా కన్పించక... ఇలా వచ్చి, అలా వెళ్లిపోతాడు. పేరుకు మాత్రమే అతడు పేపర్ బాయ్...* కానీ, అతడో సామాజిక సారథి.. *వార్తా పత్రికలను పాఠకులకు చేర్చే నిత్య నూతన వారధి. అతనికి ఒక రోజు* 


*💐ఈరోజు ప్రపంచ పేపర్ బోయ్స్ దినోత్సవం💐*


మొట్టమొదటి పేపర్ బాయ్ అమెరికాకు చెందిన *బార్నీ ఫ్లాహెర్టీ.* ఆ రోజుల్లో పేపర్ వెయ్యాలంటే అక్కడి ప్రజలు నామోషీగా భావించేవారు. *బార్నీ మాత్రం డిగ్నిటీ ఆఫ్ లేబర్ అన్నట్టు తన పరిస్థితికి తగ్గట్టు తాను పేపర్ బాయ్‌గా చేస్తే తనకు ఖర్చులకు డబ్బులు వస్తాయని అనుకున్నాడు.* అనుకున్నదే తడవుగా పేపర్ బాయ్ గా చేరిపోయాడు. . *1833 నాటికి అతడి వయస్సు 10 సంవత్సరాలు. ఆయన అప్పట్లో న్యూయార్క్ సన్ పేపర్ వేసేవాడు.* తెల్లవారకముందే దిన పత్రిక ఇంటికి చేరవేస్తుండడంతో ఇతర పేపర్ల వినియోగదారులు సైతం బార్నీ వేసే న్యూయార్క్ సన్ పేపర్‌నే కోరుకున్నారు.


దీంతో అనతికాలంలోనే ఆ పత్రిక చందాదారులు రెట్టింపయ్యారు. బార్నీ అనంతరం మరికొందరు పేపర్ బాయ్‌గా చేరినా వారందరికీ అతడే ఆదర్శంగా నిలిచారు. బార్నీ సేవలు గుర్తించిన పత్రికా యాజమాన్యం అతడికి మరిన్ని బాధ్యతలు అప్పగించింది. *పేపర్ బాయ్‌గా చాలా మంది పాఠకుల హృదయాల్లో స్థానం సంపాదించిన బార్నీ పుట్టినరోజు (సెప్టెంబర్ 4)ను ఆయా పత్రికా సంఘాల నాయకులు పేపర్ బాయ్స్ డే గా ప్రకటించారు.* నాటి నుంచి *ప్రపంచంలోని అన్ని పత్రికల యాజమాన్యాలు బార్నీ పుట్టిన రోజున పేపర్ బాయ్స్‌డేగా ఫాలో అవుతున్నాయి.* ఇదిలా ఉండగా *అమెరికాలోని హ్యూస్టన్‌లో టెక్సాస్ ప్రెస్ అసోస్సియేషన్ 125 వార్సికోత్సవం సందర్భంగా బార్నీ గౌరవార్థం అతడి కాంస్య విగ్రహాన్ని 2005లో ఏర్పాటు చేసింది.*


*ఉదాహరణకు రామేశ్వరంలో పుట్టిన అబ్దుల్ కలాం పేపర్ బాయ్ నుండి జీవితాన్ని మొదలుపెట్టి భారత రాష్ట్రపతి వరకు ఎదిగారు.*


*అలాగే పేపర్ బాయ్ గా సంపాదన మొదలు పెట్టి ఇండియాన్ ఐడల్ 2017 రేవంత్ విజేతగా నిలిచాడు. ఇలాంటి వారిని చూసి మనం ఆదర్శంగా తీసుకోవాలి. మనం జీవితంలో ఏదన్నా సాధించాలి అంటే చాలా కష్టపడాలి. అప్పుడే మనం అనుకున్న లక్ష్యాలకు చేరగలం.*

దేవాలయాలు - పూజలు 31*

 *దేవాలయాలు - పూజలు 31*

🙏🙏(చివరి భాగము)🙏🙏


సభ్యులకు నమస్కారములు.


పూజాదులను మరియు దేవాలయాలను *యథాలాపంగా చూడకుండా భక్తి, శ్రద్ద,  నియమ, నిష్ఠ, నిబద్ధతతో  మరియు నిర్దేశింపబడిన ఆచారాలను పాటిస్తూ భగవత్ కృపకు పాత్రులు కావడం మానవాళి ప్రథమ కర్తవ్యం*  పూజలు మరియు ఇతర భగవత్ ఆరాధనా విషయాలను, కార్యక్రమాలను ఆషామాషీగా తీసుకోనరాదు. *శ్రీ మదఖిల చరా చరాత్మక వస్తువిస్తారానికి, ప్రాణి కోటికి మూల హేతువైన "ప్రరబ్రహ్మానికి" సృష్ఠి యావత్తు ఎల్లప్పుడూ ఋణపడియే ఉంటుంది*. పూజాదికాల ద్వారా భగవత్ అనుగ్రహం పొందడం విశ్వ కళ్యాణానికి ఒక మార్గం. 


భగవద్ అనుగ్రహం కొరకు హైందవ ధర్మం ఎన్నో మార్గాలు సూచించి  యున్నది. ధర్మ మార్గాలైన పూజలు పునస్కారాలలో  *దినవారి పూజలే గాకుండా అన్ని సందర్భాలకు, అన్ని వర్గాల (స్త్రీ, పురుష, బాల, బాలికలకు) తగిన కార్యక్రమాలు సూచించ బడినవి. ఇందులో కొన్ని మహిళలకు మాత్రమే, కొన్ని పురుషులకు మాత్రమే, మరికొన్ని చిన్న వయసుల వారికి, మరికొన్ని కుటుంబ సహితంగా ఆచరించ దగినవి*  మహిళా పూజల విభాగంలో కొన్ని  *నోములు, వ్రతములు లాంటి పూజలు తమ వ్యక్తి గత క్షేమము, సౌభాగ్య లబ్ధికి మాత్రమే పరిమితం గాకుండా ఆ ప్రభావము తమ సన్నిహితులు అనగా తమ కుటుంబంతో పాటు  సోదర సోదరీమణుల  సంక్షేమానికి గూడా ఉపకరిస్తాయి.*.*తిథి, వార, నక్షత్రాలను బట్టి గూడా వివిధ పూజలు నిర్దేశించ బడినవి* 

*నిత్యోత్సవ*....

*వారోత్సవ*.....

*పక్షోత్సవ*....

*పవిత్రోత్సవ*

*సంవత్సరోత్సవాః*...

భూయాసురితి భవంతో మహాంతో అనుగృహ్ణన్తు...

అని భగవంతుని మనం నిత్యం వేడుకునే 

 *శ్రీ నివాసగద్యం*

మనకందరికీ పరమ ప్రమాణం.


నిర్దేశించబడిన పూజలు కొన్ని దారిద్ర్య నాశనం,  కొన్ని *ఆధ్యాత్మిక ,ఆధిదైవిక*,

*ఆధి భౌతిక తాపత్రయ నివారణార్థంగా*  భగవత్ కార్యాలు రాబోయే ఆపద నివారణలు, మరికొన్ని గ్రహ దోషాలను హరిస్తాయి, మరి కొన్ని ప్రకృతి ప్రకోపాలను, వైపరీత్యాలను శాంతింప జేస్తాయి, ఇంకొన్ని మానవ మరియు విశ్వ కళ్యాణానికి తోడ్పడుతాయి. అవసరమైనప్పుడు పూజా క్రమం *అంగన్యాస కరన్యాస యుక్తంగా కూడా ఉంటుంది*. 


పూజలలో కొన్నిటిని ఉదాహరణగా  తెలుసుకుందాము:- *నోములు*

 కళ్యాణ గౌరీ, ధైర్య గౌరీ, బొమ్మల నోము, పదహారు కుడుముల నోము. *వ్రతాలు* కేదారేశ్వర వ్రతం, గౌరీ వ్రతం,

 శ్రీ సత్యనారాయణ స్వామి వ్రతం, అష్టాక్షరీ మహా వ్రతం. *అర్చనలు* కవచ మూర్తులకు సువర్ణ పుష్పార్చన, అమ్మ వార్లకు కుంకుమ అర్చనలు, *యజ్ఞాలు*  తులసి యజ్ఞాలు, స్వాధ్యాయ మహా పుష్కర ప్రయుక్త బ్రహ్మ యజ్ఞము, అధర్వ యజ్ఞము, గో జప మహా యజ్ఞం, 

శ్రీ మద్భాగవత సప్తాహ జ్ఞాన యజ్ఞము, జ్ఞాన గీతా యజ్ఞాలు. *యాగములు* మహా రుద్ర సహిత సహస్ర చండీ యాగము, శ్రీ మహా రుద్ర సహిత చండి, రాజ శ్యామల యాగము, శత చండీ యాగము, ఆయుత శత చండీ యాగము, తిరుమల పుష్ప యాగము. *హోమాలు* సుదర్శన హోమము, మహా మృత్యుంజయ హోమము, నవ గ్రహ నక్షత్ర హోమము, ఆండాళ్ అమ్మ వారికి ఉంజల్ సేవా హోమము. *కల్యాణాలు* శ్రీ సీతా రామ కళ్యాణం, పార్వతీ కళ్యాణం. *పారాయణాదులు* 

లలితా సహస్ర నామ పారాయణం, 

శ్రీ విష్ణు సహస్రనామ పారాయణ, 

శ్రీ భగవద్ గీతా పారాయణము, సుందరాకాండ పారాయణము, 

నిత్య పారాయణలు కూడా ఉంటాయి. *ఉత్సవాలు* శుక్రవారోత్సవాలు, బ్రహ్మోత్సవాలు, పార్వేట ఉత్సవం (తిరుమల), తెప్పోత్సవాలు. *మంత్ర జపాలు* శ్రీ గాయత్రీ, నారాయణ, శివ పంచాక్షరీ,

 శ్రీ రామ, శాంతి, దశ మహా విద్యలకు సంబంధించిన మంత్రాలు.ఇలా ఎన్నో.... ఎన్నెన్నో .... అన్నీ మానవ శ్రేయస్సును కోరేవే....*స్థలాభావము వలన ఇంకా వివరాలు అందజేయలేని పరిస్థితి*. 


భగవత్ సంబంధమైన *పూజలు* అను పదంతో బాటు *పునస్కారాలు* అను పదము కూడా విడదీయరానిది. పూజలు అంటే సర్వత్రా విదితమే. *పునస్కారము* అర్థము పరిశీలిస్తే  మానసిక నివేదన, తెలియజేయట అని చెప్పబడినది. పూజల అనంతరం భగవంతుడికి మన అంతరంగం నివేదించవలసి ఉంటుంది. అంతే గాని తీర్థ ప్రసాదాలు స్వీకరణ అనంతరం  అదాట్టుగా దేవాలయం  వెలుపలికి (పూజా స్థలం నుండి)  రాకూడదు. భక్తులకు ఇబ్బందులు,  కోరికలు ఇతరత్రా లేకున్నా సరే, *భగవంతునికి ప్రణామ పూర్వకంగా కృతజ్ఞతలు, ధన్యవాదములు చెప్పవలసిందే. మనస్సులోని భావమును భగవంతునికి నివేదించకుంటే ఆ పూజా అసంపూర్తిగా మిగిలిపోతుందనడంలో సందేహం లేదు*.


*చివరిగా* భౌతికమైన కొలతలకు, ఋజువులకు అందనిది అయినా దివ్యమైన ప్రశాంతతను ప్రసాదించేది భగవత్ అనుభవము మరియు భగవత్ తత్వము. భగవత్ తత్వమును ఆరాధించాలి, అనుసరించాలి, అనుభవించాలి. పూజలు వేరు తత్వము వేరు అన్న వాదన కూడదు.  పూజలు పునస్కారాలు,  అర్చనలు, అభిషేకాలు, హోమాలు, యజ్ఞాలకు దేవాలయలు,ఆశ్రమాలు, గృహాలు ముఖ్యం.  ఆధ్యాత్మికం జ్ఞానానికి సంబంధము. భక్తి  మార్గం ద్వారా జ్ఞానం, జ్ఞానం  ద్వారా తత్వం సుగమము. ఇన్ని ప్రయత్నాల తదుపరి భగవత్ తత్వ దర్శన మవుతుంది. *అస్తు*


ధన్యవాదములు.

*(స్వస్తి)*

🙏🙏🙏

దేవాలయాలు పూజలు 30*

 *దేవాలయాలు పూజలు 30*




దేవాలయపు సాయం సంధ్యా పూజలలో దిన వారి పూజాధికాలతో బాటు చివరి అంకంలో మంగళ నీరాజనం, మంత్ర పుష్పం, ఛత్రం, చామరం, నృత్యం, వాయిద్యం, సంగీతం, కీర్తనం, రాత్రి సేవలలో అనంత భోగ శయ్యాసనం మరియు పవళింపు సేవలతో ఆ దినపు పూజా కార్యక్రమాల ముగింపు ఉంటుంది. 


గత వ్యాసంలో మంగళ నీరాజనం మరియు మంత్ర పుష్పం వివరాలు తెలుసుకున్నాము.


ఇతర సేవలలో ఛత్రం:

 ఛత్రం అనగా ఆచ్చాదన = రక్షణ = పై కప్పు. ఇంకా సాధారణంగా చెప్పాలంటే *గొడుగు*. 

*చామరం* అంటే చల్లని గాలికై వీచునది = విసన కఱ్ఱ. పరమాత్మ సేద తీరుటకు విసన కఱ్ఱతో నెమ్మదిగా నిశ్శబ్దంగా గాలి అందించడం.


 ఇన్ని కార్యక్రమాలను అర్చక స్వాముల వారు *ఛత్రం ఆచ్చదాయామి, ఛామరం వీజయామి, నృత్యం దర్శయామి, గీతం శ్రావ్య యామి* అంటూ రాగ యుక్తంగా శుశ్రూషలు చేస్తూ స్వామి వారికి పవళింపు సేవతో ఆ రోజు దేవాలయ పూజలు సమాప్తం అంటే పరిపూర్ణం చేస్తారు. రాత్రి సేవలన్నీ దాదాపు ఏకాంత సేవలు, ఏకాంత ఆరాధనలో భాగాలు. 


అవుతే, మానవ మరియు విశ్వ కళ్యాణానికి హిందూ మత సంప్రదాయం దేవాలయ పూజలతో సరిపెట్టలేదు. మరిన్ని పూజలు, వ్రతాలు, హోమాలు, యజ్ఞ యాగాదుల సమాచారము గూడా తెలుసుకుందాము. అందులో కొన్ని. అర్చనలు, వ్రతాలు, ప్రదోష పూజలు, నవగ్రహ హవనాలు, మండప పూజలు, ఉత్సవ మూర్తులకు అభిషేకాలు, మూల మంత్ర జపాలు, సామూహిక సత్యనారాయణ వ్రతాలు, కోటి గాయత్రి మహా యాగాలు, పూర్ణాహుతి , ఆరణి మథన పూర్వక అధర్వణ వేద అగ్ని ప్రతిష్టలు, సర్వ సౌభాగ్య దేవి గీతా జ్ఞాన యజ్ఞాలు, సామూహిక హోమాలు, దేవ ఋషి ప్రోక్త మహిమాన్విత స్తోత్రములు, విశేష స్తుతులు, వివిధ దేవతా అష్టోత్తరములు, త్రిశతి మరియు సహస్ర నామ పారాయణలు, యజుర్వేద ఋగ్వేద నిత్య సంధ్యా వందనములు, స్వర చిహ్నిత వేద సూక్తములు, యజ్ఞాలు, క్రతువులు, హోమాలు పవిత్రోత్సవాలు బ్రహ్మోత్సవాలు ఇంకా ఎన్నెన్నో. ...


*గమనిక* పూజలు, వ్రతాలు, యజ్ఞాలు, హోమాలు ఇత్యాది భగవత్ సేవలు *మంత్రాది లోప భూయిష్టంగా* చేయబడితే పూజా ఫలాలు, హవిస్సులు అసురుల పాలవుతాయి. అందుకే పెద్దలన్నారు *తస్మాత్ శాస్త్ర ప్రమాణం, వేద ప్రమాణం*.


సాధారణంగా చూస్తూ ఉంటాము పంచేంద్రియాలు ఎడా పెడా మాలిన్యాలతో నింపేసుకోవడం అంటే అనరానివి అనడం, చూడరానివి చూడడం, చెయ్యరానివి చెయ్యడం, వినరానివి వినడం.ఇన్ని చేసి, చేస్తూ కాస్త సంధ్యావందనం, ఒక సారి దేవాలయం వెళ్ళడం ఆ తరవాత హమ్మయ్య అనుకుని ఏదో సిద్ధి పొందినట్లు భ్రమించడం. ఈ తరం ఎప్పుడు మేల్కొనేది. *మళ్ళీ ఆ పంచేంద్రియాలతోనే యధా శక్తి పాపాలను తొలగించు కోవాల్సి ఉంటుంది*. భగవత్ స్వరూపాన్ని వీక్షించండి, ప్రవచనాలను వినండి, చేతులారా భగవత్ కార్యాలు చేయండి, నోరారా భగవన్నామ కీర్తన చేయండి, నాలుగడుగులు వేసి దగ్గరలో ఉన్న దేవాలయానికి వెళ్ళండి. 


*ఇన్ని రకాల భగవత్ కార్యాలు చేసి పరిశుద్ధులము కాకపోతే, మానవులు చేసే దుష్కకర్మలకు ఒక్కొక్క ఇంద్రియాన్ని ప్రక్షాళన చేసేందుకు ఒక్కొక్క జన్మ ఎత్తవలసిందే*. 


ఏ మత సిద్ధంతమైనా, ఏ సంప్రదాయమైనా ఇదే చెబుతుంది.


ధన్యవాదములు.

*(సశేషం)*

6. " మహా దర్శనము

 6. " మహా దర్శనము " ---ఆరవ భాగము--అదీ దోహదమేనా ?


అదీ దోహదమేనా ? 


         ఆలంబినీ దేవి ఇప్పుడు , పగలూ రాత్రీ యనక , మడి , మైల అను ఆలోచనయే లేక మంత్ర జపము చేస్తున్నది . మంత్రపు ప్రభావమేమో , ఆమెకు దేనిని చూసిననూ ఒక తేజోరాశి వలె కాన్పించును . దానితో పాటూ ఇంకో విశేషమేమనిన , ఎవరో ఒకరు , ఎల్లపుడూ తనతో పాటే  ఉన్నట్టనిపిస్తుంది . అదెవరు అని తెలుసుకోవలెనన్న కుతూహలము ఆమెకు అప్పుడప్పుడు కలుగుతుంది . అయితే ఆ కుతూహలము ప్రయత్నముగా మారులోపే మాఘ మాసపు తేలికపాటి తెల్ల మేఘము వలె పుట్టగానే కరగిపోతుంది . ఆ భావనయే రాత్రి పూట పడుకొని యున్నపుడు ఒక చిన్న శిశువు ఒడిలో పడుకొని యున్నట్లు ఒక భావనను కలిగిస్తుంది . వెంటనే లేచి , శిశువు ఒడిలో లేనిది చూసి అటూనిటూ చూచుట సామాన్యమైపోయినది . అగ్ని పరిచర్య చేస్తూ మూఢములను ఇస్తున్నపుడైతే సందేహము లేకుండా ఎవరో అమ్మా అంటూ తన చెంగు పట్టుకొని తిరుగాడినట్లనిపిస్తుంది . పొద్దున్నే లేచి మడి కట్టుకొని వచ్చి చల్ల చిలుకుటకు కూర్చున్నపుడు " అమ్మా , ఆ తాజా వెన్న ఇక్కడ కొంచమియ్యమ్మా ’ అని ఎవరో అడిగినట్లు భ్రమ చెంది వెన్నముంతలో నుండీ ఇంత దేవుకొని ఇచ్చుటకు తిరిగి , ఎవరూ లేనిది చూసి ఇదంతా నా భ్రాంతి అనుకుంటుంది . మొత్తానికి ఆమెకు సర్వమూ భర్తీ అయినట్లు , సర్వమూ పూర్ణముగా నున్నట్లు , ఎక్కడ చూసినా అంతా సమృద్ధిగా నిండియున్నట్లు అనిపిస్తుంది . 


         ఇలాగే ఆశ్వయుజ మాసము గడచినది . కార్తీకము ప్రవేశించినది . కార్తీకముతోనే ఆలంబినీ దేవి  మాతృత్వపు దినములూ దగ్గరపడినాయి . ఇప్పుడు గర్భములో పిండము అటూ ఇటూ కదలుటయే కాదు , తాను ఒక్కోసారి మనసులో మంత్రాన్ని మరిస్తే , తేనుపు వచ్చినదానికన్నా స్పష్టమైన ధ్వనితో లోపలినుండీ పూర్ణమదః అని మంత్ర జపము చేసినట్లు వినిపిస్తుంది . వృద్దులై , పది పన్నెండుగురు సంతానమును కన్న వారిని ఇదేమిటి ? అని అడిగినది . వారు నవ్వుతూ , ’ తల్లీ , ఆలంబీ ! ఇదేమిటో విచిత్రమును చెప్పుతున్నావు . మేము పెద్దలు చెప్పగా విన్నాము , మహాపురుషులు గర్భమునకు వచ్చినపుడు ఇలాగవుతుందని . కానీ మాకు ఆ అనుభవము లేదు . నువ్వు చెప్పేది వింటుంటే  వెనకటి పెద్దల మాట గుర్తుకు వస్తున్నది . ఏమైనా కానీ , నువ్వు కోపము చేసుకోను అంటే చెబుతాను , నీ కడుపు చూస్తే నీకు కవల పిలలు పుడతారేమో అనిపిస్తున్నది . ఏదేమైనా , దేవుడి దయ వలన గింజ వేరే , పొట్టు వేరే అయ్యి , మీ తల్లీ బిడ్డలు సుఖముగా ఉండుటను చూస్తే అదే మా భాగ్యము .’  అంటారు . 


        ఆలంబినీ దేవి తల్లికి , " ఈ పెరిగిన కడుపు ఇంత పెద్దగా కనిపిస్తున్నదే ? ఇందులో ఇంత పెద్ద బిడ్డ ఉన్నదా ? ఆలంబిని ఆ బిడ్డను ప్రసవించుట ఎలాగో ? " అని ఒక చిన్న కలవరము . " అయితేనేమి ? ఆమె దినమూ శ్రద్ధగా సేవ చేస్తున్న యజ్ఞేశ్వరుడు ఆమె చేతిని విడువడు " అని తర్కాతీతమైన ఒక దృఢవిశ్వాసము .


        ఒక దినము దేవరాతుడు నడిమింట్లో ఏదో గ్రంధపరిశీలనలో యున్నాడు . హఠాత్తుగా కార్తీక శుద్ధ సప్తమి గుర్తుకు వచ్చినది . ఆ దినపు విశేషమేమి యని ఎంత ఆలోచించినా గుర్తుకు రాదు . చివరికి దీర్ఘ కాలము ఆలోచించిన పిమ్మట , యాజ్ఞవల్క్యుడు వెనుక చెప్పినది జ్ఞాపకమైనది . చివాలున లేచి భార్యను వెతుక్కుంటూ వెళ్ళినాడు . ఆమెను చూచి , " మర్నాడు సప్తమీ గురువారము , ఆ దినము నువ్వు తల్లివవుతావు " అన్నాడు . ఆమె సహజమైన సిగ్గుతో తల వంచుకున్నది . దేవరాతుడు లజ్జా సుందరియైన ఆ పత్నిని సంభావిస్తూ " ఆలంబీ , నువ్వు నాకొక వరమును ఇవ్వాలి " అని ప్రార్థించినాడు . 


        ఆమె నీరవముగా తలయెత్తి చూసి , ’ మీరు నన్ను ప్రార్థించుటయా ? ’ అన్న భక్తి భావముతో కూడిన కటాక్షమును అతని వైపుకు సారించి ,’ ఏమని ? ’ అని అడిగినది . 


        నాథుడు ఆడవారి కన్న ఎక్కువ సిగ్గు పడుతూ , " నువ్వు కన్న బిడ్డకు మేధా జననము కావలెను , అది కూడా గర్భ నాళ ఛేదనము కన్నా ముందుగనే చేయుటకు అవకాశము నివ్వవలెను . " అన్నాడు . 


        పడతి , " మీరు అడుగుట ఎంత బాగున్నది ? మంత్రసానిని ఎలా తప్పించి మీకు ఆ అవకాశము నిచ్చెదను ? సాధ్యమేనా ? మీరే చెప్పండి ? " అన్నది . ఆ మాటలో , తాను ఒప్పుకున్నా అది జరుగుట సాధ్యము కాదు అను నిర్ధారణ నిండి ఉండింది  . 


         ఆచార్యుడు భార్యను పిలుచుకొని పోయి నడిమింటికి వచ్చినాడు . అక్కడ తానొక వేత్రాసనము నందు కూర్చొని , పక్కనే ఇంకొక వేత్రాసనమును లాగి వేసి , భర్యను దానిపై బలవంతముగా కూర్చోబెట్టి ’ విను ’ అని చెప్పనారంభించినాడు . 


          " ఈ జగత్తు అగ్నిష్టోమాత్మకమైనది . దీనిలో నున్న ప్రాణులను ఖనిజములు  , ఉద్భిజ్జములు  , అండజములు , జరాయుజములు అని నాలుగు విధములుగా వర్గీకరించిననూ , వాస్తవమునకు అన్నీ జరాయుజములే ! అనగా , ఒంటి పొర సంచీ లో పెరిగేవే ! మిగిలిన మూడూ గర్భమును వదలి వచ్చిన తరువాత పెరిగేవి  , కానీ జరాయుజము మాత్రము గర్భములో పెరిగి బయటికి వచ్చును . తండ్రి బీజమును తల్లి తన గర్భములో ఉంచి , దానిని తన అంగము కన్నా ఎక్కువగా అభిమానించి తన రక్త మాంసములను దానికిచ్చి పోషించి , సర్వావయవ విశిష్టముగా తల్లిదండ్రుల వలెనే ఉండు ప్రాణిగా చేయును . నాళఛ్చేదనము వరకూ ఆ బిడ్డకు వ్యక్తిత్వము రాదు . అలాగ ఆ బిడ్డ , ప్రత్యేక వ్యక్తి యగుటకన్నా ముందే తండ్రియైన వాడు వచ్చి ఆ శిశువు కుడి భుజమును ముట్టుకొని  , విహితములైన మంత్రోచ్చారణ చేసినచో ఆ శిశువు మనస్సూ , బుద్ధీ తండ్రి మనో బుద్ధుల స్థాయికి వస్తాయి . అప్పటినుండి , పెరిగే ఆ శిశువుతో పాటే అవి కూడాపెరుగును . ఇటుల , దోహదము చేయగా , ’  పెరిగిన చెట్టు యొక్క  పెరుగుదల అనే ఫలమును పొందుట ’ వంటిదే ఇది కూడా ! కాబట్టి , నా వంశపు వృద్ధిని లక్ష్యముగా పెట్టుకొని , వంశ భూషణుడైన కొడుకును ఇచ్చు తల్లివైన నీ నుండీ ఈ వరమును కోరినాను . " 


" సరియే , కుడి భుజము అంటిరి కదా ! అదేమి ? " 


         " దేవతలు దేహము లోనికి ప్రవేశించునది కుడి భుజము నుండియే ! ఈ దేహము యజ్ఞ మహా యజ్ఞముల వలన బ్రాహ్మణమగును . అటుల జరిగినపుడు దేహములో ఎక్కడంటే అక్కడ దేవతలను చూడ వచ్చు . అలాగ దేహము దేవాయతనమగు వరకూ ఆవాహన చేయవలసిన ఆవశ్యకత ఉంటుంది . ఆ ఆవాహన కుడి భుజమును ముట్టుకొనియే చేయవలెను . అది యెటుల అను దానిని నీకు చూడవలెనన్న కుతూహలము ఉంటే , మనము అష్టకా శ్రాద్ధమును చేస్తాము కదా ! అప్పుడు గుర్తు చేయి . విశ్వేదేవతలు వచ్చి బ్రాహ్మణులలో ఉండుటనూ , కార్యాంతములో వదలి , లేచి వెళ్ళిపోవుటనూ చూపించెదను . " 


" ఈ కర్మను చేయకుండిన ఏమగును ? " 


          " మన బిడ్డ మన వంశపు విశిష్ట లక్షణములను పొందుటకు బదులుగా తన పూర్వ వాసనలకు అనుగుణముగా పెరిగి , తన వ్యక్తిత్వమును దృఢము చేసుకొనును . ఇప్పుడు నేను ఈ కర్మను చేయలేదనుకో , నీ కొడుకు మన వంశమునకు తగ్గట్టు కర్మఠుడై పెరుగుటకు బదులుగా ఇంకేమో కావచ్చును . మేము రాజభవనము నకు వెళ్ళుట తెలుసు కదా , అయితే అది రాజానుగ్రహమును యాచించుటకు కాదు , రాజును అనుగ్రహించుటకు . అప్పుడు ఇటుల కాకుండా , ఇంకెందుకో కావచ్చును . కాబట్టి అట్టి భిన్న ప్రకృతిని చూడవలసి వచ్చుట ఇష్టము లేకనే నిన్ను కోరినది . నువ్వు ఒప్పుకొనియే తీరవలెను . నీ కొడుకు తపోలోకము నుండీ వచ్చినవాడు . అదీకాక, నీచేత పగలూ రాత్రీ ’ పూర్ణ మదః ’  అను మంత్ర జపమును చేయిస్తూ పూర్ణ ధ్యానములో నున్నవాడు . వాడికి మేధా జననము కాకున్న , వాడి కర్మశ్రద్ధ  సడలిపోయి పుట్టునపుడే బ్రహ్మజ్ఞుడై పుట్టుట వలన అటులనే పెరిగి సన్యాసి కావచ్చును . అటుల కారాదు . కర్మఠుల వంశములో కర్మ లోపము కాకూడదని ఈ ప్రార్థన . " 


       ఆలంబిని ఎన్నడూ , ఏ రీతిలోనూ భర్త మాటకు ప్రతి మాట చెప్పి ఎరుగదు. ఇప్పుడు అతడు స్త్రీ సహజమైన లజ్జను త్యజించి వర్తించవలెను అని ప్రార్థన చేయుచున్నాడు . ఊ అంటే తన స్త్రీత్వము అపరాధము అంటుంది . ఊహూ అంటే పత్నీత్వమునకు ద్రోహమైనట్టవుతుంది . ఏమి చేయుట ? 


        ఆమె ఒక ఘడియ ఆలోచించినది . " భర్త చెప్పుతున్నది సరియైనదే . భర్త ఇంటి సాంప్రదాయము  కర్మకు పెట్టింది పేరు . పది మందే శిష్యులను ఇంటిలో ఉంచుకొని అధ్యాపనాదులను జరిపిస్తున్ననూ ఆచార్యుడు అను ప్రాశస్త్యానికి పాత్రమైనది . దేశ విదేశములలో ఆచార్య దేవరాతుని ఆధ్వర్యమంటే , బ్రహ్మ మొదలగు మిగిలిన ఋత్విజులందరూ ఒళ్ళంతా కళ్ళు చేసుకొని ఆర్తిజ్యమును వహించుటనూ , ఇక యాగము చేయించు యజమానులైతే , ’ ఆచార్యులు ఆధ్వర్యము వహిస్తే తమ ఇష్ట సిద్ధి ప్రాప్తించినట్లే ’  అని విశ్వాసముతో సంతోషించుటనూ తాను కళ్ళారా చూచినది . ఇప్పుడు అతడే ప్రార్థిస్తున్నపుడు కాదని ఎలాగ అనుట ? తనకు లజ్జతో ప్రాణమే పోయినట్లైననూ చింతలేదు . భర్త ఇంటి పేరు ప్రఖ్యాతులు కాపాడియే తీరవలెను . " అన్న దృఢ నిశ్చయమునకు వచ్చినది . " అలాగే కానివ్వండి  , కానీ మంత్రసాని ఉంటుంది కదా ? " 


       దేవరాతుడు అన్నాడు , " నువ్వు ఒప్పుకున్నావు , ఇక మంత్రసాని సంగతి వదిలేయి . ఈ దినము ఇంకా చతుర్థి . ఇంకా మూడు దినములుంది . అంతలోపల ఆమెకు కర్మ స్వరూపమును తెలియజెప్పి , జననమగునపుడు నువ్వొక ఘడియ బయటికి రావలెను అని చెప్పి ఉంచుదాము . "


       ఆలంబినికి అది అంత సులభ సాధ్యముగా అగుపించలేదు . కానీ దానికోసము తానెందుకు వెనుకాడాలి ? ఏదైనా సరే , అది వారికే కట్టబెడితే సరి , అని ’ ఆ పనేదో మీరే చేసుకోవలెను , నావల్ల సాధ్యము కాదు ’ అన్నది . 


        భార్యతో అన్నాడు , " చూడు ,మరచే పోయాను ,  మీ అమ్మగారు తొలిచూలు కానుపు అని అప్పుడే వచ్చియున్నారు . వారికి కర్మ స్వరూపమును , దాని ఫలమునూ తెలియజేయి , మిగతాది ఆమెయే చూచుకొనగలరు  " 


ఆలంబినికి ఈ మాట నచ్చింది. " సరే , అటులే " అన్నది . మొగుడూ పెళ్ళాలిద్దరికీ మోస్తున్న భారమేదో దింపినట్టైంది . 


         ఆలంబినికి ఏదో జ్ఞాపకము వచ్చి , వెళుతున్నది తిరిగి నిలచి , భర్తనడిగింది , " జననమైన తరువాత ’ భద్రం కర్ణేభిః " అనే మంత్రమును ఉపదేశము చేస్తాను అంటిరి కదా , దానివలన ఈ కార్యము జరగదా ? " 


       దేవరాతుడు భార్యకు గుర్తుందన్న తృప్తితో నవ్వుతూ , " నేను చెప్పిన కర్మ , బీజమంత్రము వంటిది . జపాదులు దానికి ఎరువు వంటివి మాత్రమే . " అన్నాడు . 


సరేనంటూ ఆలంబిని వెళ్ళిపోయింది .

దధి వామన స్తోత్రం



దధి వామన స్తోత్రం 


హేమాద్రి శిఖరాకారం శుద్ధ స్ఫటిక సన్నిభం

పూర్ణ చంద్రనిభం దేవం ద్విభుజం స్మరేత్ || 1 ||


పద్మాసనస్థం దేవేశం చంద్ర మండల మధ్యగం

జ్వలత్ కాలానల ప్రఖ్యం తటిత్కోటి సమ ప్రభమ్ || 2 ||


సూర్య కోటి ప్రతీకాశం చంద్ర కోటి సుశీతలం

చంద్ర మండల మధ్యస్థం విష్ణుమవ్యయ మచ్యుతమ్ || 3 ||


శ్రీవత్స కౌస్తుభోరస్కం దివ్య రత్న విభూషితం

పీతాంబర ముదారాంగం వనమాలా విభూషితమ్ || 4 ||


సుందరం పుండరీకాక్షం కిరీటేన విరాజితం

షోడశ స్త్రీ పరీవృతం అప్సరో గణ సేవితమ్ || 5 ||


సనకాది మునిగణైః స్తూయమానం సమన్తతః

ఋక్యజుస్సామాధర్వైర్గీయమానం జనార్దనమ్ || 6 ||


చతుర్ముఖాద్యైః దేవేశైః స్తోత్రారాధన తత్పరైః

త్ర్యంబకో మహాదేవో నృత్యతే యస్య సన్నిధౌ || 7 ||


దధి మిశ్రాన్న కబలం రుక్మపాత్రం చ దక్షిణే

కరే తు చింతయేద్వామే పీయూషమమలం సుధీః || 8 ||


సాధకానాం ప్రయచ్ఛంతం అన్న పాన మనుత్తమం

బ్రాహ్మీ ముహూర్తేచోత్థాయ ధ్యాయేద్దేవ మధోక్షజమ్ || 9 ||


అతి సువిమల గాత్రం రుక్మ పాత్రస్థమన్నం

సులలిత దధి ఖండం పాణినా దక్షిణేన

కలశ మమృత పూర్ణం వామ హస్తే దధానం

తరతి సకల దుఃఖాద్వామనం భావయేద్యః || 10 ||


క్షీర మన్న మన్నదాతా లభేదన్నాద యేవ చ

పురస్తా దన్న మాప్నోతి పునరావృతి వర్జితమ్

ఆయురారోగ్య మైశ్వర్యం లభతే చాన్న సంపదః || 11 ||


ఇదం స్తోత్రం పటేద్యస్తు ప్రాతః కాలే ద్విజోత్తమః

అక్లేశాదన్నసిద్ధ్యర్థం జ్ఞాన సిద్ధ్యర్థమేవ చ || 12 ||


అభ్ర శ్శ్యామ శుభ్ర యజ్ఞోపవీతీ సత్కౌపీనః పీత కృష్ణాజిన శ్రీః

ఛత్రీ దండీ పుండరీకాయతాక్షః పాయాద్దేవో వామనో బ్రహ్మచారీ || 13 ||


అజిన దండ కమండలు మేఖలా రుచిర పావన వామన మూర్తయే

మిత జగత్త్రితయాయ జితారయే నిగమ వాక్పటవే వటవే నమః || 14 ||


శ్రీ భూమి సహితం దివ్యం ముక్తామణి విభూషితం

నమామి వామనం విష్ణుం భుక్తి ముక్తి ఫల ప్రదమ్ || 15 ||

వామనో బుద్ధి దాతా చ ద్రవ్యస్థో వామనః స్మృతః

వామన స్తారకోభాభ్యాం వామనాయ నమో నమః || 16 ||


ఇతి శ్రీ దధి వామన స్తోత్రం సంపూర్ణం🙏🙏🙏🌷🌷🌷🌷🌷🌷

మలేరియా జ్వరము

 మలేరియా జ్వరమునకు తులసితో చికిత్స -


      మలేరియా జ్వరం వర్షాకాలం నందు విపరీతంగా వ్యాప్తి చెందును. ఇది ఇప్పుడు సర్వసాధారణం అయినది. దీనికి ఇతర వైద్యులు "క్యూనైన్ "మందుగా వాడటం జరుగుతుంది. దీనిచే జ్వరం తగ్గును. కానీ తలనొప్పి , చెవులలో హోరుమను శబ్దం , తలతిరుగుట , చెవుడు మొదలుకొని హృదయసంబంధ కాంప్లికేషన్స్ అగుపిస్తున్నాయి. మన ఆయుర్వేద వైద్యం నందు తులసితో ఎటువంటి సైడ్ ఎఫక్ట్స్ లేకుండా ఈ జ్వరాన్ని సులభంగా నివారించవచ్చు. 


  నివారణోపాయాలు - 


 * 7 మిరియాలు , 7 తులసి ఆకులు కలిపి నమిలి మ్రింగుచున్న మలేరియా జ్వరం 3 రోజులలో హరించును . 


 * మానిపసుపు , పిప్పిళ్ళు , వెల్లుల్లి , జీలకర్ర , శొంఠి , తులసి , నారింజ పిందెలు , వావిలి వ్రేళ్ళు , ఆకుపత్రి వీటిని సమాన భాగాలుగా కలిపి చూర్ణించి పూటకు అరతులం వంతున ఇచ్చుచున్న చలిజ్వరములు తగ్గును. 


 * తులసి ఆకులు 60 గ్రా , కొద్దిగా మందార పుష్పదళములు , కొద్దిగా ఉమ్మెత్త పుష్పదళములు , మిరియాలు 10 గ్రా , కొద్దిగా నీరువేసి మర్దించి బఠాణి గింజంత పరిమాణంతో మాత్రలు చేసి చలిజ్వరం వచ్చుటకు గంట ముందుగా రెండు మాత్రలు తీసుకున్న చలిజ్వరం రాకుండానే పోవును.అలాగే రొజు మార్చి రొజు వచ్చు మలేరియా జ్వరం లందు మంచి ఫలితాన్ని ఇచ్చును . 


 * మలేరియా జ్వరం మొండిగా ప్రతిసంవత్సరం వస్తూనే ఉండిన తులసీదళములు , మిరియాలు నీటిలో వేసి ఉడికించిన కషాయములో కొద్దిగా బెల్లం , నిమ్మరసం కలిపి వేడిగా ఉన్నప్పుడే కాఫీ వలే తాగి రగ్గు కప్పుకొని పడుకోవలెను . ఇలా మూడు గంటలకు ఒకమారు చేయుచుండిన మంచి ఫలితం ఉండును. 


 * తులసి వ్రేళ్ళ కాషాయం త్రాపిన బాగుగా చెమటపట్టి చలిజ్వరం వెంటనే తగ్గును. 


 * మలేరియా జ్వరం ప్రతిసంవత్సరం భాదించుచున్న వ్యక్తికీ తులసిరసం , పుదీనా రసం , అల్లం రసం ఒక్కొక్కటి 5 గ్రాముల వంతున కలిపి తాగుచున్న మంచి ఫలితం కనిపించును.


  గమనిక - 


      తులసి చెట్టు వైద్యం కొరకు కుండీలలో ఇంట్లో పెంచుకొనుట చాలా మంచిది.


  నా అనుభవం - 


         ప్రతిరోజు 2 స్పూన్స్ తులసి రసం ఇచ్చి టాబ్లెట్ లేకుండా రక్తపోటు 170 నుంచి 130 కి తీసుకొనివచ్చాను కేవలం 2 వారాలలోనే ఇలా కొంతకాలం తులసిరసం వాడటం వలన రక్తపోటు పూర్తిగా పోతుంది. 


      మరిన్ని సులభ ఆయుర్వేద చిట్కాలు మరియు ఆయుర్వేద ఔషధాల వివరణాత్మకమైన సమాచారం కొరకు నేను రచించిన గ్రంథములు చదవగలరు . 


  గమనిక -


      నేను రాసిన " ప్రాచీన ఆయుర్వేద ఔషధాలు " మరియు " ఆయుర్వేద మూలికా రహస్యాలు " రెండు గ్రంథాలలో ఎన్నొ రహస్య చిట్కాలు , మా కుటుంబపరంగా గత 250 సంవత్సరాల నుంచి మా పెద్దవారు మాకు అందించిన ఎంతో అనుభవసారాన్ని ఈ గ్రంథాలలో అందరి అర్థం అయ్యే విధంగా సామాన్య బాషలో వివరించాను. ఇంట్లో ఉండి మరియు అందుబాటులో ఉన్న వాటితోనే పెద్ద పెద్ద రోగాలు నయం చేసుకునే విధంగా అత్యంత సులభయోగాలు మన ప్రాచీన భారతీయులు రచించిన చెట్లను బట్టి భూమిలో నీటిని కనుక్కునే విధానాలు , వృక్షాలకు ఆయుర్వేద మూలికల ఉపయోగించి దిగుబడి పెంచే వృక్షాయుర్వేద చిట్కాలు , రైతులకు ఉపయోగపడే విధంగా ఏయే నక్షత్రాలలో పంటలు వేస్తే ఫలితాల ఎక్కువుగా ఉంటాయో తిథి, నక్షత్ర, వారాలతో సహా ఇవ్వడం జరిగింది. ఆయుర్వేదం నేర్చుకోవాలి అనుకునేవారికి ఇది మంచి దిక్సూచిలా ఉపయోగపడును. 


            నా మూడొవ గ్రంథము నందు 50 రకాల మొక్కల గురించి అత్యంత విపులంగా ఇవ్వడం జరిగింది . ఈ మొక్కలన్నియు ప్రతి ఒక్కరికి తెలిసినవి మరియు మన ఇంటి చుట్టుపక్కల ఉన్నటువంటివే . ఈ గ్రంధములలో మీకు లభ్యమయ్యే సమాచారం మరే గ్రంథములలో లభ్యం అవ్వదని చెప్పగలను . మొక్కలను సులభముగా గుర్తించుటకు రంగుల చిత్రములు కూడా ఇవ్వడం జరిగినది . ఏయే జబ్బులకు ఎటువంటి ఆహారపదార్థాలు తీసుకోవలెనో , తీసుకోకూడదో కూడా సంపూర్ణముగా మీకు ఇందులో లభ్యం అగును . ఔషధాలు మరియు తీసుకోవాల్సిన ఆహారవిహారాలు ఒకేదగ్గర లభ్యం అగును . 


   ప్రాచీన ఆయుర్వేద ఔషధాలు గ్రంథము 288 పేజీలతో ఉండును . దీని విలువ 400 రూపాయలు , ఆయుర్వేద మూలికా రహస్యాలు గ్రంథము 384 పేజీలతో ఉండి 500 రూపాయలు , సర్వమూలికా చింతామణి గ్రంథము 352 పేజీలతో ఉండును . దీని విలువ 550 రూపాయలు . అందరికి అర్ధమయ్యేలా సులభ బాషలో ఉండును. గ్రాంథిక భాష ఉపయోగించలేదు .  


  


                ఈ గ్రంథములు కావలసిన వారు 9885030034 నంబర్ కు Phonepay or Googlepay or Paytm కు డబ్బు పంపించి ఇదే నంబర్ కు Whatsup నందు screenshot పెట్టి మీ పూర్తి Adreass ఇవ్వగలరు . కొరియర్ చార్జీ 100 రూపాయలు అదనం .


      ఈ గ్రంథాలు కావలసినవారు క్రింద ఇచ్చిన నంబర్ కి ఫోన్ చేయగలరు .


     కాళహస్తి వేంకటేశ్వరరావు  


 అనువంశిక ఆయుర్వేద వైద్యులు 


         9885030034

పంచాంగం 05.09.2024

 ఈ రోజు పంచాంగం 05.09.2024 Thursday.


స్వస్తి శ్రీ చాన్ద్రమాన క్రోధి నామసంవత్సర: దక్షిణాయనం వర్ష ఋతు భాద్రపద మాస శుక్ల పక్ష ద్వితీయ తిధి బృహస్పతి వాసర: ఉత్తరఫల్గుని నక్షత్రం శుభ యోగ: కౌలవ తదుపరి టైతుల కరణం. ఇది ఈరోజు పంచాంగం.


విదియ మధ్యాహ్నం 12:21 వరకు

ఉత్తరఫల్గుని ఉదయం 06:13 వరకు. 


సూర్యోదయం : 06:06

సూర్యాస్తమయం : 06:23


వర్జ్యం : మధ్యాహ్నం 03:44 నుండి సాయంత్రం 05:33వరకు.


దుర్ముహూర్తం : పగలు 10:12 నుండి 11:01 వరకు తిరిగి మధ్యాహ్నం 03:06 నుండి 03:56 వరకు.


అమృతఘడియలు : రాత్రి 02:36 నుండి 04:25 వరకు.


రాహుకాలం : మధ్యాహ్నం 01:30 నుండి 03:00 వరకు.


యమగండం: ఉదయం 06:00 నుండి 07:30 వరకు.



శుభోదయ:, నమస్కార:

ప్రపంచసృష్టికి

 👆శ్లోకం 

ఉద్భవ క్షోభణో దేవః.                        

శ్రీగర్భః పరమేశ్వరః|.                         

కరణం కారణం కర్తా                         

వికర్తా గహనో గుహః||.                     


ప్రతిపదార్థ:


ఉద్బవ: - ప్రపంచసృష్టికి ఉపాదానమైనవాడు.


క్షోభణ: - సృష్టికాలమందు కల్లోలము కల్గించువాడు.


దేవ: - క్రీడించువాడు.


శ్రీ గర్భ: - సకల ఐశ్వర్యములు తనయందే గలవాడు.


పరమేశ్వర: - ఉత్కృష్ట మైనవాడు.


కరణమ్ - జగదుత్పత్తికి సాధనము అయినవాడు.


కారణమ్ - జగత్తునకు కారణమైనవాడు.


కర్తా - సమస్త కార్యములకు కర్తయైనవాడు.


వికర్తా - విచిత్రమైన ప్రపంచమును రచించినవాడు.


గహన: - గ్రహించ శక్యముగానివాడు.


గుహ: - వ్యక్తము కానివాడు. కప్పబడినవాడు.