9, జనవరి 2025, గురువారం

శ్రీమద్ భాగవతం* *(15వ రోజు)*

 ☸️☸️☸️☸️☸️☸️☸️☸️☸️

         *శ్రీమద్ భాగవతం*

              *(15వ రోజు)*

 *(నిన్నటి భాగం తరువాయి)*

☸️☸️☸️☸️☸️☸️☸️☸️☸️  

*హిరణ్యకశిపుడు, హిరణ్యాక్షుడుల పుట్టుక*

☸️☸️☸️☸️☸️☸️☸️☸️☸️

*‘‘నీ మనోభీష్టం తప్పకుండా నెరవేరుస్తాను. అయితే ఇది మూడు సంధ్యలూ ముడిపడే వేళ. ఇది భయంకరులకు కూడా మహా భయంకరమయిన సమయం. రుద్రుడు భూతగణాలతో సంచరించే సమయం. ఈ సమయంలో సంగమించకూడదు. ఓ ఘడియసేపాగు. తర్వాత నీ కోరిక తీరుస్తాను.’’*


*వినలేదు దితి. మన్మథోద్రేకాన్ని తట్టుకోలేకపోయింది. ఒళ్ళు విరుచుకోసాగింది. కామం కళ్ళు కప్పడంతో కశ్యపుని గట్టిగా కౌగిలించుకుంది. విడిపించుకోజూసిన కశ్యపుణ్ణి కదలనీయక, అధరామృతాన్ని అందించింది.*


*‘అంతా దైవప్రేరణ. తప్పదిక.’ అనుకున్నాడు కశ్యపుడు. నిష్ఠని వదలి వేశాడు. దితిని ముద్దిడితూ తీసుకుని వెళ్ళి ఆమె కోరికను తీర్చాడు. తర్వాత నదికి చేరుకుని స్నానం చేసి శుచి అయినాడు. సంధ్యావందనాదులు పూర్తి చేశాడు. మౌనం దాల్చి, బ్రహ్మోపాసన చేయసాగాడు.కోరిక తీరడంతో శరీరం చల్లబడి, తాను చేసిన తప్పేమిటో గ్రహించింది దితి. చేసిన తప్పుకి సిగ్గుపడింది. ఎంతగానో బాధపడింది. భర్తని సమీపించి మన్నించమని వేడుకుంది.‘‘నాథా! నువ్వు చెబుతూనే ఉన్నావు, వినలేదు. పాపాన్ని చేశాను. రుద్రుడికి కోపం కలిగించానేమో! నా గర్భస్థ శిశివుని హింసిస్తాడేమో! దేవతలు ఏ అపకారాన్ని తలపెడతారో! నువ్వే నాకు దిక్కు.’’ అంది దితి.*


*మౌనాన్ని వీడాడు కశ్యపుడు. ఇలా అన్నాడప్పుడు.‘ ‘జరిగిందంతా విధికృతం. దీనిని తప్పించడం ఎవరితరమూ కాదు. అసురసంధ్య వేళ నన్ను కోరావు కనుక నీకందరూ రాక్షసులే జన్మిస్తారు. నీ కొడుకులిద్దరు మహారాక్షసులై లోక కంటకులవుతారు. దేవతలనూ, మునులనూ హింసించి, ముల్లోకాలనూ ఆక్రమించుకుంటారు. ఆఖరికి ఆ శ్రీహరి చేతిలో మరణిస్తారు.’’ దితి అందుకు చాలా దుఃఖించింది.*


*అయితే కొడుకులిద్దరూ భగవంతుని చేతిలో మరణిస్తారని తెలిసినందుకు కొంతలో కొంత మేలనుకుంది. ‘‘నా కడుపున పుట్టిన బిడ్డలంతా రాక్షసులై లోకకంటకులై నానా అల్లరీ చేసి నాకు అమర్యాద కలిగించడమేనా? అంతేనా నా బతుకు? గొప్పవాడు ఒక్కడు కూడా పుట్టే అవకాశమే లేదా?’’  కన్నీరు మున్నీరయింది దితి.* 


*‘‘కొడుకుగా పుట్టే అవకాశం లేదు. గొప్పవాడు నీకు మనవడుగా పుడతాడు. రాక్షసుని కడుపున పుట్టినా అతగాడు గొప్ప హరిభక్తుడై పరమ భాగవతోత్తముడు అవుతాడు. సచ్చరిత్రుడై నీకు ఎనలేని కీర్తి ప్రతిష్ఠలు కలిగిస్తాడు. వాడి కీర్తిని సమస్తలోకాలూ గానం చేస్తాయి. చాలా?’’* 


*"చాలు’’ అంది దితి. చేతులు జోడించి నమస్కరించి వెళ్ళిపోయిందక్కణ్ణుంచి. గర్భవతి అయింది. నూరు సంవత్సరాలు గడిచాయి. అప్పుడామె గర్భంలో ఉన్న తేజస్సు దిక్కులన్నిటా అలుముకుంది. ఆ తేజస్సు ముందు సూర్యచంద్రులు వెలవెలబోయారు. ఏది పగలో ఏది రాత్రో తెలియని స్థితి. మునులకీ, దేవతలకీ అంతు చిక్కలేదేదీ.*


*బ్రహ్మని సమీపించారంతా. నమస్కరించారు. ‘‘ఏమిటి దేవా, ఏమిటిదంతా?’’ అడిగారు. ‘‘ఇదంతా దితి మహిమ. దీనంతటికీ దితి గర్భమే కారణం.’’ అన్నాడు బ్రహ్మ.*


*తర్వాత జయవిజయులిద్దరూ శాపవశాన ఆమె గర్భాన రాక్షసులుగా జన్మించనున్నారని తెలియజేశాడు.*


*భయపడిన మునులనూ, దేవతలనూ చూసి ఇలా చెప్పాడు.‘‘ఆ రాక్షసులిద్దరినీ శ్రీహరి సంహరిస్తాడు. లోకాల్ని కాపాడుతాడు. ’’*


*మునులూ, దేవతలూ అందుకు సంతోషించారు. నిష్క్రమించారక్కణ్ణుంచి.*


*నూరేళ్ళూనిండుకున్నాయి. దితికి ఇద్దరు కొడుకులు పుట్టారు. వారు పుట్టినప్పుడు ఇటు భూమి మీద, అటు అంతరిక్షంలో కూడా అనేక మహోత్పాతాలు సంభవించాయి. దిక్కులన్నీ మండిపోయాయి. చుక్కలు రాలిపోయాయి. పెనువేగంతో గాలి వీచింది. చెట్లు కూలిపోయాయి. పిడుగులు పడ్డాయి. తోకచుక్కలు పుట్టుకొచ్చాయి. సముద్రాలు అల్లకల్లోలమయ్యాయి. రక్తవర్షం కురిసింది. కుక్కులూ, నక్కలూ, గుడ్లగూబలూ భయంకరంగా అరవసాగాయి. ఆలయాల్లో దేవతాప్రతిమలన్నీ కన్నీరు పెట్టుకున్నాయి. ఆవుల పొదుగుల నుండి పాలు రాలేదు, పిండకనే రక్తం కారసాగింది. గ్రహాలన్నీ వక్రగతిలో తిరగసాగాయి. ఒకదాన్నొకటి డీకొన్నాయి. ఈ మహోత్పాతాలను గమనించి, మునులూ, దేవతలూ భయకంపితులయినారు. ఆందోళన చెందసాగారు.*


*కఠినంగా కర్కశంగా కనిపిస్తున్న కొడుకుల్ని చూశాడు కశ్యపుడు. పెద్దవాడికి హిరణ్యకశిపుడు అనీ, చిన్నవాడికి హిరణ్యాక్షుడు అనీ నామకరణం చేశాడు. వజ్రదేహులయిన ఆ ఇద్దరూ దినదిన ప్రవర్థమానమై పర్వతాకారులయినారు. వారు నడుస్తుంటే భూమి బద్దలయ్యేది. ఆకాశం అదిరిపడేది. వరప్రసాదులై, మదోన్మత్తులయిన ఆ ఇద్దరూ లోకాలను చీకాకు పరచసాగారు. దేవతలనూ, మునులనూ బాధించసాగారు. అజేయులయిన హిరణ్యాక్ష హిరణ్యకశిపులను అష్ట దిక్పాలకులు కూడా అదలించ లేకపోయారు.*


*(తర్వాత కథ రేపు చెప్పుకుందాం)*


*ఓం నమో భగవతే వాసుదేవాయ॥*

☸️☸️☸️☸️☸️☸️☸️☸️☸️

ఉత్తరద్వార దర్శనం!*

 🍀🌺🍀🌺🍀🌺🍀🌺🍀🌺🍀```ముక్కోటి ఏకాదశి రోజున…```



         *ఉత్తరద్వార దర్శనం!*

                 ➖➖➖✍️




```

ముక్కోటి ఏకాదశి రోజున ఉత్తరద్వార దర్శనం చేస్తే కలిగే పుణ్య ఫలం ఏమిటి?


అనంతమైన పుణ్యఫలం అని చెప్పుకోవాలి. భారతీయులు కాంతిని ఆరాధించేటటువంటి వారు. ప్రాజ్ఞ్ముఖంగా ప్రయాణించేటటువంటి వారు. దేహంలో ఎప్పుడూ కూడా ఎడమ భాగాన్ని కుడి భాగం నియంత్రిస్తూ ఉంటుంది. వామ భాగం స్త్రీ సంబంధితమైనటువంటి భాగం. ప్రేమ, పారమార్థిక దృష్టి, లౌకిక సుఖములు, ఆనందములు ఇవన్నీ కూడా ఉత్తర దిక్భాగంలో ఉంటాయి. వీటన్నింటినీ నియంత్రించేది ఎడమ భాగం. అలాగే మన దృష్టి కూడా నిరంతరం ఎడమ వైపుకే ప్రసరిస్తూ ఉంటుంది. ఉత్తర దిక్కుకు ధనము, సంపద వంటి వాటికి ప్రాముఖ్యత ఉంది. అన్నింటికంటే మించి ఈ విశాల విశ్వమంతా కూడా తన చుట్టూ తానూ తిరుగుతూ సూర్యుడి చుట్టూ తిరుగుతుంది అనుకుంటే ఈ విశ్వంలో ఉండే అంతర్భాగము axil అంటారు దానిని అది దీనికి వ్యతిరేకంగా తిరుగుతూ ఉంటుంది. ఈ విశ్వము దక్షిణం వైపునుంచి ఉత్తరం వైపుకు anti clockwise తిరుగుతూండగా అందులోని అంతర్భాగం ఉత్తరం వైపునుంచి దక్షిణానికి clockwise తిరుగుతుంది. "ప్రాగ్ ఆరభ్య దక్షిణేణ వర్తనం" మన హిందూ ధర్మంలో అందుకోసమే ఆలయానికి వెళ్తే ప్రదక్షిణ చేయాలి - ప్రాగ్ ఆరభ్య దక్షిణేన వర్తనం. ఉత్తరంగా, ఈశాన్యంగా, తూర్పుగా, ఆగ్నేయం, దక్షిణం ఇలా ప్రదక్షిణ చేస్తూ ఉంటాం. కనుక ఈ రెండింటి మధ్య ఉండే వైరుధ్యం వల్ల కలిగిన ఆకర్షణ శక్తి చేత మనం ఈ భూమిమీద అంటిపెట్టుకొని ఉన్నాం దానికే భూమ్యాకర్షణ శక్తి అని పేరు.


ఈరోజున ఉత్తర దిగ్భాగ మార్గాన్ని అనుసరించి ఇంక రెండు మూడు రోజులలో సూర్యనారాయణ మూర్తి ఉత్తర దిగ్భాగంలో ప్రయాణం చేస్తూంటాడు. ఈరోజున మనం ఉత్తర దిగ్భాగంతో ప్రయాణం ప్రారంభం చేసినట్లయితే తప్పకుండా కైవల్యం లభిస్తుంది. ఈ భూమితో ఉండే ఆకర్షణ సంబంధిత సంబంధాలన్నీ కూడా తొలగిపోయి ఆ శ్రీమన్నారాయణ మూర్తిని చేరుకుంటాము. భవ బంధనాలన్నీ కూడా తొలగిపోతాయి. అనేటటువంటి రహస్యాన్ని కనుగొన్న ప్రాచీనులు ఈ అంశాలన్నీ కూడా శాస్త్రోక్తంగా చెప్తే అందరికీ అర్థం అవుతాయో లేదో అనే ఉద్దేశ్యంతో కథలను జోడించి విభీషణ శరణాగతి కథ, వైకుంఠ ఏకాదశి కథ, ముప్పది మూడు కోట్ల దేవతలతో ఆ స్వామి ఈనాడు మనకు దర్శనమిస్తాడు. మూడు కోట్లతో రంగధాముని దర్శనమిస్తాడు. ఇలా చెప్పి ఆలయాలవైపు మనల్ని మరల్చారు. స్వామి దర్శనం చేసుకోండి అంటూ అనుజ్ఞనిచ్చారు. మన ప్రయత్నం కాకుండా గురువుతో ప్రయత్నం కావాలి. స్వప్రయత్నం కూడదు అంటుంది ధర్మము. కాబట్టి నారాయణుడే అటువంటి మనలో జ్ఞానమును ప్రేరేపించు వాడు. ఆయన ప్రపన్నుడు. అడిగిన వాళ్ళందరికీ కూడా ఆశ్రయం ఇచ్చే ప్రపన్నుడు. ఎవరిని రక్షించాలా? అని సంసిద్దుడై ఉంటాడుట. కాబట్టి ఉత్తర ద్వార దిశగా మనం ప్రయాణం చేస్తే తప్పకుండా కోరిన కోరికలు నేరవేరుతాయి. అన్నింటికంటే కోరవలసినది ఏమున్నది? - ఈ లోకంతో భవ బంధనాలనుంచి విముక్తి. మోక్షము అంటే "ముచిల్ మోక్షణే" అని అర్థం. బంధనాలనుంచి ముక్తిని పొందడము, విముక్తిని కలిగించుకోవడము అని అర్థం. అందుకే ఉత్తర దిశ ఇంత ప్రాముఖ్యం కలది, ఇంతగా విశేషత ఈ పండుగకు ఉన్నది.✍️```

. *సర్వం శ్రీకృష్ణార్పణమస్తు*

                       🌷🙏🌷


 🙏లోకా సమస్తా సుఖినోభవన్తు!🙏


🍀🌺🍀🌺🍀🌺🍀🌺🍀🌺🍀

*రేపటి తరానికి బతుకు, భద్రత లతోపాటు భారతీయత కూడా నేర్పండి.*

                     ➖▪️

తిరుప్పావై 25వ పాశురం*

 🔱ఓం నమః శివాయ🔱:

*తిరుప్పావై 25వ పాశురం*

🕉🌞🌏🌙🌟🚩

🔥ఓంశ్రీమాత్రే నమః🔥

అద్వైత చైతన్య జాగృతి

🕉🌞🌏🌙🌟🚩


*25.పాశురం*

*ॐॐॐॐॐॐॐॐॐॐ*


        *ఒరుత్తి మగనాయ్ పిఱన్దు, ఓరిరవిల్*

        *ఒరుత్తి మగనాయ్ ఒలిత్తు వళర,*

        *తరిక్కిలానాగిత్తాన్ తీజ్ఞనినైన్ద*

        *కరుతై ప్పిళ్ళైత్తు కఞ్ఙన్ వయిత్తిల్*

        *నెరుప్పెన్న నిన్ఱ నెడు మాలే! యున్నై*

        *ఆరుత్తిత్తు వన్దోమ్; పఱై తరుతియాకిల్ యామ్పాడి*

        *వరుత్తముమ్ తీర్ న్దు మగిళ్ న్దేలో రెమ్బావాయ్!!*



*భావం*

*ॐॐॐॐॐॐॐॐॐॐॐ*


భగవానుడే తన కుమారుడుగా కావలెనని కోరి, శంఖచక్రగదాధరుడు అగు భగవానునే కుమారునిగా పొందగల్గిన సాటిలేని దేవకీ దేవికి కుమారుడవై జన్మించి, శ్రీకృష్ణుని లీలలను పరిపూర్ణంగా అనుభవించి, కట్టను - కొట్టను భగవానుని వశమొనర్చుకొనిన అద్వితీయ వైభవము గల యశోదకు, ఆ రాత్రియే కుమారుడవై, దాగి పెరిగినవాడా !



అట్లు పెరుగుచున్న నిన్ను చూచి ఓర్వలేక చంపవలెనని దుష్టభావముతో ఉన్న కంసుని అభిప్రాయమును వ్యర్థము చేసి, వాని కడుపులో చిచ్చువై నిన్ను చంపవలెనని తలంచిన వానిని నీవే చంపినా ఆశ్రిత వ్యామోహము కలవాడా ! నిన్నే కోరి వచ్చినారము. 'పఱ' అను వాద్యమును ఇచ్చిన ఇమ్ము. సాక్షాత్తు లక్ష్మియే పొందవలెనని కోరదగిన నీ ఐశ్వర్యమును, నీ వీరచరిత్రమును, కీర్తించి శ్రమను వీడి ఆనందించుచున్నాము. 



ఓ కృష్ణా ! పరమ భాగ్యవతియగు శ్రీ దేవకీదేవికి ముద్దుల పట్టిగ అవతరించి, అదే రాత్రి శ్రీ యశోదాదేవికి అల్లారు ముద్దుబిడ్డవై రహస్యముగా శుక్లపక్ష చంద్రునివలె పెరుగుచుండగా.



గూఢచారుల వలన యీ విషయము నెరిగిన కంసుడు నిన్ను మట్టుబెట్టుటకు అలోచించుచుండగా అతని యత్నములన్నిటిని వ్యర్ధముచేసి అతని గర్భమున   చిచ్చుపేట్టినట్లు నిల్చిన భక్తవత్సలుడవు! అట్టి నిన్ను భక్తీ పురస్సరముగా ప్రార్ధించి నీ సన్నిధికి చేరినాము.



 మాకు యిష్టార్దమైన 'పఱ' అను వాద్యమును అనుగ్రహింపుము. ఇట్లు మమ్మనుగ్రహించిన శ్రీ లక్ష్మీదేవి యాశపడదగిన సంపదను, దానిని సార్ధిక పరచు నీ శౌర్యమును కొనియాడి నీ విశ్లేషములవలన కలిగిన సంకటమును నివారణ చేసికొని మేము సుఖింతుము . నీ విట్లు కృపచేయుటవలన మా యీ అద్వితీయమైన వ్రతము శుభమగు సంపూర్ణమగును.



*అవతారిక*


*ॐॐॐॐॐॐॐॐॐॐॐ*


గోపికలు ఈ పాశురములో శ్రీకృష్ణుని జన్మరహస్యమును కీర్తించుచు దానివలన తమ శ్రమ తీరి ఆనందించుచున్నామని చెప్పుచున్నారు.



కృష్ణుడు అవతరించిన తీరును, పెరిగిన తీరును తలచుకొని ఆ వాత్సల్యమునకు ముగ్ధులై ఆళ్వార్లు మూర్ఛనొందిరి. అట్లే గోపికలు వెనుకటి లీలలన్నిటికంటే చివరగా శ్రీకృష్ణ జనన ప్రకారము అనుభవించి పరవశలగుచున్నారు. 

గోపికలది జ్ఞానముతో కూడిన ప్రేమకాని కేవల వ్యామోహము కాదు.



 భగవత్తత్వముగా ఎరింగి ఆ పరతత్వము మనకై సులభముగా దిగివచ్చి, నాలుగు అడుగులు నడచి వచ్చిన మనలను చూచి శ్రమ అయినదని జాలి పడుచున్నాడే ? మనకై అతడు పడిన శ్రమలో మనము ఆతనిని పొందుటకై పడెడి శ్రమ ఎన్నవ వంతు ? అని అతని జన్మ ప్రకారము అనుసంధించుచున్నారు. 



'మంగళమగుగాక జయమంగళం! మంగళమగు గాక శ్రీ పాదములకు!' అని అండాళ్ తల్లి స్వామి ఆయా . అవతారాలలో ప్రదర్శించిన పరాక్రమ ఆశ్రిత రక్షణా వాత్సాల్యలకు ముగ్ధురాలై మంగళాశాసనం పాడింది.



తన సఖులైన గోపికలతో వీరు పాడిన మంగళాశాసనమునకు తన్మయులైన స్వామి 'మీకేమి కావలయున 'నిన; మాకేవైన ప్రతిబంధకములున్న వానినెల్ల నీవే పోగొట్టి. మాలోని, అన్యకామనలేమైనయున్న వాటిని 'నశింపచేసి' మమ్ము అనుగ్రహించుమని గోపికలతో కూడిన అండాళ్ తల్లి యీ (పాశురంలో) అర్ధించుచున్నది.



*బిలహరి రాగము _ ఝుంపెతాళము*

    


    ప ...    పురషార్ద మర్దింప వచ్చినారము స్వామి 

        పురుషార్దమిడి మా మనోరథ మీడేర్పుమా!


    అ...ప...    వరలక్ష్మి యాశించు పరమ సంపదనేల్ల

         కీర్తించి దుఃఖమ్ము బోవ సుఖియింతుము


    చ...    దేవకికి పుత్రునిగ అవతరించిన రాత్రి 

        దేవి యశోధకును వరసుతుడవై పేరుగ

        తా విన్న కంసుడట కీడు దులపగ నెంచ 

        నీవె కంసుని గర్భ మగ్నివలె వ్యాపించి

        ఆ యత్నమంతము వమ్ముజేసిన స్వామి 

        పురుపార్దమర్దింప వచ్చినారము స్వామి 

        పురుషార్ధామిడి మా మనోరథ మీడేర్పుమా!



*ॐॐॐॐॐॐॐॐॐॐ*


*శ్రీ కృష్ణావతార రహస్యం*

*ఆండాళ్ తిరువడిగలే శరణం*


*ॐॐॐॐॐॐॐॐॐॐ*


ఆండాళ్ తల్లి అర్చామూర్తి దగ్గర వ్రతం చేసింది, అర్చామూర్తినే పొందింది. ఎవరినో చూపించలా, తనను తానే ఉదాహరణగా మారి మనకు చూపించింది. అందుకే తిరుప్పావై ని మనం విశ్వసించాలి. భగవంతుడు మనకోసం ఇట్లా వస్తాడని మనకు తెలియాలి, ఇది ఆచార్యుడు మనకు ఇలా విశ్వాసం కల్గించి చేసే ఉపకారం.



 ఈ విశ్వాసంతో కనుక మనం బ్రతక గల్గితే మనం ఉన్నచోట భగవంతుణ్ణి సేవించుకోగలం. ఇక మన ఆలయాలు వ్యాపార కేంద్రాలుగా కాకుండా, ఇక సృర్తినిచ్చేవిగా ఉండగల్గుతాయి. గోదా దేవి మనకు తిరుప్పావైలో అదే విషయాన్ని అనుగ్రహించింది.


ఈ రోజు మనవాళ్ళంతా ఇదే విషయాన్ని స్వామి దగ్గర స్పష్టం చేస్తున్నారు. స్వామి వీరిని మీరేదొ కోరి వచ్చారుకదా, అదేదో చెప్పండి అని అడిగాడు. వీళ్ళు మేం ఏదికోరి వచ్చామో నీకు తెలియదా అని స్వామిని అడిగారు.



అబ్బెబ్బే నాకేం తెలియదు అని స్వామి చెప్పాడు. అబద్దాలు ఆడకు, నీవెవరో, ఎందుకిక్కడికి వచ్చావో, ఎట్లావచ్చావో, ఎక్కడినుండి వచ్చావో ఇవన్నీ మాకు తెలుసును నీ అవతార జ్ఞానం అంతా స్పష్టంగా ఉంది సుమా అని చెప్పారు.



అట్లా తెలుసుకొని శ్రీకృష్ణుడు తన అవతార జ్ఞాన రహస్యాన్ని వివరించి, చివర ఒక మాట చెప్పాడు.


*వీత రాగ భయ క్రోదాః మన్మయా మా ఉపాస్రితాః*

*వహ వహ జ్ఞాన తపసాః పూతాః మద్భావ మాగతాః*


రాగం, భయం, క్రోదాలు మనం భగవంతుణ్ణి విడదీస్తే ఏర్పడుతాయి. భగవంతుణ్ణి గుర్తిస్తే రాగం వాడిపై ఉంటుంది. ఇక భయం, మనకు రాగం కల్గినది దూరం అయితే మనలో కలిగే మానసిక కదలిక భయం అంటాం. మరి మనకు రాగం వాడిపై ఉన్నప్పుడు ఇక వాడి ఉపస్థితి అంతటా ఉండేప్పుడు మనం దేన్నుంచి దూరం అవుతాం కనుక. 



అది ఎప్పుడూ నీ దగ్గర ఉన్నప్పుడు నీకు భయం కలిగే ప్రశ్నేలేదు కదా. నీవు ఎదోక దానియందు పెంచుకున్న రాగం దూరం అవుతుంటే, దాన్ని దూరం చేసే దానియందు నీ మనస్సులో ఏర్పడే స్పందన క్రోదం అంటాం.



 ఇక నీకు ఏమి దూరం కాదు అని అనుకున్నప్పుడు నీకు క్రోదం కలిగే ప్రశ్నేమిటి కనుక. ఇవన్నీ తొలగాలంటే భగవంతుడు ఈ లోకంలోకి వచ్చినా, చేసేటువంటి వాటి యందు పట్టు లేకుండిన, ఇవన్నీ తనప్రయోజనం కోసం కాదని భావించటంచే తనకు అంటుకోవటం లేదు.



ఈ జ్ఞానం చేతనే వాళ్ళలో ఉండే రాగ, భయ, క్రోదాలు తొలగి పోతాయి. అందుకే *"త్యక్త రాగ భయ క్రోదాలు"* అని అనలేదు స్వామి. త్యక్తం అంటే త్యజించడం, వదలటం. వీత అంటే తొలగిపోయిన అని అర్థం. దీపం వెలిగిస్తే మనం చీకటిని బయటికి వదిలివేయటంలేదు, చీకటి తానంతట తానే తొలగి పోతోంది. మనం రాగ, భయ, క్రోదాలను వదిలివేద్దాం అని అనుకుంటున్న కొద్దీ అవి మనల్ని గట్టిగా పట్టు కుంటున్నాయి. మనం వదలడం కాదు, అవి వదిలి పోవాలి మనల్ని.



ఎప్పుడు పోతాయి అవి మనల్ని విడిచి అంటే, వాడి జ్ఞానం మనకు కల్గి నప్పుడు. ఆండాళ్ ఈ రోజు అదే వివరిస్తుంది. మాకుతొలగాల్సినవి తొలగాయయ్యా. రజస్సు తొలగింది, అహం మమతలు తొలగాయి, మాలో ఉండే కర్మల పట్టు కూడా తొలగింది. ఆడిన ప్రతి మాట ప్రతి చేష్ట నీవరకు పర్యవసిస్తుంది.  మాకు సరియైన జ్ఞానం కల్గింది, నీవేవరో మాకు తెలిసింది.



 ఇక ఈ జ్ఞానం *"మద్భావ మాగతాః"* తరువాత నీతో సామ్యమును పొందుతారు అని చెప్పావుకదా, మా కిప్పుడు కావలసింది అది అన్నారు. అవన్నీ నాకుతెలియవు అదేదో వ్రత పరికరాలు కావాలన్నారు అదైతే ఇస్తా అన్నాడు స్వామి. అదేం కుదరదు, నీ సంగతి మాకు తెలుసును, నీ వెవరివో మాకు తెలుసూ అంటూ స్వామి అవతార రహస్యాన్ని స్పష్ట పరుస్తున్నారు.



 నీవెవరో మాకు తెలుసు, ఊర్లో అందరూ యశోదమ్మ కొడుకువి అని అనుకుంటున్నారు, కాని *"ఒరుత్తి మగనాయ్ పిఱందు "* ఒక అద్వితీయమైన మహానుభావురాలికి పుట్టావు. అవతరించాడు అని చెప్పడంలేదు ఆండాళ్ ఎందుకంటే అయన మన తోటి సాటివాడు కావాలని వచ్చాడాయన.  అవతరించాడు అని చెబితే అది ఆయనని తక్కువ చేసి చెప్పినట్లే అవుతుంది. అందుకే ఆండాళ్ తల్లి నీవు పుట్టావు అని చెబుతుంది.



ఎవరికి పుట్టాడో ఆమె పేరుని చెప్పటం లేదు, ఎందుకంటే అయ్యో కంసుడికి తెలిస్తే ఎలా, కాలం గడిచి పోయినా సరే, స్వామిపై అంత ప్రేమ. మరి పుట్టింది అద్వితియురాలు అంటే, ఆ పుట్టిన రాత్రి ఇంకా అద్వితీయం. ఎవ్వరికి తెలియకుండా నందగోకులం చేరి, *"ఓరిరవిల్ ఒరుత్తి మగనాయ్ యొళిత్తు వళర"* మరొక అద్వితియురాలికి కొడుకువై రహస్యంగా పెరిగావు. ఆమె ఎంత అదృష్టవంతురాలు.



*"తరిక్కిలానాకి"* సహించలేక పోయాడు ఆ *"త్తాన్"* ఆ నీచుడు, కంసుడు అని పేరుకూడా చెప్పడం లేదు. కొందరి పేర్లు చెబితేనే నోరు పాడై పోతుంది అని. ఏం చేయ్యాలని అనుకున్నాడంటే  *"తీంగు నినైంద"* కృష్ణుడికి చెడుపు చెయ్యాలని తలపెట్టాడో, *"కరుత్తై పిరపిత్తు"* అది వారికే జరిగేట్టు చేసాడు. *"కంజన్ వైత్తిల్ నెరుప్పెన్న నిన్న"* కంసుని గుండెల్లో నిప్పులా ఉండిపోయాడు. కృష్ణుడు నిప్పు కాదు, కృష్ణుడిపై కంసుడు పెట్టుకున్న ద్వేషం నిప్పుగా మారింది. అదే ప్రేమ అయితే తరించి పోయేవాడు. 



స్వామి వీళ్ళకేసి ప్రేమతో చూస్తున్నాడు. ఆయన కళ్లల్లో ప్రేమను గుర్తించింది ఆండాళ్ తల్లి. *"నెడుమాలే"* అయన దీర్గమైన వ్యామోహం, ప్రేమ కల్గినవాడు తనను ఆశ్రయించుకున్నవాళ్ళ యందు, అందుకే మనం తెలియక ఎన్ని దోషాలు చేసినా అనుకూలంగా భావిస్తున్నాడు. ఇన్ని రోజులు వీళ్ళంతా తమకే ప్రేమ ఉంది, కృష్ణుడి తమపై ప్రేమలేదు అనుకుంటూ ఉరుకులు పరుగులు పెట్టుకుంటూ వచ్చారు కదా, మనం ఆత్మలం కదా మనకుండే ప్రేమ అణుమాత్రం, ఆయన విభువు , అయన కుండేది మనపై ప్రేమ విభువంతా.


సీత హనుమతో రావణుడు నాకు కేవలం రెండు మాసాల గడువిచ్చాడు, రాముడితో చెప్పు *"మార్తా దూర్దం న జీవిష్యే"* నేను ఒక నెల కంటే ఎక్కువ ఎడబాటును ఓర్వలేను అని చెప్పమంది.  హనుమ ఈ విషయం చెప్పగానే, రాముడు ఆశ్చర్యంతో *"యది మాసం దరిష్యతి చిరంజీవతి వైదేహి"* అయితే మాసం రోజులు ఉండగలిగితే ఇక ఎంతకాలమైన ఉండ వచ్చును.



మరి తనో, *"నజీయేయం క్షణమపి వినాతాం అశితేక్షణాం"* నేను క్షణ కాలం కూడా జీవించలేను అన్నాడు, విభువైన వాడు ఆయన కనుక ఆయనకుండే ఆర్తి మనపై కొండంత. వీళ్ళకు ఈరోజు ఆయన కళ్లల్లో అంత వ్యామోహం చూసారు. 



సరే ఇంక ఏంకావాలి అని స్వామి అడిగాడు. *"ఉన్నై అరుత్తిత్తు వందోం"* మేం నిన్ను కోరి వచ్చాం. *"పఱై"*  వ్రత పరికరాలు *"తరుతియాగిల్"* నీవిస్తా అన్నావు కాబట్టి తీసుకుంటాం.



 స్వామి వీళ్ళను పాపం శ్రమ  పడి వచ్చారర్రా అని అనగానే, *"తిరుత్తక్క శెల్వముమ్ శేవకముమ్ యాంపాడి వరుత్తముమ్ తీరుంద్ ముగిరుంద్"* లేదు మేం సంతోషంతో వచ్చాం. నీ నామం పాడుతూ వచ్చాం కదా, మాకు ఏ శ్రమా లేదు హాయిగా వచ్చాం అంటూ స్వామి అవతార రహస్యాన్ని తెలుపుతున్నారు ఆండాళ్ గోష్టి వారు.



*ॐॐॐॐॐॐॐॐॐॐ*


*తిరుప్పావై 25 వ పాశురము తెలుగు పద్యానువాదము*


*ॐॐॐॐॐॐॐॐॐॐ*


 సీసమాలిక.

అంజలింపగా వచ్చు యనుగులమై మేము         

               అర్థులమై యిట వచ్చినాము 

అడిగిన వరమిచ్చు

 యనురాగ గనివని 

      యమ్మలిద్దరి యొడి నందినావు 

దేవకి కోరిన తీరైన బిడ్డగా

    చెర యందు జన్మించి వరములిచ్చె   

కొట్టగా కట్టగా కోరిక యుండగా

       వ్రేపల్లె చేరెను వేడ్క తీర్చ

 దుష్ట కంసుని చంప నష్టమ గర్భాన 

కృష్ణుడై భువి చేరె విష్ణుమూర్తి

 అర్థి సుధల పంట యసుర కడుపుమంట

 స్వామిని చూడగా సంతసించె!!


ఆ వె . పరను వాద్య మిచ్చు పరమాత్ముడంచును అందజేయుమయ్య యార్తనాథ 

సిరుల పంట వనుచు ఇప్పుడే చేరుతుమిప్పుడే 

విరహమెల్ల మేము మరతు మిపుడె

శ్రద్ధ భక్తినిచ్చి బుద్ధి నిమ్ము

శ్రీధరుని మనసున స్థిరము కమ్ము!!


🕉🌞🌎🌙🌟🚩

భజగోవిందం (మోహముద్గరః)

🈸🈸🈸🈸🈸🈸🈸🈸🈸
*జగద్గురు శ్రీ ఆది శంకరాచార్య*.     
              *విరచిత*
*భజగోవిందం (మోహముద్గరః)*
🈸🈸🈸🈸🈸🈸🈸🈸🈸
*రోజూ ఒక శ్లోకం (లఘు వివరణతో)*
🈸🈸🈸🈸🈸🈸🈸🈸🈸
*కాతే కాంతా ధనగతచిన్తా*
*వాతుల కిం తవ నాస్తి నియంతా|*
*త్రిజగతి సజ్జనసంగతిరేకా*
*భవతి భవార్ణవతరణే నౌకా||*

*శ్లోకం అర్ధం :-*

 *ఓయీ! నీ భార్య ఎవరు? నీకు ఎల్లప్పుడును ధనమును గూర్చిన చింతయేనా? వేరొక చింతలేదా? నిన్ను సన్మార్గమున నడిపింప చేయగలవారెవ్వరు లేకపోయారా? నీవు ముల్లోకములు వెదకినను సంసార సాగరమును దాటించుటకు సజ్జన సాంగత్యము తప్ప వేరొక నౌక లేదని తెలుసుకొనుము.*

*వివరణ : -*

*ఓయీ ! పరాత్పరుడైన భగవంతుడు లేడా? అతడు కరుణామయుడు. నారు వేసిన వాడు నీరు పోయడా? పుట్టించినవాడు పూట గడపడా! ఎందుకు నీకు చింత. అయ్యో! నేను లేకున్నా నా భార్యా-బిడ్డల గతి ఏమిటని చింతించకుము. దయా స్వరూపుడైన ఆ దేవుడు అందరికీ తిండి, గుడ్డ, నీడ తప్పక ఇచ్చును. కావున ఈ విషయముల మీద చింతించుట మాని, మనసు పరమాత్మపై లగ్నము చేయుము. సమయమును వృధా చేయక, సత్ సాంగత్యము చేగొని, వారి వలన ధర్మాధర్మములు, మంచి చెడ్డలు తెలుసుకొని, సన్మార్గమును గుర్తించి, భవ సాగరములో జీవిత నావను చక్కగా భగవత్ గమ్యమునకు తీసుకొని పొమ్ము.*
🈸🈸🈸🈸🈸🈸🈸🈸
*ఓం నమో నారాయణాయ।*
🈸🈸🈸🈸🈸🈸🈸🈸
*(తిరిగి రేపు మరో శ్లోకంతో కలుద్దాం)*

పంచ భ్రమలు

 పంచ భ్రమలు 

మనము ఏదైనా బస్సు లేక రైలు ఎక్కినప్పుడు ఒక సీటు దొరకాలని ఎంతో తాపత్రయపడతాము. సీటు దొరికిందా అది పూర్తిగా నా సొంతం అన్నట్లు భావిస్తాము. నిజానికి మనం ఆ సీటుమీద ఒక గంట లేక రెండుగంటలు మన ప్రయాణం అయ్యేవరకు మాత్రమే కూర్చుంటాము. మన గమ్యం రాగానే మనం దిగి వెళ్ళిపోతాము. మనం అప్పటిదాకా కూర్చున్న సీటులో ఎవరు కుర్చున్నారో కూడా చూడము. ఇది నిత్యం మన అనుభవంలో వున్న విషయం. సాధారణ మానవుల భ్రమ ఈ రీతిన ఉంటే నిత్యం భగవంతునితో అనుసందానం అయి వుండే భక్తునికి కూడా ఇలాంటి భ్రమలే ఉంటాయి అవి ఏమిటో ఇప్పుడు చూద్దాం. ఈ భ్రమలు ఐదు రకాలుగా ఉంటాయి అందుకే వీటిని పంచ భ్రమలు అని అన్నారు. ఈ భ్రమలనుంచి బయట పడితేకాని సాధకుడు నిత్యమూ శాశ్వితము అయినా బ్రహ్మ పదాన్నిచేరలేడు. 

1)  ఆత్మ దైవ భేద  భ్రమ : నేను భగవంతుడిని ఆరాధిస్తున్నాను. పూలతో దేవదేవుని అలంకరిస్తున్నాను. గంగా  జలంతో లింగాభిషేకం చేస్తున్నాను. సత్యనారాయణ స్వామిని నేను వివిధ పూలతో అలంకరిస్తున్నాను. అని అనేకమంది భక్తులు తరచూ అనటం మనం చూస్తూ వున్నాము. భక్తుడి భక్తిలో  తోలి దశలో తనకన్నా బిన్నంగా భగవంతుడు ఉంటాడని భావించి భగవంతుని పూజించటం, ఆరాధించటం, అభిషేకించడం చేస్తూ ఉంటాడు. ఇది భక్తిలో తోలి దశ. నిజానికి జీవ దైవ భేదం లేదు. జీవుడు దేవుడు ఒక్కరే ఇద్దరు కాదు బేధం లేదు. ఈ సత్యం కొంత సాధన చేసిన తరువాత భక్తుడు తెలుసుకుంటాడు. అందుకే దీనిని ఒక భ్రమగా మన మహర్షులు తెలిపారు.

2) జీవ  దైవ భేద భ్రమ: ఈ రకమైన భ్రమ ఏరకంగా ఉంటుందంటే సాధకుని ముందు కనిపించే జీవులు కనిపించని దైవము వేరు అనే భావన దీనివలన సాధకుడు దేముడిని, ఇతర జీవులను వేరుగా గుర్తించి వేరుగా భావించి వేరుగా తలుస్తాడు.

3) జీవ, జీవ భేద  భ్రమ: ఈ రకమైన భ్రమ ఏమిటంటే ఒక జీవి ఇంకొక జీవికన్నా బిన్నంగా వున్నదనే బేధ భావం. ఈ రకమైన బ్రాన్తి నేను వేరు, నీవు వేరు అనే భావం మనుషులలో ఉండటం కాక నేను వేరు ఇతర జీవులు వేరు అంటే నేను వేరు ఆ ఆవు వేరు, ఆ కుక్క వేరు ఈ పావురం వేరు అని ఇతర జంతువులను తనకన్నా వేరుగా చూడటం. ఇది ఒక భ్రమ అని సాధకుడు తెలుసుకోవలెను.  

4) జీవ జడ భేద భ్రమ: ఈ రకమైన భ్రమ సాధకునికి ఎలా ఉంటుంది అంటే జీవత్వం వున్న జీవులు వేరు జీవం లేని నిర్జీవ పదార్ధాలు అంటే జడపదార్ధాలు వేరుగా గోచరించటం  

5)  జడ దైవ భేద భ్రమ:ఈ జగత్తులో కనిపించే జడపదార్ధాలు వేరు దేముడు వేరుగా సాధకుడు గుర్తించటాన్ని ఈ రకమైన భ్రమగా పేర్కొనవచ్చును. 

ఈ రకంగా ప్రతిసాధకుడు భావిస్తూవుంటాడు. దాని వలన పరబ్రహ్మ తత్వానికి దూరంగా ఉంటాడు. నిజానికి ఈ ఐదురకాల భ్రమలను బ్రమలుగా సాధకుడు ఎప్పుడైతే తెలుసుకుంటాడో అప్పుడు ఈ జగత్తు మొత్తం జగదీశ్వరునిదిగా గుర్తిస్తాడు. జగత్తు వేరు జగదీశ్వరుడు వేరు కాదనే సత్ భావనకు వస్తాడు. అప్పుడు సాధకునికి ఈ జగత్తు కానీ జగదీశ్వరుడు కానీ తనకన్నా బిన్నంగా లేదని తాను కూడా జగత్తులో భాగమని అంటే ఆ జగదీశ్వరునిలో తాను  కూడా అంతర్గతంగా వున్నానని తాను భగవంతుని అంశగా తెలుసుకొని " అహం బ్రహ్మస్మి" అనే భావనలోకి వచ్చి సత్య దర్శనం చేసుకొని బ్రహ్మ పదాన్ని (మోక్షాన్ని) పొందుతాడు. అనితర సాధ్యమైన ఈ జ్ఞానామ్ పొందటానికి నిరంతర సాధన ఎంతో అవసరం. దేహ వ్యామోహాన్ని వదిలి అహంకారాన్ని త్యజించి నిరంతరం ఈశ్వర ధ్యాసలో ఉండి  ఐహిక సుఖాలను తృణప్రాయంగా భావించి తన జీవిత లక్ష్యం కేవలం అంటే కేవలం  మోక్ష సాధనే అని తలిస్తే తప్పకుండ మోక్షం కరతలామలకం అవుతుంది. 

ఓం తత్సత్ 

ఓం శాంతి శాంతి శాంతిః 

ఇట్లు మీ 

భార్గవ శర్మ 

 

పంచాంగం 09.01.2025 Thursday,

 ఈ రోజు పంచాంగం 09.01.2025 Thursday,


స్వస్తి  శ్రీ చాన్ద్రమాన క్రోధి నామసంవత్సర: దక్షిణాయనం హేమన్త ఋతువు పుష్య మాస శుక్ల పక్ష దశమి తిథి బృహస్పతి వాసర భరణి నక్షత్రం సాధ్య యోగః: గరజి తదుపరి వణిజ కరణం. ఇది ఈరోజు పంచాంగం.



రాహుకాలం : మధ్యాహ్నం 01:30 నుండి 03:00 వరకు.


యమగండం: ఉదయం 06:00 నుండి 07:30  వరకు.




శుభోదయ:, నమస్కార:

8, జనవరి 2025, బుధవారం

డెబ్బయి రెండేళ్ళ తండ్రి

 "మీ నాన్న చాదస్తాన్ని భరించలేక పోతున్నానురా... పైగా ప్రతిదానికీ నస..." అంటూ అరవై ఎనిమిది ఏళ్ళ తల్లి... తన నలభై ఆరేళ్ళ కొడుక్కి డెబ్బయి రెండేళ్ళ తండ్రి గురించి కంప్లయింట్ చేసింది.


కొడుకు ఓపికగా తల్లి చెప్పినది విన్నాడు..


"చెప్పిందే తొంభైసార్లు చెబుతాడు. ఇప్పుడే చెప్పారుగా అంటే, ఇంకొకసారి వినలేవా అని చికాకు పడతాడు. అడిగిందే అరవైసార్లు అడుగుతాడు. ఇందాక ఇచ్చానుగా అంటే, ఇంకోసారి ఇవ్వలేవా అని చిరాకు పడతాడు"..


అమ్మా.... పెళ్ళి చేసుకున్న కొత్తలో, నాన్న మీద నీకేమైనా కంప్లెయింట్స్ వుండేవా 


"లేదురా. ఆయన బంగారుకొండ" గతాన్ని తలచుకొంటూ అంది...


"పోనీ ఆయన నలభైయవ ఏట... నస పెట్టేవాడా ?"


"అబ్బే లేదురా..."


"పోనీ యాభైయవ ఏట నస పెట్టారా ?"


"ఊహూ"

"అరవైవ ఏటా

"లేదు.... ఈ మధ్యనే ఆర్నెళ్లుగా.....


"అమ్మా... నీకు పెళ్ళయిన కొత్తలోనో, షష్టిపూర్తి టైంలోనే నాన్న చనిపోయి ఉంటే. తట్టుకునేదానివి కాదా అమ్మ  ... ఇప్పుడు నాన్నగార్ని దేవుడు తనతో తీసుకెళ్ళే సమయం వచ్చింది - ఆయన వెళ్ళి పోవడం మనకి బాధ కలిగించడానికే దేవుడు ఆ వయసులో నస పెడతాడు.. నాన్న వెళ్ళిపోతున్నాడమ్మా... ఈ చివరి రోజుల్లోనే... మనం నిజమైన ఓర్చుని, సహనాన్ని, ప్రేమని అందించి తోడుగా ఉండాలి......


తల్లి కళ్ళ నిండా నీళ్ళతో తండ్రి లాంటి కొడుకు కేసి చూసింది. కొడుకు చిన్నపిల్లాడిగా కనబడుతున్న తండ్రికేసి చూశాడు..!!

వయసు మీరుతున్న చివరి మజిలీ లో వున్న ప్రతి తండ్రికి

తిరుప్పావై 24వ పాశురం*

 *తిరుప్పావై 24వ పాశురం*

🕉🌞🌏🌙🌟🔥


🕉🌞🌏🌙🌟


*24.పాశురం*

*ॐॐॐॐॐॐॐॐॐॐ*


      *అన్ణి వ్వులగ మళన్దాయ్! ఆడిపొత్తి;*

        *చ్చేన్ణజ్ఞ తైన్నిలజ్ఞేశేత్తాయ్! తిఱల్ పొత్తి;*

        *పోన్ణ చ్చగడ ముద్దైత్తాయ్! పుగళ్ పొత్తి;*

        *కన్ఱుకుడై యావేడుత్తాయ్! గుణమ్ పొత్తి;*

        *వెన్ణుపగై కెడుక్కుమ్ నిన్ కైయిల్ వేల్ పొత్తి;*

        *ఎన్ణెన్ణున్ శేవగమే యెత్తిప్పఱై కోళ్వాన్* 

        *ఇన్ఱి యామ్  వన్దొన్  ఇరజ్గేలో రెమ్బావామ్!!*

    


*భావం* 


*ॐॐॐॐॐॐॐॐॐॐ*


ఆనాడు బలిచక్రవర్తి తనది కాని రాజ్యమును తానూ ఆక్రమించి దేవతలను పీడింపగా ఈ లోకమునంతను వాని వద్ద నుండి దానము పట్టి పాదములతో కొలచిన మీ దివ్య పాదారవిందములకు మంగళము. 


రావణుడు సీతమ్మను అపహరించుకొనిపోగా ఆ రావణుండు లంకకేగి సుందరమగు భవనములు కోటయు గల దక్షిణదిశన ఉన్న లంకలోనున్న రాక్షసులను చెండాడిన మీ బాహుపరాక్రమమునకు మంగళము. 


శ్రీకృష్ణుడు రక్షణకై ఉంచిన బండిపై ఆవేశించిన రాక్షసుని చంపుటకై ఆ బండికి తగులునట్లు కాలుచాచి నేలకూల్చిన మీ అప్రతిమ కీర్తికి మంగళం. 


వత్సముపై ఆవేశించిన అసురునితో వెలగచెట్టుపైన ఆవేశించిన అసురుని చంపుటకై ఒడిపెలరాయి విసిరినట్లుగా వెలగచెట్టుపైకి దూడను విసురునపుడు ముందు - వెనుకలకు పాదములుంచి నిలచిన మీ దివ్యపాదములకు మంగళం. 


ఇంద్రుడు తనకు యాగము లేకుండా చేసెనను కోపముచే రాళ్ళవాన కురియగా గోపాలురకు, గోవులకు బాధకలుగుచుండునట్లు గోవర్ధన పర్వతమును గొడుగువలె ఎత్తిన మీ వాత్సల్యమునకు మంగళము. 


శత్రువులను సమూలముగా పెకలించి విజయమును ఆర్జించి ఇచ్చెడి మీ హస్తమునందలి వేలాయుధమునకు మంగళము. 


ఈ ప్రకారముగా నీ వీరే చరిత్రములనే కీర్తించి పరయనెడి వ్రతసాధనము నందగ మేము ఈనాడు వచ్చినారము అనుగ్రహింపుము. 


అలనాడు బలివలన దుఃఖితులైన దేవతలను రక్షించుటకు రక్షించుటకు త్రివిక్రముడవై మూడు లోకాలను కొలిచిన వామనుడా! నీ రెండు పాదములకును మంగళము!


 సీతమ్మను అపహరించిన దుష్టడగు రావణుని లంకను గెల్చిన ఓ శ్రీరామా! నీ ధీరతకు మంగళము! బండి రూపంలో శకటాసురుడనేరాక్షసుడు నిన్ను చంపప్రయత్నింపగా వాని కీళ్ళూడునట్లు తన్నిన నీ కీర్తి ప్రభలకును మంగళము! దూడ రూపమున నిన్ను చంపవచ్చిన వత్సాసురుడనే రాక్షసుని.


వెలగచెట్టుగా దారికి ప్రక్కన నిల్చిన కపిత్డాసురుడనే రాక్షసుని ఒక్కసారిగా సంహరించిన నీ వంచిన పాదమునకు మంగళము! దేవేంద్రుడు రాళ్ళ వర్షమును కురిపించగా గోవర్దనగిరిని గోడుగుగా నెత్తి గోకులమును రక్షించిన నీ ఆశ్రిత రక్షణ గుణమునకును మంగళమగుగాక! శత్రువులను చీల్చి చెండాడునట్టి నీ చేతి చక్రమునకు మంగళ మగుగాక!


 ఇట్లు నీ వీర గాధలన్నేన్నింటినో నోరార సుత్తించును నీ నుండి మా నోమునకు కావాల్సిన పరికరములను పొందుటకై మేము నేడు యిచ్చటకు వచ్చి యున్నాము. కావున మా యందు దయచేసి వానిని కృపతో ప్రసాదింపుము. అని గోపికల్లెలరు స్వామిని వేడుకొన్నారు.


 *అవతారిక*


*ॐॐॐॐॐॐॐॐॐॐ*


ఈనాడు గోపికలు 'శయనాగారము నుండి ఇటు నడచివచ్చి సింహాసనమును అధిరోహింపుము.' అనుటతోడనే ఆశ్రిత సులభుడగు శ్రీకృష్ణుడు వారిమాట మీరలేక తన మంచము నుండి దివ్య సింహాసనము వరకు నడచి వచ్చెను. నీళాదేవియు ద్వారభూమి వరకు మంగళాశాసనము చేయుచు అనుసరించినది. గోపికలు నడచి వచ్చుచున్న స్వామిని చూచినారు.


స్వామి నీళాదేవితో కూడా వచ్చి, దివ్య సింహాసనమును అధిరోహించిరి. ఒక పాదమును పాదపీఠంపై నుంచి రెండవ పాదమును తొడపైనిడుకొని కూర్చుండిన సన్నివేశమును చూడగానే, శ్రీకృష్ణుని దివ్యపాదముల ఎర్రదనము గోపికల కంటపడినది


తాము కోరిన ప్రకారము నడుచుట చేతనే పాదములు కందినవని గోపికల హృదయము కలతచెందింది. వెలుపలికి వచ్చి సింహాసనమున కూర్చొని మేము వచ్చిన కార్యమును పరిశీలించుమని అర్థించిన గోపికలు 'పఱ' అను వాద్యమును కోరుతు మరచి మంగళము పాడుటకు ఉపక్రమించిరి. 


ఈ పాశురమున గోపికలు శ్రీకృష్ణపరమాత్మ వలన తమ కార్యము నెరవేర్ప జూచినవారై, ఆ ప్రభువు నడచివచ్చి ఆసనముపై కూర్చుండగానే ఆ పాదముల ఎర్రదనము చూచి తాము చేసిన అపచారమునకు ఖిన్నులై మంగళము పాదనారంభించిరి.


ప్రవత్తి చేసిన వారికి పరమ సులభుడు పరమాత్మ! ఆశ్రితులకు కొంగు బంగారమే! గోపికలంతా తన్ను తన తిరుమాళిగనుంచి వీరసింహము వోలె నడిచివచ్చి సింహాసనాన్నదిష్టి౦పమని కోరినట్లే స్వామి చేశాడు. స్వామి యందు భక్తులకు ప్రేమ అధికమైనపుడు భక్తసులభుడైన స్వామి వారేది చెపితే అదే చేస్తాడుకద!


 అలా సింహగమనంతో వచ్చిన స్వామిని చూచిన గోపికలు 'అయ్యో! స్వామికెంత శ్రమ కలిగినదో!' అని అందోళన పడి అత్యంత భక్తీ ప్రవత్తులతోను, వాత్సల్యంతోను స్వామి పాదాలకు మంగళా శాసనం చేయడానికి సిద్ధపడి, తాము వచ్చిన పనిని మరచిపోయారు. స్వామి దివ్యమంగళ విగ్రహాన్ని దర్శించిన ఆనందంతో మంగళాసనం పాడారు యీ (పాశురంలో)


 

*షణ్ముఖప్రియరాగము _ అదితాళము*


    ప ..     మంగళమగుగాక! జయమంగళం !!


అ...ప..    మంగళమగుగాక! శ్రీ పాదములకు!!

    

1.    చ..    లోకములలనాడు గొలిచిన పదములకు 

        లంక గెల్చిన యట్టి రాముధీరతకు

        శకటాసురుని గూల్చు నీ యశః ప్రభలకు 

        అకట వత్సాసురుని విసిరినా పడమూలకీల!!


2.    చ...    గోవర్దనాద్రినిన్ గొడుగుగా నెత్తిన 

        అవతారుడ! నీ కృపా రసమునకు

        అవని శాత్రవుల నవలీలగా ద్రుంచు

        దివ్యాయుధమును నిత్య మంగళము!!    

    

3.    చ....    ఈ విధిన్ మంగళాశాసము జేసి 

        నీ వీర గాథలే పాడి. కొనియాడి    

        నీ వోసగు వరములకు నిను జేరితమి నేడు.

        ఆ వాద్య మొసగుమా! దాసుల బ్రోవుమా!!


*ॐॐॐॐॐॐॐॐॐॐ*


*స్వామికి మగళం*

*ఆండాళ్ తిరువడిగళే శరణం*


*ॐॐॐॐॐॐॐॐॐॐ*


నిన్న మన వాళ్ళు స్వామిని లేచి రమ్మని చెప్పారుకదా, స్వామి వస్తుంటే ఆయనపాదాలను చూసారు అవి కంది పోయినట్లు అనిపించింది. 


పాదాలు స్వతాహా గులాబి రంగులో ఉంటాయి కానీ వీళ్ళకేమో వీళ్ళ పిలుపికి స్వామి నడిచి వచ్చినందుకు కంది పోయాయి అనుకుంటున్నారు. వీళ్ళేమి కోరి రాలేదు కదా. కేవలం శ్రీకృష్ణుణ్ణి చూసి అనందిద్దామని వచ్చారు. 


ఆయన సింహాసనం పై కూర్చొని, చిలిపి వాడు కదా, వీళ్ళను ఏడిపిద్దాం అన్నట్లుగా ఒక కాలు క్రింద పెట్టి *“సవ్యం పాదం ప్రసార్య”* ఎడమకాలు ప్రసరింపచేసాడు, *“శ్రిత దురితహరం దక్షిణం కుంచయిత్వా”* దానిపై కుడి కాలు ఉంచి వీళ్ళకు తన పాదాలు కనిపించేలా అడిస్తూ కూర్చున్నాడు.


ముఖారవిందం పదారవిందం అన్నీ అరవిందములవలే సుకుమారము, సౌగంద్యము, కోమలత్వము కల్గినవి కదా, ఆయన పాదాలని చూసి అయ్యో ప్రేమ ఉంది అని నటిస్తూ మేం కూడా నీ పాదాలు కందిపోయేలా చేసామే అంటూ భాదపడ్డారు. వెంటనే స్వామి దివ్య పాదారవిందాన్ని మొదలుకొని  మంగళం పాడుతున్నారు.


ఈ రోజు పాశురాన్ని మంగళాశాసన పాశురం అంటారు. భగవంతుణ్ణి తెలుసుకున్న జీవుడికి రెండు రకాల దశలు ఉంటాయి మొదటిది జ్ఞాన దశ, రెండోది ప్రేమ దశ. జ్ఞాన దశలో భగవంతుడు ఎట్లాంటివాడో, తనూ ఎట్లాంటివాడో  తెలుసుకోవడం.


భగవంతుడు చాలా గొప్పవాడు, జగత్తును రక్షించేవాడు అని తెలుసుకోవడం. చేతనో ఏ జ్ఞానం లేనివాడు, భగవంతుడు రక్షిస్తే తప్ప రక్షణ లభించదు అని తెలుసు కుంటాడు. ఇక ఈ జ్ఞానం పండితే క్రమంగా ప్రేమ లేక భక్తి దశగా మారుతుంది.


 ఈ దశలో భగవంతుని కున్న శక్తిని మరచి ఆయన కున్న సౌకుమార్యం సౌశీల్యం అనే గుణాలనే చూస్తాడు. ఇక తను అజ్ఞానిని అని మరచి తనే భగవంతుణ్ణి రక్షించుకోవాలని అనుకుంటాడు. ఒకనాడు జ్ఞానం కల్గినప్పుడు భగవంతుడు  తనని రక్షించేవాడని భావించే అతను, భక్తితో ఈ నాడు తాను భగవంతుణ్ణి రక్షించుకోవాలి అన్నట్టుగా మారుతాడు.


 ఏదైన ఒక వస్తువు విలువైనది అని మనకు తెలిస్తే మనం ఎట్లా అయితే రక్షించుకుంటామో అట్లానే. అందుకే మనం ఆలయాల్లో తలుపులు, తాళం అని ఇలా చేస్తుంటాం, జగత్ రక్షణ చేసే వాడికి మనం రక్షణ ఏంటి కనుక. అది ప్రేమచే చేస్తాం. దృష్టిదోషం తొలగుగాక అని, కర్పూరం ఎట్లా అయితే హరించుకు పోతుందో అట్లా దోషాలన్ని హరించుగాక అని మంగళం పాడుతాం. 


గోదాదేవి కి ఈ విషయం వాళ్ళ నాన్న గారు తెలిపారు. విష్ణుచిత్తులవారు మధురానగరం వెళ్ళి పాండ్య రాజ్య సభలో భగవత్ తత్వాన్ని నిరూపిస్తారు. అందుకు వారిని ఏనుగుపై అంబారీ చేసి ఊరేగిస్తుంటే భగవంతుడు ఆయనకు ప్రత్యక్షమైనాడు. వీళ్ళ కంటికి నీవు కనపడితే నీకు దృష్టి దోషం తగులును అని మంగళం పాడారు.

 పల్-ఆండు అనేక సంవత్సరాలు, పల్-ఆండు అనేక సంవత్సరాలు  పలకోటి నూరు- ఇలా కోట్ల సంవత్సరాల వరకు నీకు మంగళం, శంఖానికి, చక్రానికి, పక్కన అమ్మకి అంటూ ఇలా మంగళం పాడారు. శ్రీరామాయణంలో కూడా రాముని పరాక్రమం తెలిసినవారుకూడా రామునికి ఎన్నో సార్లు మంగళం పాడారు.


 జగత్ కారణ తత్వం దేవకీ గర్భంలో ఉందని తెలిసి కూడా, ఆ చతుర్ హస్తాల్లో ఉన్న కృష్ణుడిని చూసి కంసునికి తెలిస్తే నీకే ఉపద్రవం వస్తుందోనని అన్నీ వెనక్కి దాచేసుకో అని దేవకీ అంటుంది. ఇవి ప్రేమతో చేసేవి. మన ఆలయాల్లో హారతి ఇచ్చే సంప్రదాయం కూడా ఇలా వచ్చిందే. అయితే హారతిని కళ్ళకు హద్దుకోరాదు.


హారతిని ఆర్పి పక్కన పెట్టి, ఎవరికైతే దృష్టిదోషం తీస్తామో వారికి కళ్ళు, పాదాలు కడిగి ఆచమనం చేయిస్తాం.  నీకు మంగళం అవుగాక అనేదే దీని అర్థం. ఈ జగత్తుకు పరమాత్మ వేరు కదా ,ఆయన క్షేమంగా ఉంటే లోకం అంతా క్షేమం, ఇక ఆయనను కోరాల్సిన అవసరం ఏంటి కనుక. 


ఆండాళ్ ఏనాడో ఆయన నడిచివచ్చినందు పాదాలు కందిపోయాయని మంగళం పాడుతుంది. వీళ్ళకు కాలంతో ప్రమేయం లేదు, ఎందుకంటే కాలం అనేది కూడా ఒక గాజు గోడ లాంటిదే. వీరి ముందేనా అంతా జరుగుతున్నది అని పరమ భక్తులు భావిస్తారు.


 *"అన్ఱివ్వులగమ్"* ఆనాడు వామనుడై లోకాలను *"అళందాయ్"* కొలిచిన, ఒక్కసారి అంతలా పెరిగినందుకు నీ పాదాలు ఎంత కందిపోయాయే!   *"అడి"* ఆ పాదాలకు *"పోత్తి"* మంగళం.


*"శెన్ఱ్"* వెళ్ళి *"అంగు"* అక్కడ ఉన్న *"త్తెన్-ఇలంగై"* దక్షిణ దిక్కున అందంగా ఉన్న లంకా నగరాన్ని పాలించే రావణాసురున్ని *"శెత్తాయ్"* సంహరించిన *"తిఱల్"* నీ భుజ భలానికి *"పోత్తి"* మంగళం.


*"పొన్ఱ"* తారుమారు అయ్యేలా *"చ్చకడం"* శకటాసురున్ని *"ఉదైత్తాయ్"* తన్ని అంతమొందిచ్చావు, ఏడు నెలల బాలుడవి, *"పుగర్"* నీ కీర్తికి *"పోత్తి"*  మంగళం.


*"కన్ఱు"* దూడ రూపంలో ఉన్న వత్సాసురున్ని *"కుణిలా"*


కర్రలా మార్చి వెలగ పండులో దాగిఉన్న కపిత్తాసురునిపై *"వెఱిందాయ్"* గిరగిరా తిరిగి విసిరిపాడేసి *"కరిల్"* నీ పాదానికి *"పోత్తి"* మంగళం.


*"కున్ఱు"* పర్వతాన్ని *"కుడైయా"* గొడుగులా  *"వెడుత్తాయ్"* ఎత్తి పట్టి అందరిని దరిన చేర్చుకున్న నీ *"కుణమ్"* సౌశీల్య గుణానికి *"పోత్తి"* మంగళం.


ఆండాళ్ స్వామిచేసిన ఇన్ని కార్యాలను కీర్తించిందికదా, ఎక్కడైనా దృష్టిదోషం తగులుతుందేమోనని, ఇవన్నీ చేసింది కృష్ణుడు కాదు అన్నట్లుగా *"వెన్ఱు"* గెలిచి *"పకై కెడుక్కుమ్"* విరోదభావం లేకుండా చేసే *"నిన్ కైయిల్"*  నీ హస్తంలో ఉన్న *"వేల్"* శూలాయుదానికి, తండ్రి నందగోపుడి వద్ద ఉన్న ఆయుదం *"కూర్వేల్"*   ఇదేకదా, ఆ శూలానికి *"పోత్తి"* మంగళం.


*"ఎన్ఱెన్ఱ్"* ఎల్లప్పుడు *"ఉమ్ శేవకమే"* నీ చరితమునే *"యేత్తి"* కీర్తించేలా *"ప్పఱై"* ఆ వాయిద్యాన్ని *"కొళ్వాన్"* తీసుకుంటాం. *"ఇన్ఱు"* ఈ రోజు *"యాం"* మెం ఎందుకు *"వందోం"* వచ్చామో *"ఇరంగ్"*  తెలుసుకొని అనుగ్రహించు అంటూ ఈరోజు స్వామిని అడుగుతున్నారు.


నిన్న స్వామిని లేపి ఆసనంపై కూర్చోబెట్టారు, ఈ రోజు దృష్టి దోషం తొలగటానికి మంగళం పాడుతున్నారు.  విగ్రహ రూపంలో ఉండే భగవంతుని వద్ద కూడా ఇంత సేవ జరుగుతుంది .ఇది మనం జ్ఞాపకం పెట్టుకోవాలి. మన ఇంట్లో కావచ్చు, మందిరంలో కావచ్చు విగ్రహం అంత శక్తి కలది, ఇది మన ఆండాళ్ మనకు తెలుపుతుంది.


*ॐॐॐॐॐॐॐॐॐॐ*


*తిరుప్పావై 24 వ పాశురము తెలుగు పద్యానువాదము*

*రచన*

*మఱ్ఱిపల్లి శ్రీధరాచార్యులు*

*మిట్టాపల్లి* 

*ॐॐॐॐॐॐॐॐॐॐ*


 *సీసమాలిక*.

*మంగళమని పాడ ముంగిట నిలబడి* 

       *బలి గర్వ మణచిన వామనునకు*

*సీతమ్మ తల్లిని చెరబట్టిన వాడు* 

          *బాహు బలము చూసి పతనమయ్యె*

*శకటాసురుని శక్తి ప్రకటించ నీయక*

        *నేలపై కూల్చెను కాలు సాచి*

*మూడడుగుల చేత ముల్లోకముల యందు*

        ,*విక్రమ రూప త్రివిక్రముండు*

,*గోవర్ధన ధరుడై గోవుల రక్షించె*

        *గోపల్లె వారల గోవులెల్ల*

*రాళ్ళ వర్షము నుండి రక్షింప నెంచెను*

        *గోవర్ధనోద్ధారి గోటి చేత*

*వత్సాసురుని లీల వారింపగా నెంచి* 

      *వడిసెల రాయిగా పారవేసె*

*మంగళమ్ము యనుచు మగువ లెల్లను గూడి*

        *స్వామి చెంతను చేరి సన్నుతింప*

*స్వామి నిద్రను వీడి స్వాగతింపడు యేల*

,*కృష్ణ! పరను మాకు కృపను చేయు!!*

 

*తే.గీ. భండనంబున వ్రేటు ప్రచండ రీతి* 

*బెదర గొట్టెను భీతితో బెదురు నట్లు*

*స్వామి గుణముల నెదిరింప సాధ్య పడక*

*మరలి రాలేక మరణమే శరణమనిరి*

*శ్రద్ధ భక్తిని కల్గించి బుద్ధి నిమ్ము*

*శ్రీధరుని మానసంబున స్థిరము కమ్ము!!*


🕉🌞🌎🌙🌟

డు రకాలుగా మాట్లాడుతుం

 n🙏🕉️శ్రీమాత్రేనమః.శుభోదయం🕉️🙏 🔥రెండు చెవులు ఒకే శబ్దాన్ని వింటాయి.. రెండు కళ్ళు ఒకే దృశ్యాన్ని చూస్తాయి.. రెండు నాసికలు ఒకే వాసన పిలుస్తాయి.. కానీ అదేమి మాయ రోగమో ఉండే ఒక్క నాలుక మాత్రం రెండు రకాలుగా మాట్లాడుతుంది🔥ఒక పక్షి పైకి ఎగిరితే మిగతా పక్షులు కూడా పైకి ఎగిరి అనందపడతాయి.. కానీ జ్ఞానమున్న మనుషులు ఏమిటో మరి.. ఒకడు పైకి ఎదుగుతుంటే వాడిని కిందకి తొక్కలని విశ్వప్రయత్నం చేసి అనందపడతారు...అందుకే ఇతరులను ఇబ్బంది పెట్టేవాడు ఎప్పటికి ఉన్న దగ్గరే ఉండిపోతారు🔥మనిషి నివసించే ఇంటిని మారుస్తాడు.. నడుపుతున్న వాహనాన్ని మారుస్తాడు.. మాట్లాడుతున్న ఫోన్ ను మారుస్తాడు..చివరికి స్నేహుతులను కూడా మారుస్తాడు. కాని తనను తను మార్చుకోలేడు..అందుకే దుఃఖం మరియు నిరాశ లో ఉంటాడు🔥శరీరానికి మరణం ఒక్క సారి మాత్రమే..కానీ మనసుకు తప్పు చేసిన ప్రతిసారి మరణమే.. అందుకే మనుషుల మీద కోపంతో మనస్సును ఎక్కువ పాడుచేసుకోకూడదు.. ఎందుకంటే మనుషులు ఎక్కువ సేపు నీతో ఉండరు.. కానీ మనస్సు ఎప్పటికి నీదగ్గరే ఉంటుంది🔥🔥మీ *అల్లo రాజు భాస్కరరావు శ్రీ విజయ ఆయుర్వేదిక్& జనరల్ ఏజన్సీస్ D.N.29-2-3 గోకవరం బస్టాండ్ దగ్గర స్టేట్ బ్యాంక్ ఎదురుగా రాజమండ్రి వైద్య సలహాలు ఉచితం మందులు అయిపోయిన వారు రాలేని వారు కొత్తవారికి మందులు కొరియర్ ద్వారా పంపబడును 9440893593.9182075510🙏

అసలు మనది కాదు

 అసలు మనది కాదు.. ఆఖరూ కాదు


తెలుగులో ఒద్దికగా ఒదిగిపోయిన పరభాషా పదాలెన్నో..


భారతీయ భాషల్లో తెలుగుకు విశిష్ట స్థానం ఉంది. ఇది ద్రావిడం నుంచే వచ్చినా.. ఉత్తర భారతీయ భాషల కంటే విశేషంగా సంస్కృత భాషా ప్రభావం కలిగి ఉంది. పరభాషల నుంచి వందలకొద్దీ పదాలను స్వీకరించి తన పద సంపదను సుస్థిరం చేసుకుంది. తెలుగుకు హిందీ, ఉర్దూలతో సన్నిహిత సంబంధా లున్నాయి. నేడు మనం తెలుగు కింద వాడుతున్న అనేక పదాలు హిందీ, హిందూస్థానీ భాషల నుంచి వచ్చి చేరినవి. 'అసలు' మనది కాదు, 'ఆఖరూ' తెలుగు పదం కాదు. ఇలా తెలుగులో ఒద్దికగా ఒదిగిపోయి.. తెలుగు భాషగా వ్యవహారంలోకి వచ్చిన, మనం నిత్యం వాడుతున్న పరభాషా పదాలను 1934లోనే దిగవల్లి వేంకట శివరావు తన పారిభాషిక నిఘంటువులో ఏర్చి కూర్చారు.


다


డక్కా


ఖర్చు


ముక్కీ


ఆసలు


ఖాయము


తకరారు


ఆఖరు


ఖులాసా


తగాదా


ఆటకా


తనభా


యించు


గరీబు


తనిఖీ


మజిలీ


షరతు


మజూరి


షరా


మరమ్మతు


షుమారు


మాపు


సబబ


మామూలు


సర్దారు


ఆదాలతు


గస్తీలు


తమాషా


తయారు


గుమాస్తా


తరం


अभ अ


మాలు


సరకు


మినహా


సరిహద్దు


యింపు


సర్కారు


ముక్తసరు


సలహా


అల్మారా


గులామ్


తరహా


మునసబు


సంజాయిషీ


ఆయకట్టు


ఆసామి


గైరుహా


జరు


తలారి


తహసీలు


మూజు


సవారి


వాణీ


సవాలు


చట్టము


దారు


ముస్తాబు


సాదా


ఈనాము


చలానా


తాకీదు


మేర


సామాను


చలామణి


మోజు


సాలు


యించు


చిల్లర


తాను


ఎకాఎకీ


చీటీ


తారీఖు


కంగాళ


చాకిరి


తుపాకీ


తెలుగు


మోతాదు


సావుకారు


రంగు


సిపాయి


రద్దు


సిఫారసు


చెల్లు


తుఫాను


రవాణా


సిబ్బంది


కట్టుబడి


తూలు


సిరా


sa


జనాభా


దగల్బాజీ


దుబారా


కబురు


జప్తు


దగా


దుబాసీ


పాయకానా


బందు


బందూకు


రహదారి


సిలుకు


రాజీ


సీదా


జబర్దస్తీ


దపా


నకలు


పితూరి


బందోబస్తు


రుజువు


శివారు


ఖరారు


దరఖాస్తు


నగదు


పీపా


బకాయి


రుసుము


సిస్తు


కలం


జమా ఖర్చు


చరవాజ


నగారా


పీర్లు


బట్వాడా


సోబతి


కలాయి


జవాబు


దర్గా


నమోదు


పుకారు


బడాయి


రైతు


సుబా


కవాతు


اكدالك


దర్జా


నమూనా


జాబితా


దర్బారు


నవారు


పురసత్తు


పోరంబోకు


బత్తా


లంగరు


సుస్తీ


బర్తరపు


లాలూచి


సుమారు


కిరాణా


జామీను


దరిమిలా


నాజూకు


పకీరు


బలాదూరు


లావాదేవి


స్వారీ


కిరాయి


జాగీరు


దర్యాప్తు


నిఘా


ఫర్మానా


బాక్


లూటీ


హద్దు


కిస్తీ


దస్కతు


నౌకరు


పాయిదా


బాతాఖాని


హవాలా


కుమ్మక్


దస్తరము


పంకా


బిచానా


వకీలు


హవేలీ


కుళాయి


దస్తావేజు


పంపు


యించు


బురకా


వజీరు


హాజరు


కూపీ


జుల్మానా


దస్తూరి


పక్కా


ఫిర్కా


వాపసు


హుండీ


ఖైదు


దాఖలు


పరగణా


ఫిర్యాదు


బేడీలు


హుజూరు


కైపు


టపా


పరవా


బంగళా


భరతం


వస్తాడు


హుషారు


కొత్వాలు


టోకు


దినుసు


పరాయి


బంజరు


శిస్తు


హైరాణా


కౌలు


దివాణము


బందరు


మంజూరు


శివారు


హోదా