🪷🌸🌸🪷🕉️🪷🌸🌸🪷
*పద్యపరిమళము*
కం.
పద్యపరిమళము లెగయగ
హృద్యంబుగ వ్రాయవలయు నింపును గొలుపన్
పద్యంబుల; గద్యములకు
పద్యంబుల సొబగు రాదు పాటును బడినన్
కం.
పద్యమ్మున గమకమ్ములు
వేద్యమ్మగు ప్రాస వళులు విందులు గూర్పన్
సద్యస్స్ఫూర్తిన్ మెఱసెడి
హృద్యాలంకారరాజి యింపును నింపున్
కం.
అందుకె కావలె పద్యము
బందీలను జేసి జనులు బానిసలగుచున్
విందుల రసముల జుఱ్ఱుచు
పొందిక నానంద మొంద మ్రోలక దెచ్చున్
*~శ్రీశర్మద*
+91 8333844664
కామెంట్‌లు లేవు:
కామెంట్‌ను పోస్ట్ చేయండి