పరివారంలో కుటుంబ సభ్యులు ఎవరు?

 బత్తాయి లు అని పిలవబడే నాలాంటి మీలాంటి  కార్యకర్తలు పూర్తిగా చదవవలసిన పోస్ట్..

**************************************

ఏదైనా టాపిక్ మాట్లాడండి వెంటనే మన సెక్యూలర్ మేధావులు సంఘ్ పరివార్ ని అంటే సంఘ్ కుటుంబాన్ని విమర్శిస్తారు. అసలు ఈ పరివారం అంటే దేశంలో మిగతా పరివారాలు వంటిదేనా ?

ఈ పరివారంలో కుటుంబ సభ్యులు ఎవరు?

ఇన్ని కోట్ల మందిని ఇన్ని దశాబ్దాలుగా కలిపి ఉంచుతున్న బంధం ఏమిటి? 

అబ్బో ...

ఈ సంఘ కుటుంబంలో వివిధ విభాగాల్లో పనిచేస్తున్న వారు చాలా మంది సభ్యులు వున్నారు. క్లుప్తంగా కొన్నే చెప్ప దలచుకుంటే...

రాష్తీయ స్వయం సేవక్ సంఘ్(మాతృ సంస్థ)

ఆర్.యస్.యస్., మరియు దీని అనుభంధ సంస్థలన్నింటినీ కలిపి సంఘ్ పరివార్ అని పిలుస్తారు. భారతీయ మజ్దూర్ సంఘ్, భారతీయ కిసాన్ సంఘ్, అఖిల భారతీయ విద్యార్ధి పరిషత్, వనవాసి కళ్యాణ ఆశ్రమం, స్వదేశీ జాగరణ మంచ్,ప్రజ్ఞా ప్రవాహ్, ఇతిహాస సంకలన సమితి, విద్యా భారతి, సంస్కార భారతి, సంస్కృత భారతి, అధివక్తా పరిషత్, పూర్వ సైనిక పరిషత్, విశ్వ హిందూ పరిషత్ వీటిలో ముఖ్యమైనవి. భారతీయ జనతా పార్టీ నేరుగా కాకపోయినా కొన్ని ఆ సిద్ధాంతాల ఆధారంగా పనిచేస్తుంది.  ఆర్.యస్.యస్. తోపాటు ఈ సంస్థలన్నింటికి చాలా పెద్ద సంఖ్యలో సభ్యులున్నారు.

సరే ఒక కుటుంబం ఉంది అంటే ఆ కుటుంబ సభ్యుల మధ్య ఉండే బంధుత్వాలు లేదా బంధాలు వల్ల వారందరూ ఒక కుటుంబంగా పిలువబడతారు.

మరి ఇన్ని కోట్ల RSS సభ్యులను కలిపి ఉంచుతున్న అంత బలమైన బంధుత్వం కానీ బంధం కానీ ఏమిటి?

" దేశభక్తి "

అవును. దేశభక్తి అనే స్ఫూర్తే వీరందరినీ కలిపి ఉంచుతోంది. నా దేశం ప్రపంచంలో అగ్రగామిగా నిలబడాలి. నా దేశ సంస్కృతిని, పురాణ పురుషులను, మహనీయులను ప్రపంచం అంతా గుర్తించాలి. ఎప్పటికి అయినా నా భారత్ "విశ్వ గురువు" కావాలి అనే బలమైన కాంక్ష వీరందరినీ ఎంత కష్ట సాధ్యమైన పనికి అయినా పురికొల్పుతుంది.

మరి ఈ సంఘ పరివార్ అంటే కొందరు మేధావులకు ఎందుకు కోపం?

ఎందుకంటే భారత్ అధికారం ఈ పరివార్ వాళ్ళ చేతుల్లోకి వెళితే ఇన్నాళ్లూ మేం భజన చేస్తూ రక్షిస్తూ వచ్చిన కుటుంబ కుల పార్టీల అస్తిత్వానికి ముప్పు వస్తుంది అని భయం.

స్వాతంత్రం వచ్చాక సెక్యూలరిజం పేరుతో కుల కుటుంబ పార్టీలు కాక వేటిని ప్రోత్సహించారు ఈ మేధావులు?

ఆర్ ఎస్ ఎస్ మీద ద్వేషంతో ఇప్పటికి ఈ మేధావులు భుజాన్న మోసే పరివారాలు చూడండి. నిజంగా నిజాయితీగా చెప్పండి ఈ పార్టీలకు ముందు ప్రాధాన్యత దేనికి ఉంటుంది? వారి కుటుంబ అభివృద్ధా? లేదా  దేశ అభివృద్ధా ?

నెహ్రు పరివారం

పవార్ పరివారం

థాక్రే పరివారం

కరుణానిధి పరివారం

దేవెగౌడ పరివారం

కేసీఆర్ పరివారం

బాబు పరివారం

వైస్సార్ పరివారం

పట్నాయక్ పరివారం

ములాయం పరివారం

మాయావతి పరివారం

లాలూ పరివారం

మమతా పరివారం

అబ్దుల్లా పరివారం

ముఫ్తి పరివారం

సోరేన్ పరివారం

ఏ రంగంలో అయినా కుటుంబ సభ్యులను ప్రోత్సహించడం అనేది ఉంటుంది.

అందుకే అన్ని రాజకీయ నాయకులు తమ కుటుంబ సభ్యులను రాజకీయాలలోకి రావడానికి ప్రోత్సహిస్తారు. అది తప్పు కాదు. ప్రజాస్వామ్య బద్దంగా పార్టీలు నడిస్తే అక్కడ టాలెంట్ ఉంటే ఎదుగుతారు లేదా మరుగున  పడిపోతారు.  కానీ మనం పైన చెప్పుకున్న పరివారాలు అన్ని ఆ రాజకీయ పార్టీలను ఒక కుటుంబ ఆస్తిగా భావించి ఆ సభ్యులే పార్టీ అధ్యక్షులు లేదా ముఖ్యమంత్రి అవుతారు.

ఈ పరివారాలు అన్నిటికి అధికారం తమ కుటుంబ సభ్యుల చేతిలోనే తరతరాలుగా ఉండాలి అని ప్రగాఢమైన కోరిక. దానికోసం అంటే  తమ కుటుంబ సభ్యుల ఎదుగుదల కోసం వారి పార్టీలలోనే మంచి అర్హత కలిగి దేశానికి వారి సేవలు భవిష్యత్ లో ఉపయోగపడతాయి అనుకుంటున్నవారిని తొక్కేస్తారు, ఎదగనివ్వరు. 

ప్రజాస్వామ్యం పేరుతో కుల కుటుంబ పార్టీలకు వారి కుటుంబ హితం ముఖ్య, ఆ కుటుంబాలను నమ్ముకున్న వంది మాగధుల ప్రయోజనాలు ముఖ్యంగా ఉంటుంది కానీ రాష్ట్ర/ జాతీయ హితం ఎందుకు ఉంటుంది?

సంఘ పరివార్ నుండి వచ్చిన బీజేపీలో ఎవడు తరువాత అధ్యక్షుడు అవుతాడో తెలీదు, ఎవరు ప్రధాని ఆవుతారో తెలియదు, ఏ రాష్ట్రంలో ఎవరు రాష్ట్ర అధ్యక్షుడు గా లేక ముఖ్యమంత్రి గా వస్తారో తెలియదు. అది బిజెపికి మిగతా కుటుంబ పార్టీలకు తేడా!

ఇక్కడ నిజమైన ప్రజాస్వామ్యం ఉంది. ఇక్కడ క్రిందనుండి వచ్చిన వర్కర్స్ కూడా  పై దాకా మెట్లు ఎక్కడానికి ఛాన్స్ ఉంది. కానీ పైన చెప్పుకున్న కుటుంబ పార్టీలలో అటువంటిది కలలో కూడా ఊహించలేము.

అందుకే బిజెపి ఏ నిర్ణయం తీసుకున్నా ఏ ఒక్క కుటుంబ బాగుకోసమో తీసుకోదు. ఎక్కడ అయినా తమ కొడుకుని ముఖ్యమంత్రి చేయడానికో ప్రధానిని చేయడానికో కాంప్రమైజ్ అవ్వదు.

సోనమ్మ రాజ్యం

పవరయ్య రాజ్యం

థాకరయ్య రాజ్యం

యాదవయ్య రాజ్యం

మాయమ్మ రాజ్యం

లాలయ్య రాజ్యం 

మమతమ్మ రాజ్యం

చంద్రన్న రాజ్యం

జగనన్న రాజ్యం

చంద్రయ్య రాజ్యం

దేవయ్య రాజ్యం

కరుణయ్య రాజ్యం.

గతంలో చిన్న రాజ్యాలు, సంస్థనాలు కొన్ని కుటుంబాల చేతుల్లో ఉండేవి. ఇప్పుడు రాష్ట్రాలు కుటుంబాల చేతుల్లో ఉన్నాయి. అంతే తేడా.. దీనికే మనం ప్రజాస్వామ్యం అనే పేరు పెట్టి పిలుచుకుంటున్నాం.  తమ సిద్దాంత అవసరాల కోసం మరియు RSS మీద పట్టలేనంత ద్వేషంతో దేశం ఎం అయిపోయినా ఫరవాలేదు అనే రీతిలో మేధావులు ఈ అవినీతి కుటుంబాల పాలనలనే నిర్లజ్జగా సమర్ధిస్తున్నారు.