ॐ శ్రీ వాల్మీకి జయంతి

  *ॐ శ్రీ వాల్మీకి జయంతి శుభాకాంక్షలు*

*వందే వాల్మీకి కోకిలమ్*

*కూజంతం రామరామేతి*

          *మధురం మధురాక్షరం I*

*ఆరుహ్య కవితాశాఖాం*

            *వన్దే వాల్మీకి కోకిలమ్॥* 

  *- కవిత్వం అనే కొమ్మపై ఎక్కి,*

  *-"రామరామ" అనే మధురాతిమధురమైన అక్షరాలను కూయు,*

  *- వాల్మీకి అనే కోకిలకు వందనము.*

  *(కోకిల అంటే*

    *"క్రోకతి శ్రోతుచిత్తం లాతీతి కోకిలః"*

    *- వినేవారి చెవులను ఆకర్షించేది)* 

    *వాల్మీకి మహర్షి పేరు వినగానే, వెంటనే మనకు "శ్రీమద్రామాయణం" స్ఫురిస్తుంది. అది ఆదికావ్యం* 

*రామాయణం ప్రత్యేకత* 

   *వాల్మీకి మహర్షి, బ్రహ్మదేవుని అనుగ్రహంతో,*

    *రామాయణ కథా - ఆ కథలోని పాత్రలూ, వాటి అంతరంగాలూ కూడా అవగతమయ్యేలా, తన మనో నేత్రంతో చూసి, వ్రాసినదే "శ్రీమద్రామాయణం".*

    *ఇదే మొదటి కావ్యం కాబట్టి, దీనిని "ఆదికావ్యం" అంటాం.*

   *"వేద ధర్మాన్ని వివరించేదిగా" మహర్షి పేర్కొనడం దీని ప్రత్యేకత.*  

    *భూమండలం మీద "పర్వతాలూ - నదులూ ఉన్నత కాలమూ" ఈ "రామాయణ" కథ లోకంలో నడుస్తుందని*

    *సాక్షాత్తూ బ్రహ్మదేవుడే వాల్మీకి మహర్షి వద్దకే వచ్చి, తెలిపి, వ్రాయమన్నాడంటే,*

    *ఆ కావ్యం ఎంత గొప్పదో మనకి తెలుస్తుంది.* 

*విజ్ఞాన సర్వస్వం*

*జీవనవిధానాలనేవి*

  *- ప్రాంతాలబట్టీ వ్యత్యాసాలున్నా,*

  *- కాలాలనిబట్టీ మారినా,*

     *అందఱికీ, అన్ని కాలాలకీ*

   *"ఆలోచన - మాట - చేత"లకి సంబంధించి,*

    *చక్కని ప్రవర్తనకి ఉపయోగపడే - విజ్ఞాన సర్వస్వం" శ్రీమద్రామాయణం.* 

*వివిధ విద్యావిషయాలకు ప్రామాణిక ఆదర్శం*

    *ఒక్కొక్కరూ ఒక్కొక్క విషయంలో మాత్రమే నిష్ణాతులయ్యే అవకాశం ప్రస్తుత విద్యావ్యవస్థలో మనకి కనిపిస్తుంది.*

    *అదీకూడా, అనేక పరిశోధనలు చేస్తూ, వచ్చే ఫలితాలు పాత పరిశోధనల ఫలితాలతో విభేదిస్తూ ముందుకువెళ్ళే వ్యవస్థే మనకి తెలుసు.*

*ఉదా॥ పరమాణు నమూనా - ఎలక్ట్రాన్ విషయాలకి సంబంధించి రూథర్ ఫర్డ్, థామ్సన్, నీల్స్ బోర్, సోమర్ ఫీల్డ్ వంటి శాస్త్రవేత్తలు ఒకరి తరువాత ఒకరు భిన్న నిర్వచనాలనివ్వడమే దీనికి గొప్ప ఉదాహరణ.*

    *కానీ శ్రీమద్వాల్మీకి రామాయణం ఏ విషయమైనాసరే, దానిపై ప్రత్యేకంగా పరిశోధనతో ముందుకు వెళ్ళవలసిన అవుసరంలేక, ఆ విషయంమీద ఆదర్శంగా కనిపించే విధానంతో, విషయాన్ని లోతుగా సమగ్రంగా వివరిస్తూ, అన్ని విద్యావిషయాలనీ అందిస్తుంది.*

*వాటిలో ప్రధానమైనవి కొన్ని* 

*1.చరిత్ర*

*2.సార్వభౌమత్వము - సామ్రాజ్య విధానము*

*3.భూగోళ శాస్త్రము*

*4.ఆర్థిక, వాణిజ్య విషయాలు*

*5.పరిపాలనావిధానం*

*6.గణితం - సంఖ్యాశాస్త్రం*

*7.భౌతిక శాస్త్రాలు* 

*8.జీవశాస్త్రం*

*9.సాంకేతిక విజ్ఞానం*

*10.వైద్యశాస్త్రం*

*11.ప్రజా జీవనం - నాగరికత* 

*సార్వకాలీనం*

    *ఏ కాలంలోనైనా, జీవన విధానాలు కాలాన్నిబట్టీ మారుతున్నా,*

   *ఏ కాలానికైనా మౌలిక విషయాలు కొన్ని అత్యవసరం.*

*వాటిలో ముఖ్యమైన కొన్ని* 

  *- దోపిడీ వ్యవస్థ ఏర్పడకుండానూ, ఒకవేళ ఏర్పడితే, దానిని తొలగించడానికి ముఖ్యమైనవిగా "సత్య - ధర్మా"ల ప్రయోగం.*

  *- ప్రకృతిని చెరిపే పర్యావరణ హానికి విరుగుడుగా "ప్రకృతి ఆరాధన - ఆస్వాదన".* 

  *- మానవీయ సంబంధాలు "రాక్షస ప్రవృత్తికి" దిగజారకుండా*

   *"దైవీ" సంబంధమైన స్థాయికి ఎదగడం.*

    *ఈ సార్వకాలీన విషయాలు స్పష్టంగా తెలుపుతూ వివరించేదే రామాయణం.*

    *ఇది వ్యక్తులకీ, సమూహాలకీ, ప్రకృతికీ సర్వరోగ నివారిణి మాత్రమేకాక, సుఖజీవనానికి దోహదపడుతుంది.*

   *"సత్యం వద - ధర్మం చర" అని చెప్పే వేదధర్మం సార్వకాలీనం.*

   *"సత్యమేవ జయతే" అనేది ఉపనిషద్వాక్యం.*

    *వేదధర్మాన్ని వివరించిన "రామాయణం" కూడా, ఆవిధంగా, సార్వకాలీనమే అవుతుంది కదా!*

 *జనబాహుళ్యంలో ఆవశ్యకత*

    *వేదం నేర్చుకోవాలంటే, అందఱికీ సాధ్యమయేపనీ కాదు. పైగా సమయం కూడా ఎక్కువ కావాలి.*

    *అందుకనే వేదాన్ని వివరిస్తూ (వేద ఉపబృంహణం), వేద ధర్మాన్ని సర్వులకూ రామాయణం తెలుపుతుంది.*

    *తద్వారా, వేదధర్మంగా రామాయణం పండితులకేకాక, పామరులకి కూడా సులువుగా అర్థమవుతూ,*

    *ఆచరించవలసిన విషయాలు - విసర్జించవలసిన విషయాలూ చక్కగా తెలియజేస్తుంది.*

*విశ్వ ప్రయోగశాల - ప్రయోగ దీపిక*

    *ఏఏ పనులు చేస్తే - వాటి పర్యవసానాలు ఏఏ విధంగా ఉంటాయో తెలిపే "ప్రయోగ దీపిక"యే శ్రీమద్రామాయణం.*

      *"ప్రపంచమ"నే ప్రయోగశాలలో, "జీవితం" అనే ప్రయోగం చేస్తున్న మానవులందఱికీ ప్రయోగ దీపిక (manual)గా అన్ని సమయాలలోనూ అవుసరమైనది "శ్రీమద్రామాయణం".*

*రచయిత - రాయల్టీ* 

   *ప్రస్తుత కాలంలో, ఏ పుస్తకమైనా వ్రాసిన రచయితకి అమ్మకం ద్వారా "రాయల్టీ" లభించడం చూస్తూంటాం.*

   *కానీ సృష్టికర్త తాను ఎన్నుకొని, సమస్తమానవాళికి సుఖశాంతులని అందించే గ్రంథ - రచయితగా "కారణ జన్ముడైన" వాల్మీకి మహర్షిని ఆదేశించారు.*

    

    *ఆ గ్రంథాన్ని అవగతం చేసికొంటూ, మనం "శ్రీరాముడు"గా అయి, మనలోని "రావణు"ని అంతం చేయడమే*

  *- వాల్మీకి మహర్షికి మనం ఇచ్చే "రాయల్టీ"*

        *అదే వాల్మీకి జయంతి మనకి అందిచ్చే సందేశం.* 

                    *=x=x=x=*

      *— రామాయణం శర్మ*

               *భద్రాచలం* 

    *(ద్వారకా తిరమల మకాం)*