3, అక్టోబర్ 2020, శనివారం

ఓం శూలాద్యాయుధ సంపన్నాయై నమః.

 ఓం శూలాద్యాయుధ సంపన్నాయై నమః.🙏(శ్రీ లలితా సహస్ర నామములలో 506వ నామము)


కం. మాయికులఁ ద్రుంచ శూలా


ద్యాయుధములు తాల్చినట్టి తల్లివి, మాలో


మాయను బాపుము శూలా


ద్యాయుధ సంపన్న! నిన్ను ధ్యానింతు మదిన్.🙏


అమ్మ పాదపద్మములకంజలి ఘటిస్తూ🙏

చింతా రామకృష్ణారావు.

మహాభాగవతం


*వేదవ్యాసుల వారి సంస్కృత మహాభాగవతం*


*నవమ స్కంధము - పదియవ అధ్యాయము*


*పరమాత్మూడైన శ్రీరామచంద్రుని లీలావర్ణనము*


*ఓం నమో భగవతే వాసుదేవాయ*

🕉🕉🕉🕉🕉🕉🕉🕉🕉🕉🕉🕉


*10.7 (ఏడవ శ్లోకము)*


*జిత్వానురూపగుణశీలవయోఽఙ్గరూపాం సీతాభిధాం శ్రియమురస్యభిలబ్ధమానామ్|*


*మార్గే వ్రజన్ భృగుపతేర్వ్యనయత్ప్రరూఢం దర్పం మహీమకృత యస్త్రిరరాజబీజామ్॥7637॥*


శ్రీమన్నారాయణుని అంశతో అవతరించినవాడు శ్రీరాముడు. ఆ శ్రీహరి వక్షస్థలమున విరాజిల్లుచుండెడి లక్ష్మీదేవి సీతాదేవిగా అవతరించెను. తరుణవయస్సులో తళతళ మెఱయుచున్న రామచంద్రప్రభువు సద్గుణములచే, ఉత్తమశీల సంపదచే, వయోవైభవముచే, అంగసౌష్ఠవముచే, రూపసౌభాగ్యముచే తనకు అన్నివిధములుగా తగిన సీతాదేవిని (శివధనుర్భంగ మొనర్చుటద్వారా) జయించి, ఆమెను చేపట్టెను. శ్రీరాముడు సీతాదేవితోగూడి సపరివారముగా మిథిలనుండి అయోధ్యకు వెళ్ళుచున్నప్పుడు, మార్గమధ్యమున ఆ ప్రభువునకు పరశురాముడు నిలువరించెను. ఆ భార్గవరాముడు ఇదివరలో ఇరువదియొక్కమారులు క్షత్రియులపై దాడిచేసి భూమిపై వారి వంశములను రూపుమాపియుండెను. అట్టి గర్వముతో ఒప్పుచున్న భార్గవుడు తనను అడ్డగింపగా రఘువీరుడు ఆ మహామహునిలో పాతుకొనియున్న దర్పమును నిర్మూలించెను.


*10.8 (ఎనిమిదవ శ్లోకము)*


*యః సత్యపాశపరివీతపితుర్నిదేశం స్త్రైణస్య చాఽపి శిరసా జగృహే సభార్యః|*


*రాజ్యం శ్రియం ప్రణయినః సుహృదో నివాసం త్యక్త్వా యయౌ వనమసూనివ ముక్తసంగః॥7638॥*


*శ్రీరాముడు తన తండ్రి (దశరథమహారాజు) కైకేయికి ఇచ్చినమాటను* నిలబెట్టుటకై వనములకేగెను. ఆ మహారాజు తన భార్యయగు కైకేయి ప్రభావమునకు లోనైయున్నను, అతడు తన తండ్రిని సత్యసంధుని గావించుటకై తదాదేశమును శిరసావహించెను. సర్వసంగ పరిత్యాగి ప్రాణములను వీడినట్లుగా, అప్పుడు ఆ స్వామి రాజ్యసుఖములను, సకల సంపదలను, తనకు ఆత్మీయులైన బంధుమిత్రులను, భవనములను త్యజించి, భార్యా సహితుడై (సీతా, లక్ష్మణులతో గూడి) వనములకు చేరెను.


*శ్రీరాముడు తన తండ్రి (దశరథమహారాజు) కైకేయికి ఇచ్చినమాట*


పూర్వము ఒకానొకప్పుడు యుద్ధసమయమున కైకేయి దశరథునకు సహాయపడి యుండెను. అందులకు సంతోషించిన దశరథుడు ఆమెకు రెండు వరములను ఇచ్చియుండెను. అప్పుడు ఆరాజు ఇచ్చిన వాగ్దానమును గుర్తుచేయుచు శ్రీరాముని యువరాజు పట్టాభిషేక సమయమున కైకేయి 1) భరతుని పట్టాభిషిక్తుని గావింపవలసినదిగను, 2) శ్రీరాముని వనములకు పంపవలసినదిగను తన భర్తను కైకేయి కోరుకొనెను.


*10.9 (తొమ్మిదవ శ్లోకము)*


*రక్షః స్వసుర్వ్యకృత రూపమశుద్ధబుద్ధేస్తస్యాః ఖరత్రిశిరదూషణముఖ్యబంధూన్|*


*జఘ్నే చతుర్దశసహస్రమపారణీయకోదండపాణిరటమాన ఉవాస కృచ్ఛ్రమ్॥7639॥*


రావణుని చెల్లెలు, కామాతురయైన శూర్పణఖను శ్రీరాముడు వికృతరూపను గావించెను. ఆ రాక్షసి ప్రేరణవలన (శూర్పణఖ గగ్గోలును జూచి ఆవేశపూరితులైన) ఖరుడు, త్రిశిరుడు, దూషణుడు మున్నగు పదునాలుగువేల మంది రాక్షసులు శ్రీరామునిపై దాడికి దిగిరి. అప్పుడు ఆ రఘువీరుడు తిరుగులేని తన కోదండమును చేబూని, ఆ రాక్షసబలములను పూర్తిగా తుడిచిపెట్టెను. పిమ్మట, ఆ రాఘవుడు వనములయందు అంతటను సంచరించుచు అనేకములైన కష్టములను వహించెను.


*10.10 (పదియవ శ్లోకము)*


*సీతాకథాశ్రవణదీపితహృచ్ఛయేన సృష్టం విలోక్య నృపతే దశకంధరేణ|*


*జఘ్నేఽద్భుతైణవపుషాఽఽశ్రమతోఽపకృష్టో మారీచమాశు విశిఖేన యథా కముగ్రః॥7640॥*


పరీక్షిన్మహారాజా! శూర్పణఖ వలన అపూర్వమైన రూప, గుణ, సౌందర్యాదులను వినినప్పటి నుండి ఆమెయెడ రావణుని హృదయములో కామవికారములు చెలరేగెను. అంతట రావణుని ఆదేశముతో మారీచుడు బంగారు లేడి రూపమున శ్రీరాముని పర్ణకుటీర సమీపమునందు తిరుగసాగెను. ఆ బంగారు లేడికై సీతాదేవి ఆపేక్షపడగా శ్రీరాముడు ఆ హరిణమును పట్టుకొనుటకై దానిని వెంబడించెను. అది ఆయనను చాలదూరము తిసికొనిపోయెను. అప్పుడు వీరభద్రుడు దక్షప్రజాపతినివలె శ్రీరామచంద్రుడు తన వాడియైన బాణముచే మారీచుని ప్రాణములను హరించెను.


*10.11 (పదకొండవ శ్లోకము)*


*రక్షోఽధమేన వృకవద్విపినేఽసమక్షం వైదేహరాజదుహితర్యపయాపితాయామ్|*


*భ్రాత్రా వనే కృపణవత్ప్రియయా వియుక్తః స్త్రీసంగినాం గతిమితి ప్రథయంశ్చచార॥7641॥*


బంగారు లేడిని తీసికొనివచ్చుటకై శ్రీరాముడు వెళ్ళిన పిమ్మట ఆందోళనకు గుఱియైన సీతాదేవి ఆయన సమాచారమును తెలిసికొనిరమ్మని లక్ష్మణుని ఒత్తిడి చేసెను. విధిలేని పరిస్థితిలో లక్ష్మణుడు తన అన్నకొరకై కుటీరమును వీడి వెళ్ళెను. ఆ సమయమున రాక్షసాధముడైన రావణుడు తోడేలు మేకనువలె, ఆ వనమునుండి సీతాదేవిని అపహరించుకొని లంకకు వెళ్ళెను. సీతాదేవి (భార్యా) వియోగమునకు గుఱియైన శ్రీరాముడు దీనునివలె సోదరుడగు లక్ష్మణునితోగూడి వనములయందు సంచరింప సాగెను. 'స్త్రీలయెడ ఆసక్తి గలవారికి ఇట్టి దుస్థితులు తప్పవు' అని శ్రీరాముడు ఈ విధముగా లోకమునకు చాటెను.


*10.12 (పండ్రెండవ శ్లోకము)*


*దగ్ధ్వాఽఽత్మకృత్యహతకృత్యమహన్ కబంధం సఖ్యం విధాయ కపిభిర్దయితాగతిం తైః|*


*బుద్ధ్వాథ వాలిని హతే ప్లవగేంద్రసైన్యైః వేలామగాత్స మనుజోఽజభవార్చితాంఘ్రిః॥7642॥*


రావణుని నుండి సీతాదేవిని రక్షించుటద్వారా శ్రీరామునకు సహాయపడుటకై గృధ్రరాజగు జటాయువు ఆ రాక్షసునితో పోరాడి ఆయువులను కోల్పోయెను. తన కొరకై ప్రాణార్పణ చేసిన ఆ పక్షీంద్రునకు శ్రీరాముడు పుత్రునివలె అంత్యక్రియలొనర్చి, అతనికి మోక్షమును ప్రసాదించెను. అచటినుండి కొంత ముందునకు సాగిన పిమ్మట ఆ ప్రభువు తమయెడ అపరాధమొనర్చిన కబంధుని కడతేర్చెను. తదుపరి సుగ్రీవాది వానర ప్రముఖులతో మైత్రిని నెఱపెను. అధర్మమునకు ఒడిగట్టిన వాలిని సంహరించెను. వానరుల ద్వారా తనకు ప్రాణప్రియమైన సీతాదేవి జాడను తెలిసికొనెను. బ్రహ్మరుద్రాదులకును ఆరాధ్యుడైన శ్రీమన్నారాయణుని యొక్క అంశతో మానవుడై అవతరించిన శ్రీరాముడు వానరసైన్యముతోగూడి సముద్రతీరమునకు చేరెను.


(శ్రీ వేదవ్యాసప్రణీత శ్రీమద్భాగవతమందలి నవమ స్కంధములోని పదియవ అధ్యాయము ఇంకను కొనసాగును)


🙏🙏సర్వం శ్రీకృష్ణార్పణమస్తు🙏🙏


*పసుమర్తి వేంకట దుర్గా సుబ్రహ్మణ్యం*

7702090319, 9505813235

లాల్ బహుదూర్ శాస్త్రి

 What'sapp లో ఒక మిత్రుడు పెట్టిన కథనాన్ని యధాతథంగా అందిస్తున్నా 

►►జాతి మరచినా..చరిత్ర మరువని ఏకైక నాయకుడు..!!

►►ఈ దేశంలో గాంధీలు అయినా పుడతారేమో కానీ శాస్త్రిలాంటి వారు పుట్టరు..!!

*******************************************************************************************

లాల్ బహుదూర్ శాస్త్రి గారి గురించి చెప్పాలంటే..

ఒక రెండు మాటలో లేక రెండు పేజీలో సరిపోవు..!!

ఎందుకంటే అసలు అటువంటి వ్యక్తిత్వం..

అంతటి నిబద్దత కలిగిన వారు మనదేశంలో పుట్టడం ఒక అదృష్టం..!!

.

వారి గురించి మచ్చుకు కొన్ని విషయాలు..!!

.

అయన Congress వంశంలో పుట్టలేదనో...

లేక కండలు తిరిగిన పెద్ద బలమైన శరీరం ఉన్న వ్యక్తి కాదనో..!!

లేక ఆరడుగుల అందగాడు కాదనో..!!

లేక పెద్ద ధవంతుల కుటుంబంలో పుట్టని వ్యక్తి కాదనో..!!

.

లేక అయన 1965 యుధ్ధం గెలిపించిన వ్యక్తి అయినందుకో..!!

ఆహార ధాన్యాల కొరత ఉందని పెరట్లో నాగలి పట్టి దున్నినందుకో..!!

తన కుటుంబాన్ని వారానికి ఒక రోజు ఉపవాసం ఉంచినందుకో..!!

ప్రధానిగా ఉండి కూడా సొంత Car లేని వ్యక్తిగా చరిత్రలో నిలిచినందుకో..!!

కేంద్ర Home మంత్రిగా పనిచేసి సొంత Home కూడా లేనందుకో..!!

.

చివరికి అయన ఎలా ఎందుకు మరణించారో కూడా

ఈ దేశ ప్రజలకి తెలియకుండా పోయినందుకో...

.

ఈయన ప్రజలకి,పార్టీలకి,ప్రభుత్వాలకి గుర్తులేకపోవడానికి కారణాలు ఎన్నెన్నో..!!

.

కాని..

ఆయనకి తెలిసింది ఒక్కటే..

నీతి నిజాయితీగా ప్రజలకి సేవ చెయ్యడం..!!

ఒక్క రూపాయి కూడా వెనకేసుకోకుండా..

తన చివరి నిముషం వరకు దేశానికి సేవ చేస్తూనే చనిపోవడం..!!

.

చరిత్ర తెలిసిన వారు ఎవరైనా..

అయన గురించి చెప్పమంటే "ఒక్క"మాటే చెపుతారు..

.

గాంధీలు అయినా పుడతారేమో కాని...

లాల్ బహుదూర్ లాంటి వ్యక్తి ఈ దేశంలో మళ్ళి పుట్టరు అని..!!

.

ఆ మాట ఎంత గొప్పదో..

అయన వ్యక్తిత్వం అంకితభావం ఏంటో..

ఈ ఒక్క మాటతో మనం అర్ధం చేసుకోవచ్చు..!!

.

జాతి మరచినా..

చరిత్ర మరువని ఏకైక నాయకుడు..!!

.

వారికి గొప్ప నివాళి..!!

ఆచమనం

 **


*పూజలు, వ్రతాల్లో ''ఆచమనం'' అనే మాట చాలా సార్లు వింటాం.* 


*"ఆచమనం" అనే ఆచారం అపరిమితమైనది.*


*ఉదయం లేచి స్నానం చేసిన తర్వాత, పూజకు ముందు, సంధ్యావందనం చేసే సమయంలో పలుసార్లు, భోజనానికి ముందు, తర్వాత, బయటకు ఎక్కడికైనా వెళ్ళి వచ్చిన తర్వాత ముఖం, కాళ్ళూ చేతులూ కడుక్కున్న తర్వాత ఆచమనం చేయొచ్చు.*


*ఆచమనం చేసే వ్యక్తి శుచిగా, శుభ్రంగా ఉండాలి. ఒక్కొక్కసారి ఒక్కొక్క ఉద్ధరణి చొప్పున మంత్రయుక్తంగా మూడుసార్లు చేతిలో నీరు పోసుకుని తాగాలి.*


*ఆచమనం గురించి సంస్కృతంలో ''గోకర్ణాకృతి హస్తేన మాషమగ్నజలం పిబేత్'' అని వర్ణించారు. *

*అంటే, కుడి అరచేతిని ఆవు చెవి ఆకారంలో ఉంచి, ఇందులో మూడు ఉద్ధరణిల నీటిని (ఒక మినపగింజ మునిగేంత పరిమాణంలో నీళ్ళు) పోసి, వాటిని తాగాలి. *

*చేతిలో పోసేనీళ్ళు అంతకంటే ఎక్కువ కానీ, తక్కువ కానీ ఉండకూడదు. నీరు కొలత అంతే ఉండాలి.*


*ఆచమనం ఎన్నిసార్లు అయినా చేయొచ్చు అని చెప్తున్నారు..*

*బాగానే ఉంది. *

*1.అసలు ఆచమనం ఎందుకు చేయాలి?* 

*2.నీటిని అరచేతిలో పోసుకుని తాగడం వల్ల ప్రయోజనం ఏమిటి? *

*3.అలా ఎందుకు తాగాలి?*

*4.ఉద్ధరణితో తిన్నగా నోట్లో పోసుకుని ఎందుకు తాగకూడదు?*

*5.మూడు ఉద్ధరణిల నీరు మాత్రమే ఎందుకు తీసుకోవాలి?*

*6. నీరు కొంత ఎక్కువో తక్కువో అయితే ఏమవుతుంది?*

*7. “కేశవాయ స్వాహా,నారాయణాయ స్వాహా, మాధవాయ స్వాహా...” అని మాత్రమే ఎందుకు చెప్పాలి? *


*ఇలాంటి సందేహాలు కలగడం సహజం. అందుకే ఆచమనం చేయడంలో పరమార్థం ఏమిటో విపులంగా తెలుసుకుందాం.*


*మన గొంతు ముందు భాగం లోంచి శబ్దాలు వస్తాయి. దీన్ని స్వరపేటిక అంటాం. దీని చుట్టూ కార్టిలేజ్ కవచం ఉంటుంది కనుక కొంత వరకూ రక్షణ లభిస్తుంది.* 

*అయినప్పటికీ, ఇది ఎంత అద్భుతమైనదో, అంత సున్నితమైనది. ఈ గొంతు స్థానంలో చిన్నదెబ్బ తగిలినా ప్రమాదం. స్వరపేటిక దెబ్బతిని మాట పడిపోవచ్చు, ఒక్కోసారి ప్రాణమే పోవచ్చు.* 

*స్వరపేటిక లోపలి భాగంలో ధ్వని ఉత్పాదక పొరలు ఉంటాయి.* 

*ఇవి ఇంగ్లీషు అక్షరం 'V' ఆకారంలో పరస్పరం కలిసిపోయి ఉంటాయి.* 

*ఈ తంత్రులు సూక్ష్మంగా ఉండి, ఎపెక్స్ ముందుభాగంలో పాతుకుని ఉంటాయి. స్వరపేటిక కవాటాలు పల్చటి మాంసపు పొరతో ముడిపడి ఉంటాయి.*


*ఈ శరీర నిర్మాణం గురించి చెప్పుకోవడం ఎందుకంటే, మన భావవ్యక్తీకరణకు కారకమైన స్వరపేటిక మహా సున్నితమైనది. ముక్కు,నోరు, నాలుక, పెదవులు, పళ్ళు, గొంతు నాళాలు, అంగిలి, కొండనాలుక,గొంతు లోపలి భాగం, శ్వాస నాళం, అన్ననాళం, స్వర తంత్రులు, వాటిచుట్టూ ఉన్న ప్రదేశం ఇవన్నీ ఎంతో నాజూకైనవి. వీటికి బలం కలిగించడమే ఆచమనం పరమోద్దేశం.*


*ఆచమనంలో మూడు ఉద్ధరణిల నీరు మాత్రమే తాగాలి అనిచెప్పుకున్నాం కదా! గొంతులోంచి శబ్దం వెలువడేటప్పుడు అక్కడున్న గాలి బయటికొస్తుంది. ఇలా లోపలి నుండి గాలి బయటకు వస్తున్నప్పుడు అందులో వేగం ఉండకూడదు.*


*శబ్దం సులువుగా, స్పష్టంగా రావాలి. ఇలా కొన్నినీటిని జాగ్రత్తగా చేతిలోకి తీసుకుని, అంతే జాగ్రత్తగా మెల్లగాతాగడం అనే అలవాటు వల్ల మనం చేసే ప్రతి పనిలో శ్రద్ధ,జాగ్రత్త అలవడుతుంది.* 


*రోజులో ఆచమనం పేరుతో అనేకసార్లు మెల్లగా నీరు తాగడంవల్ల గొంతు, ఇతర అవయవాలు వ్యాయామం చేసినట్లు అవుతుంది.*


*“కేశవాయ స్వాహా" అన్నప్పుడు అది గొంతునుండి వెలువడుతుంది.*

*నారాయణాయ స్వాహా" అనే మంత్రం నాలుక సాయంతో బయటకు వస్తుంది.* 

*చివరిగా "మాధవాయ స్వాహా" అనే మంత్రం పెదవుల సాయంతో వెలువడుతుంది.* 


*ఆచమనం అనే ఆచారాన్ని పాటించి ఈమంత్రాలను ఉచ్చరించడం వల్ల గొంతు, నాలుక, పెదాలకు వ్యాయామం లభిస్తుంది.* 

*పైగా ఇవి పరమాత్ముని నామాలు కనుక, భక్తిభావంతో ఉచ్చరించడం వల్లమేలు జరుగుతుంది.*


*ఇక ఉద్ధరణితో తిన్నగా ఎందుకు తాగకూడదు, చేతిలో వేసుకునే ఎందుకు తాగాలి అంటే, మన చేతుల్లో కొంతవిద్యుత్తు ప్రవహిస్తూ ఉంటుంది. చేతిలో నీళ్ళు వేసుకుని తాగడం వల్ల ఆ నీరు విద్యుత్తును పీల్చుకుని నోటి ద్వారా శరీరంలోనికి ప్రవేశిస్తుంది. అక్కడ ఉన్న విద్యుత్తుతో కలిసిశరీరం అంతా సమానత్వం ఉండేలా, సమ ధాతువుగా ఉండేలా చేస్తుంది.*


*ఒక ఉద్ధరణి చొప్పున కొద్దికొద్దిగా నీరు సేవించడం వల్ల ఆకొద్దిపాటి విద్యుత్తు పెదాలు మొదలు నాలుక, గొంతు, ప్రేగుల వరకూ ఉన్న సున్నితమైన అవయవాలను ఉత్తేజ పరుస్తాయి.*


*ఈ ప్రయోజనాలే కాకుండా ఒక పవిత్ర ఆచారంగా భావిస్తూ రోజులో అనేకసార్లు పాటించడం వల్ల మనసు దానిమీద కేంద్రీకృతమై,లేనిపోని బాధలు, భయాలు తొలగుతాయి.*


*ఏదో అలవాటుగా పాటించే ఆచారాల వెనుక ఎన్నో ప్రయోజనాలు ఉన్నాయి. శాస్త్రీయత ఉంది.***

పోత‌న త‌ల‌పులో....71

 


నాయ‌నా, భీమ‌సేనా, నాకు ఎందుకో అన్నీ దుశ్శ‌కునాలే క‌న‌ప‌డుతున్నాయి.

ఎడ‌మ‌క‌న్ను అదురుతోంది. విన‌కూడ‌ని వార్త ఏదో వినాల్సి వ‌స్తుంద‌నిపిస్తున్న‌ది.

నా మ‌న‌సు మ‌న‌సులోలేదు అని చెప్పాడు ధ‌ర్మ‌రాజు.

  మాట‌ల్లోనే అర్జునుడు ద్వార‌క‌నుంచి వ‌స్తూనే అన్నా అంటూ ధ‌ర్మ‌రాజు పాదాల‌ను గ‌ట్టిగా ప‌ట్టుకుని క‌న్నీటిప‌ర్యంత‌మ‌య్యాడు.

    ***


మాతామహుండైన మనశూరుఁ డున్నాడె?-

  మంగళమే మనమాతులునకు?

మోదమే నలుగురు ముగురు మేనత్తల?-

  కానందమే వారి యాత్మజులకు?

నక్రూర కృతవర్మ లాయు స్సమేతులే?-

  జీవితుఁడే యుగ్రసేనవిభుఁడు?

కల్యాణయుక్తులే గద సారణాదులు-

  మాధవుతమ్ములు మానధనులు?

  ***

నందమే మనసత్యకనందనునకు?

భద్రమే శంబరాసురభంజనునకుఁ?

గుశలమే బాణదనుజేంద్రకూఁతుపతికి?

హర్షమే పార్థ! ముసలికి హలికి బలికి?

    ***

నాయనా అర్జునా, మన మాతామహుడైన శూరసేనుడు కుశలమే కదా, మన మేనమామ వసుదేవుడు సుఖంగా ఉన్నాడు కదా , మన మేనత్తలు ఏడుగురూ సంతోషంగా ఉన్నారు కదా, వారి కొడుకు లందరూ క్షేమమే కదా, అక్రూర కృతవర్మలకు ఆరోగ్యమే కదా, ఉగ్రసేన మహారాజు తిన్నగా తిరుగుతున్నాడా, మానధనులూ వాసుదేవుని సోదరులూ అయిన గదుడు, సారణుడు మొదలైన వారంతా కుశలమేనా ,మన సాత్యకి క్షేమమేనా, ప్రద్యుమ్నుడు బాగా ఉన్నాడా, అనిరుద్ధుడు కులాసాగా ఉన్నాడా, మన పెద్దబావ బలరాముడు సుఖంగా ఉన్నాడా అంటూ ఆతృత‌తో అర్జునుడిని ధ‌ర్మ‌రాజు అడిగాడు.

య‌దువంశ వీరులంద‌రూ క్షేమంగా ఉన్నారా ,అని పేరు పేరునా వారి క్షేమ స‌మాచారాలు అడిగాడు

                     ***

.వైకుంఠవాసుల వడువున నెవ్వని-

     బలమున నానందభరితు లగుచు

వెఱవక యాదవ వీరులు వర్తింతు?-

  రమరులు గొలువుండు నట్టి కొలువు

చవికె నాకర్షించి చరణసేవకులైన-

  బంధుమిత్రాదుల పాదయుగము

నెవ్వడు ద్రొక్కించె నింద్రపీఠముమీఁద?-

  వజ్రంబు జళిపించి వ్రాలువాని


           ***

ప్రాణవల్లభ కెంగేలఁ బాదు సేసి

యమృతజలములఁ బోషింప నలరు పారి

జాత మెవ్వఁడు గొనివచ్చి సత్యభామ

కిచ్చె? నట్టి మహాత్మున కిపుడు శుభమె?

              ***

అర్జునా! ఏ మహానుభావుని అండదండలవల్ల వైకుంఠంలో నివసించే వారిలాగా, ద్వారకలో నివసించే యాదవవీరులు ఆనందసహితులై భయరహితులై ఉంటున్నారో, ఏ మహానుభావుడు దేవతలు కొలువు తీర్చే సుధర్మామంటపంలో తన భక్తులనూ బంధువులనూ మిత్రులనూ కూర్చుండ పెట్టాడో, ఏ మహానుభావుడు, వజ్రాయుధం ధరించి ముక్కోటి దేవతల మధ్య ముత్యాల గద్దెపై కొలువు తీర్చే ఇంద్రుని ప్రాణేశ్వరి అయిన శచిదేవి తన చేతులతో పాదుచేసి అమృతం పోసి పెంచిన పారిజాత వృక్షాన్ని, దివినుంచి భువికి తీసుకొని వచ్చి తన ప్రియురాలైన సత్యభామకు బహూకరించాడో- ఆమహానుభావుడు , వాసుదేవుడు క్షేమమేనా? అని కృష్ణ ప‌ర‌మాత్మ గురించి అడిగాడు

🏵️ పోత‌న ప‌ద్యం🏵️

🏵️బంధుప్రేమ‌కు నిలువుటద్దం🏵️

పునర్జన్మ

 జీవునికి పునర్జన్మ వున్నదని జ్యోతిష శాస్త్రం మాత్రమే తెలుపు గలదు. దానికి మూలం కర్మరూపంలో తెలియనగునని అవి మంచివి కాని చెడువి కానీ. మామూలుగా దేహమునుండి ఆత్మ తనంత తానుగా వెడలుట మరో జన్మ ఎత్తుటకు. కానీ ఆత్మ మన ప్రమేయంతో ఎచ్చటను చేయవలెనో అన్న దానిని హఠయెూగ సాధన ప్రాణాయామం తో తెలియుట మెూక్షమని. దీనికి జ్యోతిష శాస్త్ర ప్రకారం శని హేతువులు మకరంలో గాని కుంభంలోకాని వున్నప్పుడు అదియును ఏకాదశమన గురునికి శుభర్గళమైనయెడల పునర్జన్మ వుండదని తెలియుచున్నది. అనగా అటువంటి గ్రహస్థితి వచ్చువరకు జన్మ ఎత్తుతూ నుండవలెనని. అందుకే యీ జన్మ లోనే అందుకు సరైన సాధన చేసిన మరో జన్మ లోనైనా అందుకు సరియగు దేహమును ఆశ్రయింతవలెను. వాసము పూర్తిగా అనుభవించిన గాని యిక ఏ విషయం పైనా ఆసక్తి లేకుండుటయు మెూక్షమని యుందురు అటువంటి గ్రహస్థితి వచ్చువరకు అవిరామంగా జన్మలు ఎత్తుతూ వుండ వలెను. మామూలుగా జీవుడు జనో లోకం వరకు అనగా భూ భువర్లోక, మహా లోక జనో లోకం వరకు మాత్రమే ప్రయాణం. అచ్చట నుండి తిరిగి పునరావృత్తి. తపో లోకమునకు కూడా కొన్ని కోరికలు మిగిలి యుండును. అనగా తపస్సు కోరికలు లేనివిధంగా చేయగా నామ గాన దాన యఙ్ఞం మెుదలగు కర్మలు ఫలితం ఆశించకుండా చేసిన సత్య లోకం చేరును. సత్య లోకం కూడా జన్మ పరంపర వచ్చును. దానికి నలుడు హరిశ్చంద్ర, ప్రహ్లాద మొదలగు వారు సత్య లోకం వరకు మాత్రమే చేరి తిరిగి జన్మించారు. పతివ్రత లు దైవ లక్షణములు గలిగిన వారఅనగా త్యాగరాజ అన్నమయ్య, వామదేవుడు, మార్కండేయ మొదలగు వారు మాత్రమే బ్రహ్మపథం చేయగలరు. జన్మ ఎత్తున దానికి సార్థకం భగవధ్యానమే. భగవంతినలో చేరు తపన వానితో రమించునట్టు లేక సఖుని వలె అనగా గోపికలవలె లేక రాధ వలె లేక వెంగమాంబ వలె యింటి జన్మలు రావలెనని కోరిక కలిగిన ఎన్నో జన్మలు ఆవిధమైన పూర్ణ భక్తితో కూడిన లభించి మెూక్షమని కలుగుటకు అవకాశం.

మొగలిచెర్ల అవధూత

 మొగలిచెర్ల అవధూత శ్రీ దత్తాత్రేయ స్వామివారితో అనుభవాలు..

ప్రతిభ..పరీక్ష..


"శ్రీ దత్తాత్రేయ స్వామివారిని మనస్ఫూర్తిగా నమ్మానండీ..శ్రీ స్వామివారి కృప వల్ల నాకు ఈరోజే మేలు జరిగింది..మీరు రోజూ భక్తులు పొందిన అనుభవాలను పోస్ట్ చేస్తున్నారు కదా..నేను చదువుతూ ఉన్నానండీ..నాకూ కొన్ని అనుభవాలు కలిగాయి..నిజంగా మొగలిచెర్ల అవధూత దత్తాత్రేయుడే నాకు మేలు చేశాడండీ..మీతో చెప్పుకోవాలని అనిపించి మీకు ఫోన్ చేస్తున్నాను..ఈ అనుభవాన్ని కూడా మీరు తప్పకుండా వ్రాయండి.."


వరంగల్ లో లాయర్ గా పనిచేస్తున్న శ్రీమతి ప్రతిభ గారు నాకు ఫోన్ చేసి ఎంతో ఉద్వేగంతో చెప్పిన మాటలివి..ప్రతిభ గారు ఫోన్ చేసే క్షణం దాకా వారెవరో నాకు తెలీదు..నిజానికి ఈరోజు దాకా వారిని నేను కలుసుకోలేదు..ఆవిడ గారు తనను మొగలిచెర్ల లో సిద్ధిపొందిన శ్రీ దత్తాత్రేయ స్వామి వారే దగ్గరుండి అన్నివిధాలా ఆదుకున్నారని త్రికరణ శుద్ధిగా నమ్మారు..


శ్రీమతి ప్రతిభ గారు వరంగల్ లో వుంటారు..ప్రస్తుతం లాయర్ గా ప్రాక్టీస్ చేస్తున్నారు..వృత్తి పరమైన పరీక్ష నిర్వహిస్తున్నారని తెలిసి..తాను కూడా ఆ పరీక్ష వ్రాయాలని సంకల్పించారు..దరఖాస్తు చేసుకున్నారు..కానీ ఆ పరీక్షకు ముందురోజు దాకా హాల్ టికెట్ రాలేదు..ప్రతిభ గారు పూర్తిగా ఆందోళన చెందారు..రాత్రి తొమ్మిది గంటల దాకా ఎదురు చూశారు..హాల్ టికెట్ రాలేదు..ప్రక్కరోజు ఉదయం పది గంటలకు హైదరాబాద్ లో పరీక్ష వ్రాయాలి..ఆవిడకు దిక్కు తోచలేదు..

"స్వామీ దత్తాత్రేయా..నువ్వే దిక్కు..నేను పరీక్ష వ్రాయడానికి మార్గం చూపించు తండ్రీ!.." అని మనసులో పదే పదే ప్రార్ధన చేసుకోవడం మొదలుపెట్టారు..


తెల్లవారింది..ఆదివారం ఉదయం ఏడు గంటలకు ప్రతిభ గారు పరీక్ష గురించి ఆశ వదులుకున్నారు..కానీ చిత్రంగా ఆ సమయం లో హాల్ టికెట్ ఇంటర్నెట్ ద్వారా వచ్చింది..తన కళ్ళను తానే నమ్మలేక పోయారు..కానీ మరో సమస్య ఉన్నది.. ఇప్పటికిప్పుడు బైలుదేరినా.. పరీక్ష కు సమయానికి అందుకోవడం చాలా కష్టం..వరంగల్ నుంచి హైదరాబాద్ మూడు గంటల ప్రయాణం ఉన్నది..అయినా ప్రతిభ గారు..భారం అంతా శ్రీ స్వామివారి మీద వేసి..తాను తయారయ్యి..కారు మాట్లాడుకుని..ఉదయం ఎనిమిది గంటలప్పుడు హైదరాబాద్ బయలుదేరారు..ఆ మూడుగంటల ప్రయాణం లో ఆవిడ శ్రీ స్వామివారినే ధ్యానం చేస్తూ వున్నారు..పరీక్ష వ్రాసే చోటుకు చేరేసరికి..సుమారు పదకొండు గంటల సమయం అయింది..నిజానికి అంత ఆలస్యం అయితే..అధికారులు పరీక్ష వ్రాయడానికి ఒప్పుకోరు..ప్రతిభ గారు అధికారులను కలిసి..తాను వరంగల్ నుంచి వస్తున్నాననీ..హాల్ టికెట్ ఆలస్యంగా రావడం వలన..ఈ జాప్యం జరిగిందని తెలిపారు..అధికారులు ప్రతిభ గారిని పరీక్షకు అనుమతించారు..పరీక్ష వ్రాసి బైటకు వచ్చిన ప్రతిభ గారికి..శ్రీ స్వామివారు చూపిన దయ వల్లే..తనకు ఈరోజు ఇలా అన్నీ కలిసొచ్చాయని నమ్మి..శ్రీ స్వామివారికి మనసులోనే నమస్కారాలు చేసుకున్నారు..


పై విషయాన్ని స్వయంగా ప్రతిభ గారు ఫోన్ చేసి తెలుపుతూ..తనకు శ్రీ స్వామివారి విభూతి పంపమని కోరారు..పంపించాము..మళ్లీ ఒక పది రోజులకు ఫోన్ చేశారు..ఎన్నాళ్ల నుంచో తాము ఇంటి ఋణం గురించి ప్రయత్నాలు చేస్తున్నామనీ..bank అధికారులు మంజూరు చేయకుండా ఆలస్యం చేస్తున్నారని..శ్రీ స్వామివారిని శరణు వేడు కున్నాననీ..రెండురోజుల్లో ఆ ఋణం మంజూరు చేసినట్లు తెలిపారనీ..చెప్పారు..మొదటిరోజు ఎంత ఉద్వేగంతో మాట్లాడారో..అదే ఉద్వేగం..అదే సంతోషం..ఆవిడ మాటల్లో మళ్లీ వినిపించాయి..


ప్రతిభ గారు ఇంతవరకూ మొగలిచెర్ల రాలేదు..శ్రీ స్వామివారి మందిరాన్ని దర్శించనూ లేదు.. కేవలం శ్రీ స్వామివారిని మనస్ఫూర్తిగా నమ్మారు....ప్రస్తుతం ప్రతిభ గారికి మొగలిచెర్ల లో సిద్ధిపొందిన దత్తాత్రేయుడే సర్వస్వం..నమ్మకం తో కూడిన భక్తి ఎక్కడ ఉంటుందో..అక్కడ దైవం తప్పక ఉంటాడు..అది మరొక్కసారి ఋజువయింది..


సర్వం..

శ్రీ దత్తకృప!.


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం.. ప్రకాశం జిల్లా..పిన్: 523 114..సెల్..94402 66380 & 99089 73699).

66వ పద్యం


మ.

శుకముల్ కింశుక పుష్పముల్ గని ఫలస్తోమం బటంచున్ సము

త్సుకతన్ జేరగ బోవ నచ్చట మహాదుఃఖంబుసిద్ధించు గ

ర్మకళాభాషకెల్ల బ్రాపులగు శాస్త్రంబుల్ విలోకించు వా

రికి నిత్యత్వమనీష దూరమగునో శ్రీకాళహస్తీశ్వరా!

మఖ నక్షత్రం - గుణగణాలు, ఫలితాలు



    మఖ నక్షత్ర అధిపతి కేతువు. మేషరాశి అధిపతి కుజుడు. ఇది రాక్షసగణ నక్షత్రం. నక్షత్రాధిపతి సూర్యుడు. మఖ నక్షత్రము నవాంశ విషయానికి వస్తే.. మొదటి పాదములో మేష రాశి ఉంటుంది. రెండవ పాదములో వృషభ రాశి, మూడవ పాదములో మిధున రాశి, నాలుగవ పాదములో కర్కాటక రాశి ఉంటుంది.


మఖ నక్షత్ర మొదటి పాదము

కుజుడి ప్రభావం వీరిని మరింత ప్రభావితం చేస్తుంది. అనుకున్న కార్యం వీరు అనుకున్నంత వేగంతోనే పూర్తిచే స్తారు. కేతు గ్రహ ప్రభావంతో వీరికి ఆద్యాత్మిక చింతన ఉంటుంది. ఏ కార్యమైనా దైవ నమ్మకంతో పూర్తి చేస్తారు. రాజ్యాంగ సంబంధిత వృత్తి, ఉద్యోగ, వ్యాపారాలు వీరికి అనుకూలిస్తాయి. భూ సంబంధిత వృత్తి, వ్యాపార, ఉద్యోగాలు వీరికి అనుకూలిస్తాయి. 


బాల్యంలోనే శుక్ర దశ రావడంతో వీరికి విద్య మీద కంటే అలంకరణ సౌందర్య పోషణ మీద ఆసక్తి చూపిస్తారు. ఈ సమయంలో మనసును విద్య వైపు మళ్ళించి విద్యాభ్యాసం విజయవంతంగా పూర్తి చేయవలసిన ఉంటుంది. 26 సంవత్సరాల వరకు జీవితం సుఖ సౌఖ్యాలతో సాగుతుంది. తరువాత కొంత సుఖం తగ్గినా జీవితం సాఫీగా జరిగిపోతుంది. 49 సంవత్సరాల తరువాత వచ్చే రాహుదశ కొన్ని సమస్యలను తీసుకువచ్చే అవకాశం ఉంది. 18 సంవత్సరాల రాహుదశ అనంతరం వచ్చే గురు దశ కారణంగా 67 సంవత్సరాల తరువాత జీవితం తిరిగి గాడిలోకి పడుతుంది. వృద్ధాప్యం ఆటంకాలు లేకుండా సాఫీగా జరిగిపోతుంది.

    

మఖ నక్షత్ర రెండవ పాదము

 వీరికి స్థిరమైన అభిప్రాయాలు ఉంటాయి. ఒక సారి ఏర్పరచుకున్న అభిప్రాయాలు అంత త్వరగా మార్చుకోలేరు. అలంకరణ వస్తువుల సేకరణ అంటే విపరీతమైన ఆసక్తి కనబరుస్తారు. బాల్యంలో వచ్చే శుక్రదశ కారణంగా కళారంగం అబ్బుతుంది. ఈ రంగంలో పేరు ప్రఖ్యాతులు కూడా తెచ్చుకుంటారు. కళా సంబంధిత వృత్తి, ఉద్యోగాలు, వ్యాపారం వీరికి అనుకూలిస్తాయి.  


ఈ జన్మ నక్షత్రంలోని రెండవ పాదము వారికి 24 సంవత్సరాల వరకు సౌఖ్యవంతమైన జీవితం సాగుతుంది. ఆ తరువాత కొంత సుఖం కాస్త తగ్గినా 47 సంవత్సరాల వరకు సాఫీగా సాగిపోతుంది. తరువాత 18 సంవత్సరాల రాహుదశ కారణంగా కొన్ని సమస్యలు ఎదురైనా 65 సంవత్సరాల తరువాత జీవితంలో సౌఖ్యం తిరిగి మొదలవుతుంది. వృద్ధాప్యం సౌఖ్యవంతంగా జరిగి పోతుంది.

  

మఖ నక్షత్ర మూడవ పాదము

  వీరు స్థిరమైన అభిప్రాయాలు కలిగి ఉంటారు. కనుక వీరు ఒక్కసారి ఏర్పరచుకున్న అభిప్రాయాలు అంత త్వరగా మార్చుకోలేరు. మేధో సంబంధిత వృత్తులు, ఉద్యోగాలు, వ్యాపారాలు వీరికి అనుకూలిస్తాయి. భూ సంబంధిత వృత్తులు, ఉద్యోగాలు, వ్యాపారాలు వీరికి అనుకూలిస్తాయి.  


కేతు గ్రహ ప్రభావం వలన వీరు అత్యంత ఆధ్యాత్మికత కలిగి ఉంటారు. వీరికి వ్యాపార, ఉద్యోగాల, వ్యవసాయం మీద సమానమైన ఆసక్తి ఉంటుంది. మూడవ పాదములో జన్మించిన వారికి కూడా చిన్న వయసులో శుక్రదశ కారణంగా విద్య కంటే సౌందర్య పోషణ, సౌఖ్యవంతమైన జీవితం మీద ఆసక్తి ఉంటుంది. ప్రయత్న పూర్వకంగా మనసును విద్య వైపు మళ్ళించి విజయం సాధించవలసిన అవసరం ఉంది. 22 సంవత్సరాల వరకు శుక్రదశ ఉంటుంది కనుక జీవితం అప్పటి వరకు సౌఖ్యవంతంగా సాగుతుంది. తరువాత కాస్త సౌఖ్యం తగ్గినా 45 సంవత్సరాల వరకు జీవితం సాఫీగా జరుగుతుంది. 


తరువాత 18 ఏళ్ల రాహుదశ కారణం వల్ల కొన్ని సమస్యలు ఎదుర్కోవాల్సి రావచ్చు. రాహుదశ అనుకూలిస్తే విదేశీ పర్యటనలు అనుకూలిస్తాయి. తరువాత వచ్చే 16 సంవత్సరాల గురు దశ 63 ఏళ్ల కాలంలో సమస్యలు తగ్గు ముఖం పట్టి తిరిగి సుఖసంతోషాలు మొదలవుతాయి. దీంతో వృద్ధాప్యం సాఫీగా సాగిపోతుంది.


మఖ నక్షత్ర నాలుగవ పాదము

వీరికి పట్టుదల అధికం. వీరికి తల్లి అంటే అభిమానం అధికంగా ఉంటుంది. కేతు గ్రహ ప్రభావం వల్ల వీరికి ఆధ్యాత్మిక చింతన ఉంటుంది. వీరికి పాలు, పాల ఉత్పత్తులు, బియ్యం, ముత్యం, కాగితం, ఔషధ తయారీ విక్రయం వంటి వృత్తులు, ఉద్యోగాలు వ్యాపారాలు అనుకూలిస్తాయి.  


వీరికి 21 ఏళ్ల వరకు శుక్ర దశ ఉండటంతో జీవితం అప్పటి వరకు సాఫీగా సాగుతుంది. తరువాత కొంచెం సాఫీగా తగ్గినా 44 సంవత్సరాల వరకు జీవితం సాఫీగా జరుగుతుంది. తరువాత 18 సంవత్సరాల రాహుదశ కారణంగా కొన్ని సమస్యలు ఎదుర్కోవలసి రావచ్చు. రాహుదశ అనుకూలిస్తే విదేశీ పర్యటనలు అనుకూలిస్తాయి. తరువాత వచ్చే 16 సంవత్సరాల గురు దశ, 62 సంవత్సరాల సమయంలో సమస్యలు తగ్గు ముఖం పట్టి తిరిగి సుఖ సంతోషాలు చోటు చేసుకుంటాయి. కనుక వృద్ధాప్యం సంతృప్తిగా జరిగిపోతుంది.


మఖ నక్షత్రము గుణగణాలు


ఈ నక్షత్ర జాతకులకు ఆధ్యాత్మిక భావం అధికంగా ఉంటుంది. కేతువు ఆధిపత్యము, రాక్షస గనముల చేరిక కారణముగా పట్టుదల, ప్రతీకారము వంటివి అధికము. వీరికి పొదుపు చేసే గుణం ఉంటుంది. జీవితంలో అభద్రతా భావం ఉంటుంది. ఈ నక్షత్రాధిపతి సూర్యుడు కావడము వలన ఈ రాశి వారికి ఆధిపత్య గుణము ఎక్కువే. మంచి మనుషులుగా పేరుతెచ్చుకునే ఈ నక్షత్ర జాతకులు సౌమ్యులుగా ఉంటారు. వీరికి గృహోపయోగం, విదేశీయాన యోగం మొదలైనవి కలిసి వస్తాయి. జీవితంలో ఎలాంటి లోటు వీరికుండదు. 


వీరు ఇతరుల సొమ్మును ఆశించే రకం కాదు. ఉదయం నుంచి రాత్రి వరకు అనుక్షణం శ్రమించే నైజం ఉంటుంది. అయితే.. నిద్రలేమిని మాత్రం భరించలేరు. జరిగిన పోయిన సంఘటనలను అంత సులువుగా మరిచిపోరు. అప్పుడప్పుడు వాటిని తలచుకుని బాధపడతారు. ఇక ఇతరులు ఆపదలో ఉన్నారంటే వారికి ముందు జాగ్రత్తలు చెబుతారు. కానీ ఆపద వస్తే మాత్రం ఆదుకునే స్థితిలో ఉండరు.


ఈ నక్షత్ర జాతకులకు ఆదివారం కలిసి వస్తుంది. బుధవారం, శనివారం సామాన్య ఫలితాలు కలుగుతాయి. మంగళవారం మాత్రం ఎలాంటి కార్యాన్ని ప్రారంభించ వద్దు. వీరి అదృష్ణ సంఖ్యలు 1, 4. ఎరుపు రంగు ఈ జాతకులకు శుభ ఫలితాలను అందిస్తాయి....మీ... *చింతా గోపి శర్మ సిద్ధాంతి** *లక్ష్మీలలితా వాస్తు జ్యోతిష నిలయం* (భువనేశ్వరిపీఠం) పెద్దాపురం, సెల్ :- 9866193557

H'ble PM Shri Narendra Modi

 _*Why H'ble PM Shri Narendra Modi is facing so much hatred? And after analysing the facts, it's probably that every corrupt politician, black money holder, terror group, anti-national - are all feeling the heat because of PM's anti-corruption policies. Be it de-monetization or the linking of Aadhar with bank accounts or with pan-card, inter alia - are the reasons for their hatred...*_ 


*By linking a new base (Aadhar #), 1 million poor disappeared in Maharashtra!*


*More than 30 million fake LPG connection holders have ended!*


*1,95,000 fake children list who got scholarships from the madarasaas disappeared!*


*Over 1.5 million fake ration card holders disappeared!*


*Why all this is disappearing !?!*


*The whole black market of the thieves is going to close ... so all the thieves have filed a petition in the courts that the base link is a violation of fundamental rights! What rights of privacy!?!*


*1) Modi has closed more than 3 lakh fake companies!*


*2) Ration dealers are angry!*


*3) Property dealers annoyed!*


*4) Brokers frustrated with the online system!*


*5) 40,000 fake NGOs closed, so the owners of these NGOs also annoyed!*


*6) Anger of people who have purchased property with ill-gotten money!*


*7) E-Tendering process has made some contractors helplessly angry!*


*8) Gas Dealers are angry!*


*9) So far, the 12 million people who have come under the income tax scan are not happy!*


*10) With the introduction of GST, a section of businessmen annoyed, because they have come to the ambit of the automatic payment system!*


*11) The system of whitening black has become limp.*


*12) The lazy government officials are feeling offended, as they have to work on time, work hard & not take bribes.*


*13) Fake currency dealers stressed by digital economy.*  

           

*14) Terror oganizations funding reduced greatly.*     


*15) Real estate mafia feeling redundant, now they find it difficult to account for unaccounted cash.*


*16) Politicians unhappy as less opportunity for scam related income.*


*Now it's for 1.25 or 1.30 billion Indians to decide whether to support the khichidi parties or to support Narendra Modi. The ball is in your Court.*  


*Every Indian (Hindu, Muslim, Sikh, Christian, etc) want development, financial independence, peace, prosperity, happiness, wisdom, the will to do something good - they don't want religious politics or religious snobbery. Right?*                  


*If you have to do something for the country, then send this message to at least 30 people with a request to forward it till it reaches every Indian.*