10, అక్టోబర్ 2020, శనివారం

**సంపూర్ణ తిరుమల చరిత్ర** - 8

 **దశిక రాము**




ద్రవిడ ప్రబంధ సాహిత్యంలోని భక్తి సామ్రాజ్యంలో ఆళ్వారుల స్థానం ప్రశస్తమైంది. వీరు పన్నెండుమంది. అందుకే పన్నిద్దరు ఆళ్వారులంటారు. వీరిలో మొదటి ముగ్గురు ఆళ్వారులను మొదలాళ్వారులని పిలుస్తారు. వీరు పోయ్ గై ఆళ్వారు, భూతత్తాళ్వారు, ఇంకా పేయాళ్వారులు. వీరందరూ సమకాలీనులు. వీరి జననం కూడా చరిత్రకు అందని విచిత్రంగా ఒకే విధంగా ఉండటం విశేషం. తమిళ ప్రబంధాలు వీరి జనన విశేషాలను తెలియజేస్తాయి. అంతేకానీ చారిత్రక ఆధారాలు మాత్రం స్పష్టంగా లేవు. ఈ తొలి ఆళ్వారులైన పోయ్ గై ఆళ్వారుల జన్మస్థలం కాంచీపురంగానూ, భూదత్తాళ్వారుల జన్మస్థలం మహాబలిపురంగానూ, పేయాళ్వారుల జన్మస్థలం మైలాపురం అనీ పిలవబడే మొన్నటి మద్రాసు, నేటి చెన్నై అన్నమాట.


వీరి జీవనం అంతా సంచార జీవనమే. అనేక ప్రాంతాల్లో సంచరిస్తూ భగవన్నామ సంకీర్తనలు చేస్తూ అలౌకిక ఆనందాన్ని పొందడమే వారి జీవనం. బాహ్యంగానూ, అంతర్లీనంగానూ నిరంతరం భగవంతుని ధ్యానంలోనే ఉండటం వల్లనే వీరు ఆళ్వారులుగా ప్రచారంలోకి వచ్చారు. వీరి జనన విశేషాలు, జన్మస్థల విశేషాలకన్నా వీరు ప్రవచించిన భక్తి మార్గాన్ని అవగతం చేసుకోవడమే ముఖ్యం కనుక వీరి జీవిత వైశిష్ట్యం గురించి తెలుసుకుందాం.


పోయ్ గై ఆళ్వారులు


ద్వాపరయుగాంతానికి చెందిన ఒక చిన్న సంఘటన. కాంచీపురం ఒక ప్రసిద్ధ శైవ క్షేత్రం. ఇక్కడ శివ కంచిలో శివాలయం, విష్ణు కంచిలో వైష్ణవ ఆలయానికి ప్రసిద్ధి. ఈ వైష్ణవ ఆలయానికి దగ్గర్లో ఒక ముద్దబంతి పూలతోట కైంకర్యానికి వినియోగించేందుకు ఉంది. ఆ తోటలోని పూలన్నీ వైష్ణవాలయానికే. ఆ తోట పాలనకు ఒక చిన్న కోనేరు ఉండేది. అదే ఆ తోటకు ఆధారం. నిత్యం ఆ తోటలోని పూవులే వైష్ణవాలయానికి, స్వామివారికి అలంకారం. అది సిద్ధాద్రి నామ సంవత్సరం. శుద్ధ అష్టమి. శ్రవణా నక్షత్రం. ఆ ఉద్యానవనంలో నెలల బాలుని ఆక్రందన ఆ ప్రాంతాన్ని మేల్కొలిపింది. ఆ పరిసరాల్లో బాలుని జననీజనకులు ఎవరూ లేరు. వెతికినా కానరాలేదు. అంత ఆ పసిబాలుని ఆలనాపాలనా అంతా ఆ ప్రాంత వాసులదే అయింది. వారే ఆ బాలుని భగవంతుని అంశగా భావించి సరయోగి, కాసారయోగి అంటూ పిలిచేవారు. పోయ్ వై అంటే సరసు లేక కోనేరు అని అర్ధం. కోనేటి చెంత లభించిన బాలుడు కనుక సరయోగి. వీరినే శ్రీ మహావిష్ణువు పంచాయుధాలలో ఒకటైన పాంచజన్య అవతారంగా వైష్ణవులు భావిస్తారు. ఈ పాంచజన్యమే భక్తి సామ్రాజ్య విస్తరణకు నాంది. భక్తి చైతన్యానికి శంఖారావం.


భూదత్తాళ్వారులు


పోయ్ గై ఆళ్వారులు అవతరించిన మరుసటి రోజున అంటే ధనిష్ఠ నక్షత్రంలో, బండి గురువింద చెట్టు వద్ద మహాబలిపురంలో అవతరించారు భూదత్తాళ్వారులు. భూతం అంటే ఆత్మ. పరిపూర్ణ ఆత్మస్వరూపునిగా అవతరించినందున వీరిని భూదత్తాళ్వారులు అని పిలిచేవారు. వీరినే భూత నాథులని కూడా పిలుస్తారు. వీరి జననీజనకులు కూడా లేరు. అందుకే వీరిని కూడా భగవంతుని ప్రసాదంగా భావించి వీరిని భూతనాథులుగా పిలవసాగారు. వీరి వ్యవహారశైలిని బట్టి వీరి జనన నక్షత్రాన్ని నిర్ణయించారు. ఈ విషయాన్నే తమిళ ప్రబంధాల్లో పేర్కొన్నారు. వీరిని కౌమోదకి అవతారంగా శ్రీవైష్ణవులు కొలుస్తారు.


పేయాళ్వారులు


తొలి ఆళ్వారుల్లో చివరివారు పేయాళ్వారులు. వీరి జన్మ వృత్తాంతం, జననీజనకులు ఏమీ తెలీదు. వీరు భూదత్తాళ్వారులు ఉదయించిన మరుసటి రోజున ఇప్పటి చెన్నై ఆనాటి మైలాపురం జన్మస్థలం. వీరు శతభిష నక్షత్ర జాతకులు. ఈ ముగ్గురూ సమకాలికులు. ఆచారవ్యవహారాల్లో సమానమైన లక్షణాలు ఉండటం వీరి ప్రత్యేకత. వీరు కూడా తమ జీవిత కాలాన్ని పరివ్రాజక జీవనంతో గడిపారు. వీరు మైలాపురంలోని ఎర్ర కలువలు ఉన్న ఒక కోనేటి దాపుల అవతరించారు. ఈ కోనేటినే మణికైవారం అని పిలిచేవారు. అందుకే ఈ పేయాళ్వారులకు మైలాపురాధిపతి అని ఇంకో పేరు కూడా ఉంది. వీరిని శ్రీ మహావిష్ణువు నందకాంశసంభూతులుగా పేర్కొంటారు. వీరు కూడా మొదటి నుండి విష్ణు సంశ్లేష భావంతో పరిసరాలను ఏమాత్రం గమనించక తదేకంగా విష్ణు భక్తిని గానం చేస్తూ ఊరూరా తిరుగుతూ ఉండేవారు.


ఈ ముగ్గురు ఆళ్వారులకు ఆహార్యంలోనూ, భావంలోనూ, భక్తిలోనూ ఏక సారూప్యం గురించి ఒక విచిత్రమైన కథ ప్రాచుర్యంలో ఉంది.


ఒకరోజు పోయ్ గై ఆళ్వారు తన ఆశ్రమం విడిచి ఊరూరా తిరుగుతూ విష్ణు గానం చేస్తూ తిరుక్కోయిలూరు అనే ప్రాంతానికి చేరుకున్నారు. ఆ సమయానికి అక్కడ సూర్యాస్తమయం అయింది. బాగా చీకటి. చుట్టూ నిలవ నీడ లేదు. ఆ ప్రాంతమంతా పంటపొలాలతో నిండి ఉంది. సాయం సమయం.. చీకటి పడింది. అంతలో ఉన్నట్లుండి గాలివాన మొదలైంది. ఈదురుగాలి, చలి, వర్షం. నిలవ నీడ లేదు. దూరంగా పంటపొలాలకు కాపలా కోసం వేసిన మంచే లాంటి తాత్కాలిక చిన్న పాక కనిపించింది. అప్పుడు పోయ్ గై ఆళ్వారులు ఆ పాక ముందుకు చేరుకున్నారు. వర్షానికి ఆ చిన్న పాక కారుతోంది. కానీ అక్కడ చీకటి. వెలుతురు ఏమాత్రం లేదు. భగవన్నామ సంకీర్తన చేసుకుంటూ ఆ ఆళ్వారులు చేసేది లేక ఆ పాకలోకి చేరారు. ప్రకృతిలోని ఈ మార్పులన్నీ భగవంతుని ప్రేరణే కదా అనుకుంటూ ఒక్కరికి మాత్రమే స్థలం ఉన్న ఆ పాకలో ముడుచుకుని పడుకున్నారు. పంచభూతాల సృష్టికి కారణభూతమైన భగవంతుని కీర్తిస్తూ సృష్టిని, వృష్టిని, గాలిని సృష్టించిన దేవదేవుడు తనకు తలదాచుకోడానికి ఈమాత్రం జాగాను ఇచ్చినందుకు కృతజ్ఞతలు తెలియజేస్తూ పరమానందం పొందుతూ వర్షానికి తడుస్తున్న ఆ పాకలోనే విశ్రమించాడు.


ఇంతలో ఒక వ్యక్తి వర్షంలో తడుస్తూ వచ్చి ''స్వామీ! వర్షంలో బాగా తడిచాను. చలిగా ఉంది. తమరు దయతో అనుగ్రహిస్తే కొంచెం ఈ పాకలోకి వచ్చి వర్షం నుండి రక్షించుకుంటాను'' అని వేడుకున్నాడు. వెంటనే పోయ్ గై ఆళ్వారు ''మిత్రమా, దయచేసి లోనికి విచ్చేయండి.. ఇక్కడ ఒక్కరు సరిగ్గా విశ్రమించవచ్చు. కానీ ఇద్దరం సర్దుకుని కూర్చోవచ్చు'' అంటూ లోనికి ఆహ్వానించాడు. తర్వాత కొంత సమయానికి వర్షం ఇంకా ఎక్కువై గాలి కూడా తోడైంది. అంత చీకటిలో పోయ్ గై ఆళ్వారులు తన పక్కన ఉన్నవారు ఎవరో చీకట్లో గమనించనేలేదు. ఆవిధంగా ఇద్దరూ ఆ పాకలో పక్కపక్కనే కూర్చుని భగవంతుని తలచుకుంటూ చిన్న కునుకు తీశారు.


అంతలో మరో వ్యక్తి ఆ పాకవద్దకు వచ్చి వర్షం ఎక్కువగా ఉందని, తాను ఎక్కువసేపు బయట ఉండలేకపోతున్నానని, తనకు కూడా పాకలో ఆశ్రయం ఇచ్చి రక్షణ కలిపించమణి వేడుకున్నాడు. వెంటనే పాకలోని ఇద్దరూ లేచి నిలబడి ''మిత్రమా! లోనికి రండి. మనం ముగ్గురం ఈ కొద్ది ప్రదేశంలో కూర్చోవడం అయితే కుదరదు. కానీ నిలబడినట్లయితే సర్దుకోవచ్చు. కనుక మీరు కూడా దయచేయండి'' అని లోనికి ఆహ్వానించారు. అలా అక్కడ ముగ్గురూ ఒకరి పక్కన ఒకరు నిలబడి, ఒకరిపై ఒకరు వాలిపోతూ అలసిన తమ దేహాలకు కొద్ది విశ్రాంతిని ఇచ్చి భగవత్ చింతనతో సేదతీరుతున్నారు.


ఇంతలో అక్కడికి మరొక వ్యక్తి వచ్చి తనకు కూడా ఆశ్రయం ఇవ్వమని వర్షం ఎక్కువగా ఉందని వేడుకున్నాడు. కానీ ఆ పాకలో ముగ్గురు నిలబడటానికి మాత్రమే చోటుంది. నాలుగోవ్యక్తికి ఆశ్రయం ఇవ్వడానికి ఏమాత్రం చోటు లేదు. కానీ.. ఎలా.. ముగ్గురిలోనూ ఒకటే బాధ. బయట ఉన్న నాలుగోవ్యక్తికి ఆశ్రయం ఇవ్వాలి. అందుకు వారు ఒకరితో ఒకరు పోటీపడి తాము బయటకు వచ్చి, బయటి వ్యక్తికి చోటు ఇవ్వాలని ఆరాటపడుతూ.. ఒకేసారి ముగ్గురూ బయటకు వచ్చేశారు.


వారి నిస్వార్థ చింతనకు ఆశ్చర్యపోయిన ఆ వ్యక్తి ''అయ్యా! మీ అమూల్యమైన త్యాగానికి ధన్యుణ్ణి. కానీ, మీ త్యాగం నాకు వద్దు. మీరు ఇబ్బందిపడుతూ చేసే ఈ సహాయంనాకు వద్దు. నేను వేరే నీడ చూసుకుంటాను. దయచేసి మీరు వెనక్కి వెళ్ళి మీమీ స్థానాల్లో ఉండండి'' అని ప్రార్ధించి వేరే నీడ కోసం వెతకసాగాడు.


ఆశ్చర్యకరంగా ఒక్కసారిగా గాలి, వాన ఆగిపోయింది. అక్కడ తుఫాను ఆనవాళ్ళు అయినా కనపడలేదు. మళ్ళీ వారికి పాకలోకి వెళ్ళాల్సిన అవసరం లేకుండా సూర్యుడు తన వెలుగురేఖలను ప్రసరిస్తున్నాడు. అప్పుడు వారు నలుగురు ఒకరినొకరు సంతోషంతో చూసుకున్నారు.


అప్పుడు పోయ్ గై ఆళ్వారు భగవంతుడు చూపిన ఈ అద్భుత, ఆశ్చర్య, ఆనంద, సంభ్రమ అతిశయాలకు చకితుడై ''ఓం నమో నారాయణా.. ఏమి ఆశ్చర్యం.. భూమిని ప్రమిదగా చేసి, సాగరం అనే నూనెతో సూర్యుడు అనే వత్తితో ఈ యావత్ ప్రపంచానికి వెలుగును చూపిస్తున్నావు,, సూర్యుని వెలుగురేఖలతో ఈ ప్రపంచం ఎంత హాయిగా వికాసవంతంగా ఉంది.. ఓ నారాయణా! నీవే ద్వాదశ సూర్యుల్లో అసలైన సూర్యుడివి.. నీ ఈ మహిమలకు శరణు శరణు..'' అంటూ గానం చేశాడు.


ఈ పాశురమే తమిళ ప్రబంధంలోకెల్లా ప్రధమం, విశిష్టం. తర్వాత రెండోవారు ''ఓ స్వామీ! ప్రేమ అనే అగ్నితో నా హృదయాన్ని వెన్నలా కరిగించావు. జ్ఞానం అనే జ్యోతిని వెలిగించావు. నాలోని ఆత్మ వికాసానికి కారణమైన నీకు శరణు శరణు'' అని ప్రార్థించాడు. ఇక మూడోవారు ''ఓ పురుషోత్తమా! ఎవరికీ అర్ధం కాని నీ గురించి నాకు సంపూర్ణంగా అర్ధమైంది. నా జీవితానికి సార్ధకత నెరవేరింది. నా జన్మ ధన్యమైంది నారాయణా!'' అంటూ తన్మయత్వంతో పులకించి గానం చేశాడు.


ఈవిధంగా భక్తి పారవశ్యంతో గానం చేస్తున్న ఈ ముగ్గురినీ చూసిన నాల్గవవారు సంభ్రమాశ్చర్యాలతో పెద్దగా అరుస్తూ ''నేను అదృష్టవంతుడిని.. నా ఆశ నెరవేరింది. నన్ను భగవంతుడు అనుగ్రహించాడు. ఇన్నాళ్ళకు నేను కనుకొన్నాను'' అంటూ పరవశించి గానం చేస్తూ నాట్యం చేసాడు.


అప్పుడు ఆ ముగ్గురూ ఆశ్చర్యంతో ''నువ్వు ఏం కనుగొన్నావు? నీ కోరిక ఏది నెరవేరింది? కాస్త వివరంగా చెప్పు'' అని కోరారు. వెంటనే ఆయన ''సోదరులారా! మీ గురించిన అసలు రహస్యం నాకు అవగతమైంది. మీరు ఎవరో నాకు బోధపడింది. మీరు ఎవరో కారు, ఆళ్వారులు. శ్రీమహావిష్ణువు పంచాయుధాలతో పాంచజన్య అంశగా జన్మించిన పోయ్ గై ఆళ్వారులు అని ఒకరిని, కౌమోదకి అంశజులైన భూదత్తాళ్వారులు అని వేరొకరిని, నందకాంశజులైన పేయాళ్వారులు అని మరొకరిని - ముగ్గురినీ వేలుతో చూపిస్తూ ''మీ కోసమే వాడవాడలా తిరుగుతున్నాను.. మిమ్మల్ని కలవడంతో నా జన్మ ధన్యమైంది'' అంటూ ఆనందంతో నాట్యం చేశాడు.


అప్పుడు ముగ్గురూ ఆళ్వారులూ ఒక్కసారిగా అమితానందంతో ''మీ గురించి కూడా మాకు అర్ధమైంది. మీరు కూడా మరెవరో కాదు. సుదర్శనచక్ర అంశతో జన్మించిన మీరే తిరుమలశై ఆళ్వారులు. మిమ్మల్ని కలవడం మాకు కూడా ఆనందంగా ఉంది'' అంటూ ప్రేమగా ఆలింగనం చేసుకున్నారు. ఈ కలయిక భగవదేచ్చ అని, ఒక అద్భుత సమాగమం అని, అందరి అసలు జన్మస్థలం ఒక్కటే అని, అందరూ ఒక్కచోటు నుండి వచ్చినవారిమే అంటూ ఒకరినొకరు అత్యంత ఆత్మీయతతో, ఆనందంతో పలకరించుకున్నారు. వారి మధ్య ఒకరిపై ఒకరికి సోదర వాత్సల్యమే కదా!


అప్పుడు నలుగురు ఆళ్వారులు ఒక్కసారిగా తలలు ఎత్తి ఆకాశం చూస్తూ ''ఓం నమో నారాయణా, ఓ జగజ్జనకా, నీ అనంతమైన కరుణ మా అందరిమీద సమంగా ప్రసరింపచేశావు. మమ్మల్ని ఒక్కచోటుకు చేర్చెందుకే ఇక్కడ ఈ జడివానాను సృష్టించావు.. మా నలుగురినీ ఒక్కచోట చేర్చిన స్థలం ఒక మహా పుణ్యస్థలంగా ప్రసిద్ధి చెందా''లని ఆ దేవదేవుని వేడుకున్నారు. ఆ ప్రదేశమే నేటి తిరుక్కోయిలూరు. ఈ ప్రాంతం తమిళనాడులోని చెంగల్పట్టు జిల్లాలో ఉంది.


వీటిని భక్తులందరూ తప్పకుండా తెలుసుకోవాలి 


దయచేసి షేర్ చేయండి 


స్వామి వారికి అత్యంత ప్రీతికరమైన నామం " గోవిందా " ... ఎవరు తనని గోవిందా అని పిలుస్తారా అని ఎదురు చూస్తుంటారట స్వామి వారు ... 


కనుక మనం ఆలస్యం చేయక 


అందరం " గోవిందా గోవిందా " అని పలికి స్వామి వారి అనుగ్రహం పొందుదాం ...


గోవిందా గోవిందా గోవిందా గోవిందా గోవిందా గోవిందా

🙏🙏🙏

సేకరణ

*ధర్మజుని రాజసూయ యాగము*



రాజసూయ యాగం జరుగుతుంటే భూమండలం మీద ఉన్న రాజు లందరూ వచ్చారు. రాజసూయ యాగం అంటే మాటలు కాదు. బంగారు నాగలితో భూమిని దున్నారు. వచ్చిన వారందరికీ సక్రమమయిన మర్యాదలు జరగడం కోసం ఎవరెవరు ఏ పనులు చేయాలో ధర్మరాజు గారు నిర్ణయించారు. కర్ణుడికి ఒకరికి దానం యివ్వడం అంటే పరమ సంతోషం. ఒకరికి శ్రద్ధా భక్తులతో దానం యివ్వడానికి కర్ణుడే తగినవాడు. కర్ణుడికి, పాండవులకి పడదు. కానీ ఒక మంచి పని జరుగుతున్నప్పుడు ఆ మంచిపని సక్రమంగా జరగడం కోసం, రాజసూయ యాగంలో దానములు చేయడానికి ధర్మరాజు గారంతటి వాడు కర్ణుని నియమించాడు. పదవులు ఎంత నిష్పక్షపాతంగా ఇచ్చాడో చూడండి. వంటశాలలో ఉండి రుచికరమయిన పదార్థములను తయారుచేయించమని తమ్ముడయిన భీమసేనునికి పురమాయించి భీమసేనుడిని వంటశాలలో పెట్టాడు. వచ్చిన వాళ్ళలో పరమ పూజనీయులైన వాళ్ళు ఉంటారు. వాళ్ళు అక్షతలు వేయడానికి వస్తే యింటి యజమాని, వారు ఆశీర్వచనం చేసి వెళ్ళిపోయే వరకు వారి పక్కన ఉండి వారికి సపర్య చేసి వారికి ఏమి కావాలో చూడడానికి బాధ్యతా కలిగిన ఒక వ్యక్తిని పెట్టాలి. ఈ పనికి కృష్ణ పరమాత్మ దగ్గర అర్జునుని పెట్టారు. యాగమునందు వైదిక క్రతువులో వాడబడే సమస్త పదార్థములను వాళ్ళు ఎక్కడ ఏది అడిగితే సిద్ధంగా అందించడానికి వీలుగా ఆ బాధ్యతను నకులుడికి అప్పగించాడు. వచ్చిన వాళ్ళలో నారదమహర్షి, అత్రిమహర్షి వంటి దేవగురువులు ఉంటారు. వారిని పూజించడానికి తమ్ముడయిన సహదేవుడిని వినియోగించాడు. భోజనపంక్తిలో రుచులూరించే పదార్థములను తెప్పించి చక్కగా వడ్డన జరిగేలా ద్రౌపదిని నియమించాడు. అంతా అందంగా రాజసూయ యాగ క్రతువు జరిగింది. అంత గొప్ప యాగం పూర్తయిన తర్వాత చివర అక్కడ ఉన్నవారిలో జ్ఞానము చేత వృద్దుడయిన వారిని ఎంచి ఆయనకు అగ్రపూజను చేస్తారు. ఇపుడు సభలో అగ్రపూజను ఎవరికి చెయ్యాలి అన్న ప్రశ్న వచ్చింది. అక్కడ ఎందరో ఋషులు, మహర్షులు, దేవగురువులు ఎందరో రాజులు ఉన్నారు. అంతమంది గొప్పవారు వున్న సభలో అగ్రపూజ ఎవరికి చెయ్యాలి? అని ధర్మరాజు గారు ఆలోచన చేస్తున్నారు. అపుడు వయస్సులో చిన్నవాడయినా బుద్ధిలో బృహస్పతి అయిన సహదేవుడు లేచి "అన్నయ్యా, అగ్రపూజ చేయడానికి ఎవరు తగినవాడు అని ఆలోచిస్తున్నావా? కృష్ణుడు అర్హుడు అని సూటిగా అనలేదు. కానీ సహదేవుడు కృష్ణుని ఉద్దేశించి అన్నయ్యా ఈయన ఈశ్వరుడు. ఇక్కడ నిలబడిన ఈయనే బయట వెళ్ళిపోతున్న కాలరూపము. ఒక ప్రదేశములా ఎక్కడికక్కడ కనపడుతున్న ఈ సమస్త భూమండలము ఆయనే. ఇప్పుడు నీవు చేసిన యాగము ఆయనే. ఆ యజ్ఞము ఆయనే. చేసినవాడు ఆయనే. ఇన్నిగా వెలుగుతున్న ఈశ్వరుడు యివాళ మన కళ్ళెదుట మన మాంస నేత్రముతో చూడడానికి ఎదురుగుండా వీలయిన రీతిలో రక్షకుడై, సర్వ కాలముల యందు పాండవులు బాగుపడాలని కోరుకున్న వాడయి యాగమునకు వచ్చి నిర్వహించి జరాసంధుని వధ చేయించిన మహాపురుషుడు ఎవడు ఉన్నాడో ఆయన యిక్కడ కూర్చుని అండగా ఉండగా ఇంకా ఎవరెవరని వెతుకుతారు. ఆయనకు అగ్రపూజ చెయ్యండి" అన్నాడు.

ఈమాట చెప్పేసరికి ధర్మరాజుగారు పొంగిపోయారు. మాట చెప్పడం కాదు. చెప్పేమాట ఎదిరించలేనిదై ఉండాలి. అదీ ఆవిష్కరణ అంటే. కృష్ణుడు ఎవరో చెప్పాడు. కృష్ణుని సరిగా అర్థం చేసుకున్నాడు. ఎంత జ్ఞానియో సహదేవుడు చూడండి. అలా చెప్పగానే ధర్మరాజుగారు ద్రౌపదీ దేవిని తీసుకొని బంగారు జలపాత్రను చేతిలో పట్టుకొని కృష్ణుని వద్దకు వెళ్ళారు. అయిదుగురు అన్నదమ్ములు ద్రౌపదీదేవి కుంతీదేవి అందరూ వెళ్లి కృష్ణ పరమాత్మ పాదముల దగ్గర కూర్చుని ఒక బంగారు పళ్ళెమును తీసుకువచ్చి ఆయన కాళ్ళకింద పెట్టారు. ద్రౌపదీదేవి బంగారు పాత్ర లోంచి నీరు పోస్తుంటే కృష్ణ పరమాత్మ కాళ్ళను కడిగారు. ధర్మరాజు గారు కాళ్ళు కడుగుతుంటే నలుగురు అన్నదమ్ములు పుష్పములు వేస్తూ నమస్కరిస్తూ కూర్చుంటే ద్రౌపదీదేవి నీళ్ళు పోస్తుంటే ఆ కృష్ణ పరమాత్మ కాళ్ళు కడిగి పళ్ళెం లోకి వచ్చినటువంటి ఆ పాద ప్రక్షాళన జలమును తీసుకుని ధర్మరాజుగారు తన శిరస్సు మీద చల్లుకుని, తదుపరి కుంతీదేవి శిరస్సు మీద ద్రౌపదీ దేవి శిరస్సు మీద తమ్ముళ్ళ శిరస్సుల మీద చల్లారు. బంగారు వన్నె గల వస్త్ర ద్వయమును తీసుకు వచ్చి కృష్ణ పరమాత్మకు బహూకరించి, అపర సూర్య భగవానుడా అన్నట్లుగా వెలిగిపోతున్న హారములు తెచ్చి ఆయన మెడలో వేసి కృష్ణ పరమాత్మకు నమస్కరించి ఆయనకు తాంబూలం ఇచ్చి తమతమ శిరస్సులు ఆయన పాదములకు తగిలేటట్లుగా పరమ వినయంతో అయిదుగురు అన్నదమ్ములు నమస్కరించి అగ్రపూజ చేసి చేతులు కట్టుకుని ఆయన పక్కన నిలబడ్డారు. సభలో ఉన్న వాళ్ళందరూ పొంగిపోయారు. కానీ మూడిన వాడు ఒకడు ఉంటాడు. వాడికి ఈశ్వర ధిక్కారం ప్రారంభం అవుతుంది. అపుడు శిశుపాలుడు లేచి

"ఈయన గోపాలుర కుటుంబంలో పుట్టాడు. యథార్థమునకు ఆయన ఎక్కడ పుట్టాడో ఎవరికీ తెలియదు. కొంతమంది యితడు దేవకీ వసుదేవులకు పుట్టాడని అంటారు. చాలామంది యితడు కళ్ళు తెరిచేసరికి యశోదానందుల దగ్గర ఉన్నాడని అంటారు. ఈయన కులం తెలియదు. ఈయన గోత్రం తెలియదు. వావి వరుసలు లేవు. ఎంతమంది గోపకాంతలతో రమించాడో. ఎంతమందితో తిరిగాడో. ఇది నడువడి అని చెప్పడం కుదరదు. అలా ప్రవర్తిస్తూ ఉంటాడు. మానమర్యాదలు ఎరుగని వాడు. ఇటువంటి వానికి అగ్రపూజ చేయడమా! సభలో వీనికన్నా తగినవారు లేరా! కృష్ణుడికి అగ్రపూజ ఏమిటి? కృష్ణుడు అగ్రపూజ అందుకున్నందుకు గాను యిప్పుడే కృష్ణుడిని శిక్షిస్తాను" అని తన గదాదండము తీసుకుని కృష్ణుని మీదకు వెళుతున్నాడు.

కృష్ణ పరమాత్మ వీనిని చూసి ఒక చిరునవ్వు నవ్వి వెంటనే సుదర్శన చక్రమును స్మరించి ఆ చక్రమును శిశుపాలుని మీదికి ప్రయోగించారు. అప్పటికి శిశుపాలుడు చేసిన నూరు తప్పులు పూర్తయిపోయాయి. నూరు తప్పుల వరకు కాపాడతానని మేనత్తకు మాట యిచ్చాడు. ఇప్పుడు శిశిపాలుడు చేసిన అధిక్షేపణతో నూరు తప్పులు పూర్తి అయిపోయాయి. సుదర్శన చక్రమును ప్రయోగించగానే అది శిశుపాలుని కుత్తుకను కత్తిరించి కింద పడేసింది. అతని తల కింద పడిపోగానే సభలో హాహాకారములు మిన్ను ముట్టాయి. అందరూ కూడా దుర్మార్గుడైన శిశుపాలుడు కృష్ణ పరమాత్మ జోలికి వెళ్ళి మరణించాడు అన్నారు. తదనంతరం పాండవులందరూ అవబృథ స్నానమును చేశారు. యాగము అంతా పూర్తయిపోయిన తర్వాత యాగకర్తలు అందరూ వెళ్లి స్నానం చేస్తారు. అలా చక్కగా వారంతా అవబృథ స్నానం చేసి తిరిగి వచ్చారు. ధర్మరాజుగారు పరమసంతోషంగా రాజ్యం ఏలుతున్నారు. కృష్ణ పరమాత్మ తిరిగి ద్వారకా నగరమునకు చేరుకుంటున్నారు.

శ్రీకృష్ణుడు సాళ్వుని, దంతవక్త్రుని చంపుట

ఈలోగా సాళ్వుడు అనబడే రాజు కృష్ణ పరమాత్మ మీద పెంచుకున్న ఆగ్రహం చేత పరమశివుని గురించి ఘోరమయిన తపస్సు చేశాడు. రోజుకు గుప్పెడు మట్టి మాత్రమే తినేవాడు. కడుపులో కార్పణ్యం పెంచుకున్నవాడు ఎంత తపస్సు చేస్తే మాత్రం ప్రయోజనం ఉంటుంది. పరమశివుడు ప్రత్యక్షమై వరమును కోరుకోమన్నాడు. అప్పుడు సాళ్వుడు తన యిష్టం వచ్చినట్లుగా తిరిగే విమానం కావాలని పరశివుని కోరాడు. అపుడు పరమశివుడు మయుడిని పిలిచి ఒక విమానమును నిర్మింపజేసి సాళ్వునికి యిచ్చాడు. ఆ విమానమునకు సౌభకము అని పేరు. ఆ విమానమును ఎక్కి ద్వారకా నగరం మీదకి వచ్చి ద్వారకా నగరంలో ఉండే అంతఃపుర కుడ్యములను, గోపురములను తన గదాదండంతో తొలగదోస్తూ నానా అల్లరి ప్రారంభించాడు. వెంటనే అక్కడ ఉండే ప్రద్యుమ్నుడు, సాంబుడు మొదలైన వారు యుద్దమును ప్రారంభం చేశారు. గొప్ప యుద్ధం జరుగుతోంది. ఈలోగా కృష్ణ పరమాత్మ చేరుకున్నారు. దుర్నిమిత్తములు కనపడ్డాయి. రావణాసురుడు మాయాసీతను సృష్టించినట్లు సాళ్వుడు కూడా మాయా వసుదేవుడిని సృష్టించి కృష్ణ పరమాత్మ కళ్ళ ఎదుటే ఆ మాయా వసుదేవుడిని సంహరించాడు. కృష్ణ పరమాత్మ అంతటివారు తండ్రి మరణిస్తే ఎలా ఖిన్నుడవుతారో అలా ఖిన్నులయారు. కానీ మిగలిన వాళ్ళు "ఇది జరిగేది కాదు - వసుదేవుడు లోపలే ఉన్నాడు" అని చెప్పారు. అప్పుడు ఆయన సుదర్శన చక్రమును ప్రయోగిస్తే సాళ్వుడు కూడా మరణించాడు. అతని విమానం తుత్తునియలు అయిపొయింది.

తదనంతరం దంతవక్త్రుడు వచ్చాడు. వీడిని కూడా కృష్ణ పరమాత్మ సంహరించాడు. శిశుపాల దంతవక్తృలిద్దరూ మరణించిన తరువాత వారిలో వున్న తేజస్సు పైకి లేచి కృష్ణ పరమాత్మలో కలిసిపోయింది. గతంలో శ్రీమహావిష్ణువు ద్వారపాలకు లయిన జయవిజయులకు ఇవ్వబడిన శాపం చేత మూడు జన్మలలో రాక్షసులుగా జన్మించాలి కాబట్టి ఈ జన్మలో వారు శిశిపాల దంతవక్త్రులుగా జన్మించి వారిరువురూ శ్రీకృష్ణ పరమాత్మచే సంహరింపబడి ఆయనలో లీనమయిపోయారు.⁠⁠⁠⁠

*తెలుగు వెలుగు సమూహంలో చేరాలనుకుంటే క్రింద నంబర్ కు నన్ను చేర్చమని సందేశాన్ని పంపండి మీకు లింక్ పంపడం జరుగుతుంది. 9985831828*

"మనకెందుకు"? రాఘవయ్య ఒంటరివాడు. సైకిల్ పై వెళ్ళి, చుట్టుప్రక్కల గ్రామాలలో నాటు వైద్యంచేస్తూ వారిచ్చిన వరకు తీసుకుని జీవనం సాగించేవాడు. ఓరోజు అర్థరాత్రి వేళ బైటవున్న సైకిల్ ను ఓ దొంగ తీసుకోబోతున్నాడు.అది ప్రక్కింటి రాజు భార్య రేఖ చూసింది." ఏవండీ! పాపం ముసలాయన సైకిల్ ఎవడో దొంగ తీసుకుపోతున్నాడు. పోయి పట్టుకోండి" "భలే!సంఘసేవకు రాలివి దొరికావు కదమ్మా! వాడు నాలుగు పీకితే బాగా గాలికొడితే ఎక్కడ పడతాడో తెలియని ఈముసలాయన మనల్నికాపాడుతాడా? ఎవరెలా పోతే మనకెందుకు మనం బాగుండామా లేదా అనేది చూసుకోవాలి నోరుమూసుకుని పడుకో" తెల్లవారి చూసుకుంటే సైకిల్ లేకపోవడంతో గుండె చెరువైపోయింది. కొనే శక్తిలేక నడచిపోయి వైద్యం చేయసాగాడు. కాలచక్రం తిరిగిపోతున్నది ఓరోజు రాజు వ్యాపారానికి పోయాడు. భార్య అంగడికి పోయింది. పిల్లవాడు దూగాడుతూ వచ్చి నేల బావిలోపడిపోయాడు.దబామని శబ్దంరావడంతో ముసలాయన వచ్చి చూశాడు ఇంకేముంది బిడ్డ..... అమాంతం బావిలోకి దూకి పిల్లవాడిని బయటకుతీసి ప్రథమ చికిత్సచేశాడు. అంతలో వాళ్ళమ్మ వచ్చింది . జరిగింది తెలుసుకుని గుండెలు బాదుకుంది భర్త రాగానే జరిగింది చెప్పి ఏడ్చింది "ఆనాడు సైకిల్ దొంగ ఎత్తుకుపోతుంటే మనకెందుకని ఊరకున్నాను. నీవూ అలా అనుకుని వుంటే మా వంశాకురమైన నా కొడుకు ఏమయ్యేవాడు ప్రతి ఒక్కరూ మనకెందుకు మనకెందుకు అని ఊరుకోబట్టే ఏ సమస్యా పరిష్కారం కావటంలేదు. నా బిడ్డను బ్రతికించి మమ్ము పుత్రశోకం నుండి కాపాడావు " అంటూ కాళ్ళపైబడి క్షమించమని వేడుకున్నాడు మరునాడు ముసలాయనకు క్రొత్త సైకిల్ కొనిచ్చాడు రాజు రై మని నాలుగూళ్ళు తిరిగి ఎక్కువ మందికి సేవచేయ గలిగాడు ముసలాయన. ✍🏻జంజం కోదండ రామయ్య *తెలుగు వెలుగు సమూహంలో చేరాలనుకుంటే క్రింద నంబర్ కు నన్ను చేర్చమని సందేశాన్ని పంపండి మీకు లింక్ పంపడం జరుగుతుంది. 9985831828*


రాఘవయ్య ఒంటరివాడు. సైకిల్ పై వెళ్ళి, చుట్టుప్రక్కల గ్రామాలలో నాటు వైద్యంచేస్తూ వారిచ్చిన వరకు తీసుకుని జీవనం సాగించేవాడు.


ఓరోజు అర్థరాత్రి వేళ బైటవున్న సైకిల్ ను ఓ దొంగ తీసుకోబోతున్నాడు.అది ప్రక్కింటి రాజు భార్య రేఖ చూసింది." ఏవండీ! పాపం ముసలాయన సైకిల్ ఎవడో దొంగ తీసుకుపోతున్నాడు. పోయి పట్టుకోండి"

"భలే!సంఘసేవకు రాలివి దొరికావు కదమ్మా! వాడు నాలుగు పీకితే బాగా గాలికొడితే ఎక్కడ పడతాడో తెలియని ఈముసలాయన మనల్నికాపాడుతాడా? ఎవరెలా పోతే మనకెందుకు మనం బాగుండామా లేదా అనేది చూసుకోవాలి నోరుమూసుకుని పడుకో"


తెల్లవారి చూసుకుంటే సైకిల్ లేకపోవడంతో గుండె చెరువైపోయింది. కొనే శక్తిలేక నడచిపోయి వైద్యం చేయసాగాడు.

కాలచక్రం తిరిగిపోతున్నది


ఓరోజు రాజు వ్యాపారానికి పోయాడు. భార్య అంగడికి పోయింది. పిల్లవాడు దూగాడుతూ వచ్చి నేల బావిలోపడిపోయాడు.దబామని శబ్దంరావడంతో ముసలాయన వచ్చి చూశాడు ఇంకేముంది బిడ్డ..... అమాంతం బావిలోకి దూకి పిల్లవాడిని బయటకుతీసి ప్రథమ చికిత్సచేశాడు.

అంతలో వాళ్ళమ్మ వచ్చింది

. జరిగింది తెలుసుకుని గుండెలు బాదుకుంది

భర్త రాగానే జరిగింది చెప్పి ఏడ్చింది


"ఆనాడు సైకిల్ దొంగ ఎత్తుకుపోతుంటే మనకెందుకని ఊరకున్నాను. నీవూ అలా అనుకుని వుంటే మా వంశాకురమైన నా కొడుకు ఏమయ్యేవాడు

ప్రతి ఒక్కరూ మనకెందుకు మనకెందుకు అని ఊరుకోబట్టే ఏ సమస్యా పరిష్కారం కావటంలేదు.

నా బిడ్డను బ్రతికించి మమ్ము పుత్రశోకం నుండి కాపాడావు " అంటూ కాళ్ళపైబడి క్షమించమని వేడుకున్నాడు

మరునాడు ముసలాయనకు క్రొత్త సైకిల్ కొనిచ్చాడు రాజు

రై మని నాలుగూళ్ళు తిరిగి ఎక్కువ మందికి సేవచేయ గలిగాడు ముసలాయన.

✍🏻జంజం కోదండ రామయ్య

*తెలుగు వెలుగు సమూహంలో చేరాలనుకుంటే క్రింద నంబర్ కు నన్ను చేర్చమని సందేశాన్ని పంపండి మీకు లింక్ పంపడం జరుగుతుంది. 9985831828*

హస్త సామూద్రికం


చేతి వేళ్ళలో శంఖుచక్రాలు ఉంటాయని వాటిని బట్టి మనిషి పొందే భోగాలు తెలుసుకోవచ్చునని మా నాన్న మా చిన్నప్పుడు చెపుతూ కింది శ్లోకం చెప్పేవాడు.


ఏకచక్రే మహ భోగి ద్వీ చక్రే గృహ పూజిత : త్రిచక్రే మనస్తాపంచI

చతుర్చక్రే పండిత : పంచ చక్రే సాధు సన్యాసి షడ్చక్రే మహభోగి

సప్తచక్రే బల పరాక్రమ: అష్టమ చక్రే ధ్వారాకారంచ

నవచక్రే రాజపూజిత : దశమ చక్రే దాత రాజపూజిత : యితి లక్షణం హస్తచక్రం :

... ... ... ... ...


చేతి చివరి వ్రేళ్ళలో ఒక చక్రం ఉంటే మహభోగి గా ఉంటాడు.

తాను సన్మార్గం అనుభవించి ఇతరులను అనుభవింప చేస్తాడు.

రెండు చక్రాలుంటే ఇంట్లో అందరూ గౌరవంగా చూస్తారు. అందరూ గౌరవించారంటే సదా వర్తనుడని అర్ధం.

మూడు ఉంటే తిరుగుబోతు, తా చెడ్డ కోతి వనమెల్ల చెరిచినట్టు, నమ్మిన వారిని తన భాటలో నడిపిస్తాడు.

నాలుగు ఉంటే పండితుడుగా విలసిల్లుతాడు.

ఐదు ఉంటే గొప్ప సన్యాసిగా మారుతాడు.బహుశా పెండ్లి తర్వాతనేమో.

ఆరుంటే మహయోగి, 

ఏడు చక్రాలు ఉంటే బలవంతుడు, కండ పుష్టె కాకుండా ధన అధికార జనసంపద కలిగినవాడు గా ఉంటాడు.

ఎనిమిదుంటే కష్ట జీవిగా ఉంటారు.

తొమ్మిది ఉంటే రాజు అవుతాడు.

10 ఉంటే ప్రధాన మంత్రి అవుతాడు.

please check and decide what you are..

అన్ని లక్షణాలు సరిగా ఉండి బికారిగా ఉన్నాడేమిటని జ్యోతిష్యుని ప్రశ్నిస్తే పూర్వజన్మ ప్రారబ్దం అనుభవించాలని తప్పించుకొంటాడు.

................................................................................

శ్రీ అన్నపూర్ణాష్టకం

 *శ్రీ ఆదిశంకరాచార్య విరచితం శ్రీ అన్నపూర్ణాష్టకం*

🕉🌞🌏🌙🌟🚩

🔥ఓంశ్రీమాత్రే నమః🔥

అద్వైతచైతన్యజాగృతి

🕉🌞🌏🌙🌟🚩


*శ్రీ అన్నపూర్ణ దేవి అష్టకం*


*1)నిత్యానందకరీ వరాభయకరీ సౌన్దర్యరత్నాకరీ|*


*నిర్ధూతాఖిలఘొరపాపనికరీ ప్రత్యక్ష మాహేశ్వరీ|*


*ప్రాలేయాచలవంశపావనకరీ కాశీపురాధీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ||*


*నిత్యమైన ఆనందము నిచ్చుదానవు, వరములను- అభయమును ప్రసాదించు దానవు, సౌందర్య సముద్రమైన దానవు, ఘోరమైన పాపముల నన్నిటినీ కడిగి వేయుదానవు, హిమవంతుని వంశమును పవిత్రము చేసిన దానవు, కాశీ పట్టణమునకు రాణివి, దయామయివి, తల్లివి, అన్నపూర్ణేశ్వరివి అగు నీవు బిక్షపెట్టుము తల్లీ.*




*2) నానారత్న విచిత్రభూషణకరీ హేమామ్బరాడమ్బరీ|*


*ముక్తాహారవిడమ్బమానవిలసద్వక్షొజకుమ్భాన్తరీ|*


*కాశ్మీరాగరువాసితాఙ్గరుచిరా కాశీపురాధీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ||*


*వివిధ రత్నముల విచిత్రాభరణములను ధరించినదానవు, బంగారు వస్త్రములను కట్టుకున్న దానవు, వక్షస్థలముపై ప్రకాశించు ముత్యాల హారములు ధరించిన దానవు, కుంకుమ- అగురులు పూసుకొనుటచే సువాసనలు వేదజల్లు శరీరము కలదానవు, కాశి పట్టణమునకు రాణివి, దయామయివి, తల్లివి, అన్నపూర్ణేశ్వరివి అగు నీవు బిక్షపెట్టుము.*




*3)యోగానన్దకరీ రిపుక్షయకరీ ధర్మైకనిష్ఠాకరీ|*


*చన్ద్రార్కానలభాసమానలహరీ త్రైలోక్యరక్షాకరీ|*


*సర్వైశ్వర్యకరీ తపఃఫలకరీ కాశీపురాధీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ||*


*యోగముచే పొందు ఆనందమును కలిగించుదానవు, శత్రువులను నాశనం చేయు దానవు, ధర్మనిష్టను ఏర్పరచుదానవు, చంద్రుడు- సూర్యుడు- అగ్నులతొ సమానమైన కాంతి ప్రవాహమైనదానవు, మూడులొకములను రక్షించుదానవు, సమస్త్యైశ్వర్యములను ప్రసాదించు దానవు, తపస్సులకు ఫలము నిచ్చుదానవు, కాశీ పట్టణమునకు రాణివి, దయామయివి, తల్లివి, అన్నపూర్ణేశ్వరివి అగు నీవు బిక్షపెట్టుము తల్లీ.*




*4)కైలాసాచలకన్దరాలయకరీ గౌరీ హ్యుమా శాఙ్కరీ|*


*కౌమారీ నిగమార్థగోచరకరీ హ్యొంకారబీజాక్షరీ|*


*మోక్ష ద్వారా కవాటపాటనకరీ కాశీపురాధీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ||*


*కైలాస పర్వత గుహయందుడు దానవు, తెల్లని దానవు, ఉమాదేవివి, శంకరుని భార్యవు, కుమారివి, వేదార్థమును బోధించు దానవు, ఓంకార బీజాక్షరస్వరూపము కలదానవు, మోక్షద్వారపు తలుపులను తెరచెడి దానవు, కాశీ పట్టణమునకు రాణివి, దయామయివి, తల్లివీ, అన్నపూర్ణేశ్వరివి అగు నీవు భిక్షపెట్టుము తల్లీ.*




*5)దృశ్యాదృశ్య విభూతివాహనకరీ బ్రహ్మాణ్డభాణ్డొదరీ|*


*లీలానాటకసూత్రఖేలనకరీ విజ్ఞాన దీపాఙ్కురీ|*


*శ్రీవిశ్వేశమనఃప్రసాదనకరీ కాశీపురాధీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ|||*


*కనబడీ కనబడని మహిమలు కలదానవు, గర్బము నందు బ్రహ్మాండములను మోయుచున్న దానవు, లీలా నాటకమునకు సూత్రధారివి, విజ్ఞానదీపమును వెలిగించుదానవు, పరమేశ్వరుని ఆనందింపచేయుదానవు, కాశి పట్టణమునకు రాణివి, దయామయివి, తల్లివి , అన్నపూర్ణేశ్వరివి అగు నీవు భిక్షపెట్టుము తల్లీ.*




*6) ఆదిక్షాన్త సమస్తవర్ణనికరీ శంభుప్రియా శాంకరీ|*


*కాశ్మీరత్రిపురేశ్వరీ త్రినయనీ విశ్వేశ్వరీ శర్వరీ|*


*స్వర్గద్వారకవాటపాటనకరీ కాశీపురాదీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ||*


*’అ’ కారము మొదలు ’క్ష’ కారము వరకు ఉన్న అక్షరముల సముదాయమైన దానవు, పరమేశ్వరునకు ప్రియురాలవు, శంకరుని భార్యవు, కాశ్మీర త్రిపురేశ్వరివి, మూడుకన్నులు కలదానవు, కాశీ పట్టణమునకు రాణివి, దయామయివి, తల్లివి, అన్నపూర్ణేశ్వరివి అగు నీవు భిక్షపెట్టుము తల్లీ.*




*7)ఉర్వీసర్వజనేశ్వరీ జయకరీ మాతాకృపాసాగరీ|*


*నారీనీలసమానకున్తలధరీ నిత్యాన్నదానేశ్వరీ||*


*సాక్షాన్మోక్షకరి సదా శుభకరీ కాశీపురాధీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ||*


*భూమియందలి సమస్తజనులకు నాయకురాలవు, విజయమునిచ్చుదానవు, తల్లివి, దయాసముద్రమైనదానవు, స్త్రీమూర్తివి, నల్లని కురులు కలదానవు, నిత్యము అన్నదానము చేయుదానవు, సాక్షాత్తుగా మోక్షము నిచ్చుదానవు, ఏల్లప్పుడు శుభము కలిగించు దానవు, కాశి పట్టణమునకు రాణివి, దయామయివి, తల్లివి, అన్నపూర్ణేశ్వరివి అగు నీవు భిక్షపెట్టుము తల్లీ.*




*8)దేవీ సర్వ విచిత్ర రత్నరుచిరా దాక్షాయణీ సుందరీ|*


*వామా స్వాదుపయో ధరా ప్రియకరీ సౌభాగ్య మాహేశ్వరీ |*


*భక్తాభీష్టకరీ సదా శుభకరీ కాశీపురాధీశ్వరీ|*


*భిక్షాం దేహి కృపావలమ్బనకరీ మాతాన్నపూర్ణేశ్వరీ||*


*దేవివి, విచిత్రములైన సర్వరత్నములతో అలంకరింపబడిన దానవు, దక్షుని కుమార్తెవు, సుందరివి, యువతివి, మధురమైన పాలిండ్లు కల దానవు, ప్రియము నిచ్చుదానవు, కాశీ పట్టణమునకు రాణివి, దయామయివి, తల్లివి, అన్నపూర్ణేశ్వరివి అగు నీవు భిక్షపెట్టుము తల్లీ.*




*9)చన్ద్రార్కానలకో టికోటిసదృశీ చన్ద్రాంశుబిమ్బాధరీ|*


*చన్ద్రార్కాగ్నిసమానకుణ్డలధరీ చన్ద్రార్కవర్ణేశ్వరీ|*


*మాలాపుస్తకపాశసాఙ్కుశకరీ కాశీపురాధీశ్వరీ|*


*భిక్షాం దేహి కృపావలమ్బనకరీ మాతా

🔱సర్వం శక్తిమయం🔱


ఈ లోకంలోని సకల జీవరాశులను రక్షించి, నడిపించే శక్తి ఆది పరాశక్తి. ఈ అతీత శక్తి రెండు విధాలు.

ఒకటి కంటికి కనబడేది.

మరోకటి అగోచరంగా మనలను నడిపించేది.


మన దేహం కంటికి కనిపించేది..దేహంలోని ప్రాణం కంటికి కనపడని

శక్తి. రోజూ మనం ఉపయోగించే ఫాన్ మన కంటికి కనిపించే వస్తువైతే దానికి

తిరిగే శక్తిని యిచ్చేది విద్యుత్ఛక్తి . అది కంటికి తెలియని శక్తిగా ఫాన్ పనిచేయడానికి దోహదపడుతుంది.


ఫ్యాన్, ఫ్రిజ్ , కరెంట్ దీపాలు , యంత్రాలు అని మనం వుపయోగించే అనేక వస్తువుల ఆకారాలు ఒకేలా వుండవు. ఒక్కొక్కటి ఒక్కొక్క రూపంలో వుంటుంది. 

తన రూపానికి తగిన పనులు చేస్తాయి. కాని

వాటిని పని చేయించే 

విద్యుత్ ఒకే రూపంలో వుంటుంది. 

ఆవిధంగానే రూపంలో కాకి, గాడిద, పాము, మనిషి, సింహం, ఏనుగు అంటూ వివిధ రూపాలలో 

జీవం వున్నా 

అన్నిటిలోని చైతన్య శక్తి వ్యత్యాసం లేకుండా ప్రాణశక్తిగా ఒకేలా ప్రవహిస్తున్నది.


మనకి రూపాన్నిచ్చిన తల్లిగా రూపానికి చైతన్యం తో నడిపించే ప్రాణశక్తి ఆది పరాశక్తి అని తిరుమూలర్

అనే మహానీయుడు చెపుతున్నారు.


జగన్మాత అయిన పరాశక్తి అనుగ్రహం లేకుండా ఏ శక్తి పని చేయలేదు. అటువంటి ఆదిపరాశక్తి నవ పరాశక్తులుగా ఈ ముల్లోకాలలో వెలుగొందుతున్నది.

 త్రిపుర,సుందరి, అంతరి, సింధూరి, పరిపూర్ణ, నారణి, పలవన్నత్తి, ఈశ్వరి, మనోన్మణి, అని నవ శక్తి రూపాలతో జగాన్నంతటిని పరిపాలిస్తున్నది 

ఆదిశక్తి స్వరూపిణి. 


సూర్య,చంద్రులు, అగ్ని ఈ మూడూ

" త్రిపుర" గా పిలుబడుతున్నవి.


ఒక్కొక్క రూపము కలిగివుండే అందమైన స్ధితి " సుందరి".


ఆకాశంలోని 

ఇంద్రధనస్సు అనేక వర్ణాలతో కాంతులీనుతూ గోచరించే

స్వరూపమే " అంతరి".


జీవుల దేహంలో ఎఱ్ఱని రుధిరంగా ప్రవహించి కాపాడే రూపమే 

" సింధూరి".


కరుణ , ప్రేమ, పాశం, దయ మూర్తీభవించిన ఆ మాతృమూర్తి

స్వరూపమే "పరిపూర్ణ".


అధర్మాన్ని ఎదిరించి సమూలంగా నాశనం నాశనం చేసే స్వరూపమే

దుర్గ అయిన " నారణి".


కొంత కాలం ఎఱుపు వర్ణంతోను, కొంత కాలం 

పసుపు వర్ణంతోను, కొంత కాలం గోధుమ వర్ణంతోను, కొంత కాలం నల్లని వర్ణంతోను,దర్శనమిచ్చే

రూపమే " పలవణ్ణత్తి"


ఈ విధంగా సర్వకాల సర్వావస్ధలయందు, అంతరంగాలలో నివసించే

దేవి ఆది పరాశక్తి. 


అహంకారం, అజ్ఞానం మాయ, అనే 

 మాయాశక్తి స్వరూపమే

త్రిపుర సుందరి. పైన చెప్పిన మూడు దుర్గుణాలను దహించి

జయించిన వాడు  

ఆది శంకరుడు. ఎవరైతే త్రిపురాన్ని దహిస్తాడో వారే ఆదిశివుని అంశ అవుతున్నారు. అట్టి పరమేశ్వరునికి మాత అణిగి వుంటున్నది. 


అహంకారం రంగు ఎఱుపు ,మేధస్సు వర్ణం తెలుపు, మాయ వర్ణం నలుపు. 


అహంకారం పసిడి సంకెల, మేధస్సు వెండి సంకెల, మాయ ఇనుప సంకెల.


అహంకారానికి అధికారిణి అయిన లక్ష్మి దేవి పసిడి ఛాయ.  


జ్ఞానానికి , మేధ కి అధిదేవత అయిన సరస్వతి శ్వేత వర్ణం. 


మాయకి అధికారిణి పార్వతీదేవి నలుపు వర్ణం.


సంపద, విద్య , వీరం అనే మూడు సంపదలని

మనకి అనుగ్రహించి, అవి మన కళ్ళకి తెలియని విధంగా , అహంకారం, అవిద్య , మాయ అనే బేడీలు వేసి మనలని ఆడించే ఆది పరాశక్తిదేవిని శాంభవి,ఆంకారి, హ్రీంకారి, అని అంటారు .

ఈ మూడు సంకెలల నుండి విముక్తి పొందిన వీర పురుషునికి దేవీ

సంపద, విద్య, వీరం అనే మూడు పుష్పాలను మాలగా వేసి ఉత్తమ పురుషునిగా చేస్తున్నది.

 ఆ ఉత్తమ పురుషునికి తాను దాసురాలవుతున్నది.


ఆది పరాశక్తి కి దాసులై అనుగ్రహం పొందిన వారికి ఇహలోక భోగాలను, పరలోక జ్ఞానమైన బ్రహ్మానందాన్ని

కటాక్షిస్తున్నది.  

శివశక్తి గా

ఆది పరాశక్తి అనుగ్రహం ప్రసాదిస్తున్

🙏🌷మణి ద్వీప వర్ణన🌷🙏


మహా శక్తి మణిద్వీప నివాసిని ముల్లోకాలకు మూల ప్రకాశిని

మణిద్వీపములో మంత్రం రూపిణి మన మనస్సుల లో కొలువై ఉంది || 1 ||


సుగంధ పరిమళ పుష్పాలెన్నో వేలు అనంత సుందర సువర్ణపూలు

అచంచలబగు మనో సుఖాలు మణిద్వీపానికి మహానిధులు || 2 ||


లక్షల లక్షల లావన్యాలు అక్షర లక్షల వాక్సంపదలు

లక్షల లక్షల లక్ష్మీపతులు మణిద్వీపానికి మహానిధులు || 3||


పారిజత వన సౌగంధాలు సురాధినాధుల సత్సంగాలు

గంధర్వాదుల గానస్వరాలు మణిద్వీపానికి మహానిధులు || 4 ||


భువనేశ్వరీ సంకల్పమే జనియించే మణిద్వీపం దేవదేవుల నివాసము అదియే కైవల్యం


పద్మరాగములు సువర్ణమణులు పది ఆమడల పొడవున గలవు

మధుర మధుర మగు చందన సుధలు మణిద్వీపానికి మహానిధులు || 5 ||


అరువది నాలుగు కళామతల్లులు వరలనోసగే పదారుశక్తులు

పరివారముతో పంచ బ్రహ్మలు మణిద్వీపానికి మహానిధులు || 6 ||


అష్టసిద్ధులు నవనవ నిధులు అష్టదిక్కులూ దిక్పాలకులు

సృష్టికర్తల సురలోకాలు మణిద్వీపానికి మహానిధులు || 7 ||


కోటి సూర్యుల ప్రచండ కాంతులు కోటి చంద్రుల చల్లని వెలుగులు

కోటి తారకల వెలుగు జిలుగులు మణిద్వీపానికి మహానిధులు || 8 ||


భువనేశ్వరీ సంకల్పమే జనియించే మణిద్వీపం దేవదేవుల నివాసము అదియే కైవల్యం


కంచు గోడల ప్రాకారాలు రాగి గోడల చతురస్రాలు

ఏడామడల రత్న రాశులు మణిద్వీపానికి మహానిధులు || 9 ||


పంచామృతమయ సరోవరాలు పంచలోహమయ ప్రాకారాలు

ప్రపంచమేలే ప్రజాదిపతులు మణిద్వీపానికి మహానిధులు || 10 ||


ఇంద్రనీలమణి ఆభరణాలు వజ్రపుకోటల వైడూర్య

పుష్యరాగమణి ప్రాకారాలు మణిద్వీపానికి మహానిధులు || 11 ||


సప్తకోటి ఘన మంత్రవిద్యలు సర్వ శుభప్రధ ఇచ్చాశక్తలు

శ్రీ గాయత్రీ జ్ఞానశక్తులు మణిద్వీపానికి మహానిధులు || 12 ||


భువనేశ్వరీ సంకల్పమే జనియించే మణిద్వీపం దేవదేవుల నివాసము అదియే కైవల్యం


మిలమిలలాడే ముత్యపు రాశులు తలతలలాడే చంద్రకాంతములు

విద్యుల్లతలు మరకతమణులు మణిద్వీపానికి మహానిధులు || 13 ||


కుబేర ఇంద్రవరుణదేవులు శుభాలనొసగే అగ్నివాయువులు

భూమిగణపతి పరివారములు మణిద్వీపానికి మహానిధులు || 14 ||


భక్తి జ్ఞాన వైరాగ్యసిద్ధులు పంచభూతములు పంచాశక్తులు

సప్త ఋషులు నవగ్రహాలు మణిద్వీపానికి మహానిధులు || 15 ||


కస్తూరి మల్లిక కుందవనాలు సూర్య కాంతి శిలమహాగ్రహాలు

ఆరుఋతువులు చతుర్వేదాలు మణిద్వీపానికి మహానిధులు || 16 ||


భువనేశ్వరీ సంకల్పమే జనియించే మణిద్వీపం దేవదేవుల నివాసము అదియే కైవల్యం


మంత్రిని దండినీ శక్తి సేనలు కాళీ కరాళి సేనాపతులు

ముప్పదిరెండు మహాశక్తులు మణిద్వీపానికి మహానిధులు || 17 ||


సువర్ణరజిత సుందరగిరులు అనంతదేవీ పరిచారికలు

గోమేదికమణి నిర్మిత గుహలు మణిద్వీపానికి మహానిధులు || 18 ||


సప్తసముద్రములనంత నిధులు యక్షకిన్నెర కింపురుషాదులు

నానాజగములు నదీనదములు మణిద్వీపానికి మహానిధులు || 19 ||


మానవ మాధవ దేవగణములు కామధేనువు కల్పతరువులు

సృష్టిస్థితిలయకారణమూర్తులు మణిద్వీపానికి మహానిధులు || 20 ||


భువనేశ్వరీ సంకల్పమే జనియించే మణిద్వీపం దేవదేవుల నివాసము అదియే కైవల్యం


కోటి ప్రకృతుల సౌందర్యాలు సకల వేదములు ఉపనిషత్తులు

పదారు రేకుల పద్మ శక్తులు మణిద్వీపానికి మహానిధులు || 21 ||


దివ్యఫలములు దివ్యాస్త్రములు దివ్యపురుషులు ధీరమాతలు

దివ్యజగములు దివ్యశక్తులు మణిద్వీపానికి మహానిధులు || 22 ||


శ్రీ విగ్నేశ్వర కుమారస్వాములు జ్ఞానముక్తి ఏకాంత భవనములు

మణినిర్మితమగు మండపాలు మణిద్వీపానికి మహానిధులు || 23 ||


పంచభూతములు యాజమాన్యాలు ప్రవాళసాలం అనేక శక్తులు

సంతాన వృక్షసముదాయాలు మణిద్వీపానికి మహానిధులు || 24 ||


భువనేశ్వరీ సంకల్పమే జనియించే మణిద్వీపం దేవదేవుల నివాసము అదియే కైవల్యం


చింతామణులు నవరత్నాలు నూరామడల వజ్రరాశులు

వసంతవనములు గరుడపచ్చలు మణిద్వీపానికి మహానిధులు || 25 ||


దుఖము తెలియని దేవీ సేనలు నటనాట్యాలు సంగీతాలు

ధనకనకాలు పురుషార్ధాలు మణిద్వీపానికి మహానిధులు || 26 ||


పదనాల్గు లోకాలన్నిటి పైన సర్వలోకమను లోకము గలదు

సర్వలోకమే ఈ మనిద్వీపం సర్వేశ్వరీకది శాశ్వతస్థానం || 27 ||


చింతామణుల మందిరమందు పంచాబ్రహ్మలు మంచముపైన

మహాదేవుడు భువనేశ్వరీ తో నివసిస్తాడు మనిద్వీపము లో || 28 ||


భువనేశ్వరీ సంకల్పమే జనియించే మణిద్వీపం దేవదేవుల నివాసము అదియే కైవల్యం


మణిగణ ఖచిత ఆభరణాలు చింతామణి పరమేశ్వరి దాల్చి

సౌందర్యానికి సౌందర్యముగా అగుపడుతుంది మనిద్వీపము లో || 29 ||


పరదేవతను నిత్యము కొలిచిమనసర్పించి అర్చించినచో

అపారధనము సంపదలు ఇచ్చి మణిద్వీపేశ్వరి దీవిస్తుంది || 30 || (2)


నూతన గృహములు కట్టినవారు మణిద్వీప వర్ణన తొమ్మిది సార్లు

చదివిన చాలు అంతా శుభమే అష్ట సంపదలు తులతూగేరు || 31 || (2)


శివకవితేస్వరి శ్రీ చక్రేశ్వరి మణిద్వీప వర్ణన చదివిన చోట

తిష్టవేసుకొని కూర్చొనునంట కోటి శుభాలను సమకూర్చుకొనుటకై

భువనేశ్వరీ సంకల్పమే జనియించే మణిద్వీపం

దేవదేవుల నివాసము అదియే కైవల్యం || 32 ||

తలపులు ఏ విధంగా మనసులో చేరుతాయి

 *"తలపులు అసలు ఏ విధంగా మనసులో చేరుతాయి ?"*


*తలపు అంటే తెలిసిన సమాచారం. పసిపిల్లలుగా ఉన్నప్పుడు మన వద్ద ఏ సమాచారం వుండదు కనుక ఏ తలపులు రావు. వయసు పెరిగే కొద్దీ ప్రపంచంలోని విషయాలను భాషగా నేర్చుకొంటాము. అవే జ్ఞాపకాలుగా ముద్రితమై తలపులకు కారణమవుతాయి. చిన్నతనంలో పిల్లవాడికి తన తండ్రి ఆఫీసు నుండి ఆలస్యంగా రావటానికి కారణం తెలియదు కనుక ఊహించలేడు. ఒకసారి బస్సు టైర్ పంచరైనందువల్ల ఆలస్యం అయ్యిందని తెలుసుకుంటాడు. మరోసారి తండ్రి రావడం ఆలస్యమైతే అందుకు బస్సు టైర్ పంచరే కారణమని అనుకుంటాడు. తండ్రి వచ్చి తన స్నేహితుడి ఇంటికి వెళ్ళినందువల్ల ఆలస్యమైందని చెప్తే పాత సమాచారంతో పాటు ఇదికూడా జ్ఞాపకంగా నమోదవుతుంది. ఇంకోసారి తండ్రి ఆలస్యానికి బస్సు టైర్ పంచర్ గానీ, స్నేహితుల ఇంటికి వెళ్ళడం గానీ కారణమని భావిస్తాడు. వీటినే తలపులు అంటారు. ఇలా మనలో జ్ఞాపకంగా నమోదైన సమాచారంలో నుండి మనసులోకి వచ్చినదే తలపు. ముందు తలపు పుట్టి ఆ తర్వాత అది ఆలోచనగా మారుతుంది !*_


*"స్వస్వరూపం శాంతి - తలపులే అశాంతి !''*-

రామాయణమ్.88

 

..

భరతుడిని తీసుకురావటానికి బయలుదేరిన దూతలు అతి వేగంగా ప్రయాణం చేస్తున్నారు. వారు ముందుగా అపరతాల పర్వత దక్షిణభాగం దాటారు . 

.

ఆ తరువాత అపరతాల ,ప్రలంబ పర్వతాల మధ్య ప్రవహించే మాలినీ నది వెంట ఉత్తరంగా ప్రయాణం చేసి మరల పడమరవైపు తిరిగారు. 

.

వారు అలా హస్తినాపురం చేరి అక్కడ గంగ దాటి మరల పడమరగా ప్రయాణం చేసి కురుజాంగల మధ్యదేశము మీదుగా పాంచాలము చేరి అక్కడ నుండి ప్రయాణం చేసి శరదండా నదిని దాటి ఇంకా వేగంగా ప్రయాణం చేశారు.ఆ నదీ తీరం మీదున్న సత్యొపయాచన అనే దివ్యవృక్షానికి ప్రదక్షిణము చేసి కులింగా నది దాటారు. 

.

ఎక్కడా ఆగటంలేదు ,అలసట లక్ష్యపెట్టకుండా అక్కడనుండి అభికాల అనే గ్రామం చేరి అక్కడ ఇక్షుమతీ నదిని దాటి ,అక్కడ నుండి బాహ్లికదేశం మీదుగా సుదామ పర్వతం చేరారు.అక్కడ నుండి ఇంకా వేగంగా ప్రయాణించి నాల్గవ రోజు రాత్రికి కేకెయ రాజధాని గిరివ్రజపురం చేరారు.

.

ఆ రాత్రి నిదురించిన భరతుడికి తెల్లవారుఝామున ఒక పీడకల వచ్చింది .వెంటనే లేచి కూర్చున్న ఆయన మనసులో చాలా దుఃఖించి పరితపించసాగాడు.

.

ఆయన పరితాపము గ్రహించిన స్నేహితులు ఆయనకు రకరకాల కధలు చెపుతూ మనసులో కలిగిన ఆ ఖేదాన్ని పోగొట్టే ప్రయత్నం చేస్తున్నారు.అయినా ఆయన మనస్సెందుకో కుదుటపడటంలేదు. అప్పుడు ఉండబట్టలేక కొందరు మిత్రులు కారణమడిగారు. అందుకు ఆయన తనకు వచ్చిన కల ఎట్లాంటిదో చెప్పాడు.

.

నా తండ్రి మట్టికొట్టుకుపోయిన శరీరంతో జుట్టు విరబోసుకుని పర్వతశిఖరము మీదనుండి ఆవుపేడ తో నిండిన గోతిలో పడిపోయినట్లు అందులోనే మునిగితేలుతూ మాటిమాటికీ పిచ్చివాని వలే నవ్వుతూ దోసిళ్ళతో నూనె తాగుతున్నట్లగా ఉండి నువ్వులు కలిపిన అన్నం తింటూ మాటిమాటికీ తల వాలుస్తూ నూనెలో మునిగిపోయినాడు.

.

నా తండ్రి ఎర్రటి మాలలు ధరించినట్లుగా ఎర్రటి గంధము వంటికి పూసుకొన్నట్లుగా గాడిద నెక్కి దక్షిణదిక్కుగా ఒక రాక్షసి లాక్కొని పోతున్నట్లగా కనపడినాడు.

.

ఇంకా సంద్రము ఎండిపోయినట్లు,చంద్రుడు ఆకాశంనుండి రాలి పడిపోయినట్లు,భద్రగజముల దంతములు విరిగిపోయినట్లు,మండే మండే అగ్ని హఠాత్తుగా ఆరిపోయినట్లు ,భూమి బ్రద్దలైనట్లు భూమి అంతా పొగ ఆవరించి చెట్లు ఎండిపోయినట్లు కనపడ్డది.

.

ఏమో మా అయిదుగురిలో ఎవరో ఒకరికి మరణము సంభవించవచ్చునేమో ! నా గొంతు ఎండిపోతున్నది ఏదో తెలియని భయం మనస్సును పట్టి పీడిస్తున్నది అని భరతుడు తన స్నేహితులతో పలుకుతూ ఉండగనే అయోధ్య నుండి వచ్చిన దూతలు సభలో ప్రవేశించారు.

.

జానకిరామారావు వూటుకూరు

ఎరుక

ఎరుక 

ఎరుక అంటే ఏమిటి అంటే తెలుసుకోవటం. తెలుసుకోవటమా ఏమి తెలుసుకోవటం అదే నిన్నటిదాకా నీకు యేదైతే తెలియలేదు అది తెలుసుకోవటం. అంటే నిన్నటిదాకా నీవు నీశరీరమే నీవు అని అనుకున్నావు కానీ ఈ రోజే నీవు ఒక కొత్త విషయాన్నీ తెలుసుకుంటున్నావు అది ఏమిటంటే నీవు నీశరీరానివి కావు నీ శరీరానికన్నా బిన్నంగా ఇంకొకటిగా ఉన్నావని . అది యెట్లా అన్నది ఇప్పుడు తెలుసుకుందాము. 

నీవు నీ శరీరమే అనుకో అది ఎట్లావచ్చింది మీ తల్లిగారు నవమాసాలు మోసి (తయారుచేసి) ఈ భూమిమీదికి తీసుకొని వస్తే అది వచ్చింది. ఆ శరీరం ఒక మూర్ఖుని వాలే వున్నది. అటువంటి మూర్ఖుడు ఇక్కడి ప్రకృతిని చూసి రోజు ఒక కొత్తవిషయాన్ని తెలుసుకొని ఇప్పుడు ఇంత తెలివిమంతుడివిగా అయ్యావు. ఒక్క సారి చూడు నీ బాల్యంలో నీకు ఏమి తెలియదు ప్రతిదీ కాలగమనంలో నీవు తెల్సుకున్నదే. అన్ని తెలుసుకున్న నీవు ఇప్పుడు నీకు తెలియని విషయాలు తెలుసుకొనే స్థితిలో వున్నావు. నీకు మంచి ఏమిటో తెలుసు చెడు ఏమిటో తెలుసు. మంచి చెడులను గుర్తించే జ్ఞానం నీకు వుంది దానినే విచక్షణా జ్ఞ్యానం అంటారు. నీ ఈ విచక్షణ జ్ఞానంతో నీవు ఈ ప్రకృతిని (జగత్తుని) చూస్తున్నావు. 

నీకు నీ శరీరం కాకుండా శరీరంలోనే వుంటూ వున్నది ఇంకొకటి వున్నది. దానికి నీవు ఏపేరు ఐనా పెట్టు కానీ అది మాత్రం ఉన్నదన్నది సత్యం. దానిని నీకు అర్ధం కావటానికి నేను చెతన్యం అని అంటున్నాను ఎందుకంటె నీ శరీరం అనే జడాన్ని ఉత్తేజపరిచేది అది కాబట్టి దానిని చెతన్యం అందాము. మరి ఆ చెతన్యం నీకు మాత్రమే ఉందా లేక ఇతరులకు కూడా వుందా అన్నది నీ ప్రశ్న.  ఆచేతన్యం నీకే కాదు నీవు జీవులు అనుకునే అన్ని జీవరాసులల్లోను వున్నది అందుకే అవి జీవన వ్యాపారాలు చేస్తువున్నాయ్. 

నీవు నీ కాలు కదిలించాలని అనుకున్నావు వెంటనే నీ కాలు కదులుతుంది. నీవు నిలుచోవాలి అనుకుంటావు వెంటనే నీవు నిలబడతావు అలానే నీ భావాలను ఇతరులకు చెప్పాలని అనుకుంటుటావు అలానే నీవు మాట్లాడుతావు. ఇవ్వన్నీ నీ శరీరంతో చేయించేదే ఆ చతన్యం. 

నీవు నీ ఎదురుగా వున్నా వాని చేయి కదలాలి అని అనుకుంటావు కానీ అతని చేయి కదలదు ఎందుకంటె నీలోవున్న చెతన్యం కేవలం నీ శరీరాన్ని మాత్రమే నియంత్రించ గలదు కానీ నీ ఎదురు వాని శరీరాన్ని నియంత్రించలేదు. దీనిని బట్టి నీకు ఏమితెలుస్తున్నది అంటే నీలో వున్న చెతన్యము కన్నా బిన్నంగా నీ ఎదురు వానిలో వున్న చెతన్యం వున్నది ఇద్దరిలో కూడా వున్నది చెతన్యమే అయినా అది ఒకదానికన్నా ఇంకోటి భిన్నంగా వుంది. ఆ చేతన్యాన్నే ఆత్మా అని మన మహర్షులు మనకు ప్రభోదించారు

ఇలా నీవు నీ శరీరము కాదు దానికన్నా బిన్నంగా వున్న చేతన్యాన్ని అని తెలుసుకునే జ్ఞానమే ఆత్మకు సంబందించిన జ్ఞానం దానినే ఆత్మ జ్ఞానం అంటారు. నేను శరీరాన్ని కాదు దానిని నడిపించే ఆత్మను అనే జ్ఞానాన్ని కలిగి ఉండటమే ఎరుక అంటే. 

ఆత్మా జ్ఞానాన్ని ఎందుకు పొందాలి ముందు ముందు తెలుసుకుందాము.