26, సెప్టెంబర్ 2021, ఆదివారం

శ్రీకృష్ణుణుకి

 దుర్యోధనుని కూతురు లక్ష్మణను పెండ్లిచేసుకొన్న శ్రీకృష్ణుని కొడుకు ఎవరో మరి.

........................................................


శ్రీకృష్ణుణుకి ఎనిమిది మంది భార్యలు. వారిపేర్లు (1) రుక్మిణి, (2) సత్యభామ, (3) జాంబవతి, (4) నగ్నజితి, (5) కాళింది, (6) మిత్రవింద, (7) భద్ర, (8) లక్ష్మణ. వీరినే అష్టభార్యలంటారు.


శ్రీకృష్ణుడి అష్టభార్యలకు ప్రతి ఒక్కొక్కరికి పదిమంది కొడుకులు జన్మించారు.

వారెవరంటే 


పట్టపుమహిషి రుక్మిణిదేవికి శ్రీకృష్ణునికి (1) ప్రద్యుమ్నుడు, (2) చారుదేష్ణుడు, (3) సుదేష్ణుడు, (4) చారుదేహుడు, (5) సుబారుడు, (6) చారుగుప్తుడు, (7) భద్రకారుడు, (8) చారుచంద్రుడు, (9) విచారుడు, (10) చారుడు అనే కొడుకులు కలిగారు. 


వీరిలో ప్రద్యుమ్నుడి సంతానమే శ్రీకృష్ణుని వారసులుగా ద్వారకనేలుతారు.


సత్యభామ వల్ల కృష్ణునికి (1) భానుడు, (2) సుభానుడు, (3) స్వర్భానుడు, (4) ప్రభానుడు, (5) భానుమంతుడు, (6) చంద్రభానుడు, (7) బృహద్భానుడు, (8) అతిభానుడు, (9) శ్రీభానుడు, (10) ప్రతిభానుడు అనువారు కలిగారు.


జాంబవతీ శ్రీకృష్ణులకు (1) సాంబుడు, (2) సుమిత్రుడు, (3) పురజిత్తు, (4) శతజిత్తు, (5) సహస్రజిత్తు, (6) విజయుడు, (7) చిత్రకేతుడు, (8) వసుమంతుడు, (9) ద్రవిడుడు, (10) క్రతువు కలిగారు. 


సాంబుడు దుర్యోధనుని కుమార్తె లక్ష్మణను స్వయంవరంలో అపహరించి, కౌరవులతో పోరాడి ఓడి బందీగాదొరికి పెదనాన్న బలరాముడి ద్వారా విడుదలైతాడు. దుర్యోధనచక్రవర్తి తన గురువు బలరాముడి మాటలను గౌరవించి సాంబుడికి తన కుమార్తె లక్ష్మణను ఇచ్చి పెండ్లిచేశాడు.ఇలా శ్రీకృష్ణదుర్యోధనులు వియ్యంకులైనారు.


సాంబుడు అతని సహచరులు దుర్వాసుని గేలి చేయడం వలన ఆ మహముని శాపంతో సాంబుడి కడుపున ముసలం (రోకలి ) పుట్టి అశేషంగా యదువంశం నశిస్తుంది.

 

నాగ్నజితి, శ్రీకృష్ణులకు (1) వీరుడు, (2) చంద్రుడు, (3) అశ్వసేనుడు, (4) చిత్రగుడు, (5) వేగవంతుడు, (6) వృషుడు, (7) లముడు, (8) శంకుడు, (9) వసుడు, ( 10 ) కుంత అనువారు కలిగారు. 


శ్రీకృష్ణుడికి కాళింది వలన (1) శ్రుతుడు, (2) కవి, (3) వృషుడు, (4) వీరుడు, (5) సుబాహుడు, (6) భద్రుడు, (7) శాంతి, (8) దర్శుడు, (9) పూర్ణమానుడు, (10) శోమకులు జన్మించారు. 


లక్షణకు, శ్రీకృష్ణుడికి (1) ప్రఘోషుడు, (2) గాత్రవంతుడు, (3) సింహుడు, (4) బలుడు, (5) ప్రబలుడు, (6) ఊర్ధ్వగుడు, (7) మహాశక్తి, (8) సహుడు, (9) ఓజుడు, (10) అపరాజితుడు అనేవారు కలిగారు.


మిత్రవింద, శ్రీకృష్ణులకు (1) వృకుడు, (2) హర్షుడు, (3) అనిలుడు, (4) గృద్ధుడు, (5) వర్ధనుడు, (6) అన్నడు, (7) మహాశుడు, (8) పావనుడు, (9) వహ్ని, (10) క్షుధి పుట్టారు.


శ్రీకృష్ణ భద్రలకు (1) సంగ్రామజిత్తు, (2) బృహత్సేనుడు, (3) శూరుడు, (4) ప్రహరణుడు, (5) అరిజిత్తు, (6) జయుడు, (7) (9) సుభద్రుడు, (8) వాముడు, ఆయువు, (10) సత్యకుడు అనేవారు కలిగారు.


శ్రీకృష్ణుడికి అష్టభార్యల వలన కలిగిన కొడుకుల సంఖ్య > 80.

సంస్కృతి సంప్రదాయాలను

 చిన్నవయసులో నేర్పిన తిధులూ వాటి ప్రాధాన్యత కలిపి చెప్పారు. అవే ఈనాటికీ గుర్తు. మనం కూడ మన వారసులకు ఇలా సంస్కృతి సంప్రదాయాలను నేర్పాలి. 

తిధులు:15 అవే తిరిగి మరల వస్తాయి కదా.

1.పాడ్యమి: సంవత్సరాది పాడ్యమి 

2.విదియ: ప్రీతి విదియ 

3.తదియ: అట్ల తదియ

4.చవితి: వినాయక చవితి 

5.పంచమి: ఋషి పంచమి 

6.షష్ఠి: సుబ్రహ్మణ్య షష్ఠి 

7.సప్తమి: రథ సప్తమి

8.అష్టమి:కృష్ణాష్టమి

9నవమి: శ్రీరామ నవమి

10.దశమి: విజయ దశమి 

11.ఏకాదశి: భీష్మ ఏకాదశి 

13.ద్వాదశి: చిలుకు ద్వాదశి 

14.చతుర్దశి: నరక చతుర్దశి

15.పౌర్ణిమ: శ్రావణ పౌర్ణమి 

లేక అమావాస్య: దీపావళి అమావాస్య 

ధన్యవాదాలు పరిశీలించిన వారికి. సంస్కృతి ఇలాగే జీవిస్తూ వుంటుంది.

నేర్చుకుందాం

 *గద్ద నుండి నేర్చుకుందాం*


       *గద్ద జీవితం! గ్రద్ద అనగానే మనకు ఎప్పుడూ కోడి పిల్లలను ఎత్తుకుపోయే దానిగా లేదా మనుషులను భయపెట్టే ఒక పక్షిగా మాత్రమే తెలుసు.*


 *ఇంకా గద్ద మనుషుల కళేబరాలని పీక్కు తింటాయని తెలుసు. 


 *కానీ గద్ద జీవితం మనకు ఒక జీవిత పాఠాన్ని చెబుతుంది.*


 *గద్ద జీవితకాలం 70ఏళ్ళు, ఈ జాతి పక్షుల్లో ఎక్కువ జీవితకాలం బ్రతికేది గద్దే. అయితే గద్దకి 40ఏళ్ళు పూర్తి అయ్యేసరికి దాని కాళ్ళ గోళ్ళు బాగా పొడవుగా పెరిగి ఆహారాన్ని పట్టుకోవడానికి సహకరించవు.*


 *పొడవైన దాని ముక్కు కొన చివర వొంగిపోయి పట్టుకున్న ఆహారాన్ని నోటితో తినడానికి సహకరించదు. ఈకలు దట్టంగా పెరిగి దాని రెక్కలు బరువై... చురుకుగా ఎగరడానికి సహకరించవు. ఆ సమయంలో దాని ముందున్నవి రెండే లక్ష్యాలు. ఒకటి ఆహారాన్ని సంపాదించుకోలేక శుష్కించి మరణించడం, లేదా బాధాకరమైన సరే తనను తాను మార్చుకోవడం.*


 *ఈ ప్రపంచంలో ప్రాణం ఉన్న ఏ జీవి అయినా… ఎంత క్షీణ దశకు వచ్చినా బతకాలనే అనుకుంటుంది. అలాగే గద్ద కూడా. మరి గద్ద ఏవిధంగా తనను తాను మార్చుకుంటుందో ఒక్కసారి చూద్దాం!*


 *గద్దకు ఈ మార్పు చాలా బాధాకరమైనది. ఈ మార్పు దాదాపు 150 రోజుల ప్రక్రియ. ఈ మార్పు కోసం గద్ద తనకు అందుబాటులో వున్న ఒక ఎతైన కొండను తన స్థావరంగా చేసుకుంటుంది. అక్కడకి వెళ్ళి పెరిగిపోయిన తన ముక్కుకొనను కాలిగోళ్ళ మధ్య పెట్టుకొని ఎంతో భాద కలిగినా నెమ్మదిగా వొలిచేసుకుంటుంది.*


 *ఇలా వదిలించుకున్న ముక్కు కాస్తా మళ్ళీ కొత్తగా వచ్చి ముక్కు పదునుగా పెరిగే వరకు ఎదురుచూస్తుంది.* 


*అలాగే పదునుగా పెరిగిన కొత్త ముక్కుతో అవసరాన్ని మించి పెరిగిన కాలిగోళ్ళను వదిలించుకుంటుంది. ఇక కొత్త గోళ్ళు పెరిగిన తర్వాత వాటి సహాయంతో తన రెక్కలకు బరువైన పాత ఈకలను పీకేస్తుంది. అలా బరువుగా ఉన్న తన రెక్కలను తేలికగా మార్చుకుంటుంది.*


*ఇలా 5నెలలు బాధాకరమైన కృషితో సాధించుకున్న పునరుజ్జీవనం, పునరుత్తేజంతో మరో 30ఏళ్ళు హాయిగా బతుకుతుంది.* 


*ఈ సృష్టిలో మనం బ్రతకాలంటే మార్పు అనేది చాలా అత్యవసరం. అలాగే కొత్తగా ఆలోచించడం, నిత్యం కొత్త విషయాలు నేర్చుకోవడం అనే జీవిత సత్యాన్ని, గద్ద జీవితం నుంచి నేర్చుకుందాం.


*ఇలానే ప్రతీ మానవునికి కూడా జీవించాలనే ఉంటుంది. కాని జీవితాన్నే మార్చే వ్యాయామం మాత్రం 1 గంట చేయలేము. మంచి జీవితం మాత్రం కావాలి.*


*ఒక పక్షి 150 రోజుల కఠోర సాధనతో మరో 30 సంవత్సరాల వయస్సు పెంచుకుంది.* 


*పాత సామెత ఒకటి ఉంది…"కుండలో ఉన్న అన్నం కుండలోనే ఉండాలి, అబ్బాయి మాత్రం బొద్దుగా ఉండాలి అని"*


*అలానే మనం మన శరీరాన్ని అసలు కష్టపెట్టం, ఎండతగలనీయం, వ్యాయామం చేయము కాని ఆరోగ్యం, ఆనందం మనకు కావాలి....!* 

*ఎలా వస్తుంది... ? ఎక్కడ నుంచి వస్తుంది....?*


*ఒక పక్షి సాధన చేత మరో పునర్జీవనం తెచ్చుకున్నట్టుగా ....*


*మనమూ శారీరక వ్యాయామం చేద్జాం...ఆరోగ్యమైన మనుషులుగా మారి ఆనందంగా జీవిద్దాం. ఆరోగ్యమే మహాసంపద*

🙏🙏🙏శుభోదయం🙏🙏🙏

సంస్కృత మహాభాగవతం

 *26.09.2021 ప్రాతః కాల సందేశము*


*వేదవ్యాసుల వారి సంస్కృత మహాభాగవతం*


*ఏకాదశస్కంధము - ఎనిమిదవ అధ్యాయము*


*అవధూతోపాఖ్యానము - అజగరము మొదలుకొని పింగళము వరకు గల తొమ్మిదిమంది గురువుల కథలు*

🕉🕉🕉🕉🕉🕉🕉🕉🕉🕉🕉🕉

*8.17 (పదిహేడవ శ్లోకము)*


*గ్రామ్యగీతం న శృణుయాద్యతిర్వనచరః క్వచిత్|*


*శిక్షేత హరిణాద్బద్ధాన్మృగయోర్గీతమోహితాత్॥12516॥*


వనవాసియగు సన్న్యాసి విషయభోగములకు సంబంధించిన గీతములను వినరాదు. కిరాతునియొక్క సంగీతమునకు ఆకర్షితమైన హరిణము ఆ వ్యాధునిచే బంధింపబడి కడకు అసువులనే కోల్పోవును. అందువలన యతి లేదా సాధకుడు దైవమునకు సంబంధించిన గీతములను సంభాషణలను వినవలెనేగాని, గ్యామ్య-శృంగార గీతములకు చెవియొగ్గినచో, అతడు భ్రష్టుడగును.


*8.18 (పదునెనిమిదవ శ్లోకము)*


*నృత్యవాదిత్రగీతాని జుషన్ గ్రామ్యాణి యోషితామ్|*


*ఆసాం క్రీడనకో వశ్య ఋష్యశృంగో మృగీసుతః॥12517॥*


యదుమహారాజా! హరిణియొక్క గర్భమునుండి జన్మించిన ఋష్యశృంగుడు (విభాండకుని సుతుడు) తరుణీమణులయొక్క విషయభోగములకు సంబంధించిన నృత్యములను జూచుచు, మృదంగాది వాద్యములతో గూడిన గీతములను వినుచు వారికి వశుడై, వారి చేతిలో ఆటబొమ్మ అయ్యెను. గ్రామ్య-శృంగార గీతముల దుష్ప్రభావము ఎంతవరకు దారితీయునో నీవు ఎరిగినదే గదా!


*8.19 (పందొమ్మిదవ శ్లోకము)*


*జిహ్వయాతిప్రమాథిన్యా జనో రసవిమోహితః|*


*మృత్యుమృచ్ఛత్యసద్బుద్ధిర్మీనస్తు బడిశైర్యథా॥12518॥*


గాలమునకు గ్రుచ్చబడిన ఎరకు ఆశపడిన చేప ఆ గాలమునకు చిక్కుకొని తుదకు ప్రాణములనే పోగొట్టుకొనును. అట్లే అంతులేని జిహ్వచాపల్యముగల మానవుడు రోగములపాలై మృత్యుముఖమున బడును. 


*8.20 (ఇరువదియవ శ్లోకము)*


*ఇంద్రియాణి జయంత్యాశు నిరాహారా మనీషిణః|*


*వర్జయిత్వా తు రసనం తన్నిరన్నస్య వర్ధతే॥12519॥*


*8.21 (ఇరువది ఒకటవ శ్లోకము)*


*తావజ్జితేంద్రియో న స్యాద్విజితాన్యేంద్రియః పుమాన్|*


*న జయేద్రసనం యావజ్జితం సర్వం జితే రసే॥12520॥*


వివేకముగలవారు ఆహారమును భుజించుటమాని, ఇతరేంద్రియములను వశపరచుకొనవచ్చును. కాని దానివలన రసనేంద్రియము వశము గాదు. సరిగదా! భోజనేచ్ఛ ఇంకను ప్రబలమగును. కనుక రసనేంద్రియమును జయింపనంతవరకును మానవుడు జితేంద్రియుడు కాజాలడు. రసనేంద్రియమును జయించినచో అన్ని ఇంద్రియములు అతనికి వశమైనట్లే.


*8.22 (ఇరువది రెండవ శ్లోకము)*


*పింగలా నామ వేశ్యాఽఽసీద్విదేహనగరే పురా|*


*తస్యా మే శిక్షితం కించిన్నిబోధ నృపనందన॥12521॥*


యదుమహారాజా! పూర్వకాలమున విదేహ నగరమునందు *పింగళ* యను వేశ్యగలదు. ఆమె నుండియు నేను కొంత నీతిని నేర్చుకొంటిని. ఆ విషయమును వినిపించెదను ఆలకింపుము.


*8.23 (ఇరువది మూడవ శ్లోకము)*


*సా స్వైరిణ్యేకదా కాంతం సంకేత ఉపనేష్యతీ|*


*అభూత్కాలే బహిర్ద్వారి బిభ్రతీ రూపముత్తమమ్॥12522॥*


ఆ స్వేచ్ఛాచారిణి ఒకనాటి రాత్రి ఒక కాముకుని తన శయన మందిరమునకు తీసికొనపోదలచినదై, చక్కని వస్త్రాభరణములను అలంకరించుకొని (బాగుగా ముస్తాబై) గృహముఖద్వారము కడ వేచియుండెను.


*8.24 (ఇరువది నాలుగవ శ్లోకము)*


*మార్గ ఆగచ్ఛతో వీక్ష్య పురుషాన్ పురుషర్షభ|*


*తాన్ శుల్కదాన్ విత్తవతః కాంతాన్ మేనేఽర్థకాముకా॥12523॥*


*8.25 (ఇరువది ఐదవ శ్లోకము)*


*ఆగతేష్వపయాతేషు సా సంకేతోపజీవినీ|*


*అప్యన్యో విత్తవాన్ కోఽపి మాముపైష్యతి భూరిదః॥12524॥*


యదుమహారాజా! పురుషశ్రేష్ఠా! ధనమునందు పేరాసతోనున్న ఆ పింగళ ఆ మార్గమున వచ్చిపోవుచున్న ప్రతిపురుషుని చూచుచు ఇట్లు తలపోయుచుండెను. 'ఇతడు ధనవంతుడు కావచ్చును. ఈ సుందరుడు సమృద్ధిగా శుల్కమును ఇచ్చి, నాతో రమించుటకే వచ్చుచుండవచ్చును'. పురుషులనుండి పుచ్చుకొనిన శుల్కముతోనే జీవించుచుండెడి ఆ సుందరి ఆ దారిలో వచ్చి పోవుచున్న పురుషులను అందరిని పరికించి పరికించి చూడసాగెను. ఆమె ప్రతి ఒక్కరిని జూచి ఇట్లు అనుకొన దొడంగెను. 'ఇతడు ధనికుడే కావచ్చును. నన్ను పొందుటకే వచ్చుచుండవచ్చును. ఇతడు సమృద్ధిగా శుల్కమును ఈయగలిగి యుండవచ్చును'. అని ఆమె అనుచుండగనే అందరును తమదారిన తాము వెళ్మిపోవుచుండిరి.


(శ్రీ వేదవ్యాసప్రణీత శ్రీమద్భాగవతమందలి ఏకాదశ స్కంధములోని ఎనిమిదవ అధ్యాయము ఇంకను కొనసాగును)


🙏🙏సర్వం శ్రీకృష్ణార్పణమస్తుi🙏🙏


*పసుమర్తి వేంకట దుర్గా సుబ్రహ్మణ్యం*

7702090319, 9505813235

శ్రీలలితా సహస్రనామ భాష్యము*

 *శ్రీమాత్రేనమః*


*శ్రీలలితా సహస్రనామ భాష్యము*


*418వ నామ మంత్రము* 26.9.2021


*ఓం జడశక్త్యై నమః* 


జడాత్మకమైన ప్రకృతిని సృష్టించడానికి ఏర్పడిన మాయాపరిమాణ శక్తిస్వరూపిణి యైన జగన్మాతకు నమస్కారము.


శ్రీలలితా సహస్ర నామావళి యందలి *జడశక్తిః* అను నాలుగక్షరముల (చతురక్షరీ) నామ మంత్రమును *ఓం జడశక్త్యై నమః* అని ఉచ్చరించుచూ, ఆ పరమేశ్వరిని ఉపాసించు సాధకులను ఆ పరమేశ్వరి సకలచరాచరాత్మకమైన జగత్తును తెలియువారిగను, సకలజగత్తుల సృజనకు కారణమైనది పరమేశ్వరియే అనియు, అట్టి పరమేశ్వరిని ఉపాసించి అనంతమైన బ్రహ్మజ్ఞానసంపదలను పొందగలమను జ్ఞానసమృద్ధిని అనుగ్రహించును.


జగత్స్వరూపమును సృష్టించుటకు ఏర్పడిన మాయాపరిణామ శక్తినే జడశక్తి యని అందురు. ఈ జడశక్తియే జగత్స్వరూపముగా పరిణమించినది. సకలభావములకును శక్తులు లుండును. ఆ శక్తులన్నియు జ్ఞానముతోనే తెలిసికోదగినవి. పరమాత్మయొక్క చిచ్ఛక్తియందు అన్ని శక్తులు ఉండునని భావము. సృష్ట్యాది శక్తులు కూడా బ్రహ్మకు శక్తులే. అగ్నికి వేడి ఏవిధముగా సహజముగా నున్నదో అలాగే బ్రహ్మకు కూడా సృష్టికార్యము నెరవేర్చుటకు ఈ శక్తులు సహజముగా ఏర్పడినవి. బ్రహ్మ కేవలం నిమిత్తమాత్రము మాత్రమే. ప్రధానకారణము కాడు. మాయలోని సృజనశక్తులే ప్రధానకారణములగుచున్నవి. సృష్ట్యాది శక్తులు వస్తుకారణములు. దీనినిబట్టి జడశక్తి వస్తుకారణమైనది.


బ్రహ్మపదార్థము సకలశక్తుల సమ్మేళనము. సృష్టివిషయములో పరమాత్మ నిమిత్తకారణము తప్ప అన్యవిషయములకు సంబంధములేదు. వస్తుస్వరూపము వస్తువుయొక్క శక్తియే.


సకల శక్తులు పరమేశ్వరివే. చైతన్యశక్తి పరమేశ్వరియే. అలాగే జడశక్తియునూ పరమేశ్వరియే. గనుకనే ఇంతకుముందు *చిచ్ఛక్తి* అనబడినదియు, ఇప్పుడు *జడశక్తి* అనుబడునదియు కూడా పరమేశ్వరియే. అందుకే ఈ నామ మంత్రముద్వారా అమ్మవారిని *జడశక్తి* యని అన్నాము.


పరమేశ్వరికి నమస్కరించునపుడు *ఓం జడశక్త్యై నమః* అని యనవలెను.

🌹🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.

🌹🌹🌹🌹🌹🌹🌹🌹🌹🌹🌹🌹

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹🌹


మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐

శ్రీలలితా సహస్రనామ భాష్యము*

 *శ్రీమాత్రేనమః*


*శ్రీలలితా సహస్రనామ భాష్యము*


*417వ నామ మంత్రము* 26.9.2021


*ఓం చేతనారూపాయై నమః*


శుద్ధ చైతన్య స్వరూపిణియైన జగన్మాతకు నమస్కారము.


శ్రీలలితా సహస్ర నామావళి యందలి *చేతానారూపా* యను ఐదక్షరముల (పంచాక్షరీ) నామ మంత్రమును *ఓం చేతనారూపాయై నమః* అని ఉచ్చరించుచూ, ఆ పరమేశ్వరిని అత్యంత భక్తిశ్రద్ధలతో ఆరాధించు సాధకులకు ఆ పరమేశ్వరి అనంతమైన బ్రహ్మజ్ఞాన సంపదలు సంప్రాప్తించుటకు కావలసిన సాధనాశక్తిని, ధ్యాననిమగ్నతను ప్రసాదించును.


చిచ్ఛక్తి అంటే చైతన్యశక్తి. అది నిర్మలమైన చైతన్యశక్తి. అట్టి చైతన్యశక్తిరూపంలో ఉండే పరమాత్మ దేహంలో ఉన్నప్పుడు ఆ దేహానికి చలనశక్తి ఏర్పడుతుంది. 'ఏ శక్తి మాకు ధర్మ బుద్ధిని ప్రేరణచేయునదియు, సర్వచైతన్య స్వరూపురాలును, జ్ఞానస్వరూపురాలు అని యనబడుతున్నదో అట్టి విద్యకు (పరమేశ్వరికి) నమస్కరింతును అను భావముతో దేవీభాగవతమునందు మొదటి శ్లోకం చెప్పబడినది. 'గాయత్రితో ప్రారంభింపబడినదియే భాగవతము' అని మత్స్యపురాణమునందు చెప్పబడినది. అనంతకోటి జీవరాశులలోను జీవాత్మరూపంలో ఉండే పరమాత్మయే చిత్ అనగా జ్ఞానము. అటువంటి పరమాత్మ దేహంలో ఉన్నప్పుడు ఆ దేహానికి చైతన్యము కలుగుతుంది. జ్ఞానేంద్రియాలు, కర్మేంద్రియములు, మనస్సు పనిచేస్తూ ఉంటాయి. ఈ చైతన్యమే చిచ్ఛక్తియొక్క పరమధర్మము. అందుకే చైతన్యశక్తిస్వరూపమైన పరమేశ్వరియే *చేతానారూపా* యని అనబడినది. ఈ చేతానాశక్తి సర్వావస్థలయందును (జాగ్రస్వప్నసుషుప్తులయందు) ఉంటూ శరీరమందున్న ఆత్మకు పూర్వజన్మకర్మవాసనలననుసరించి కర్మలనాచరింపజేస్తూ, కర్మఫలాలను అనుభవింపజేస్తూ ఉంటుంది. చైతన్యశక్తి రూపంలో దేహమందు ఉండే పరమేశ్వరియే *చేతనారూపా* యని అనబడినది.


పరమేశ్వరికి నమస్కరించునపుడు *ఓం చేతనారూపాయై నమః* అని యనవలెను.

🌹🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.

🌹🌹🌹🌹🌹🌹🌹🌹🌹🌹🌹🌹

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹🌹


మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐

సామర్థ్యం

 తుమ్మెద పెద్ద పెద్ద వృక్షాలకు రంధ్రాలు చేసి అందులో జీవనం కొనసాగిస్తుంది. చెక్కలకు, మొద్దులకు కూడా రంధ్రం చేసి తన పిల్లల్ని పెంచుతుంది. కానీ మకరందం కోసం తామర మీద వాలినప్పుడు ఆ తామర రెక్కలు ముడుచుకుంటాయి. అయ్యో నన్ను ఏదో బంధించేసింది అని చెప్పేసి ఆ తామర రెక్కల్లోనే ఇరుక్కుని చనిపోతుంది.


అయితే మహా మహా వృక్షాలకు రంధ్రం చేయగలిగిన దాని సామర్థ్యం ఆ తామర రేెకులను తొలచలేదా మరి. ఆ తామర రేకులకు రంధ్రాలు చెయ్యలేదా. గట్టిగా రెక్కలు ఆడించినా రాలిపోతాయి. కానీ 

అది దాని సామర్థ్యం మర్చిపోవడం, మకరందం గ్రోలే మత్తులోనో లేక నన్నేదో బంధించింది అన్న భావన దాని శక్తిని బలహీన పర్చిందనో. 


ఆ భావనను నమ్మడమే దాని బలహీనత. నేను రంధ్రం చేయలేనిదేదో నన్ను బంధించింది అని నమ్మింది. అంతే అది మరణాన్ని కొని తెచ్చుకుంది.


మన జీవితంలో సమస్యలూ అంతే, సమస్య బలమైంది కాదు. మన శక్తిని మనం మర్చిపోవడమే దాని బలం. మన శక్తికంటే దాన్ని బలంగా చూడడమే, గుర్తించడమే, నమ్మడమే దాని బలం.


"మాయ" అనేది నీ ఆత్మశక్తి కంటే బలమైంది కాదు. దాని బలం తామర రేకు అంత. నీ ఆత్మబలం వృక్షాలకు రంధ్రాలు చేయగలిగేదంత. తెలుసుకో అదే జీవిత సత్యం.


 - వల్లూరి సూర్యప్రకాష్

Bhagwan Shri Krishna

 Excellent information about Bhagwan Shri Krishna


1) Krishna was born *5252 years ago* 

2) Date of *Birth* : *18 th July,3228 B.C*

3) Month : *Shravan*

4) Day : *Ashtami*

5) Nakshatra : *Rohini*

6) Day : *Wednesday*

7) Time : *00:00 A.M.*

8) Shri Krishna *lived 125 years, 08 months & 07 days.*

9) Date of *Death* : *18th February 3102BC.*

10) When Krishna was *89 years old* ; the mega war *(Kurukshetra war)* took place. 

11) He died *36 years after the Kurukshetra* war.

12) Kurukshetra War was *started on Mrigashira Shukla Ekadashi, BC 3139. i.e "8th December 3139BC" and ended on "25th December, 3139BC".*  

12) There was a *Solar eclipse between "3p.m to 5p.m on 21st December, 3139BC" ; cause of Jayadrath's death.*

13) Bhishma died on *2nd February,(First Ekadasi of the Uttarayana), in 3138 B.C.*


14) Krishna is worshipped as:

(a)Krishna *Kanhaiyya* : *Mathura*

(b) *Jagannath*:- In *Odisha*

(c) *Vithoba*:- In *Maharashtra*

(d) *Srinath*: In *Rajasthan*

(e) *Dwarakadheesh*: In *Gujarat*

(f) *Ranchhod*: In *Gujarat*

(g) *Krishna* : *Udupi in Karnataka*

h) *Guruvayurappan in Kerala*


15) *Bilological Father*: *Vasudeva*

16) *Biological Mother*: *Devaki*

17) *Adopted Father*:- *Nanda*

18) *Adopted Mother*: *Yashoda*

19 *Elder Brother*: *Balaram*

20) *Sister*: *Subhadra*

21) *Birth Place*: *Mathura*

22) *Wives*: *Rukmini, Satyabhama, Jambavati, Kalindi, Mitravinda, Nagnajiti, Bhadra, Lakshmana*

23) Krishna is reported to have *Killed only 4 people* in his life time. 

(i) *Chanoora* ; the Wrestler

(ii) *Kansa* ; his maternal uncle

(iii) & (iv) *Shishupaala and Dantavakra* ; his cousins. 

24) Life was not fair to him at all. His *mother* was from *Ugra clan*, and *Father* from *Yadava clan,* inter-racial marriage. 

25) He was *born dark skinned.* He was not named at all throughout his life. The whole village of Gokul started calling him the black one ; *Kanha*. He was ridiculed and teased for being black, short and adopted too. His childhood was wrought with life threatening situations.

26) *'Drought' and "threat of wild wolves" made them shift from 'Gokul' to 'Vrindavan' at the age 9.*

27) He stayed in Vrindavan *till 10 years and 8 months*. He killed his own uncle at the age of 10 years and 8 months at Mathura.He then released his biological mother and father. 

28) He *never returned to Vrindavan ever again.*

29) He had to *migrate to Dwaraka from Mathura due to threat of a Sindhu King ; Kala Yaavana.*

30) He *defeated 'Jarasandha' with the help of 'Vainatheya' Tribes on Gomantaka hill (now Goa).*

31) He *rebuilt Dwaraka*. 

32) He then *left to Sandipani's Ashram in Ujjain* to start his schooling at age 16~18. 

33) He had to *fight the pirates from Afrika and rescue his teachers son ; Punardatta*; who *was kidnapped near Prabhasa* ; a sea port in Gujarat. 

34) After his education, he came to know about his cousins fate of Vanvas. He came to their rescue in ''Wax house'' and later his cousins got married to *Draupadi.* His role was immense in this saga. 

35) Then, he helped his cousins establish Indraprastha and their Kingdom.


36) He *saved Draupadi from embarrassment.*


37) He *stood by his cousins during their exile.*

38) He stood by them and *made them win the Kurushetra war.*


39) He *saw his cherished city, Dwaraka washed away.* 

40) He was *killed by a hunter (Jara by name)* in nearby forest. 

41) He never did any miracles. His life was not a successful one. There was not a single moment when he was at peace throughout his life. At every turn, he had challenges and even more bigger challenges. 

42) He *faced everything and everyone with a sense of responsibility and yet remained unattached.*


43) He is the *only person, who knew the past and future ; yet he lived at that present moment always.*


44) He and his life is truly *an example for every human being.*🌷🙏🏻


*Jai Shri Krishna*🙏

భగవంతుడు - దేవుడు

 ॐ భగవంతుడు - దేవుడు అంటే ఎవరు? 

 

భగవంతుడంటే మొదటి నిర్వచనం


 భగములు ఆరు. అవి 

1. ఐశ్వర్యము, 

2. వీర్యము, 

3. యశస్సు, 

4. సంపద, 

5. జ్ఞానము, 

6. వైరాగ్యము. 


"ఐశ్వర్యస్యసమగ్రస్య వీర్యస్య యశస శ్శ్రియః I 

 వైరాగ్యస్యాథమోక్షస్య షణ్ణాం భగ ఇతీ రణా ॥"


      ఈ ఆరు గుణాలు కలవాడు "భగవంతుడు". 


రెండవ నిర్వచనం


1. భూతముల పుట్టుకను, 

2. నాశమును, 

3. రాబోయెడి సంపత్తును, 

4. రాబోయెడి ఆపత్తును, 

5. అజ్ఞానమును, 

6. జ్ఞానమును ఎఱుంగువాడు.


"ఉత్పత్తిం ప్రళయం చైవ భూతానామాగతిం గతిం I 

  వేత్తి విద్యా మవిద్యాం చ సవాచ్యో భగవానితి॥" 


      ఈ ఆరూ ఎవ్వరెరుగురో, ఆయన "భగవంతుడు" అనబడతాడు. 



      ఇప్పుడు "దేవుడు" అనే దానికి నిర్వచనం చూద్దాం.


                      దేవుడు


"దేవుడు" అనే శబ్దం పది అర్థాల సమూహం గా నిర్వచింపబడింది.


1.శుధ్ధమగు జగత్తును క్రీడింప చేయువాడు.

అ)తన స్వరూపమందు తానే ఆనందంతో క్రీడించువాడు,లేక,

ఆ)పర సహాయంలేకుండా,సహజ స్వభావంతో క్రీడలాగా సమస్త జగత్తునూ చేసేవాడు,లేక,

ఇ)సమస్త క్రీడలకు ఆధారమైనవాడు.

"యో దీవ్యతి క్రీడతి స దేవః"


2.ధార్మికులు జయించాలి అనే కోరిక కలవాడు.

అందరిను జయించేవాడు,అనగా అతనిని ఎవరూ జయించలేరు.

"విజగీషతే స దేవః"


3.అన్ని ప్రయత్నములకు సాధనోప సాధనములను ఇచ్చువాడు

న్యాయాన్యాయ రూప వ్యవహారమూలను తెలియువాడు.

"వ్యవహారయతి స దేవః"


4.స్వయం ప్రకాశ స్వరూపుడు,

అన్నిటికి చరాచర జగత్తు అంతటికి ప్రకాశకుడు.

"యశ్చరాచరం జగద్ద్యోతయతి సదేవః"


5.ఎల్లర ప్రశంసకు యోగ్యుడు.

.నిందింప దగనివాడు.

"య స్త్యూయతే స దేవః"


6.తాను స్వయమానంద స్వరూపుడు.

ఇతరులకానందము కలుగజేయువాడు,దుఃఖము లేశమూ లేనివాడు.

"యో మోదయతి స దేవః"


7.మదోన్మత్తులను తాడించేవాడు.

సదాహర్షితుడు.శోకరహితుడు.ఇతరులను హర్షింపజేయువాడు,దుఃఖమునుండి దూరము చేసేవాడు.

"యో మాద్యతి స దేవః"


8.అందరి శయనార్థము రాత్రిని,ప్రలయాన్ని చేసేవాడు.

.ప్రలయసమయమున అవ్యక్తమందు సమస్తజీవులను నిద్రింపజేయువాడు.

"యః స్వాపయతి స దేవః"


9.కామించుటకు యోగ్యుడు.

సత్యకాముడు.శిష్టులకామమునకు లక్ష్యమగువాడు.

"యః కామయతే కామ్యతే వా స దేవః"


10.జ్ఞాన స్వరూపుడు.

అన్నిటియందు వ్వాప్తుడై, తెలియుటకు యోగ్యుడు.

"యో గఛ్ఛతి గమ్యతే వా స దేవః"



దేవః - అనే శబ్దం "దివు క్రీడా విజగీషా వ్యవహార ద్యుతి స్తుతి మోద మద స్వప్న కాంతి గతిషు" అనే ధాతువునుండి సిధ్ధమవుతోంది.దాని నుంచీ వచ్చినవే పైన పేర్కొన్న పది అర్థాలు.  


— రామాయణం శర్మ

        భద్రాచలం

మొగలిచెర్ల

 మొగలిచెర్ల అవధూత శ్రీ దత్తాత్రేయ స్వామివారి లీలలు..


*ఆర్థికభారం..అన్నదానం..*


"అప్పులన్నీ..ఒక్క నయాపైసా కూడా బాకీ లేకుండా..అణా పైసలతో సహా..తీర్చేసానండీ..ఇప్పుడు ప్రశాంతంగా వున్నాను..మూడు నెలల క్రితం వరకూ ఒక్క క్షణం కూడా మనసుకు శాంతి అనేదే లేకుండా నరకం అనుభవించాను." అన్నారు విశాఖపట్నం నుంచి వచ్చిన శ్రీ చింతా సుధాకర్ గారు..


శ్రీ సుధాకర్ గారు MBBS చదివి, హోమియోపతి లో MD పట్టా తీసుకున్నారు..విశాఖపట్నం లో డాక్టర్ గా పనిచేస్తున్నారు..కొన్ని సంవత్సరాల పాటు విదేశాలలో కూడా పని చేసి వచ్చారు..ఆ సమయం లో ఆర్ధికంగా స్థిరపడ్డారు కూడా..ఒక ఇల్లు కట్టుకున్నారు..భార్యా పిల్లలతో ఏ లోటు లేని జీవితం గడుపుతున్నారు..అనుకున్న విధంగానే జీవితం సాఫీగా జరిగిపోతూ వుంటే మనిషికి దైవం గుర్తుకు రాడు..శ్రీ సుధాకర్ గారు కూడా తన వద్ద ఉన్న డబ్బుతో ఏదైనా చేయాలని ఆలోచన చేసి..తనకు అవగాహన లేని కొన్ని వ్యవహారాలలో డబ్బు పెట్టుబడి పెట్టారు..అందులో భారీగా నష్టం వచ్చింది..తాను కూడబెట్టుకున్న డబ్బే కాక..అప్పుతెచ్చి మరీ పెట్టుబడిగా పెట్టింది కూడా పూర్తిగా నష్టపోయారు..కేవలం తన వృత్తి మీద వచ్చే సంపాదన తో తెచ్చిన అప్పులకు వడ్డీలు కట్టుకుంటూ కాలం వెళ్లదీయాల్సిన పరిస్థితి దాపురించింది..ఇల్లు అమ్మివేసి, అప్పుతీరుద్దామనుకున్నారు..కానీ సుధాకర్ గారి పరిస్థితి ఆసరాగా తీసుకుని..ఇంటిని అతి తక్కువ ధరకు కొంటామని కొందరు ప్రయత్నం చేశారు..ఆ ధరకు అమ్ముకోలేక..అప్పులవాళ్లకు సమాధానం చెప్పుకోలేక సుధాకర్ గారు సతమతం అవసాగారు..


"మీరు ఫేస్బుక్ లో పోస్ట్ చేస్తున్న స్వామివారి లీలలను ప్రతి నిత్యం చదువుకునే వాడిని..కానీ ఒకతట్టు ముప్పైలక్షల రూపాయల అప్పు నెత్తిన ఉన్నది..అప్పిచ్చిన వాళ్ళు ప్రతిరోజూ ఫోన్ చేసి తమ బాకీ తీర్చమని అడుగుతున్నారు..దిక్కుతోచని స్థితిలో ఈ స్వామివారి కి మనసులోనే మొక్కుకొని..మొగలిచెర్ల కు ప్రయాణమై వచ్చేసానండీ..ఆరోజు మీరు ఇక్కడ లేరు..నేను ఉదయాన్నే మందిరానికి వచ్చి..స్నానాదికాలు ముగించుకొని..శ్రీ స్వామివారి వద్ద పూజ చేయించుకున్నాను..పూజారి గారి అనుమతి తీసుకొని శ్రీ స్వామివారి సమాధి వద్దకు వెళ్లి..నా కష్టాలన్నీ చెప్పుకున్నాను..ఆరోజు మధ్యాహ్నం ఇక్కడే భోజనం చేశానండీ..అప్పుడే నిర్ణయం తీసుకున్నాను..తండ్రీ నా కున్న ఆర్ధిక బాధల నుంచి నన్ను విముక్తుడిని చేస్తే..నీ సన్నిధిలో అన్నదానం చేస్తానని..మనస్ఫూర్తిగా మొక్కున్నాను..ఎందుకనో శ్రీ స్వామివారు పరిష్కారం చూపుతారనే నమ్మకం కలిగిందండీ..నేను ఇక్కడినుంచి విశాఖపట్నం చేరిన మూడోరోజు..మా ఇల్లు కొనడానికి వచ్చారండీ..స్వామివారి లీల అప్పుడే కనబడింది..నేను ఊహించిన దానికన్నా ఎక్కువ ధరకు కొంటామని చెప్పారండీ..చెప్పడమే కాదు..అప్పుడే ఐదు లక్షలు అడ్వాన్స్ కూడా ఇచ్చారండీ..అంతా కలలో జరిగినట్లు జరిగిపోయింది..మరో నెలకల్లా మరో ఇరవై లక్షలు ఇచ్చారండీ..నా అప్పులన్నీ తీర్చేసానండీ..అందరికీ చెప్పుకున్నాను..ఆ మొగలిచెర్ల దత్తాత్రేయుడే నాకు అండగా నిలబడ్డాడని..ముందు స్వామివారి వద్ద మొక్కుకున్నాను కదండీ..అందుకని ఈరోజు అన్నదానం చేయడానికి వచ్చానండీ.." అని చెప్పుకొచ్చారు..


సుధాకర్ గారు శ్రీ స్వామివారి సమాధిని మనసారా దర్శించుకున్నారు..దగ్గరుండి మరీ అన్నదానం చేశారు..తనకు ఎప్పుడు బుద్ధి పుడితే అప్పుడు నేరుగా శ్రీ స్వామివారి వద్దకు వస్తానని పదే పదే చెప్పి వెళ్లారు..ఒక్కొక్కరి అనుభవం ఒక్కో విధంగా ఉంటుంది..భక్తుడికి, స్వామివారికి మధ్య అన్యులెవరూ వుండరు.. వారి వారి భక్తి విశ్వాసాలే వారికి ఫలితాలను కలుగ చేస్తాయి..


సర్వం..

శ్రీ దత్తకృప!.


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం..మొగలిచెర్ల గ్రామం..లింగసముద్రం మండలం.. ప్రకాశం జిల్లా..పిన్: 523 114..సెల్..94402 66380 & 99089 73699).