కరోనా-వినాయకచవిత్

కం.  
ఎక్కడ గణపతి మైకులు?
ఎక్కడ నిను గొలుచు బృందమెక్కడ భజనల్?
ఎక్కడ లడ్డూ వేలము?
ఎక్కడ గత ప్రాభవమ్ము మేదినియందున్?
★   ★

తే.గీ.
కొమ్ము దేవర కొలిచేము రమ్ము రమ్ము
వచ్చి వైరసును చిదిమ వాంఛితమ్ము
వక్రతుండుడ సేవింప సక్రమమ్ము
భయమునంతయు పోగొట్టు వందనమ్ము!
★   ★

తే.గీ.
వీధివీధిన అలరారు విగ్రహాలు
సందు సందున పూజించు సంఘములును
సొంపులీనగ నర్తించు బృందములును
కానరావేమి యీవేళ కలికి మాయ !
****************