సమస్యలకు పరిష్కారాలు

 మనలో చాలామంది సమస్యలకు పరిష్కారాలు లేని విధంగా అంతుచిక్కని ఆలోచనల్లో నలిగిపోతుంటారు. 

అలాంటివారికి ఒక ఉదాహరణ కథ...✍🏻

ఒక పాము చాలా హుషారుగా పాకుతూ, దొర్లుతూ అటువైపుగా వెళ్తోంది. దాని హుషారుతనాన్ని చూసిన ఒక కోతి దాన్ని పట్టుకుంది.. ఆ పాము కోతిని కాటు వేయబోయింది.. భయంతో కోతి ఆ పాము పడగను గట్టిగా పట్టుకుంది... గట్టిగా అరవసాగింది కోతి.. చుట్టుకున్న మిగతా కోతులన్నీ ఇలా అనుకున్నాయి.

ఇక ఈ కోతి బ్రతకడం కష్టం..కోతి పామును వొదిలితే కచ్చితంగా కాటు వేస్తుంది...మనం దగ్గరికెళితే మనం కూడా పాము కాటుకు బలి కావాల్సిందే...మనం దూరంగానే ఉండటం మంచిది అని వెళ్లిపోయాయి...

తనవాళ్ళంతా తనని రక్షిస్తారేమో అని ఎదురుచూసిన

కోతికి నిరాశే ఎదురయ్యింది, అలాగే భయంతో కూర్చుంది.అటువైపుగా ఒక ముని వెళుతూ కోతి స్థితిని

అర్థం చేసుకుని కోతితో ఇలా అన్నాడు..

'నీ చేతిలోని పాము నువ్వు భయంతో గట్టిగా పట్టుకున్నప్పుడే ఊపిరి ఆడక చచ్చింది, వదిలేస్తే నిన్ను కాటు వేస్తుందని భయపడి ఇబ్బంది పడుతున్నావు. దాన్ని వదిలేయి" అన్నారు ముని.

కోతి ఆ పామును వదిలి ఒక్క గెంతుతో చెట్టు ఎక్కేసింది...

ఇందులోని నీతి ఏంటంటే...🤔

మనకు కష్టం వచ్చినప్పుడు దాని గురించే ఆలోచిస్తూ భయపడుతూ ఉంటే ఆ కష్టం మనల్ని వదిలి పోదు... కష్టాన్ని దూరంగా విసిరి కొట్టే పరిష్కారం వెతకాలి.

అలాగే మనం ఇబ్బందిలో ఉంటే మన బంధువులు,ఎవ్వరూ మనల్ని రక్షించడానికి, కష్టం తీర్చడానికి ముందుకు రారు.

ఆ కష్టం తమను అంటుకుంటాయని దూరంగా వెళ్ళిపోతారు...

మనం కష్టం వచ్చినప్పుడు ఎవరిసహాయం కోసం చూడకూడదు...

కష్టాన్ని భూతద్దంలో చూడకూడదు...

కష్టాన్ని మంచి పరిష్కారంలో తరిమికొట్టాలి అప్పుడే మనం ప్రశాంతంగా ఉండగలం.