శివానందలహారీ

 🙏శివానందలహారీ 🙏     

గభీరే కాసారే విశతి విజనే ఘోరవిపినే

విశాలే శైలే చ భ్రమతి కుసుమార్థం జడమతి:

సమర్పైకం చేత స్సరసిజ ముమానాథ భవతే

సుఖే నావస్థాతుం జన ఇహ న జానాతి కిమహో  09

      

జడుడైన మనుజుండు సల్పంగ నీ పూజ

           నెంతయో శ్రమపడి  చింత జేయు

భీకారాఖాతాల భీమ కాసారాల 

          విజన ప్రదేశాల పెను వనాల       

నున్నతోన్నత శిఖ రోర్వీధరమ్ముల

           విరులకై శ్రమపడి వెదుకు చుండు

శివ !శివా ! యారీతి తిరుగుచుండును గాని

            తనలోని హృదయముం దలచ డెపుడు

మనసు పద్మంబుగా మార్చి మధుర ఫణితి

నర్పణము సేయు జ్ఞానంబు నరయలేక

ఘోర సంసార మొహాబ్ది నీరమందు

మగ్నుడౌచుండె నిరతంబు మాయ వలన    09 #

✍️ గోపాలుని మధుసూదన రావు