*ఇదే తెలు 'గత్తయ్యా!*
*అత్త*: ఇదిగో కోడలు పిల్లా!
ఓ సారిలా రా!
*కోడలు*: వస్తున్నా నత్తయ్యా!
*అత్త*: అత్తయ్యా అనలేవూ? నత్తయ్యా, గిత్తయ్యా
అనకపోతే ...
*కోడలు*: నేను నత్తయ్యా అన్నానా? మడిగట్టుకుని
ఉన్నారు, అబద్ధమాడ కత్తయ్యా! మైల పడిపోతారు.
*అత్త*:ఇప్పుడే మన్నావ్! కత్తయ్యా అనలేదటే! పరమ
సాత్వికురాలిని నన్నే కత్తయ్యా అంటావా!
*కోడలు*: అయ్యో! నా ఖర్మకొద్దీ దొరికా రత్తయ్యా మీరు!
*అత్తయ్య*: మళ్లీ ఇంకో కొత్త కూత! రత్తయ్యా అన్నావా లేదా?
*కోడలు* : అయ్యో! నా రాత! అది సంధి. మీరు తెలుగు
సరిగా చదువుకోలే దత్తయ్యా!
*అత్త* :మరో మాయదారి కూత. దత్తయ్యా అట! వాడెవడు? అయ్యో! అయ్యో! నేను నీలాగ చదువుకోలేదని
నన్ను నత్తయ్యా, కత్తయ్యా, రత్తయ్యా, దత్తయ్యా అంటూ వెధవ పేర్లతో పిలుస్తావటే! అబ్బాయిని, ఇంటికి రానీ! చెబుతా నీ సంగతి!!!
*కోడలు*: అలా ఉడికి పోయి ఆయాసం
తెచ్చుకోకండి. బీపీ పెరుగుతుంది. మీరనుకున్నవన్నీ 'ఉకారసంధి' వలన
ఏర్పడిన పదాలత్తయ్యా!
*అత్త* : ఓరి దేవుడో! నన్ను మళ్ళీ
లత్తయ్యంటోంది నాయనో!
🔹 *తెలుగు భాషా దినోత్సవం* సందర్భంగా (వాడుక భాషా ఉద్యమ పితామహుడు గిడుగు వెంకట రామమూర్తి జయంతి)
కామెంట్‌లు లేవు:
కామెంట్‌ను పోస్ట్ చేయండి