శ్రీలలితా సహస్రనామ భాష్యము

 *శ్రీమాత్రేనమః*

*శ్రీలలితా సహస్రనామ భాష్యము*

*404వ నామ మంత్రము* 2.9.2021

*ఓం భక్త హార్ద తమో భేద భానుమద్భాను సంతత్యై నమః*

సూర్యకిరణాలు చీకట్లను పారద్రోలునట్లు, భక్తుల హృదయాలలోని అజ్ఞానాంధకారాన్ని రూపుమాపు పరమేశ్వరికి నమస్కారము.

 శ్రీలలితా సహస్ర నామావళి యందలి *భక్త హార్ద తమో భేద భానుమద్భాను సంతతిః* అను పదహారక్షరముల (షోడశాక్షరీ) నామ మంత్రమును *భక్త హార్ద తమో భేద భానుమద్భాను సంతత్యై నమః* అని ఉచ్చరించుచూ, ఆ పరమేశ్వరిని అత్యంత భక్తిప్రపత్తులతో ఆరాధించు భక్తుల యొక్క అజ్ఞానంధకారాన్ని పోగొట్టి నిరతము ఆ పరమేశ్వరి పాదసేవనాచింతనమును ప్రసాదించి తరింపజేయును.

పరమేశ్వరి *ఉద్యద్భాను సహస్రాభ* అను నామాంకిత అయి ఉన్నది. అనగా ఉదయించుచున్న వేయి సూర్యుల కాంతులవలె ప్రకాశించునది. తన భక్తుల హృదయాలలోని తమో గుణము అను అజ్ఞానచీకట్లను పారద్రోలి జ్ఞానజ్యోతులను ప్రకాశింపజేయునది. ఆ జ్ఞానజ్యోతులు కూడా సూర్యకిరణములవలె ప్రకాశించునవి. 

ఆ తల్లి విద్య-అవిద్య అను రెండు స్వరూపములు గలిగినది. అవిద్య అనగా అజ్ఞానము. అట్టి అజ్ఞానము తన భక్తులలో పోగొట్టుటకే ఆ తల్లి అవిద్యా స్వరూపముకూడా తనదిగా ఉన్నది. గనుక తన భక్తుల హృదయాలలోని అజ్ఞానాంధకారాన్ని పోగొట్టి జ్ఞానజ్యోతులు సూర్యప్రభలవలె ప్రకాశింపజేస్తుంది గనుకనే అమ్మవారు *భక్త హార్ద తమో భేద భానుమద్భాను సంతతిః* అని యనబడినది. 

జగన్మాతకు నమస్కరించునపుడు *ఓం భక్త హార్ద తమో భేద భానుమద్భాను సంతత్యై నమః* అని యనవలెను

🌹🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమ ప్రదాతలు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు, కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను. ఇచ్చిన పేరాలు, శ్లోకాలు జగజ్జనని ప్రసాదపుష్పంగా భావిస్తున్నాను. ఇందులో వ్యాఖ్యాన పంక్తులు గాని, శ్లోకాలు మొదలైనవన్నియు అమ్మవారి నుండి లభించిన ప్రసాద పుష్పము యొక్క దళములుగా భావించుచున్నాను. అట్టి పుష్పమునుండి ఏమి తొలగించిననూ ఆయా దళములు త్రుంచిన దోషమవుతుంది. జగన్మాత భక్తులయిన వారు యథాతథముగా ఎంతమందికి ఈ పుష్పాన్ని పంపిననూ సంతోషమే.

🌹🌹🌹🌹🌹🌹🌹🌹🌹🌹🌹🌹

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹🌹

మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐