కృష్ణా! మేము

 కృష్ణా! మేము పాప పంకిలం అంటించుకున్న వాళ్ళం

నీవో...పాప హర్తవు

మేము కోరికల శలభాలం

నీవో కామదహనుడవు

మేము మాయకు బంధితులం

మాయ నీ ఆజ్ఞానువర్తి

మాకు అధికార దాహం

నీవో సర్వసహా చక్రవర్తి

మేము సంపదకు దాసులం

సిరుల తల్లే నీకు దాసోహం

మేము భవరోగాలకు బానిసలం

నీవో నమ్మిన భక్తుల దాసాను దాసుడవు

మేము కాంతా దాసులం

నీవో ముక్తి కాంత ప్రదాతవు

వెరసి తప్పులన్నీ మావి..

ఓ సమవర్తీ..కృష్ణా..పాహి పాహి..

_అంతరంగ తరంగం

_ఆదూరి వేంకటేశ్వర రావు🙏