గౌరీశంకర లను స్తుతిస్తూ సీస పద్యం
సీ. శ్రీపార్వతీవరా ! శ్రితజన మందార !
శ్రీకర ! సుందరా ! శ్రీగిరీశ !
రాజరాజేశ్వరీ ! రజతాద్రి వాసిని
పాలించు సతతంబు భవుని రాణి!
వేద మంత్రాకార ! విశ్వ సంరక్ష కా !
శివకామసుందరీ చిత్తచోర !
అగ్నిలింగాకార ! అరుణాచలేశ్వరా !
ఆర్త జనోద్ధార ! యహి విభూష !
తే. రమ్ము మముగావ పరమేశ ! రమ్యదేహ !
నిన్ను నమ్మితి నిరతమ్ము నీలకంఠ !
పార్వతీ నాథ ! శంకరా !పరమపురుష!
శశిధరా ! యీశ ! గౌరీశ ! శరణు శరణు !
జయలక్ష్మి
కామెంట్‌లు లేవు:
కామెంట్‌ను పోస్ట్ చేయండి