30, సెప్టెంబర్ 2020, బుధవారం

ఆదిపర్వము – 35

 

లక్క గృహం


కుంతీదేవి ధర్మజుని చూసి, “ధర్మజా,నీకు విదురుడు చెప్పిన మాటలు మాకు అర్థం కాలేదు. ఏమి చెప్పాడు” అని అడిగింది.

దానికి ధర్మజుడు నవ్వుతూ “అమ్మా, విశాగ్నుల వలన అప్రమత్తంగా ఉండండి అని చెప్పాడు. పైగా తాను దుర్యోధనుని వద్ద ఉండి, అతను మనకు ఏమన్నా అపకారం తలపెడితే, ఆ విషయం మనకు తెలియచేస్తాను” అని అన్నాడు. విదురునికి తమ మీద ఉన్న ప్రేమకు సంతోషిస్తూ వారు వారణావతానికి వెళ్లారు.

వారణావతంలో ఉన్న ప్రజలు పాండవులకు, కుంతికి ఘన స్వాగతం పలికారు. వారిని తమ నగరానికి సాదరంగా ఆహ్వానించారు. పురోచనుడు పాండవుల కోసం తానూ నిర్మించిన గృహములు చూపించాడు. పాండవులు ఎంతో సంతోషించి, శిల్పాచార్యుడైన పురోచానుని పూజించారు. పుణ్యాహవచన కార్యక్రమాలు నిర్వర్తించి నూతన గృహ ప్రవేశం చేసారు. ధర్మరాజు ఆ ఇల్లు అంతయు ఆణువణువూ పరీక్షించాడు. ఏదో కృత్రిమత్వం గోచరించింది.భీముని పిలిచి

“భీమా, ఈ ఇంటి గోడలు చూడు వింత వాసనవేస్తునాయి కదూ!” అన్నాడు.

“అవును అన్నయ్యా, లక్క,తైలము,నెయ్యి కలిసిన వాసన వస్తున్నాయి. పైగా మన ఇల్లు ఆయుధాగారం దగ్గరగా ఉండి. ప్రమాదం ఎప్పుడూ పొంచి ఉంటుంది” అన్నాడు.

అప్పుడు విదురుని మాటలు గుర్తుకువచ్చాయి ధర్మజునికి. విషాగ్నులు అంటే ఇవన్నమాట అనుకున్నాడు.

“అన్నయ్యా మన ఒక పని చేద్దాము. మనం ఇప్పటిదాకా ఉన్న పాత ఇంట్లోనే ఉందాము. ఈ ఇంటిని, ఇందులో ఉన్న పురోచనుడిని దహించి వేద్దాము” అన్నాడు భీముడు ఆవేశంగా.

భీమా తొందరపడకు, మనకు ఈ ఇంటి విషయం తెలిసి పోయింది అందుకని జాగ్రత్తగా ఉందాము. ఒక వేళ మనకు ఈ విషయం తెలిసినట్టు పురోచానునికి కానీ, దుర్యోధనునికి కానీ తెలిస్తే వేరే ఉపాయం పన్నుతారు. అది తెలుసుకోవడం మనకు కష్టం కావచ్చు. అందుకని, మనం ఏమీ తెలియనట్టే ఉందాము” అన్నాడు ధర్మజుడు. అప్పటి నుండి భీముడు చాల జాగ్రత్తగా ఉంటున్నాడు.

పురోచనుడు, పాండవులకు సేవ చెయ్యడానికి ఒక భోయ వనితను నియమించాడు. ఆమెకు ఐదుగురు కొడుకులు. అందరూ పాండవులు నివసిస్తున్న గృహంలోనే ఉన్నారు. పాండవుల కదలికలు రహస్యంగా ఎప్పటికప్పుడు పురోచనుడికి చేరవేస్తున్నారు.

హస్తినాపురంలో ఉన్న విదురుడికి సుయోధనుని కుతంత్రం తెలిసిపోయింది. వెంటనే ఒక ఖనకుడిని పాండవుల వద్దకు పంపించాడు. వాడు పాండవుల వద్దకు వచ్చి, విదురుడు చెప్పిన మాటలు చెప్పాడు.ధర్మరాజును చూసి “ధర్మనందనా, రాబోవు కృష్ణ చతుర్థశి నాడు పురోచనుడు ఈ లక్క ఇల్లు తగలపెట్టగలడు. అందుకని మీ భవనము నుండి ఒక సొరంగ మార్గము తవ్వమని నన్ను విదురుడు పంపాడు. మీ అనుజ్ఞ అయిన తవ్వగలను” అన్నాడు. ధర్మరాజు విదురుని దూర దృష్టికి అచ్చెరువొంది, ఖనకుడికి అనుమతి ఇచ్చాడు. ఖనకుడు పాండవుల ఇంటి నుడి వెలుపలికి ఒక బిల మార్గమును ఏర్పాటు చేసాడు. దానిని భీముడు పరీక్షించి తృప్తి చెందాడు.

కృష్ణ చరుర్థశి నాడు కుంతీదేవి వారణావతంలో ఉన్న బ్రాహ్మణులకు, ముత్తైదువలకు భోజనము పెట్టి, దక్షిణలు ఇచ్చింది. రాత్రి అయింది. వారికి సాయంగా ఉన్న బోయ వనిత తన కుమారులతో కూడా కల్లు సేవించింది. అందరూ మత్తుగా నిద్ర పోతున్నారు.

అంతా సద్దుమణిగిన తరువాత,భీముడు ముందుగా పురోచనుడు నిద్రిస్తున్న ఇంటికి నిప్పు పెట్టాడు. తల్లిని, తమ్ములను సొరంగ మార్గమున బయటకు పంపాడు. తరువాత తాము నివసిస్తున్న ఇంటికి నిప్పు పెట్టాడు. తరువాత ఆయుదాగారానికి కూడా నిప్పు పెట్టాడు. ఖనకుడికి తాము క్షేమంగా ఉన్నట్టు చెప్పి, సొరంగ మార్గము ద్వారా వెళ్లి తల్లిని, అన్నను, తమ్ములను కలుసుకున్నాడు. తరువాత అందరూ వడి వడిగా నడవసాగారు. కాని భీముని వేగాన్ని అందుకోలేకపోయారు. భీముడు తల్లిని తన వీపు మీద ఎక్కించుకున్నాడు. ధర్మరాజును, అర్జునుడిని చెరి ఒక భుజం మీద కూర్చొపెట్టుకున్నాడు. నకుల సహదేవులను చెరి ఒక చేత్తో ఎత్తుకున్నాడు. వడి వడిగా నడవసాగాడు.

మరునాడు తెల్లవారింది. లక్క ఇల్లు తగలబాడటం వారణావత ప్రజలు చూసారు. అందరూ వచ్చి ఆ బూడిద కుప్పలను తొలగించారు. అందులో భోయవనిత, ఆమె ఐదుగురు కొడుకుల శవాలు కనిపించాయి. ఆ ఆరుగురు, కుంతీదేవి, పంచ పాండవులు అనుకున్నారు. భోరున విలపించారు. ధృతరాష్ట్రుని కుయుక్తిని తిట్టిపోసారు.

ఖనకుడు కూడా జనంలో చేరిపోయాడు. బూడిద కుప్పలను తొలగిస్తున్నట్టు నటిస్తూ, ఆ బూడిదను తాను తవ్విన సొరంగంలో పోసి అది కనపడకుండా చేసాడు. వెంటనే హస్తినాపురానికి వెళ్లి విదురుడికి పాండవులు క్షేమంగా తప్పించుకున్నారు అని చెప్పాడు. వారణావతంలో ప్రజలు కూడా పాండవులు లక్క ఇంట్లో కాలిపోయిన విషయాన్ని ధృతరాష్ట్రునికి తెలియచేసారు.

భీష్ముడు, ద్రోణుడు, కృపుడు ఎంతో దుఃఖించారు. వారితోపాటు విదురుడు కూడా దుఃఖిస్తున్నట్టు నటించాడు. దుర్యోధనుడు పాండవుల మరణానికి ఎంతో సంతోషించాడు, కానీ ఆ మంటలలో పురోచనుడు చనిపోవడం బాధ అనిపించింది.

రామాయణమ్. 107

 

..

భరతా తండ్రి ఋణగ్రస్తుడైనప్పుడు ఆయన ఋణము తీర్చవలసిన బాధ్యత పుత్రులుగా మనపైన ఉన్నదికదా ! 

.

"పుత్" అనే నరకం నుండి తండ్రిని తప్పిస్తాడు కావున పుత్రుడు అని పిలుస్తారు.

.

మన తండ్రి నీ తల్లిని వివాహము చేసుకొనే సందర్భములో ఆవిడ కుమారునకు మాత్రమే రాజ్యమిస్తానని నీ తాతగారికి వాగ్దానము చేసియున్నాడు.

.

దేవాసుర సంగ్రామము జరిగే సమయములో నీతల్లి చేసిన సేవకు మెచ్చి వరము కూడా ఇచ్చి ఉన్నాడాయన.

.

దాని ప్రకారము నీకు రాజ్యము నాకు అరణ్యవాసము మన తండ్రిగారు నిర్ణయించినారు.

.

 తండ్రి వాక్కునందు స్థిరముగా నిలచి నేను అరణ్యవాసము సీతా లక్ష్మణ సమేతముగా చేయ నిశ్చయించుకొన్నాను.

.

నీవు కూడా పట్టాభిషిక్తుడవై తండ్రిగారి సత్యవాదిత్వమును నిలబెట్టుము. ఆయనను ఋణవిముక్తుని చేయుము.

.

భరతా నీవు నరులకు రాజువగుము ,నేను వనములోని మృగములకు రాజు నయ్యెదను .శీఘ్రమే తిరిగి వెళ్ళి పట్టాభిషిక్తుడవు కమ్ము!.

.

రాముడు భరతునితో ఇలా మాట్లాడుతుండగా

.

 బ్రాహ్మణోత్తముడైన జాబాలి మధ్యలో కల్పించుకొని.

.

రామా! చాలాబాగున్నదయ్యా నీవు చెప్పేది ! ఎంత నిష్ప్రయోజనమైన ఆలోచన నీది.

.

ఎవడైనా గానీ ప్రాణి ఒంటరిగానే పుడుతున్నాడు ఒంటరిగానే గిడుతున్నాడు !

 ఎవడు ఎవడికి బంధువు?

ఎవడినుంచి ఎవడు ఏమి పొందుతున్నాడు?

.

నా తల్లి ,నా తండ్రి అని అంటూ ఇంత ఉన్మత్తమైన ప్రేమ ఎందుకు? ఎవ్వడూ ఎవడికి ఏమీ కాడు!

.

ప్రయాణం చేసే టప్పుడు ఒక ఊరిలో రాత్రిపూట బస చేసినట్లు ఎక్కడ నుండి వచ్చాడో తెలియని మనిషికి తల్లి తండ్రి బంధువులు వీరుండే చోటుకూడా అలాంటిదే !

.

ఎందుకయ్యా హాయిగా రాజ్యాన్ని ఏలుతూ సుఖంగా ఉండకుండా తండ్రిమాట అంటూ అత్యంత కష్టమైన అరణ్యవాసాన్ని కౌగలించుకొంటావు! 

.

ఏడి ? దశరధుడు ఇప్పుడున్నాడా ! 

అతడిప్పుడు నీకేమీ కాడు,

 నీవతనికి ఏమీ కావు! 

.

అసలు తండ్రి ఎవరు?

 అతను బీజము మాత్రమే !.

తల్లి ఋతుమతి అయినప్పుడు శుక్లము,శోణితము కలువగా పురుషుడు జన్మిస్తున్నాడు .అంతే!

.

నిన్ను చూస్తే జాలికలుగుతున్నది ధర్మము ,ధర్మము అంటూ పట్టుకొని పాకులాడుతున్నావు!

.

చచ్చినవారికోసము ఏవేవో తద్దినాలు పెడుతున్నారు. ఎంత అన్నము వృధా అవుతున్నదో వాటివల్ల! 

నీవు ఇక్కడ పెట్టే అన్నము అక్కడ అది నీ తండ్రిని చేరుతున్నదా! 

.

దానాలివ్వమనీ,యజ్ఞాలు చెయ్యమనీ పనికిరాని మాటలు కొందరు మేధావులు చెపుతున్నారు.

.

రామా నాకు తెలిసి ఇక్కడ మనమున్న లోకమొక్కటే లోకము. పరలోకము లేదు పాడులేదు. 

దానిని నీవు లెక్కపెట్టవలసిన పనిలేదు.

ఆనందంగా రాజ్యమేలుకో ! ధర్మము అంటూ పట్టుకొని వేళ్ళాడకు.

.

జాబాలి మాటలు అధికమైన భక్తితో శ్రద్ధతో విని చలించని బుద్ధితో ఇలా అన్నాడు రాముడు.

.

నీవు నా సంతోషాన్ని కోరి ఇప్పటివరకు పలికిన పలుకులు పైకి బాగానే కనబడతాయి కాని అవి చేయకూడనివి ,హితముకానటువంటివి అయినవి.

.

కట్టుబాట్లు గాలికి వదిలివేసి మంచినడవడి ,మంచి చూపు లేని మానవుడు సమాజంలో గౌరవము పొందజాలడు.

.

మనిషి నడవడికను బట్టే వాడు కులీనుడోకాడో,వీరుడోకాడో,పరిశుద్ధుడో కాడో చెప్పవచ్చును.

.

నేను పైకి మంచివాడిలా కనపడుతూ లోపల దుష్టత్వము నింపుకొని యుండవలెనా? నిజాయతీ అవసరములేదా ?

.

లోపల ఎన్నో దౌర్భాగ్యపు ఆలోచనలు పెట్టుకొని బయటకు గొప్ప శీలవంతుడిలా కనపడమంటావా?

.

గోముఖవ్యాఘ్రమని,పయోముఖవిషకుంభమనీ ,

తేనెపూసినకత్తి అని లోకులు నన్ను ఆడిపోసుకోరా?

.

ప్రతిజ్ఞను మరచి ప్రవర్తిస్తే ఇంక నేను ఎవరికి మంచి మార్గము ఉపదేశించగలను? స్వర్గమునకు చేరుకోగలనా?

.

ధర్మ వర్తనము లేక రాజు స్వేచ్ఛావర్తనుడైతే ప్రజలు కూడా అదేవిధముగా ప్రవర్తించరా!

.

ఈ రాజ ధర్మము అతిపురాతనమైనది ! సత్యస్వరూపమైనది,

దీనిలో క్రూరత్వమునకు తావులేదు .

రాజుకు సత్యమే ప్రధానము.

జాబాలీ ! సత్యము మీదనే లోకము ప్రతిష్ఠితమై ఉన్నది

.

సత్యే లోకః ప్రతిష్ఠితః!

.

ఈ లోకములో సత్యమే ఈశ్వరుడు

లక్ష్మి సత్యమునే ఆశ్రయించి ఉంటుంది.

సత్యాన్నిమించిన ఉత్తమధర్మము లేదు.

.

సత్యమూలాని సర్వాణి సత్యాన్నాస్తి పరం పదమ్!

.

నేను సత్యప్రతిజ్ఞకలవాడను .తండ్రి ఎదుట సత్యముపై శపధము చేసిన నేను ఆయన ఆజ్ఞను పాలించకుండా ఉండలేను.

.

నా సత్యప్రతిజ్ఞను లోభమువలన కానీ,చిత్తభ్రమవలనకానీ ,తమోగుణమువలన కలిగిన అజ్ఞానము వలన కానీ భేదించను.

.

స్థిరచిత్తుడైన రాముడు ఇంకా ప్రసంగిస్తూనే ఉన్నాడు.

.

NB

.(మనలో కలిగిన భావమేదో దానికి అనుగుణముగా రాగముండవలే తదనుగుణముగా తాళముండవలె! 

భా.ర.త..వాడే ఈ సంస్కృతి ని కాపాడే భా.ర.తీ యుడు).

.

.ప్రస్తుత ప్రపంచంలో "జాబాలి" సంతతి ఎక్కువ అయినట్లుంది కదూ!


రామాయణమ్. 108/109

..

రాముడు గంభీరంగా చెపుతున్నాడు.గొంతులో ఒక స్థిరత్వం మాటలో పటుత్వం కలగలసి వస్తున్నాయి. ఆయన వాక్కులు దృఢంగా ఉన్నాయి..

.

నీచులు ,క్రూరులు,పాపాత్ములు,దురాశాపరులు,సేవించేటటువంటిది అధర్మముతో నిండినదీ అయిన క్షత్రియధర్మమును నేను పరిత్యజించెదను.

.

మనిషి చేసే పాపము, ముందు అతని మనసులో పుడుతుంది, ఆతరువాత శరీరము ఆ పాపకర్మ చేస్తుంది .

.

 నాలుక అబద్ధమాడుతుంది . ఈ విధముగా పాపము మూడు విధాలుగా ఉంటుంది. ..

ఒకటి .మానసికము,,

రెండు..శారీరికము.,, మూడు ..వాచికము.

.

జాబాలీ ! నీవు శ్రేష్ఠము అని నాకు చెప్పినదంతా కూడా చెడ్డదే!

.

నా తండ్రిగారి ఎదుట చేసిన ప్రతిజ్ఞ కాదని ఇప్పుడు భరతుడి మాటలను ఏల పాటించగలను?

.

నా తండ్రి ఎదుట చేసిన ప్రతిజ్ఞ స్థిరమైనది! అప్పుడు కైకేయీ దేవి కూడ సంతసించినది.

.

నేను పరిశుద్ధుడనై ,మితభోజనము చేయుచు ,పవిత్రములైన కందమూలఫలములతో ,పితృదేవతలను తృప్తి చెందించుతూ ,సంతుష్టి చెందిన పంచేద్రియములు కలవాడనై ,కపటము విడనాడి(Without Hypocrisy)

శ్రద్ధావంతుడనై కార్యాకార్యములు తెలుసుకుంటూ వనవాసజీవితము గడిపెదను.

.

దేవతలందరును ధర్మసమ్మతమైన శుభకార్యములు చేయుటవల్లనే ఆయా పదవులు పొందగలిగారు.

.

నాస్తికత్వముతో కూడిన జాబాలి మాటలను నిర్ద్వంద్వముగా ఖండించాడు రాముడు .

.

అసలు నీలాటి వారిని చేరదీసిన నా తండ్రిని నిందించవలె నిన్నుకాదు .

సత్యము ,ధర్మము,పరాక్రమము,భూతదయ,ప్రియవాక్కు,

దేవబ్రాహ్మణ ,అతిధులపూజ ..ఇవి స్వర్గానికి మార్గములని సత్పురుషులు చెపుతున్నారు.

.

రాముడి ఆగ్రహన్ని చూసిన జాబాలి ,రామా! నేను నాస్తికుడను కాను నిన్ను అయోధ్యకు మరల్చవలెననే ఉద్దేశ్యము తప్ప వేరే ఏదియును లేదు. 

.

రాముడికి కోపము వచ్చినదని గ్రహించిన వశిష్ఠులవారు ఆయనకు ఇక్ష్వాకుల చరిత్ర అంతా తెలిపి ,ఇక్ష్వాకులలో జ్యేష్ఠుడే రాజు ! అదే ధర్మము అని తెలిపి శాంతింపచేశారు.అతి ప్రాచీనమైన మీ కుల ధర్మాన్ని నీవు చెరచవద్దు అని హితబోధ చేశారు.

.

రామా నేను నీకు, నీ తండ్రికి ఆచార్యుడను ,నేను చెప్పిన విధముగా చేసినచో నీవు ధర్మమార్గమును అతిక్రమించినవాడివి కాజాలవు.

అక్టోబ‌రులో శ్రీ‌వారి ఆల‌యంలో విశేష ఉత్స‌వాలు*

 *


          *తిరుమ‌ల శ్రీ‌వారి ఆల‌యంలో అక్టోబ‌‌రులో జ‌రుగ‌నున్న విశేష ఉత్స‌వాల వివ‌రాలు ఇలా ఉన్నాయి.* 


- అక్టోబ‌రు 1, 31వ తేదీల్లో పౌర్ణ‌మి గ‌రుడ సేవ‌.


- అక్టోబ‌రు 15న శ్రీ‌వారి న‌వ‌రాత్రి బ్ర‌హ్మోత్స‌వాల‌కు అంకురార్ప‌ణ‌.


- అక్టోబ‌రు 16న శ్రీ‌వారి న‌వ‌రాత్రి బ్ర‌హ్మోత్స‌వాలు ప్రారంభం.


- అక్టోబ‌రు 20న గ‌రుడ‌సేవ‌.


- అక్టోబ‌రు 21న పుష్ప‌క విమానం.


- అక్టోబ‌రు 24న చక్ర‌స్నానం.


- అక్టోబ‌రు 25న పార్వేట ఉత్స‌వం.

*ధార్మికగీత - 35*

 🌲🌲🌲🌲🌲🌲🌲🌲🌲🌲🌲🌲

                          

                                    *****

       *శ్లో:- ప్రియ వాక్య ప్రదానేన ౹*

               *సర్వే తుష్యన్తి జంతవ:౹*

               *తస్మా త్తదేవ వక్తవ్యం ౹*

               *వచనే కా దరిద్రతా? ౹౹*

                        *****

*భా:- మనిషికి భగవంతుడు ప్రసాదించిన అపురూప వరం మాట. మంచి మనసుతో ఆప్యాయంగా, ప్రియంగా మాట్లాడిన మాటలే ఆప్తులకు, ఆత్మీయులకు వరాల మూటలై మరింత సన్నిహితం చేస్తాయి. నెయ్యానికి, వియ్యానికి, సిరులు పండడానికి కారకము లవుతాయి. ఆ మాటలు పరుల ఉల్లాలను పల్లవింపజేస్తాయి. హృదిని, మదిని పరవశింపజేస్తాయి. ఆ మాటే ఒకింత కటువైతే, కయ్యానికి కాలుదువ్వుతూ, అందరినీ దూరం చేస్తుంది కూడ. కాన ప్రేమగా, మృదువుగా మాట్లాడాలి. భగవద్దత్తమైన మాటలకు దరిద్రం లేదు గదా! "కాకి"కి "చీ" కొట్టడానికి, "కేకి"కి జై కొట్టడానికి గాత్రమే మూలము. "మధుర భాషణమున మర్యాద ప్రాప్తించు" అన్నాడు కరుణశ్రీ. "వాగ్భూషణం భూషణం"అన్నాడు భర్తృహరి. రామరావణులను, మెప్పించగలిగింది హనుమ వాగ్వైభవమే మన సంపూర్ణ వ్యక్తిత్వానికి కొలమానిని మన మాటే. శ్రీరాముని మిత, హిత, స్మిత, మృదు, పూర్వ భాషిత్వ పటిమ, గరిమ, మహిమ మన అందరికి అనుసరణీయము, ఆచరణీయము, ఆదర్శప్రాయము కాగలిగితే మన జన్మ ధన్యమే.నోరు మంచిదైతే ఊరు మంచిది అవుతుందని సారాంశము.*

                                   *****

                    *సమర్పణ : పీసపాటి*

🌲🌲🌲🌲🌲🌲🌲🌲🌲🌲🌲🌲

ప్రదక్షిణ చేసిన ఫలము,

 🌸 *సుభాషితమ్* 🌸


శ్లో|| భూ ప్రదక్షిణ షట్కేణ

కాశీయాత్రాయుతేనచ.,

సేతుస్నాన శతైర్యశ్చ

తత్ఫలం మాతృ వందనే.



తా|| ఆరుసార్లు భూమండలము ప్రదక్షిణ చేసిన ఫలము, పదివేలసార్లు కాశీయాత్ర చేసిన ఫలము, నూరుసార్లు సేతుస్నానము చేసిన ఫలము తల్లికి వందనము చేయుటవలన దొరుకును.

684. ఓంశ్రీరాజరాజేశ్వర్యై నమః!🙏

 684. ఓంశ్రీరాజరాజేశ్వర్యై నమః!🙏


శా. శ్రీవారాణసి విశ్వనాథు సతివౌ శ్రీమద్విశాలాక్షిగా


నీవారిన్ బతితోడఁ గాచెదవుగా నిష్ఠన్ సదా ప్రేమతో.


నీవే మాకిల దిక్కు. నమ్మితిమి నిన్నే మమ్ము గాపాడుమా.


జీవన్ముక్తికి మార్గమీవె జననీ! శ్రీరాజరాజేశ్వరీ! 1.


శా. జీవం బీవు, శివుండు బ్రహ్మ, కనఁగా జీవాత్మ బ్రహ్మైక్యమున్


నీవే తెల్పుము చెందు మార్గము, భవానీ! నీవె మార్గంబువై


సేవాతత్పరులైన భక్త తతికిన్ చేయూతనిమ్మా! శివా!


జీవన్ముక్తికి మార్గమీవె జననీ! శ్రీ రాజరాజేశ్వరీ! 2.


శా. భావంబందున బ్రహ్మ తత్వ మదియే వర్ధిల్లు నీ సత్కృపన్.


జీవుల్ బాధలనెల్ల వీడి మననౌన్ జిన్మార్గ సద్వర్తనన్,


దైవత్వంబు లభించు జీవికి సుబోధన్ తాన్ మనన్ గల్గుటన్,


జీవన్ముక్తికి మార్గమీవె జననీ! శ్రీరాజరాజేశ్వరీ! 3.


శా. దైవాధీన జగంబునన్ మెలఁగుటన్ తత్వంబపేక్ష్యంబె. స


ద్భావాధీనమె దైవమెన్న విలసద్భావంబు నీచేతనే


జీవుల్ పొందగ సాధ్యమౌనుగద తజ్జీవంబె నీవౌటచే.


జీవన్ముక్తికి మార్గమీవె జననీ! శ్రీరాజరాజేశ్వరీ! 4.


శా. సేవాధర్మ మెఱుంగఁ జేయు జననీ! సేవింప జీవంబులన్


నీవే సత్కృప తోడఁ గాచెదవుగా నీ భక్తులన్ నిత్యమున్,


భావంబందు వెలుంగుచుండుమిల సేవాభాగ్యమున్ గొల్పగా,


జీవన్ముక్తికి మార్గమీవె జననీ! శ్రీరాజరాజేశ్వరీ! 5.


మ. భవబంధంబు లగాధ మార్గము లగున్ భావింప జీవాళికిన్


జవసత్వంబులు వ్యర్థమౌను భువిపై సాధింపగా నేరమిన్


నవనీతాన్విత దైవమున్ నరుఁడు. జ్ఞానంబున్ సదా గొల్పుచున్


శివతత్వంబు నెఱుంగఁజేయు జననీ! శ్రీ రాజరాజేశ్వరీ! 6.


మ. శ్రవణానందము గల్గు నీ చరితమున్ శ్రద్ధన్ వినం గల్గినన్


కవితావేశము పొంగిపొర్లునుగదా కల్యాణి! నిన్ గాంచినన్.


శివదేహంబున నీవునున్ గలుగుటన్ జీవప్రభల్ వర్ధిలెన్.


శివ తత్వంబు నెఱుంగఁ జేయు జననీ! శ్రీ రాజరాజేశ్వరీ! 7.


మ. కవులం గల్గెడి కల్పనా గరిమ నీ కారుణ్యసౌభాగ్యమే.


శివ నామంబునఁ గల్గు వెల్గు లవియున్ చెల్వొందు నీచేతనే. 


భవబంధంబులు వీడఁ జేయునదియున్ ప్రఖ్యాతిగా! నీవెగా.


శివ తత్వంబు నెఱుంగఁ జేయు జననీ! శ్రీ రాజరాజేశ్వరీ! 8.


మ. భవితన్ గొల్పెడి తల్లి వీవె జగతిన్ భావించగా నాకు, నన్


నవమాసంబులు మోసి కంటి విచటన్ నా తల్లిగా వచ్చి నే


నవలోకించి నినున్ రచించెదను శ్రీనాథాదులన్ బోలుచున్.


శివ తత్వంబు నెఱుంగఁ జేయు జననీ! శ్రీ రాజరాజేశ్వరీ! 9.


మ. ప్రవరుల్ పండితు లీసభన్ గలరు. తత్ ప్రాశస్త్యమెన్నన్ సతీ!


శివదీక్షాపరుఁడైన పండరిదగున్. వర్ధిల్లగా జేయుమా


కవులన్ గౌరవమొప్ప జూచు నతనిన్ కల్యాణ సంధాయినీ!


శివ తత్వంబు నెఱుంగఁ జేయు జననీ! శ్రీ రాజరాజేశ్వరీ! 10.


అమ్మ పాదపద్మములకు భక్తిపూర్వక ప్రణామములతో

🙏🙏🙏

చింతా రామకృష్ణారావు.

ఓం *లాకిన్యంబా స్వరూపిణ్యై నమః.🙏*

 ఓం *లాకిన్యంబా స్వరూపిణ్యై నమః.🙏*

(శ్రీ లలితా సహస్రనామములలో 503వ నామము)


కం. నిరుపమమణిపూర వసిత


కరుణను కాపాడు నట్టి కల్పకమీవే.


ధరణిని లాకిన్యంబా

 

స్వరూపిణీ!ప్రణతులమ్మ, భక్తినొసఁగుమా.🙏


అమ్మ పాదములకు ప్రణమిల్లుచు🙏

చింతా రామకృష్ణారావు.

63వ పద్యం

 

శా.

స్తోత్రం బన్యుల జేయనొల్లని వ్రతస్థుల్వోలె వేసంబుతో

బుత్రీ పుత్ర కళత్ర రక్షణ కళాబుద్ధిన్ నృపాలాధమున్

బాత్రం బంచు భజింప బోదు రిదియున్ భావ్యంబె యవ్వారి చా

రిత్రం బంతయు మెచ్చనెంచ మదిలో శ్రీకాళహస్తీశ్వరా!

🕉 శ్రీమహావిష్ణు సహస్రనామ వైభవము-18 🕉

 *దశిక రాము**




❄ శ్లోకం 12 ❄


**వసు ర్వసుమనా స్సత్యః సమాత్మా సమ్మిత స్సమః|**


**అమోఘః పుణ్డరీకాక్షో వృషకర్మా వృషాకృతిః||**


105. వసుః --- సమస్త భూతములు తనయందు గలవాడు; తన భక్తుల హృదయములందు వసించువాడు; క్షీరసాగరమున వసించువాడు; భక్తులు కోరుకొను పరమార్ధము; అష్ట వసువులలో శ్రేష్టుడైన పావకుడు; అంతరిక్షమున వసించువాడు.

106. వసుమనాః --- శ్రేష్ఠమయిన, సకలైశ్వర్యవంతమయిన మనసు గలవాడు; ఏ విధమైన వికారములకును లోనుగాని పరమ శాంతిచిత్తుడు; తన భక్తులను గొప్ప నిధులుగా భావించువాడు.

107. సత్యః --- నిజమైనది, మూడు కాలములలోనుండునది, నాశనము లేనిది; ప్రాణము, పదార్ధము (అన్నము), సూర్యుడు అనే మూడింటిచే కూడిన రూపము గలవాడు; సత్ప్రవర్తనయందు ప్రీతిగలవాడు,

108. సమాత్మా --- సమమైన, భేదభావములేని, రాగద్వేష రహితమగు ఆత్మ;

109. సమ్మితః --- తన భక్తులచే ఇచ్ఛానుసారముగా నియంత్రింపబడువాడు (వారి అనుభవములకు గోచరించువాడు) ; ఋషులచే అంగీకరింపబడి, ఉపనిషత్తుల ద్వారా తెలుపబడినవాడు;

అసమ్మితః --- పరిచ్చేదింపబడజాలనివాడు; అంత్యము, హద్దు లేనివాడు

110. సమః --- అన్నింటియందును సమభావముగలవాడు; మార్పులేకుండ ఎల్లప్పుడు సమముగా (ఒకే తీరున) ఉండువాడు; (స మయా-) శ్రీలక్ష్మీ సమేతుడు.

111. అమోఘః --- తనను పూజించువారికి నిశ్చయముగ సత్ఫలితములనిచ్చువాడు (భగవంతుని ఆరాధన వ్యర్ధము కాదు).

112. పుణ్డరీకాక్షః --- తామరపూవు వంటి కన్నులు గలవాడు; అందరి హృదయ కమలమున వసించి సమస్తమును చూచువాడు; వైకుంఠవాసులకు కనుచూపువంటివాడు.

113. వృషకర్మా --- ధర్మమే తన నిజకర్మగా గలిగినవాడు.

114. వృషాకృతిః --- మూర్తీభవించిన ధర్మ స్వరూపుడు.

శ్లోకం 13 

రుద్రో బహుశిరా బభ్రుః విశ్వయోని శ్శుచిశ్రవాః|

అమృత శ్శాశ్వతః స్ధాణుః వరారోహో మహాతపాః||

115. రుద్రః --- కన్నులలో నీరు తెప్పించువాడు (1. ప్రళయకాలమున ప్రాణుల లయము చేయునపుడు 2. తనను స్మరించు భక్తులను ఆనందపరచుచు) ; భక్తులకు శుభములను కలిగించువాడు; దుఃఖమును, దారిద్ర్యమును నాశనము చేయువాడు.

116. బహుశిరాః --- అనేకములైన శిరములు గలవాడు; ఆదిశేషునిగా అవతరించినవాడు; అనంతుడు.

117. బభ్రుః --- ఆధారమైనవాడు, భరించువాడు (ఆదిశేషుడై, ఆది కూర్మమై, ఆదివరాహ మూర్తియై)

118. విశ్వయోనిః --- విశ్వమునకు కారణమైనవాడు; తనను ఆశ్రయించిన భక్తులను తనలో విలీనము చేసుకొనువాడు.

119. శుచిశ్రవాః --- శుభప్రథమైన, శ్రవణమాత్రముననే పవిత్రులను చేయగల దివ్యనామములు గలవాడు; ధర్మపూరితములు, సత్యములునగు వాక్కులు విని ఆనందించువాడు; దివ్య సుందరమగు చెవులు గలవాడు.

120. అమృతః --- భక్తులకు తనివి తీరని అమృతమూర్తి; అజరుడు, అమరుడు.

121. శాశ్వత స్థాణుః --- కాళముతో నిమిత్తము లేకుండ నిశ్చలముగా, నిత్యమై, సత్యమై, నిరంతరమైనవాడు; ఆదిమధ్యాంత రహిత పరబ్రహ్మము; స్థిరుడై భక్తులకు నిత్యభోగమైనవాడు.

122. వరారోహః --- అన్నింటికంటె శ్రేష్టమగు ఊర్ధ్వగతి, పొందదగిన అత్యున్నత పదము; ఏ స్థానము చేరినపిదమ మరల తిరిగి జన్మింపరో అట్టి పరమోత్కృష్ట స్థానము గలవాడు; అత్యుత్తమమగు వృద్ధి గలవాడు; ఆదిశేషునిపై పవళించువాడు.

123. మహాతపాః --- గొప్ప తపస్సు (జ్ఞానైశ్వర్య ప్రతాపములు) గలవాడు; మహత్తరమైన జ్ఞానము గలవాడు.

శ్లో. వసు ర్వసుమనాః స్సత్యః సమాత్మా సమ్మిత స్సమః


అమోఘః పుండరీకాక్షో వృషకర్మా వృషాకృతిః !!12!!


-------------------(నామాలు 104 ... 113)


24. వాసముండు జీవ రాశులన్నిటి యందు


విరస, రాగములకు విముఖు డతడు


సత్యమైనవాడు, సముడె, సమ్మితుడెగా


వందనాలు హరికి వంద వేలు !!


(అర్థాలు : వసుః ... సర్వ భూతములందునూ వసించువాడు, వసుమనాః ... రాగ ద్వేషములు లేని పరిశుద్ధాత్ముడు, సత్యః ... సత్యమైనవాడు, సమాత్మా ... సమతా భావము కలవాడు, సమ్మితః ... భక్త సులభుడు (ఆంగ్ల భాష్యం ప్రకారం అందరికీ ఆమోదయోగ్యమైన వాడు).


భావము : సకల జీవ రాశులలో నివసించేవాడు, (కొన్ని భాష్యాల ప్రకారం అష్టవసువులలో ఒకరైన అగ్ని అని ఉంది. ఆ ప్రకారంగా చూసినా అన్ని జీవులలోనూ అంతో ఇంతో వేడిమి ఉంటుంది కదా), రాగ ద్వేషాలకు అతీతమైనవాడు, సత్యమైనవాడు, సమతా భావం కలవాడు( సౌమ్యుడు, ఉదారుడు అనే నానార్థాలు కూడా ఉన్నవి కదా), భక్త సులభుడై అందరికీ ఆమోదయోగ్యమైనవాడు అయిన ఆ శ్రీహరికే శత సహస్ర వందనాలు.)


25. సముడు నతడె, జూడు సత్ఫలములొసగు


హృదయ పద్మ వాసి, యుదజ దళాక్షుడే


ధర్మ కర్త దానె, ధర్మమే యాకృతి


వందనాలు హరికి వంద వేలు !!


(అర్థాలు : సమాః ... సర్వ సమానుడు (లక్ష్మీ పతి కూడా కావచ్చును), అమోఘః ... సరియైన ఫలితములనిచ్చువాడు, (ఆంగ్ల భాష్యం ప్రకారం ఉపయోగకారి), పుండరీకాక్షః ... పుండరీకము (ఉదజము) అంటే పద్మము కనుక పద్మము (రేకల)వంటి కనులు గలవాడు అని ఒక పాఠం, కాగా భక్తుల హృదయ పద్మములో నివసించువాడు అని ఇంకొక భాష్యం, వృష కర్మః ... ధర్మ బద్ధమైన కర్మలు చేయువాడు, వృషాకృతిః ... ధర్మమే ఆకారమైనవాడు( రామో విగ్రహవాన్ ధర్మః అనడంలో భావం అదే కదా...).


భావము : సకల భూతముల పట్ల సమానంగా వ్యవహరించువాడు,( స మా ... అంటే లక్ష్మితో ఉండువాడు అనే భాష్యమూ ఉన్నది), సరియైన ఫలితములనిచ్చ


ువాడు, భక్తుల హృదయ పద్మము లందు నివసించువాడు, (లేదా పద్మముల వంటి కనులు కలవాడు అనే భావమూ ఉన్నది), ధర్మమైన కార్యక్రములనే నిర్వర్తించే, ధర్మమే ఆకారముగా గలవాడు అయిన ఆ శ్రీహరికే శత సహస్ర వందనాలు.


🙏ఓం నమో నారాయణాయ🙏


**ధర్మో రక్షతి రక్షితః**

29, సెప్టెంబర్ 2020, మంగళవారం

పాట