శ్రీశైలమునకేగి సేవలన్ గావించ
శంకరా ! నా కంత శక్తిలేదు
కాంచీపురికి నేగి కనుల నేకామ్రేశు
దర్శించి సేవించ తనువు వినదు
కాశికావిశ్వేశు కనులార గాంచంగ
కాంక్ష యున్నది కాని కదల లేను
శ్రీమహాకాళేశు చేరిసేవించగా
స్థిరభక్తి యుండినన్ చేవ లేదు
నాదు నణుమాత్ర శక్తిని నయముగాను
కాంచనాద్రిగా నీవు భావించి మదిని
వేగ రక్షించునన్ను నీ వీక్షణముల
ప్రణతి శ్రీకాళహస్తీశ్వరా ! మహేశ !
ధూర్జటి కాళహస్తి శతకము 66 వ పద్యానికి సరళానుసరణ 👆
✍️గోపాలుని మధుసూదన రావు 🙏
కామెంట్లు లేవు:
కామెంట్ను పోస్ట్ చేయండి