అంబా శాంభవి

 అంబా శాంభవి చంద్రమౌళీ రబలా 

అపర్ణా ఉమా పార్వతీ

కాళీ హైమవతీ శివా త్రినయనీ 

కాత్యాయనీ భైరవీ

సావిత్రీ నవయౌవనా శుభకరీ 

సామ్రాజ్య లక్ష్మీప్రదా

చిద్రూపీ పరదేవతా భగవతీ 

శ్రీ రాజరాజేశ్వరి

అంబా మోహిని దేవతా త్రిభువనీ 

ఆనంద సందాయినీ

వాణీ పల్లవపాణీ వేణు మురళీ

గాన ప్రియాలోలినీ

కళ్యాణీ ఉడు రాజబింబ వదనా 

ధూమ్రాక్ష సంహారిణి

చిద్రూపీ పరదేవతా భగవతీ 

శ్రీ రాజరాజేశ్వరి

అంబానూపుర రత్నకంకణ ధరీ 

కేయూర హారావళి

జాతీ చంపక వైజయంతి లహరీ 

గ్రైవేయ కైరాజితా

వీణా వేణు వినోద మండితకరా 

వీరాసనే సంస్థితా

చిద్రూపీ పరదేవతా భగవతీ 

శ్రీ రాజరాజేశ్వరి

అంబా రౌద్రిణి భద్రకాళి భగళా 

జ్వాలాముఖీ వైష్ణవీ

బ్రహ్మాణీ త్రిపురాంతకీ సురనుతా 

దేదీప్య మానోజ్వలా

చాముండాశ్రిత రక్షపోష జననీ 

దాక్షాయణి వల్లవీ

చిద్రూపీ పరదేవతా భగవతీ 

శ్రీ రాజరాజేశ్వరి

అంబా శూలధను: కుశాంకుశధరీ 

అర్ధేందు బింబాధరీ

వారాహీ మధుకైటభ ప్రశమనీ 

వాణీ రమా సేవితా

మల్లాద్యాసుర మూకదైత్య వదనీ 

మాహేశ్వరీ చాంబికా

చిద్రూపీ పరదేవతా భగవతీ 

శ్రీ రాజరాజేశ్వరి

అంబా సృష్టి వినాశ పాలనకరీ 

ఆర్యా విసంశోభీతా

గాయత్రీ ప్రణవాక్ష రామృతసరః 

పూర్ణాను సంధీకృతా

ఓంకారీ వినతా సుతార్చిత పదా 

ఉద్దండ దైత్యాపహా

చిద్రూపీ పరదేవతా భగవతీ 

శ్రీ రాజరాజేశ్వరి

అంబా శాశ్వత ఆగమాది వినుతా 

ఆర్యా మహాదేవతా

యా బ్రహ్మాది పిపీలికాంత జననీ 

యావై జగన్మోహినీ

యా పంచ ప్రణవాది రేఫ జననీ 

యా చిత్కళా మాలినీ

చిద్రూపీ పరదేవతా భగవతీ 

శ్రీ రాజరాజేశ్వరి

 

అంబా పాలిత భక్తి రాజ రనిశం 

అంబాష్టకం యః పఠే

అంబాలోల కటాక్షవీక్ష లలితా 

చైశ్వర్య మవ్యాహతా

అంబా పావన మంత్రరాజ పఠనా 

ద్దంతేచ మోక్ష ప్రదా

చిద్రూపీ పరదేవతా భగవతీ 

శ్రీ రాజరాజేశ్వరి

                - ఆది శంకరాచార్యులు