☘️విఘ్నేశ్వర స్తుతి🙏
సీ .పార్వతినందనా! పరమపురుషనిను
సేవింతు నిత్యము చింత తీర్చు
సకలభూ తాదులు సైతంబు నినుకొల్చు
శివదేవ సుతుడవు శిష్ట గాత్ర
లంబోదరా! వేగరావయ్య పుడమికి
దనుజసంహారక ధర్మ చరిత
విఘ్నవినాయక! వేదవే ద్యనిరతము
మముకావగా రావ మమతతోడ
తే ఘనముగనినుకొలిచెదము గౌరి తనయ!
సాధుజన పరిరక్షక సత్యపాల
సర్వదేవ గణార్చిత సాధుశీల
అగ్ర పూజలొ నర్తు గణాగ్రగణ్య!
సాహితీ శ్రీ జయలక్ష్మి
కామెంట్లు లేవు:
కామెంట్ను పోస్ట్ చేయండి