అంజనాగర్భసంజాత

అంజనాగర్భసంజాతరత్నమై
       అవనిపై నడుగుంచు ననఘుడతడు
వాయుదేవునిశక్తి వర్ధిల్లువజ్రమై
        భూమిపై వెలుగొందు పూజ్యుడతడు
భాస్కరు పాఠనాప్రతిభా పతాకమై
         క్ష్మాను రాజిల్లు సచ్ఛాత్రుడతడు
రామదూతగ ధర్మసామర్థ్యతేజమై
         లంకనేగాల్చుశౌర్యధనుడతడు

మంత్రిగా బంటుగా భక్తిమార్గదర్శ
కునిగ రామతారకమంత్రగోష్ఠిమసలు
ధన్యుగాబాధలన్బాపుమాన్యుడైన
హనుమకంజలిగావింతునాత్మశుద్ధి.

రాయప్రోలు సీతారామశర్మ భీమవరం