సీ. ప్రఖ్యాతమైనట్టి *రాజపీఠనివేశి త నిజాశ్రితా!* నిలు మనసునందు.
త్రికరణ శుద్ధిగా ప్రకటించఁ గల యట్టి భక్తిప్రపత్తులు ప్రబలనిచ్చి
యకళంకమైనట్టి యనుపమ భక్త సా మ్రాజ్యాధినేతగా మలచు నన్ను,
నీవెనేనయి గణనీయ సద్భక్తిని ప్రజలలో ప్రబలించి వరలనిమ్ము.
తే.గీ. వ్యర్థ భాషణలకు స్వస్తి పలుకఁజేసి
సార్థకత జన్మకబ్బగా సౌమ్యగతిని
బోధకల్పించి జనులలో శోధనమున
నిన్ను గనునట్లు చేయనీ మన్ననముగ.
🙏
అమ్మ పాదారవిందములకు ప్రణమిల్లుతూ🙏
చింతా రామకృష్ణారావు.
కామెంట్‌లు లేవు:
కామెంట్‌ను పోస్ట్ చేయండి