రామాయణమ్ 121
.
తెల్లవారగానే సుతీక్ష్ణ మహాముని వద్ద సెలవు తీసుకొని దండకారణ్యములో నివసించే మునుల ఆశ్రమాలను చూడటానికి బయలు దేరాడు రాముడు.
.
అంతకుముందే వారందరికీ ,మిమ్ములను రక్కసుల బారి నుండి కాపాడతానని , అభయమిచ్చివున్నాడు రాఘవుడు,
'
ముగ్గురూ ఎప్పటిలాగే నడవ సాగారు.
.
అప్పటిదాకా మౌనంగా ఉన్న సీతమ్మ, రామా నేనొక మాట చెపుతాను విను అన్నది.
.
.మనిషికి కామము వలన మూడు రకాలైన వ్యసనాలు జనిస్తాయి .వాటిలో మొదటిది అబద్ధమాడటం!
సత్యసంధుడవైన నీవు కలలో కూడా అసత్యమాడవు .
ఆ విషయములో సందేహములేదు.
.
ఇక రెండవది ,
.
పరుల భార్యలను కామించుట!
,ఎకపత్నీవ్రతుడవైన నీవు అలాంటి పాపపు పని ఎప్పుడూ చేయవు .అలాంటి కోరిక నీకు ఇప్పుడు లేదు ఇక ముందు కూడా కలుగదు అది సత్యము.
.
ఇక మూడవది !
.
అకారణముగా వైరము పూని క్రూరముగా ప్రవర్తించటం ,
నీకు రాక్షసులు ఏ అపకారం చేసారని వారితో వైరం పెట్టుకోవాలనుకుంటున్నావు ?.
.
నీకు ఏ అపకారం చేయనివారిని సంహరిస్తానని మునులకు ఎందుకు మాట ఇచ్చావు ,!
.
తాపస వృత్తినవలంబించి పదునాలుగేండ్లు అరణ్యములో గడపటానికొచ్చాము. ఆ పని పూర్తి చేసుకొని తిరిగి వెళ్దాము ,అయోధ్యకు వెళ్ళిన తరువాత మరల క్షత్రియ ధర్మము పాటించవచ్చు అడవిలో వద్దు.
.
నీ చేతిలో ఉన్న ధనుర్బాణాలు నీలో క్రౌర్య ప్రవృత్తిని పెంచరాదు.
.
నీ సహధర్మచారిణిగా ధర్మము అని నాకు తెలిసినది నీకు చెప్పటం నా బాధ్యత ,ధర్మమూర్తివి! నీకు తెలియని ధర్మమేమున్నది.
.
అని హితవు పలికింది సీతమ్మ.
.
NB
.
భర్తకు ఏ సమయములో ఏ హితవు చెప్పాలో తెలిసిన తల్లి సీతమ్మ.
మౌనంగా ఏమీ కూర్చుని ఆయనతో నడవలేదు.
అరణ్యములో రాక్షససంహారము చేస్తాను అని మాట ఇచ్చాడాయన! దాని ఫలితమే రాబోయే రోజులలో వారిరువురూ ఎదుర్కొన్న కష్టాలు.
.
ముందే ఊహించి ఆవిడ హితవు పలికింది .
.
జానకిరామారావు వూటుకూరు
కామెంట్‌లు లేవు:
కామెంట్‌ను పోస్ట్ చేయండి