రేడియో. సమాచార సాధనం

రేడియో మాత్రమే సమాచార సాధనంగా ఉన్న అద్భుతమైన రోజులు అవి. ప్రజలకు వార్తలు ఎప్పటికప్పుడు తెలియచేస్తూ ప్రజల అభిమానం చూరగొన్నవారు నాటి వార్తలు చదివేవారు. రేడియో మనుషులుగా ఎంతగానో ప్రాచుర్యం పొందినవారిలో వార్తలు చదివేవారిది ప్రధమ స్తానం.
🔹▪️🔸▪️🔹
ప్రాంతీయ కేంద్రాలైన విజయవాడ, హైదరాబాదు నుండి వచ్చే ప్రాంతీయ వార్తలే కాక దేశ రాజధాని అయిన ఢిల్లీ నుండి వచ్చే జాతీయ వార్తలతో ప్రజలకు కావల్సిన విశేషాలను తెలియ జేసేవారు. 
🌴▪️🎄▪️🌳
ఢిల్లీ నుంచి తెలుగు వార్తలు చదివే వారిది, ఒక్కొక్కరిదీ ఒక్కొక్క బాణీ. ఎవరి శైలి వారిదే. దుగ్గిరాల పూర్ణయ్య, కందుకూరి సూర్యనారాయణ, అద్దంకి మన్నార్, ఏడిద గోపాలరావు, జోలిపాళ్యం మంగమ్మ, మామిళ్ళపల్లి రాజ్యలక్ష్మి , తిరుమలశెట్టి శ్రీరాములు ఇలా ఎందరో మహానుభావులు. ఎవరికి ఎవరు తీసిపోరు. వార్తలు మధ్యనుంచి విన్నా, ఎవరు వార్తలు చదువుతున్నది చెప్పగలిగేలా తమదయిన తరహాలో వార్తలు చదివేవాళ్ళు. ఆ వార్తలు చదివిన వారి గురించి సేకరించిన కొద్ది సమాచారం, ఫొటోలు మీతో పంచుకుంటాను .
🔹🟣🔸🟡🔹
1. శ్రీ అద్దంకి మన్నార్:
పుట్టింది:1943. విజయవాడలో వీరు అనౌన్సరుగా చేరినది 1959 లో . 1977-79 మధ్య కాలంలో రెండు సంవత్సరాలు మాస్కోలో కూడా తెలుగు వార్తలు చదివారు.
🔴🔹🟡🔸🟢
2. శ్రీ కోత్తపల్లి సుబ్రహ్మణ్యం :
వీరు రేడియో లో చేరింది 1954 ఫిబ్రవరి 24. 1956 నుండి 13 సంవత్షరాలు ఢిల్లీలో వార్తలు చదివేవారు. 1966 లో హైదరాబాదుకు బదిలీ అయినారు......
🌹▪️🌹▪️🌹
3. పన్యాల రంగనాధరావు:
రేడియోలో చేరింది 1943 నవంబర్ లో .వీరు కూడా ఢిల్లీలో తెలుగు వార్తలు చదువుతూ, 1962 లో హైద్రాబాద్ ఏ.ఎస్.ఇ.గా బదిలీ అయి వచ్చారు. 1987లో వీరు స్వర్గవాసులైనారు.
🎄🔸🎄🔹🎄
4. శ్రీ దుగ్గిరాల పూర్ణయ్య:
పుట్టినది 1936లో ఏప్రిల్ లో . 1964లో వార్తలు చదివేవారుగా ఢిల్లీ లో చేరారు. 1994 ఏప్రిల్ లో పదవీ విరమణ చేశారు.
🌳🔹🌳▪️🌳
5. శ్రీ కందుకూరి సూర్యనారాయణ :
జననం: 29 జులై 1936. 1962 లో డిల్లీ వార్తా విభాగంలో చేరారు. వీరు కూడా మాస్కోలో చేసారు. ఈయన ప్రముఖ కవి కందుకూరి రామభద్రరావు గారి కుమారుడు.
🌴🔸🌴🔹🌴
6. శ్రీ డి.వెంకట్రామయ్య:
హైదరాబాద్ ప్రాంతీయ విభాగంలో ప్రముఖ న్యూస్ రీడర్. 1963 నవంబర్ లో మొదట అనౌన్సర్. ఈయన ప్రముఖ కధకులు, నాటకరచయిత. 2010 రావిశాస్త్రి పురస్కార గ్రహీత. పంతులమ్మ సినిమా మాటల రచయిత. వార్తా పఠనానికి పేరుపొందారు.
🎄▪️🌴▪️🌳
7. శ్రీ ఏడిద గోపాలరావు
1966 నుండి 1996 వరకు డిల్లీలో వార్తలు చదివారు. మాస్కోలో 4 సంవత్షరాలు తెలుగు వార్తలు చదివారు. మంచి నటులు. గాంధీ వేషానికి పెట్టింది పేరు.
🔸▪️🔹▪️🔸
8. మామిళ్ళపల్లి రాజ్యలక్ష్మి:
ఢిల్లీ న్యూస్ రీడర్ గా పనిచేసి రిటైరు అయ్యారు. అటుపిమ్మట మద్రాసులో స్థిరపడ్డారు. .
🍀▪️☘️▪️🌿▪️
9. జోలి పాళ్యం మంగమ్మ:
డిల్లీలో తొలి మహిళా న్యూస్ రీడర్ గా ప్రసిద్దులు. రిటైరు అయ్యారు .
🟡☘️🟣🍀🟢🌳
10. కీర్తిశేషులు తిరుమలశెట్టి శ్రీరాములు :
రేడియోలో వినబడే ఆ స్వరం తప్ప శ్రీరాములు గారు యెలా వుంటారో తెలియని వాళ్ళే యెక్కువ .ఆయితే ఆయన పేరు తెలియని తెలుగు వాళ్లు అంటూ ఎవ్వరు వుండరు.
🔸▪️🔹▪️🔸
చాలా మందికి, మా తరం వారికి, వీరి గురించి తెలుసు. కొంత మంది వీరి వార్తలు రికార్డుకూడా చేసి దాచుకున్నారని వినికిడి.. ఇప్పటికీ, రేడియో కేంద్రాలలో భద్ర పరచే ఉండి ఉంటాయి.. ఈ తరం వారికి వీరిని పరిచయం చేయాలనిపించింది...

😎...............🙏🏼
🌹🟢🍀🟡☘️🟣