🌄🕉️🌄🕉️🌄🕉️🌄🕉️🌄
***ఉపాధ్యాయులం-మేం ఉపాధ్యాయులం
రచన:-
*******
భోగయగారి. చన్ద్రశేఖర శర్మ.✍️
కుషాయిగూడ,హైదరాబాద్
చరవాణి సంఖ్య-944౦౦44142.
~~~~~~~~~~~~~~~~~~~
పల్లవి:-
*******
ఉపాధ్యాయులం మేం ఉపాధ్యాయులం
విద్యార్థి లోకానికి శ్రేయోభిలాషులం
||ఉపాధ్యాయులం||
చరణం---1.
***********
పొద్దు పొద్దునే మేము నిద్దురను లేస్తాము
బడికి వేళైందని వడి అడుగులు వేస్తాము
ప్రార్థనకు అందాలని పరుగులనే తీస్తాము
ప్రార్థనకందకపోతే పశ్చాత్తపిస్తాము.
||ఉపాధ్యాయులం||
చరణం---2.
************
పఠన పాఠనాలను ప్రతినిత్యం చేస్తాము
ప్రపంచాన్ని పదిలంగా గదిలోకి తెస్తాము
ఆర్జించిన జ్ఞాన నిధిని మొత్తం పంచిస్తాము
మా శిష్యులు మాకంటే ఎదగాలని చూస్తాము.
||ఉపాధ్యాయులం||
చరణం---3.
***********
గోరంత పిల్లలను కొండంతగ చేస్తాము
పిసరంత పదోన్నతే ప్రసాదంగ భావిస్తాం
ఉన్నంత జీతంతో సంతృప్తిగ బతికేస్తాం
ముత్యమంత మెచ్చుకుంటె మురిసి పులకరిస్తాము.
||ఉపాధ్యాయులం||
చరణం---3.
************
ఆలనతో పాలనతో స్వగృహాన్ని మరిపిస్తాం
ఆటలతో పాటలతో మనసులను మురిపిస్తాం
ప్రతిభ చూపు పిల్లలపై ప్రశంసలను కురిపిస్తాం
ఆడిస్తాం పాడిస్తాం అందలమే ఎక్కిస్తాం.
||ఉపాధ్యాయులం||
౿౿౿౿౿౿౿౿౿౿౿౿౿౿౿౿౿
కామెంట్‌లు లేవు:
కామెంట్‌ను పోస్ట్ చేయండి