గటక,రొట్టె తిన్నోల్లం
గట్టిగ ఉన్నోళ్ళం...
*మేం విశ్వకర్మలం*
రెక్కల కష్టం నమ్మి
చేతి ,మేధ కళ ను నమ్మి
బతుకు బండి నడిపి నోళ్ళం...
*మేం విశ్వకర్మలం*
దేవునికే రూపమిచ్చి
నీడనిచ్చి తరాలకు బాట సూపినోళ్ళం...
*మేం విశ్వకర్మలం*
చెమట సుక్కల కరిగించి మానవాళికి బతుకు బాట వేసినోళ్ళం...
*మేం విశ్వకర్మలం*
ఉడుకునెత్తురు కరిగించి మానవాళిని బతికించినోళ్ళం...
*మేం విశ్వకర్మలం*
దేశభక్తిని గుండెలనిండా నింపుకున్నోళ్ళం...
*మేం విశ్వకర్మలం*
పస్తులుండి ప్రపంచాన్ని సంస్కృతి వైపు పరిగెత్తించినోళ్ళం...
*మేం విశ్వకర్మలం*
పడుతున్న ప్రపంచాన్ని ప్రతీసారి లేచి నిలబెట్టినోళ్ళం...
*మేం విశ్వకర్మలం*
పల్లెల పునాదిరాల్ల చరిత్రనుండి
చంద్రుని పాదాల్ని తాకెదాక దిక్సూచిగ ఉన్నోళ్ళం ...
*మేం విశ్వకర్మలం*
కోకిల రాగాల నుండి బతుకు పూలు పూయించినోళ్ళం...
*మేం విశ్వకర్మలం*
విశ్వం దు:ఖ్ఖం చెరిపేయుటకై జలధారల్ని నేలపై కురిపించి తిండిగింజల్ని మొలకెత్తిచినోళ్ళం...
*మేం విశ్వకర్మలం*
మాటల ఊటలకు శబ్ధాల్ని అతికించి గొంతుసంచుల్లోంచి శంఖాల్ని పూరించినోళ్ళం...
*మేం విశ్వకర్మలం*
జీవి పుట్టి గిట్టె దాక అడుగడుగున అంటిపెట్టుకున్నోళ్ళం...
*మేం విశ్వకర్మలం*
ఆది నుండి అంతమొరకు రక్షకులుగ ఉన్నోళ్ళం...
*మేమే విశ్వకర్మలం*
*జై విశ్వకర్మ ...
జైజై విశ్వకర్మ...
🙏🙏🙏
కామెంట్‌లు లేవు:
కామెంట్‌ను పోస్ట్ చేయండి