మనో గమనము

*🌛మనో గమనము🌝*

🕉🌞🌏🌙🌟🚩

                   *వ్యవహారికం లో సర్వమూ మనస్సే. మనసు అనేది తడిసిన వస్త్రం లాంటిది. దానికి ఎరుపురంగు అద్దితే ఎరుపుగాను, నీలం రంగు అద్దితే నీలం గాను మారుతుంది. ఏ రంగు అద్దితే ఆ రంగు సంతరించు కుంటుంది.  జ్ఞానము, అజ్ఞానము మనస్సు లోనిదే.*  

            

          *ఫలానా వ్యక్తి మంచివాడు కాదు  అన్నావంటే అతని మనసుకు నీచత్వం అనే రంగు వేయబడినది అని  అర్థము.*  

*ఫలానా వ్యక్తి మంచివాడు అని అన్నాము అంటే అతని మనస్సు కు మంచితనం అనే రంగు వేయబడింది అని అర్థము.*

 *అందుకే మంచి మనసు ఉన్న మనుషులతో సత్సంగం చేస్తే మంచి మనుషులు గా మారుతారు. అందుకే అంటారు పెద్దలు ఈ విధంగా.....*

        

             *సత్సంగత్వే నిస్సంగత్వం!*  

          

           *నిస్సంగత్వే నిర్మోహత్వం!*

     

              *నిర్మోహత్వే నిశ్చలతత్వం!*

           

           *నిశ్చలతత్త్వే జీవన్ముక్తిః!!*

 

         *మనస్సు పాల వంటిది ఈ మనసును సంసారమనే నీటిలో లో కలిపితే పాలు నీరు కలిసిపోతాయి.     అంటే మనసు సంసారం తో ఐక్యమైపోతుంది.  ప్రపంచమనడి  సంసారంలో లీనమై పోతుంది.*

*అందుచేత పాలను ఒక పక్కన ఉంచి పెరుగు తోడుకున్నాక చిలికి వెన్న తీయాలి. ఏకాంతవాసం లో సాధనలు చేసి  మనసు అనే పాల నుంచి జ్ఞానం ,   భక్తి అనే వెన్నను  తీసినప్పుడు  ఆ వెన్నను సంసారమనే నీటిలో ఉంచిన ఎప్పటికీ కలిసి పోదు. సంసార జలధిపై నిర్లిప్తంగా తేలుతుంది.*

 *జీవన్ముక్తులు ఇదేవిధంగా ప్రపంచములో ఉన్నా "తామరాకు మీద నీటి బిందువు" లాగ వారికి ఏమీ అంటకుండా  బ్రహ్మములో రమిస్తూ ఉంటారు.*

 

          *అందుచేత మనస్సును గమనిస్తూ మనో లయము చేసి  ఋషులు చెప్పిన మార్గంలో పయనించి బ్రహ్మమును పొందుదాము.*

🕉🌞🌏🌙🌟🚩